News

ວຽງຈັນ (ວຽງຈັນທາມສ໌/ANN) – ປີເກົ່າກຳລັງຈະຜ່ານພົ້ນໄປ ແລະ ປີໃໝ່ກຳລັງຈະກ້າວເຂົ້າມາສຳລັບຄົນລາວ ເຊິ່ງກຳລັງກະກຽມສະເຫຼີມສະຫຼອງບຸນປະເພນີປີໃໝ່ລາວ ທີ່ກຳລັງຈະວຽນມາບັນຈົບຄົບຮອບ ໃນວັນທີ 14-16 ເມສານີ້.ປີໃໝ່ລາວອາດຖືໄດ້ວ່າເປັນງານປະເພນີປະຈຳປີທີ່ຍິ່ງໃຫຍ່ ແລະ ສຳຄັນທີ່ສຸດຕາມປະຕິທິນພຸດທະສັກກະຫຼາດຂອງລາວ. ເຊິ່ງເປັນເວລາແຫ່ງຄວາມມ່ວນຊື່ນ ແລະ ການສະເຫຼີມສະຫຼອງ, ແລະຍັງເປັນເວລາຂອງຄອບຄົວໃນການອວຍໄຊໃຫ້ພອນໃນວາລະຖີປີໃໝ່ທີ່ຈະມາເຖິງ.ອ່ານຕໍ່ ...

ຈຳປາສັກ, ລາວ (ວຽງຈັນທາມສ໌/ANN) – ໃນວັນສຸກແລ້ວນີ້ ກະຊວງວິທະຍາສາດ ແລະ ເຕັກໂນໂລຊີໄດ້ຈັດກອງປະຊຸມສື່ມວນຊົນ ເພື່ອຖະແຫຼງກ່ຽວກັບແຜນການໃນການຈັດງານມະຫາກຳຊັບສິນທາງປັນຍາ 2019 ເຊິ່ງຈະຈັດຂຶ້ນທີ່ແຂວງຈຳປາສັກ ໃນວັນທີ 24-28 ເມສານີ້.ງານດັ່ງກ່າວຈະມີການວາງສະແດງຜະລິດຕະພັນໃນ 162 ບູທ໌ ຈາກປະເທດລາວ ແລະ ບັນດາປະເທດສະມາຊິກອາຊຽນ, ເຊິ່ງແນໃສ່ສ້າງເຄືອຂ່າຍໃຫ້ມີຄວາມເຂັ້ມແຂງ. ໃນຕອນແລງຂອງແຕ່ລະມື້ຈະມີກິດຈະກຳ ຄອນເສີດພ້ອມທັງການສະແດງ ຈາກສິລະປິນທ້ອງຖິ່ນ ແລະ ນັກສະແດງຕ່າງໆ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານໄດ້ໃຫ້ຄຳໝັ້ນໃນການພິຈາລະນາຂໍ້ສະເໜີຕົ້ນຕໍຂອງປະເທດສະມາຊິກຄະນະກຳມາທິການແມ່ນ້ຳຂອງ (MRC) ແລະ ຜູ້ມີສ່ວນຮ່ວມທີ່ກ່ຽວຂ້ອງ ໃນການອອກແບບ ແລະ ກໍ່ສ້າງໂຄງການເຂື່ອນໄຟຟ້າທີ່ປາກລາຍ, ຕາມຂໍ້ມູນຈາກເຈົ້າໜ້າທີ່ລະດັບສູງ.ໃນກອງປະຊຸມທີ່ວຽງຈັນໃນບັ້ນສິ້ນສຸດຂະບວນການປຶກສາຫາລືລ່ວງໜ້າກ່ຽວກັບໂຄງການເຂື່ອນທີ່ປາກລາຍອາທິດແລ້ວນີ້, ທ່ານ ຈັນທະເນດ ບົວລະພາ ຕາງໜ້າລັດຖະບານລາວກ່າວວ່າ ລັດຖະບານ ແລະ ເຈົ້າຂອງໂຄງການຈະທົບທວນລາຍລະອຽດກ່ຽວກັບຜົນການຄົ້ນຄວ້າ ແລະ ຂໍ້ສະເໜີຕົ້ນຕໍຕ່າງໆຂອງບັນດາປະເທດສະມາຊິກ MRC.ອ່ານຕໍ່ ...

ກະຊວງຍຸດຕິທຳຈະຈັດແຜນຝຶກອົບຮົມໃຫຍ່ ເພື່ອສ້າງມາດຕະຖານແບບມືອາຊີບໃຫ້ແກ່ນັກວາງນະໂຍບາຍໃນຂັ້ນທ້ອງຖິ່ນ ເພື່ອຈັດສັນສະພາບແວດລ້ອມໃນການປະຕິບັດລະບຽບການ ເພື່ອສະໜັບສະໜູນການພັດທະນາທຸລະກິດ ແລະ ຊຸມຊົນລາວ.ໂຄງການດັ່ງກ່າວແມ່ນນຳໂດຍສູນປະເມີນຜົນກະທົບດ້ານລະບຽບການ (RIA Centre) ເຊິ່ງຈັດຕັ້ງໂດຍກົມນິຕິບັນຍັດ, ກະຊວງຍຸດຕິທຳ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ແຂວງວຽງຈັນເປັນທີ່ນິຍົມສຳລັບນັກທ່ອງທ່ຽວໃນຊ່ວງນີ້ ແລະ ເຈົ້າໜ້າທີ່ກໍກຳລັງກະກຽມກິດຈະກຳພິເສດສຳລັບປີໃໝ່ລາວ ເພື່ອຮັບປະກັນຄວາມມ່ວນຊື່ນເປັນທີ່ປະທັບໃຈສຳລັບນັກທ່ອງທ່ຽວ.ເມືອງວັງວຽງ ແລະ ເມືອງເຟືອງແມ່ນສອງຈຸດທ່ອງທ່ຽວຫຼັກ ທີ່ຄົນນິຍົມມາທ່ຽວ ເຊິ່ງມີທິວທັດທີ່ສວຍງາມ ຄາດວ່າຈະດຶງດູດນັກທ່ອງທ່ຽວໃນຊ່ວງພັກນີ້. ປີໃໝ່ລາວໃນປີນີ້ແມ່ນຢູ່ໃນລະຫວ່າງວັນທີ 14-16 ເມສາ.ອ່ານຕໍ່ ...

ວຽງຈັນ, 10 ເມສາ (Xinhua) — ຈີນຈະຊ່ວຍເຫຼືອ 30 ບ້ານຢູ່ແຂວງຫຼວງພະບາງທາງພາກເໜືອ ແລະ ແຂວງວຽງຈັນທາງພາກກາງ ໃນການປັບປຸງພື້ນຖານໂຄງລ່າງ.ບົດບັນທຶກກອງປະຊຸມກ່ຽວກັບ ການກວດກາພາກສະໜາມໃນການສຶກສາຄວາມເປັນໄປໄດ້ ຂອງໂຄງການຫຼຸດຜ່ອນຄວາມທຸກຍາກໃນຂັ້ນບ້ານພາຍໃຕ້ທຶນຊ່ວຍເຫຼືອຂອງຈີນ ໄດ້ຮັບການເຊັນຢັ້ງຢືນໃນວັນອັງຄານນີ້ ທີ່ນະຄອນຫຼວງວຽງຈັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ປະຊາຊົນລາວທົ່ວປະເທດ ກຳລັງຂຸ້ນຂ້ຽວກະກຽມສະເຫຼີມສະຫຼອງປີໃໝ່ລາວ ໃນຊ່ວງໄລຍະສີ່ວັນຂອງບຸນປະເພນີ ແລະ ຂະນົບທຳນຽມຄວາມມ່ວນຊື່ນທີ່ຈະມີຂຶ້ນໃນອາທິດໜ້າ.ໃນຂະນະດຽວກັນ, ອົງການຈັດຕັ້ງພາກລັດ ແລະ ເອກະຊົນກໍມີການຮ່ວມມືກັນ ເພື່ອຫຼຸດຜ່ອນຈຳນວນອຸປະຕິເຫດຕາມທ້ອງຖະໜົນ ທີ່ອາດເກີດຂຶ້ນໃນໄລຍະພັກຍາວດັ່ງກ່າວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກົມລ້ຽງສັດ ແລະ ການປະມົງ ກະຊວງກະສິກຳ ແລະ ປ່າໄມ້ ໄດ້ຊຸກຍູ້ໃຫ້ເຈົ້າໜ້າທີ່ ເຊິ່ງປະຈຳຢູ່ດ່ານຊາຍແດນຫວຽດ ແລະ ຈີນ ໃຫ້ເຂັ້ມງວດເປັນພິເສດ ໃນການກວດກາການນຳເຂົ້າໝູ ແລະ ຊີ້ນໝູຜິດກົດໝາຍໃນຊ່ວງປີໃໝ່ລາວ.ຊ່ວງໄລຍະພັກເປັນຊ່ວງທີ່ສຳຄັນ ແລະ ຕ້ອງການສະບຽງອາຫານຊີ້ນໝູໃນປະລິມານຫຼາຍ ດັ່ງນັ້ນ ຜູ້ບໍ່ຫວັງດີອາດພະຍາຍາມລັກລອບນຳເຂົ້າຜະລິດຕະພັນທີ່ຜິດກົດໝາຍດັ່ງກ່າວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເມືອງໂຂງ ແຂວງຈຳປາສັກ ເດີນໜ້າເພື່ອເປັນແບບຢ່າງໃນການຈັດຕັ້ງປະຕິບັດການບໍລິການແບບຄົບວົງຈອນ ແລະ ການປັບປຸງການຈົດທະບຽນທຸລະກິດ ໃຫ້ແກ່ແຂວງຕ່າງໆທົ່ວປະເທດ.ອຳນາດການປົກຄອງຂັ້ນເມືອງໄດ້ຈັດຕັ້ງສູນບໍລິການແບບຄົບວົງຈອນໃນແຕ່ລະສຳນັກງານ, ເຊິ່ງສ້າງຄວາມສະດວກໃຫ້ແກ່ຜູ້ທີ່ຕ້ອງການຈົດທະບຽນທຸລະກິດ ແລະ ຂໍໃບອະນຸຍາດໃນການດຳເນີນທຸລະກິດ.ອ່ານຕໍ່ ...

ທະນາຄານການລົງທຶນພື້ນຖານໂຄງລ່າງອາຊີ (AIIB) ໄດ້ເຊັນອະນຸມັດທຶນກູ້ຢືມສຳລັບປະເທດສີລັງກາລວມມູນຄ່າ $280 ລ້ານໂດລາ ແລະ ສຳລັບລາວ $40 ລ້ານໂດລາ.ໃນຂະນະດຽວກັນ ທຶນກູ້ຢືມຈຳນວນ $40 ລ້ານໂດລາ ສຳລັບລາວແມ່ນຈະນຳໃຊ້ເຂົ້າໃນການປັບປຸງຍົກລະດັບເສັ້ນທາງແຫ່ງຊາດເລກທີ 13, ເຊິ່ງຈະເອື້ອປະໂຫຍດໃຫ້ແກ່ປະຊາຊົນກວ່າ 502,100 ຄົນໃນ 471 ບ້ານ ແລະ 11 ເມືອງໃນນະຄອນຫຼວງວຽງຈັນ ແລະ ແຂວງວຽງຈັນ, ຕາມຂໍ້ມູນຈາກທະນາຄານໂລກ.ອ່ານຕໍ່ ...