ພື້ນຖານໂຄງລ່າງ ແລະ ສິ່ງອຳນວນຄວາມສະດວກດ້ານການຂົນສົ່ງ

ວຽງຈັນ (ວຽງຈັນທາມສ໌/ANN) – ໄດ້ມີການກະກຽມຈັດຫຼາກຫຼາຍກິດຈະກຳມ່ວນຊື່ນ ແລະ ໜ້າສົນໃຈ ໃນໂອກາດສະເຫຼີມສະຫຼອງວັນສ້າງຕັ້ງຂົວມິດຕະພາບລາວ-ໄທ 1 ຄົບຮອບ 25 ປີ ເຊິ່ງຈະຈັດຂຶ້ນທີ່ບໍລິເວນຂົວດັ່ງກ່າວໃນວັນທີ 26-27 ເມສານີ້.ຄະນະຜູ້ຈັດພິທີກ່າວວ່າ ກິດຈະກຳການສະເຫຼີມສະຫຼອງລວມມີ ພິທີຕັກບາດຖະຫວາຍສັງຄະທານ, ການແຂ່ງຂັນແລ່ນມິນິມາຣາທອນ ແລະ ການແຂ່ງຂັນຂີ່ລົດຖີບ. ໃນວັນທີ 26 ເມສານີ້ ຈະມີພິທີຕັກບາດ ແລະ ສູດຂົວ ມີຈະພະສົງຈາກລາວ ແລະ ໄທເຂົ້າຮ່ວມຈຳນວນ 125 ອົງ.ອ່ານຕໍ່ ...

ຫຼວງພະບາງ, ລາວ (ວຽງຈັນທາມສ໌/ANN) – ໃນສອງປີຕໍ່ໜ້າ, ຂະບວນລົດໄຟລາວ-ຈີນຈະເດີນອອກມາຈາກອຸໂມງ, ຜ່ານຂົວທາງລົດໄຟຂ້າມນ້ຳຂອງທີ່ຫຼວງພະບາງ ແລະ ແລ່ນເຂົ້າໄປໃນສາຍພູໃນອີກຟາກໜຶ່ງ.ຢູ່ຈຸດທີ່ສ້າງຂົວ, ນ້ຳຂອງມີຄວາມກວ້າງປະມານໜຶ່ງກິໂລແມັດ, ແລະ ລົດໄຟໂດຍສາຍຈະສາມາດແລ່ນໃນລະດັບຄວາມໄວປະມານ 160 ກມ ຕໍ່ຊົ່ວໂມງ ໃນຂະນະທີ່ລົດໄຟຂົນສົ່ງສິນຄ້າຈະແລ່ນດ້ວຍຄວາມໄວ 120 ກມ ຕໍ່ຊົ່ວໂມງ.ອ່ານຕໍ່ ...

ຫຼວງນ້ຳທາ, ລາວ (ວຽງຈັນທາມສ໌/ANN) –  ການກໍ່ສ້າງອຸໂມງທາງລົດໄຟ ທີ່ຊາຍແດນລາວ-ຈີນ ແຂວງຫຼວງນ້ຳທາ ອາດຕ້ອງນຳໃຊ້ວັດສະດຸກໍ່ສ້າງທີ່ສາມາດຕ້ານທານຕໍ່ການກັດເຊາະຂອງເກືອ, ເພື່ອປ້ອງກັນລາງລົດໄຟທີ່ອາດໄດ້ຮັບຜົນກະທົບຈາກບໍ່ເກືອຂະໜາດໃຫຍ່ໃຕ້ດິນ.ນັກວິສະວະກອນຈີນ ຫວັງ ສຽວຕົງ ໄດ້ເປີດເຜີຍຕໍ່ສື່ມວນຊົນລາວ ແລະ ຈີນວ່າ ທີມກໍ່ສ້າງໄດ້ຄົ້ນພົບບໍ່ເກືອສອງແຫ່ງໃນລາວ ແຕ່ບໍ່ພົບໃນຈີນ.ອຸໂມງທີ່ດ່ານຊາຍແດນດັ່ງກ່າວແມ່ນອຸໂມງທາງລົດໄຟຂະໜາດໃຫຍ່ທີ່ສຸດໃນການກໍ່ສ້າງເສັ້ນທາງລົດໄຟລາວ-ຈີນ, ແລະ ມີໄລຍະ 7,000 ແມັດໃນປະເທດຈີນ ແລະ ອີກ 2,000 ແມັດໃນປະເທດລາວ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ທ່ານປະທານປະເທດ ບຸນຍັງ ວໍລະຈິດ ຮຽກຮ້ອງໃຫ້ມີການຈ້າງແຮງງານຄົນລາວເພີ່ມຂຶ້ນໃນໂຄງການກໍ່ສ້າງທາງລົດໄຟລາວ-ຈີນ ໃນໂອກາດລົງຢ້ຽມຢາມການກໍ່ສ້າງຕອນທາງລົດໄຟທີ່ວຽງຈັນໃນວັນສຸກຜ່ານມາ.ຕາມບົດລາຍງານຂອງໂຄງການ ມີການຈ້າງແຮງງານທັງໝົດປະມານ 16,000 ຄົນ ໃນການກໍ່ສ້າງເສັ້ນທາງລົດໄຟໄລຍະ 414 ກມ, ໃນນັ້ນແຮງງານລາວມີພຽງ 4,500 ຄົນ. ທາງລົດໄຟດັ່ງກ່າວແມ່ນຕັດຜ່ານພາກຕາເວັນຕົກຂອງລາວຈາກຊາຍແດນບໍ່ເຕັນ-ໂມຫານ ເຊື່ອມຕໍ່ປະເທດຈີນກັບແຂວງຫຼວງນ້ຳທາ. ແລ້ວຕັດຜ່ານແຂວງອຸດົມໄຊ, ຫຼວງພະບາງ, ແລະ ແຂວງວຽງຈັນ ແລະ ສິ້ນສຸດທີ່ນະຄອນຫຼວງວຽງຈັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຜູ້ແທນກວ່າ 30 ຄົນຈາກເກົ້າປະເທດສະມາຊິກອາຊຽນ, ສະຫະພາບເອີຣົບ, ອົງການຄວາມປອດໄພທາງການບິນເອີຣົບ (EASA) ແລະ ຊ່ຽວຊານການຂົນສົ່ງທາງອາກາດພົບປະທີ່ວຽງຈັນຫວ່າງໝໍ່ໆມານີ້ ເພື່ອຫາລືບັນຫາຫ່ຽວກັບການປົກປ້ອງຜູ້ໂດຍສານ, ທົບທວນການປະຕິບັດການຂົນສົ່ງທາງອາກາດ ແລະ ຄົ້ນຄວ້າຊ່ອງທາງໃນການແກ້ໄຂບັນຫາ.ກອງປະຊຸມພາຍໃຕ້ຫົວຂໍ້ ການປົກປ້ອງຜູ້ໂດຍສານຂອງປະເທດສະມາຊິກອາຊຽນ (AMS) ໄດ້ຈັນຂຶ້ນລະຫວ່າງວັນທີ 2-4 ເມສາ ພາຍໃຕ້ການເຂົ້າຮ່ວມຂອງຊ່ຽວຊານອີຢູ. ເຊິ່ງໄດ້ຮັບການສະໜັບສະໜູນຈາກໂຄງການ ARISE Plus ຂອງສະຫະພາບເອີຣົບ.ອ່ານຕໍ່ ...

ຫຼວງນ້ຳທາ, ລາວ (ວຽງຈັນທາມສ໌/ANN) – ປະຊາຊົນແຂວງຫຼວງນ້ຳທາ ເຊິ່ງໂຄງການທາງລົດໄຟລາວ-ຈີນທີ່ພວມຢູ່ໃນໄລຍະການກໍ່ສ້າງຈະຕັດຜ່ານ ລວມຕົວກັນຕອບຮັບຕໍ່ໂຄງການ ແລະ ສະແດງຄວາມພ້ອມທີ່ຈະເປີດຮັບໂອກາດໃນການພັດທະນາທີ່ຈະເຂົ້າມາເຖິງພື້ນທີ່.ປະຊາຊົນທີ່ນີ້ມີຄວາມເຂົ້າໃຈຕໍ່ນະໂຍບາຍພັກລັດກ່ຽວກັບການພັດທະນາປະເທດຊາດ ເຊິ່ງຈະເຮັດໃຫ້ຊີວິດການເປັນຢູ່ຂອງເຂົາເຈົ້າດີຂຶ້ນ. ການຮ່ວມມືຂອງປະຊາຊົນໝາຍຄວາມວ່າ ການກໍ່ສ້າງທາງລົດໄຟທີ່ຫຼວງນ້ຳທາຈະດຳເນີນໄປໄດ້ດີ, ເຊັ່ນດຽວກັບໃນຫຼາຍພື້ນທີ່ໃນແຂວງຫຼວງພະບາງ.ອ່ານຕໍ່ ...

ເຂດເສດຖະກິດພິເສດ (SEZ) ບໍ່ເຕັນຂອງລາວໄດ້ຮັບຄວາມສົນໃຈເປັນພິເສດຈາກນັກລົງທຶນຈີນ ເນື່ອງຈາກໂຄງການທາງລົດໄຟລາວ-ຈີນໃກ້ສຳເລັດການກໍ່ສ້າງ, ແຕ່ວ່າຊາວບ້ານພັດມີຄວາມຢ້ານກົວຕໍ່ການປ່ຽນແປງຢ່າງໄວວາດັ່ງກ່າວ. ພວກເຂົາເວົ້າວ່າໂຄງການພັດທະນາດັ່ງກ່າວແມ່ນດີສຳລັບຊາວຈີນ, ແຕ່ວ່າບໍ່ແມ່ນສຳລັບປະຊາຊົນລາວທີ່ອາໄສຢູ່ເຂດດັ່ງກ່າວ.ເຂດເສດຖະກິດດັ່ງກ່າວ ເຊິ່ງຕັ້ງຢູ່ແຂວງຫຼວງນ້ຳທາ ມີຊາຍແດນຕິດກັບເມືອງໂມຮັນໃນມົນທົນຢຸນນານປະເທດຈີນ. ລັດຖະບານລາວຄາດວ່າເມື່ອໂຄງການສຳເລັດ ແລະ ມີການເປີດນຳໃຊ້ທາງລົດໄຟໃນປີ 2021, ນັກທ່ອງທ່ຽວຈີນຫຼາຍລ້ານຄົນຈະຫຼັ່ງໄຫຼເຂົ້າມາໃນເຂດດັ່ງກ່າວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະຄູດ, ສາຍການບິນລາຄາຖືກຂອງສິງກະໂປ, ໄດ້ເປີດຕົວຖ້ຽວບິນປະຖົມມະເລີກຈາກລາວໄປສິງກະໂປ ໃນວັນຈັນຜ່ານມາ, ເຊິ່ງເປັນການເລີ່ມການເປີດຖ້ຽວບິນ ສາມຄັ້ງຕໍ່ອາທິດຈາກຫຼວງພະບາງ ແລະ ວຽງຈັນໄປປະເທດສິງກະໂປ.ຖ້ຽວບິນດັ່ງກ່າວຈະບິນຈາກສິງກະໂປມາລາວ ເຊິ່ງເລີ່ມອອກເດີ່ນ 9 ໂມງເຊົ້າຂອງທຸກໆວັນຈັນ, ພະຫັດ ແລະ ເສົາ, ມາເຖິງຫຼວງພະບາງໃນເວລາ 11.10 ໂມງຕອນເຊົ້າ ແລະ ເດີນທາງຕໍ່ມາເຖິງວຽງຈັນໃນເວລາ 1 ໂມງແລງ.ອ່ານຕໍ່ ...

ໃນຕອນເຊົ້າຂອງວັນທີ 1 ເມສານີ້ ທ່ານ ລູກາ ແລັດຊາໂຣລີ ອຳນວຍການທະນາຄານການລົງທຶນເອີຣົບ, ໄດ້ຕົກລົງໃນການຊ່ວຍເຫຼືອລາວຄັ້ງໃໝ່ຢ່າງເປັນທາງການ ເພື່ອປັບປຸງເສັ້ນທາງໄລຍະ 1,400ກມໃນຫົກແຂວງ ເຊິ່ງປະຈຸບັນຍັງບໍ່ທັນໄດ້ຮັບການປູຢາງ. ໂຄງການນີ້ຈະເຮັດໃຫ້ເຄືອຂ່າຍເສັ້ນທາງແຫ່ງຊາດ ເຊິ່ງມີຄວາມອ່ອນໄຫວຕໍ່ການປ່ຽນແປງຂອງສະພາບອາກາດ ໄດ້ຮັບການປູຢາງ, ຍົກລະດັບ ແລະ ມີຄວາມໝັ້ນຄົງ.ໃນໄລຍະສາມວັນຂອງການຢ້ຽມຢາມ ສປປ ລາວ, ທ່ານ ແລັດຊາໂຣລີ ໄດ້ລົງນາມໃນຂໍ້ຕົກລົງສຳລັບທຶນຊ່ວຍເຫຼືອລ້າມູນຄ່າ 5 ລ້ານຢູໂຣ ຮ່ວມກັນທ່ານ (ປອ) ກິແກ້ວ ຈັນທະບູຣີ ໃນນາມຂອງລັດຖະບານແຫ່ງ ສປປ ລາວ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ວຽກງານການກໍ່ສ້າງທາງລົດໄຟລາວ-ຈີນ ມີຄວາມຄືບໜ້າກວ່າກຳນົດການ ເຊິ່ງໂຄງການຕາມແຜນແມ່ນຈະໃຫ້ສຳເລັດພາຍໃນ 2021, ຕາມເຈົ້າໜ້າທີ່ການນຳລັດຖະບານ.ທ່ານ ແສງດາຣາ ກິດຕິຍະວົງ ຮອງຫົວໜ້າກົມແຜນການ ແລະ ການຮ່ວມມື ພາຍໃຕ້ກະຊວງໂຍທາທິການ ແລະ ຂົນສົ່ງ ກ່າວໃນກອງປະຊຸມຂອງຂະແໜງໂຍທາທິການ ແລະ ຂົນສົ່ງໃນວັນສຸກຜ່ານມາວ່າ ໜ້າວຽກຂອງໂຄງການກໍ່ສ້າງມູນຄ່າ US$5.986 ຕື້ໂດລາດັ່ງກ່າວແມ່ນມີຄວາມຄືບໜ້າກວ່າແຜນການ.ອ່ານຕໍ່ ...