ການທ່ອງທ່ຽວ

ວຽງຈັນ (ວຽງຈັນທາມສ໌/ANN) – ອົງການສະຫະປະຊາຊາດເພື່ອການສຶກສາ, ວິທະຍາສາດ ແລະ ວັດທະນະທຳ (ຢູເນັສໂກ) ໄດ້ຮັບຮອງເອົາທົ່ງໄຫຫີນຊຽງຂວາງ ເຂົ້າໃນລາຍຊື່ສະຖານທີ່ມໍລະດົກໂລກ.ການຈາລຶກເອົາທົ່ງໄຫຫີນຂອງລາວເຂົ້າເປັນມໍລະດົກໂລກອັນຊົງຄຸນຄ່າ ຖືເປັນໜຶ່ງໃນຜົນສຳເລັດອັນໃຫຍ່ຫຼວງຂອງລັດຖະບານ, ເຊິ່ງໄດ້ດຳເນີນການກະກຽມມາເປັນເວລາຫຼາຍປີເພື່ອຊຸກຍູ້ໃຫ້ສາກົນຮັບຮອງປູຊິນິຍະສະຖານດັ່ງກ່າວ.ການແຈ້ງການຮັບຮອງດັ່ງກ່າວໄດ້ມີຂຶ້ນໃນກອງປະຊຸມຄັ້ງທີ 43 ຂອງຄະນະກຳມະການມໍລະດົກໂລກ ທີ່ເມືອງບາກູ ປະເທດອາເຊີໄບຈັນ.ອ່ານຕໍ່ ...

ປະເທດລາວພວມມີການຊຸກຍູ້ສົ່ງເສີມການທ່ອງທ່ຽວ ໂດຍມອບໝາຍໃຫ້ບໍລິສັດສື່ໂຄສະນາຊັ້ນນຳຂອງຈີນ ໂຄສະນາກ່ຽວກັບສະຖານທີ່ທ່ອງທ່ຽວຂອງລາວໃນຕະຫຼາດຈີນ ເພື່ອດຶງດູດນັກທ່ອງທ່ຽວໃຫ້ຫຼາຍຂຶ້ນ.ກົມສົ່ງເສີມການທ່ອງທ່ຽວ ພາຍໃຕ້ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ລົງນາມໃນບົດບັນທຶກຄວາມເຂົ້າໃຈກັບບໍລິສັດສື່ສານວັນທະນະທຳສາກົນ ເຟັງຫວງເຫ ປັກກິ່ງ ຈຳກັດ ທີ່ວຽງຈັນໃນວັນອັງຄານຜ່ານມານີ້.ອ່ານຕໍ່ ...

ລາວຈະເລີ່ມເປີດບໍລິການຮັບສະໝັກວີຊາແບບອີເລັກໂທຣນິກ (ອີວີຊາ) ໃນເດືອນກໍລະກົດປີນີ້, ເພື່ອໃຫ້ນັກທ່ອງທ່ຽວສາມາດສະໝັກວິຊາແບບອອນໄລ ກ່ອນເດີນທາງເຂົ້າປະເທດ.ເວັບໄຊທາງການສຳລັບການສະໝັກອີວີຊາກໍຄື https://laoevisa.gov.la ເວັບໄຊອີວີຊານີ້ແມ່ນຢູ່ພາຍໃຕ້ການຄຸ້ມຄອງຂອງກົມກົງສຸນ ກະຊວງການຕ່າງປະເທດ ແລະ ກະຊວງປ້ອງກັນຄວາມສະຫງົບ. ວີຊາທ່ອງທ່ຽວເຊິ່ງມີອາຍຸນຳໃຊ້ 30 ວັນ ຈະເປັນວີຊາປະເພດທຳອິດທີ່ໃຫ້ບໍລິການຜ່ານທາງເວັບໄຊ, ສ່ວນວີຊາປະເພດອື່ນຈະໃຫ້ບໍລິການເພີ່ມເຕີມໃນພາຍຫຼັງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານແນະນຳໃຫ້ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ເຮັດວຽກຮ່ວມກັບກະຊວງຕ່າງໆເພື່ອສົ່ງເສີມການທ່ອງທ່ຽວ ແລະ ສ້າງລາຍຮັບເຂົ້າລັດເພີ່ມຂຶ້ນ.ໃນຕົ້ນປີນີ້ ລັດຖະບານໄດ້ເປີດປີທ່ອງທ່ຽວລາວ-ຈີນ 2019 ເພື່ອຫວັງດຶງດູດນັກທ່ອງທ່ຽວຈາກຈີນ ແລະ ທົ່ວໂລກ. ລັດຖະບານວາງເປົ້າໝາຍໃນການດຶງດູດນັກທ່ອງທ່ຽວຕ່າງປະເທດໃຫ້ໄດ້ 4.5 ລ້ານຄົນ ແລະ ສ້າງລາຍຮັບຈາກການທ່ອງທ່ຽວໃຫ້ໄດ້ຢ່າງໜ້ອຍ 6,001 ຕື້ກີບ (ປະມານ US$700 ລ້ານໂດລາ) ຕາມແຜນການ. ອ່ານຕໍ່ ...

ຢຸນນານ, ປະເທດຈີນ (ວຽງຈັນທາມສ໌/ANN) – ສະຖາບັນວັດທະນະທຳ ແລະ ທ່ອງທ່ຽວ ສື່ມວນຊົນລາວ ລົງນາມໃນບົດບັນທຶກຄວາມເຂົ້າໃຈ (MOU) ຮ່ວມກັບວິທະຍາໄລການທ່ອງທ່ຽວຢູນນານ ປະເທດຈີນ ເພື່ອສືບຕໍ່ພັດທະນາບຸກຄະລາກອນດ້ານການທ່ອງທ່ຽວ. ຂໍ້ຕົກລົງດັ່ງກ່າວໄດ້ຮັບການລົງນາມໃນພິທີແລກປ່ຽນ ແລະ ຮ່ວມມືດ້ານການສຶກສາ ຢຸນນານ-ອາຊີໃຕ້-ອາຊິຕາເວັນອອກສຽງໃຕ້ ທີ່ແຂວງຢຸນນານ ຄັ້ງວັນທີ 11 ມິຖຸນານີ້.ຄະນະຜູ້ແທນລາວນຳໂດຍທ່ານ ອຸ່ນທວງ ຂາວພັນ ຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ພ້ອມເຈົ້າໜ້າທີ່ສະຖາບັັນສື່ມວນຊົນລາວ ໄດ້ເຂົ້າຮ່ວມໃນພິທີດັ່ງກ່າວຕາມຄຳເຊື້ອເຊີນຈາກຢຸນນານ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຂດເສດຖະກິດພິເສດບໍ່ເຕັນແດນງາມ ແຂວງຫຼວງນ້ຳທາ ສົ່ງເສີມກິດຈະກຳປີທ່ອງທ່ຽວລາວ-ຈີນ 2019 ແລະ ກອງປະຊຸມການຮ່ວມມືຂ້າມຊາຍແດນພາຍໃນເຂດ.ກິດຈະກຳສົ່ງເສີມປີທ່ອງທ່ຽວລາວ-ຈີນ ໄດ້ຈັດຂຶ້ນໃນທົ່ວປະເທດ ແລະ ໄດ້ມີການເປີດຕົວຢ່າງເປັນທາງການໃນສອງປະເທດໃນເດືອນມັງກອນ.ກິດຈະກຳຢູ່ບໍ່ເຕັນແມ່ນມີເປົ້າໝາຍໃນການດຶງດູດນັກທ່ອງທ່ຽວໃຫ້ຫຼາຍຂຶ້ນ, ທັງພາຍໃນເຂດກໍຄືແຂວງຫຼວງນ້ຳທາ ແລະ ແຂວງອ້ອມແອ້ມ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທ່ານ ສຈ ປອ ບໍ່ແສງຄຳ ວົງດາຣາ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ໋ຽວ ໄດ້ຮຽກຮ້ອງການຮ່ວມມືຈາກພາກລັດໃນການອະນຸລັກ ແລະ ຮັກສາສະຖານທີ່ທ່ອງທ່ຽວຕ່າງໆໃນເມືອງວັງວຽງ ພາຍຫຼັງເຫັນວ່າການຂະຫຍາຍຕົວຂອງໂຮງງານອຸດສາຫະກຳອາດເປັນໄພອັນຕະລາຍຕໍ່ສະຖານທີ່ທ່ອງທ່ຽວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານສັນຍາຈະພັດທະນາ ແລະ ປັບປຸງສະຖານທີ່ທ່ອງທ່ຽວຫ້າແຫ່ງໃນແຕ່ລະແຂວງ ກໍຄືການປັບປຸງຖະໜົນໃນການເຂົ້າເຖິງ ແລະ ສີ່ງອຳນວຍຄວາມສະດວກຕ່າງໆພາຍໃນປີໜ້າ ເພື່ອຫວັງດຶງດູດນັກທ່ອງທ່ຽວໃຫ້ຫຼາຍຂຶ້ນ.ນີ້ແມ່ນຄຳເຫັນຂອງທ່ານ ສຈ ປອ ບໍ່ແສງຄຳ ວົງດາຣາ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໃນພິທີເປີດກອງປະຊຸມສະໄໝສາມັນຂອງສະພາແຫ່ງຊາດວານນີ້.ທ່ານລັດຖະມົນຕີກ່າວວ່າ ລັດຖະບານຈະຊຸກຍູ້ການຊ່ວຍເຫຼືອຈາກຂະແໜງເອກະຊົນ ໃນການກໍ່ສ້າງພື້ນຖານໂຄງລ່າງ, ສິ່ງອຳນວຍຄວາມສະດວກ ແລະ ການບໍລິການຕ່າງໆເພື່ອຮອງຮັບການຂະຫຍາຍຕົວຂອງການທ່ອງທ່ຽວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຕາງໜ້າເຈົ້າໜ້າທີ່ທ່ອງທ່ຽວຂອງລາວ ແລະ ຈີນ ປະຊຸມທີ່ວຽງຈັນ ໃນອາທິດແລ້ວນີ້ ເພື່ອແລກປ່ຽນປະສົບການກ່ຽວກັບການບໍລິການທ່ອງທ່ຽວ ເຊິ່ງເປັນສ່ວນໜຶ່ງຂອງການສຶກສາແລກປ່ຽນເພື່ອເສີມຂະຫຍາຍການຮ່ວມມືໃນຂົງເຂດດັ່ງກ່າວ.ກິດຈະກຳດັ່ງກ່າວແມ່ນສ່ວນໜຶ່ງຂອງງານອາທິດວັດທະນະທຳຈີນ ເຊິ່ງຈັດຂຶ້ນແຕ່ວັນທີ 30 ພຶດສະພາ ເຖິງ 2 ມິຖຸນາ ທີ່ນະຄອນຫຼວງວຽງຈັນ ຈັດໂດຍກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວຂອງຈີນ ແລະ ສູນວັດທະນະທຳຈີນປະຈຳລາວ.ອ່ານຕໍ່ ...

ວຽງຈັນ, 27 ພຶດສະພາ (Xinhua) — ຜົນການສຳຫຼວດຫຼ້າສຸດເປີດເຜີຍວ່າ ຊາວຕ່າງປະເທດສ່ວວນໃຫຍ່ທີ່ມາຢ້ຽມຢາມລາວ ແມ່ນມາເພື່ອທ່ອງທ່ຽວພັກຜ່ອນ.ການສຳຫຼວດ ແມ່ນດຳເນີນໂດຍກົມການພັດທະນາການທ່ອງທ່ຽວ ຂອງກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ. ຜົນການສຳຫຼວດແມ່ນມາຈາກຂໍ້ມູນທີ່ເກັບກຳມາຈາກນັກທ່ອງທ່ຽວຕ່າງປະເທດຈຳນວນ 2,918 ຄົນ ທີ່ເດີນທາງມາລາວໃນລະຫວ່າງເດືອນເມສາຫາເດືອນທັນວາ 2018, ຕາມການເປີດເຜີຍຂອງໜັງສືພິມທ້ອງຖິ່ນ ວຽງຈັນທາມສ໌ ໃນວັນຈັນນີ້.ການສຳຫຼວດແມ່ນດຳເນີນຢູ່ສະໜາມບິນສາກົນວັດໄຕ ນະຄອນຫຼວງວຽງຈັນ ແລະ ຂົວມິດຕະພາບລາວ-ໄທແຫ່ງຕ່າງໆ, ນັກທ່ອງທ່ຽວສ່ວນໃຫຍ່ແມ່ນເດີນທາງເຂົ້າມາວຽງຈັນ, ແຂວງຫຼວງພະບາງທາງພາກເໜືອ ແລະ ແຂວງຈຳປາສັກທາງພາກໃຕ້.ອ່ານຕໍ່ ...