ທຸລະກິດຂະໜາດນ້ອຍ ແລະ ຂະໜາດກາງ (SME)

ວຽງຈັນ (ວຽງຈັນທາມສ໌/ANN) – ການຜະລິດພະລັງງານໄຟຟ້າຂອງລາວ ເພື່ອນຳໃຊ້ພາຍໃນ ແລະ ສົ່ງອອກ ເພີ່ມຂຶ້ນໃນໄຕມາດທຳອິດຂອງປີນີ້ ໃນຂະນະທີ່ການນຳເຂົ້າຫຼຸດລົງ.ລາວສ້າງລາຍຮັບຈາກການສົ່ງອອກໄຟຟ້າໄດ້ US$422 ລ້ານໂດລາໃນໄຕມາດທຳອິດຂອງປີນີ້, ເພີ່ມຂຶ້ນ 10.2 ເປີເຊັນທຽບກັບໄລຍະດຽວກັນຂອງປີກາຍ ເຊິ່ງກວມ 24.3 ເປີເຊັນຂອງແຜນການປະຈຳປີ, ຕາມກະຊວງພະລັງງານ ແລະ ບໍ່ແຮ່.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ບໍລິສັດຕ່າງປະເທດທີ່ສົ່ງອອກສິນຄ້າເຂົ້າສູ່ຕະຫຼາດລາວຈະບໍ່ຈຳເປນຕ້ອງມີໃບອະນຸຍາດດຳເນີນທຸລະກິດພາຍໃນປະເທດ ຍ້ອນວ່າກະຊວງອຸດສາຫະກຳ ແລະ ການຄ້າໄດ້ແກ້ໄຂບັນຫາທີ່ເປັນປະເດັນດັ່ງກ່າວແລ້ວ.ທ່ານນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າໄດ້ເຊັນຮັບຮອງຂໍ້ຕົກລົງຂອງລັດຖະມົນຕີ ສະບັບລົງວັນທີ 6 ມິຖຸນາ ເພືື່ອອະນຸຍາດໃຫ້ບໍລິສັດຕ່າງປະເທດສົ່ງອອກສິນຄ້າມາລາວໂດຍບໍ່ຕ້ອງຂໍໃນອະນຸຍາດໃນການດຳເນີນທຸລະກິດພາຍໃນປະເທດ.ຕາມກົດໝາຍ, ທຸກໆບໍລິສັດທີ່ເຄື່ອນໄຫວທຸລະກິດໃນລາວ ຈຳເປັນຕ້ອງຂໍໃບຢັ້ງຢືນການລົງທະບຽນທຸລະກິດໃນລາວ ແລະ ໃບອະນຸຍາດດຳເນີນທຸລະກິດ. ເຖິງຢ່າງໃດກໍຕາມ ບໍລິສັດພາຍໃນຈຳນວນໜຶ່ງໄດ້ຮ້ອງຮຽນວ່າ ບໍລິສັດຕ່າງຊາດມີການຂາຍສິນຄ້າໃນລາວໂດຍບໍ່ມີໃບອະນຸຍາດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນວັນສຸກແລ້ວນີ້ ສະພາແຫງຊາດໄດ້ອະນຸມັດກົດໝາຍໃໝ່ ວ່າດ້ວຍມາດຕະການຕອບໂຕ້ການທຸ່ມຕະຫຼາດ ແລະ ການອຸດໜູນ ເພື່ອປົກປ້ອງຜະລິດຕະພັນທ້ອງຖິ່ນຈາກສິນຄ້ານຳເຂົ້າທີ່ບໍ່ເປັນທຳ.ເນື່ອງຈາກປະເທດລາວໄດ້ມີການລວມຕົວໃນພາກພື້ນ, ຈຶ່ງຈຳເປັນຕ້ອງປະກາດໃຊ້ກົດໝາຍເພື່ອປົກປ້ອງປະເທດຈາກການແຂ່ງຂັນການຄ້າທີ່ບໍ່ເປັນທຳ.ທ່ານນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າ ກ່າວໃນກອງປະຊຸມສະໄໝສາມັນຂອງສະພາແຫ່ງຊາດໃນວັນສຸກແລ້ວນີ້ວ່າ ການປະກາດໃຊ້ກົດໝາຍສະບັບດັ່ງກ່າວແມ່ນສ່ວນໜຶ່ງຂອງພາລະກິດເພື່ອບັນລຸຂໍ້ພັນທະ ໃນຖານະສະມາຊິກຂອງອົງການການຄ້າໂລກ (WTO).ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ງານວາງສະແດງສິນຄ້າມືອາຊີບທີ່ໃຫຍ່ທີ່ສຸດໃນປະເທດ, ລາວທອບ 3 ເອັກສ໌ໂປ 2019, ຈະມີຂຶ້ນທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ ໃນອາທິດໜ້າ ແລະ ຜະລິດຕະພັນທີ່ວາງສະແດງລວມມີ ສິນຄ້າກ່ຽວກັບອາຄານ, ການກໍ່ສ້າງ, ນ້ຳປະປາ, ​ອາຫານ ແລະ ເຄື່ອງດື່ມ ແລະ ການຄ້າ.ງານວາງສະແດງ ທຣີອິນວັນ ຊຶ່ງຈະຈັດຂຶ້ນໃນລະຫວ່າງວັນທີ 20-22 ມິຖຸນານີ້ ຈະລວມເອົາງານ LAOBUILD 2019 ວາງສະແດງສິນຄ້າກ່ຽວກັບອາຄານ ແລະ ການກໍ່ສ້າງສາກົນຂອງລາວ, ງານ LAOFOOD 2019 ວາງສະແດງຜະລິດຕະພັນອາຫານ ແລະ ເຄື່ອງດື່ມຂອງລາວ ແລະ ງານ LAOWATER 2019 ວາງສະແດງເທັກໂນໂນຢີກ່ຽວກັບນ້ຳ ແລະ ນ້ຳເສຍສາກົນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສົງຄາມການຄ້າລະຫວ່າງສະຫະລັດ-ຈີນ ບໍ່ສົ່ງຜົນກະທົບຕໍ່ການຄ້າລະຫວ່າງລາວ ແລະ ຈີນ, ທູດຈີນຢືນຢັນ.ໃນການສຳພາດຕໍ່ສື່ມວນຊົນລາວທີ່ວຽງຈັນໃນວັນພະຫັດແລ້ວນີ້, ທ່ານ ຈຽງ ໄຈຕົງ ເອກອັກຄະລັດຖະທູດຈີນປະຈຳລາວກ່າວວ່າ ການຮ່ວມມືດ້ານການຄ້າລະຫວ່າງສອງປະເທດຍັງສືບຕໍ່ຂະຫຍາຍຕົວ ທ່າມການການຂັດແຍ່ງດ້ານການຄ້າລະຫວ່າງສະຫະລັດ ແລະ ຈີນ.ອ່ານຕໍ່ ...

ລັດຖະບານໄດ້ລຶບລ້າງທຸລະກິດການສົ່ງອອກສິນຄ້າບາງປະເພດ ອອກຈາກລາຍການທຸລະກິດຄວບຄຸມ ເຊິ່ງເປັນສ່ວນໜຶ່ງຂອງຄວາມພະຍາຍາມໃນການສົ່ງເສີມການສົ່ງອອກສິນຄ້າລາວສູ່ຕະຫຼາດຕ່າງປະເທດ, ຕາມກະຊວງອຸດສາຫະກຳ ແລະ ການຄ້າ.ຫຼ້າສຸດ ກະຊວງໄດ້ຖະແຫຼງວ່າ ລັດຖະບານຈະບໍ່ຈັດປະເພດການສົ່ງອອກສິນຄ້າບໍລິໂພກທົ່ວໄປເຂົ້າໃນລາຍການທຸລະກິດຄວາມຄຸມ. ນີ້ກໍໝາຍຄວາມວ່າຜູ້ສົ່ງອອກສິນຄ້າປະເພດດັ່ງກ່າວບໍ່ຈຳເປັນຕ້ອງຂໍອະນຸຍາດຈາກເຈົ້າໜ້າທີ່ ກ່ອນດຳເນີນການສົ່ງອອກສິນຄ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຕົວເລກການຄ້າຂາອອກ ແລະ ຂາເຂົ້າລວມຂອງລາວສຳລັບປີນີ້ ຍັງຄົງບໍ່ສາມາດບັນລຸເປົ້າ ຫຼັງຈາກທີ່ໃນຊ່ວງສີ່ເດືອນຕົ້ນປີ 2019 ສາມາດບັນລຸໄດ້ພຽງ 22.7% ຂອງແຜນປີ 2019, ຕາມການລາຍງານຕໍ່ສະພາແຫ່ງຊາດ.“ສະພາແຫ່ງຊາດໄດ້ກຳນົດເປົ້າໝາຍມູນຄ່າການຄ້າສຳລັບປີ 2019 ໄວ້ທີ່ US$11,291 ລ້ານໂດລາ, ແຕ່ວ່າໃນຊ່ວງສີ່ເດືອນທຳອິດຂອງປີນີ້ ມູນຄ່າການຄ້າລວມຂອງລາວມີພຽງ US$2,573 ລ້ານໂດລາ,” ທ່ານ ທອງລຸນ ສີສຸລິດ ນາຍົກລັດຖະມົນຕີ ກ່າວໃນການເປີດກອງປະຊຸມສະໄໝສາມັນຂອງສະພາແຫ່ງຊາດວານນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດວຽງຈັນເຊັນເຕີລາວມະຫາຊົນ (VCL) ໄດ້ເປີດການຊື້ຂາຍຫຸ້ນໃນຕະຫຼາດຫຸ້ນລາວຢ່າງເປັນທາງການ, ເຊິ່ງເປັນລັດວິສາຫະກິດແຫ່ງທຳອິດຈາກແຂວງຢູນນານ ປະເທດຈີນ ແລະ ບໍລິສັດອັນດັບທີສິບໃນລາຍຊື່ກິດຈະການໃນຕະຫຼາດຫຼັກຊັບລາວ (LSX).ການເປີດຕົວການຊື້ຂາຍດັ່ງກ່າວແມ່ນໄດ້ມີຂຶ້ນໃນວັນສຸກແລ້ວນີ້ ທີ່ອາຄານຕະຫຼາດຫຼັກຊັບລາວ ນະຄອນຫຼວງວຽງຈັນ ພາຍໃຕ້ການເຂົ້າຮ່ວມຂອງທ່ານນາງ ສາຍສະໝອນ ຈັນທະຈັກ ເລຂາທິການຫ້ອງການຄະນະກຳມາທິການຕະຫຼາດຫຼັກຊັບລາວ, ທ່ານ ວັນຄຳ ວໍຣະວົງ ອຳນວຍການ LSX, ຜູ້ຕາງໜ້າຈາກອົງການຈັດຕັ້ງລັດຖະບານ, ຜູ້ຖືຫຸ້ນ ພ້ອມດ້ວຍພະນັກງານບໍລິສັດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຜູ້ຜະລິດອາຫານ ແລະ ເຄື່ອງດື່ມສັນຫາຊ່ອງທາງໃນການກ້າວສູ່ຕະຫຼາດສາກົນ ເພື່ອຂະຫຍາຍໂອກາດທາງທຸລະກິດ ແລະ ເພີ່ມຍອດຂາຍ.ຜູ້ຜະລິດອາຫານ ແລະ ເຄື່ອງດື່ມລາວ ນັບແຕ່ຜູ້ຜະລິດກາເຟ ໄປເຖິງຜູ້ຜະລິດກະແລ້ມ ເຂົ້າຮ່ວມງານວາງສະແດງສິນຄ້າ THAIFEX-World of Food Asia 2019 ເຊິ່ງຈັດຂຶ້ນທີ່ບາງກອກ ປະເທດໄທ ແຕ່ວັນທີ 28 ເດືອນພຶດສະພາຫາ 1 ມິຖຸນາ ເພື່ອຊອກຫາຄູ່ຮ່ວມທຸລະກິດໃນການສົ່ງອອກຜະລິດຕະພັນຂອງຕົນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານລາວຕັ້ງເປົ້າຫຼຸດຜ່ອນການຂາດດູນດ້ານການຄ້າກບຫວຽດນາມໃຫ້ເຫຼືອປະມານ US$227 ລ້ານໂດລາໃນປີນີ້, ເຊິ່ງລາວຈະຜະລິດສິນຄ້າສົ່ງອອກໃຫ້ຫຼາຍຂຶ້ນ.ມູນຄ່າສິນຄ້ານຳເຂົ້າຈາກຫວຽດນາມມາລາວ ແມ່ນຄາດວ່າຈະຢູ່ໃນລະດັບ US$985.3 ລ້ານໂດລາ, ແລະ ລາວມີແຜນບັນລຸເປົ້າໝາຍການສົ່ງອອກໃຫ້ໄດ້ US$757.9 ລ້ານໂດລາ, ຕາມກະຊວງອຸດສາຫະກຳ ແລະ ການຄ້າ.ໃນປີຜ່ານມາລາວຜະເຊີນກັບການຂາດດູນທາງການຄ້າກັບຫວຽດນາມ ມູນຄ່າ US$496.2 ລ້ານໂດລາ, ເຊິ່ງມີສິນຄ້ານຳເຂົ້າມູນຄ່າ US$1,381.5 ລ້ານໂດລາ ແລະ ສິນຄ້າສົ່ງອອກແມ່ນ US$885.3 ໂດລາ.ອ່ານຕໍ່ ...