ເສດຖະກິດ ແລະ ການຄ້າ

ວຽງຈັນ (ວຽງຈັນທາມສ໌/ANN) – ທ່ານ ທອງລຸນ ສີສຸລິດ ນາຍົກລັດຖະມົນຕີຮຽກຮ້ອງໃຫ້ມີການຈັດຕັ້ງຄະນະດຳເນີນງານ ເພື່ອທຳການກວດກາການດຳເນີນງານທີ່ດ່ານຊາຍແດນ ເພື່ອຈຸດປະສົງອຳນວຍຄວາມສະດວກດ້ານການຄ້າ ແລະ ການບໍລິການຂ້າມຊາຍແດນ, ທັງເປັນການຫຼຸດຜ່ອນການຮົ່ວໄຫຼຂອງງົບປະມານ.ທ່ານນາຍົກໄດ້ອອກຄຳສັ່ງແນະນຳດັ່ງກ່າວ ເຊິ່ງເປັນສ່ວນໜຶ່ງຂອງແຜນງານຂອງລັດຖະບານສຳລັບເດືອນພຶດສະພາ, ໃນກອງປະຊຸມປະຈຳເດືອນເມສາຂອງຄະນະລັດຖະບານ ເຊິ່ງຈັດຂຶ້ນໃນອາທິດແລ້ວນີ້.ຄະນະດຳເນີນງານດັ່ງກ່າວຈະເປັນຜູ້ເກັບກຳຂໍ້ມູນຂ່າວສານ ແລະ ໃຫ້ຄຳແນະນຳໃນການແກ້ໄຂປະເດັນ ທີ່ເປັນຕົ້ນເຫດຂອງບັນຫາໃນດ່ານຊາຍແດນ ທີ່ສົ່ງຜົນຕໍ່ການຮົ່ວໄຫຼຂອງລາຍຮັບຂອງລັດຖະບານ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວຄາດວ່າລາຍຮັບຈາກການສົ່ງອອກເຂົ້າໃນປີ 2019 ຈະຫຼຸດລົງ ເນື່ອງຈາກໄພນ້ຳຖ້ວມເປັນບໍລິເວນກວ້າງໃນທົ່ວປະເທດໃນປີຜ່ານມາ.ລາວວາງເປົ້າໝາຍການສົ່ງອອກເຂົ້າໃນປີຜ່ານມາທີ່ US$45.6 ລ້ານໂດລາ, ແຕ່ວ່າສາມາດບັນລຸໄດ້ພຽງ US$31.4 ລ້ານໂດລາ, ຕາມກະຊວງອຸດສາຫະກຳ ແລະ ການຄ້າ.ໃນປີນີ້ ລັດຖະບານຄາດວ່າຈະສ້າງລາຍຮັບຈາກການສົ່ງອອກເຂົ້າພຽງແຕ່ US$25.2 ລ້ານໂດລາ ເຊິ່ງຫຼຸດລົງຫຼາຍທຽບກັບຕົວເລກໃນປີຜ່ານມາ.ຜົນຜະລິດເຂົ້າໃນ 16 ແຂວງ ແມ່ນໄດ້ໜ້ອຍເນື່ອງຈາກໄພນ້ຳຖ້ວມເປັນບໍລິເວນກວ້າງໃນລະດູຝົນປີກາຍ, ຕາມລາຍງານຂອງກະຊວງກະສິກຳ ແລະ ປ່າໄມ້. ປີກາຍນີ້ ພື້ນທີ່ປູກເຂົ້າຈຳນວນ 101,000 ເຮັກຕາໄດ້ຮັບຜົນກະທົບຈາກໄພນ້ຳຖ້ວມ, ຄິດເປັນ 12% ຂອງເນື້ອທີ່ປູກເຂົ້າທັງໝົດ 817,800 ເຮັກຕາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ນັກທຸລະກິດໜຸ່ມລາວ ແລະ ຈີນໄດ້ຕົກລົງພັດທະນາສາຍພົວພັນດ້ານທຸລະກິດລະຫວ່າງສອງຊາດ ເພື່ອເສີມຂະຫຍາຍໂອກາດທາງດ້ານການຄ້າ, ການລົງທຶນ ແລະ ການພັດທະນາເສດຖະກິດ.ໂຄງການດັ່ງກ່າວແມ່ນລິເລີ່ມຈັດຕັ້ງໂດຍສະມາຄົມນັກທຸລະກິດໜຸ່ມລາວ (YEAL) ແລະ ບໍລິສັດພັດທະນາອະສັງຫາລິມະຊັບເຄີເອີນພູເອີຈຳກັດຂອງຈີນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອັດຕາເງິນເຟີ້ຍັງຄົງສືບຕໍ່ເພີ່ມຂຶ້ນໃນເດືອນມີນາ, ເຊິ່ງສູນສະຖິຕິແຫ່ງຊາດລາວໄດ້ກ່າວເຖິງສາເຫດຂອງການເພີ່ມຂຶ້ນຂອງດັດສະນີລາຄາຂອງຜູ້ບໍລິໂພກປະຈຳປີ (CPI) ວ່າແມ່ນຍ້ອນການເພີ່ມຂຶ້ນຂອງລາຄາອາຫານ, ບໍ່ແມ່ນການອ່ອນຄ່າຂອງເງິນກີບດັ່ງທີ່ຫຼາຍຄົນເຊື່ອກັນ.ສູນສະຖິຕິແຫ່ງຊາດ ເຊິ່ງເປັນກົມໜຶ່ງຂອງກະຊວງແຜນການ ແລະ ການລົງທຶນ ໄດ້ເຜີຍແຜ່ບົດລາຍງານກ່ຽວກັບອັດຕາເງິນເຟີ້ຫຼ້າສຸດ, ທັງຊີ້ແຈງສາເຫດຂອງເງິນເຟີ້.ອ່ານຕໍ່  ...

ລັດຖະບານຕ້ອງລວມການພັດທະນາເສດຖະກິດດິຈິຕອລ໌ເຂົ້າໃນວາລະການພັດທະນາ ເພື່ອເລັ່ງມືໃນການພັດທະນາການລິເລີ່ມລະດັບໂລກດັາງກ່າວ, ຕາມເຈົ້າໜ້າທີ່ການນຳຂອງກະຊວງໄປສະນີ ແລະ ໂທລະຄົມມະນາຄົມ.ໃນກອງປະຊຸມປະຈຳປີຂອງກະຊວງທີ່ມີຂຶ້ນໃນຕັ້ນເດືອນນີ້, ທ່ານ ແກ້ວວິສຸກ ສໍລະພົມ ຫົວໜ້າສູນອິນເຕີເນັດແຫ່ງຊາດລາວກ່າວວ່າ ສິ່ງທ້າທາຍໃນການຫັນສູ່ເສດຖະກິດດິຈິຕອລ໌ ແມ່ນເນື່ອງຈາກວ່າວຽກງານດັ່ງກ່າວບໍ່ໄດ້ລວມຢູ່ໃນແຜນວາລະການພັດທະນາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຍອດການສົ່ງອອກສິນຄ້າຂອງລາວໄປຈີນໃນປີນີ້ຄາດວ່າຈະເພີ່ມຂຶ້ນເປັນ  US$1,510 ລ້ານໂດລາ, ໃນຂະນະທີ່ການນຳເຂົ້າຈະຫຼຸດລົງເປັນ US$985 ລ້ານໂດລາ, ຕາມການຄາດຄະເນຫຼ້າສຸດຂອງກະຊວງອຸດສາຫະກຳ ແລະ ການຄ້າ.ໃນປີຜ່ານມາ ລາວວາງແຜນບັນລຸຍອດການສົ່ງອອກສິນຄ້າໄປຈີນໃຫ້ໄດ້ US$1,478 ລ້ານໂດລາ ແຕ່ວ່າສາມາດບັນລຸໄດ້ພຽງແຕ່ US$1,406 ລ້ານໂດລາ, ແລະ ຄາດຄະເນມູນຄ່າການນຳເຂົ້າຢູ່ທີ່ US$945 ລ້ານໂດລາ ແຕ່ວ່າການນຳເຂົ້າຕົວຈິງແມ່ນມີເຖິງ US$1,381 ລ້ານໂດລາ.ອ່ານຕໍ່ ...

(ຂປລ) ບໍລິສັດວຽງຈັນເຊັນເຕີມະຫາຊົນ ໄດ້ເລີ່ມເປີດຂາຍຫຸ້ນໃຫ້ກັບຜູ້ທີ່ສົນໃຈທັງພາຍໃນ ແລະ ຕ່າງປະເທດ.ພິທີເປີດໂຕການຊື້ຂາຍຫຸ້ນດັ່ງກ່າວໄດ້ມີຂຶ້ນໃນວັນພຸດຜ່ານມານີ້ ພາຍໃຕ້ການເປັນສັກຂີພະຍານຂອງທ່ານ ສາຍສະໝອນ ຈັນທະຈັກ ເລຂາທິການຕະຫຼາດຫຼັກຊັບລາວ ແລະ ຕາງໜ້າຈາກໜ່ວຍທຸລະກິດຕ່າງໆ.ບໍລິສັດດັ່ງກ່າວຈະຂາຍຫຸ້ນປະມານ 63.9 ລ້ານຫຸ້ນ ໃນລາຄາ 1,050 ກີບຕໍ່ຫຸ້ນ ເພື່ອສ້າງທຶນໃຫ້ໄດ້ຢ່າງໜ້ອຍ 67 ຕື້ກີບ, ຕາມທ່ານ ອຸລາໄທ ສັນຕິຄົງຄາ ຮອງປະທານບໍລິສັດ ວຽງຈັນເຊັນເຕີລາວຈຳກັດມະຫາຊົນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການໃຊ້ຈ່າຍໃນສິ່ງຂອງຟູມເຟືອຍທີ່ບໍ່ຈຳເປັນ ແລະ ການບັນເທິງໃນຊ່ວງປີໃໝ່ລາວຈະບໍ່ມີຜົນຫຍັງຕໍ່ເສດຖະກິດຂອງລາວ ເນື່ອງຈາກລາວອີງໃສ່ສິນຄ້ານຳເຂົ້າເປັນສ່ວນຫຼາຍ, ເຈົ້າໜ້າທີ່ເສດຖະກິດລະດັບສູງກ່າວ.ຍ້ອນລາວອີງໃສ່ສິນຄ້ານຳເຂົ້າຫຼາຍ ເຮັດໃຫ້ມີການໃຊ້ຈ່າຍຊື້ຂາຍກັບຄູ່ການຄ້າຫຼາຍ, ແຕ່ວ່າມູນຄ່າການສົ່ງອອກພັດມີໜ້ອຍ ແລະ ລາວເອງກໍໄດ້ຮັບຜົນກະທົບຈາກຄວາມຂັດແຍ່ງດ້ານເສດຖະກິດໂລກ ຄືກັບຫຼາຍປະເທດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການພັດທະນາຕາຂ່າຍໄຟຟ້າຂອງລາວ ຈະໄດ້ຮັບການສົ່ງເສີມຈາກພາກສ່ວນເອກະຊົນ ຫຼັງຈາກທີ່ກະຊວງພະລັງງານ ແລະ ບໍ່ແຮ່ ແລະ ອົງການການເງິນສາກົນ (IFC) ໄດ້ລົງນາມໃນຂໍ້ຕົກລົງການນຮ່ວມມື.ຂໍ້ຕົກລົງດັ່ງກ່າວໄດ້ມີການລົງນາມວານນີ້ ໂດຍທ່ານທອງພັດ ອິນທະວົງ ຮອງລັດຖະມົນຕີກະຊວງພະລັງງານ ແລະ ບໍ່ແຮ່ ແລະ ທ່ານລູບໍເມຍ ວາໂບນອບ ຫົວໜ້າຮັບຜິດຊອບວຽກງານພື້ນຖານໂຄງລ່າງ ແລະ ຊັະພະຍາກອນທຳມະຊາດ IFC.ອ່ານຕໍ່ ...

ຈຳປາສັກ, ລາວ (ວຽງຈັນທາມສ໌/ANN) – ໃນວັນສຸກແລ້ວນີ້ ກະຊວງວິທະຍາສາດ ແລະ ເຕັກໂນໂລຊີໄດ້ຈັດກອງປະຊຸມສື່ມວນຊົນ ເພື່ອຖະແຫຼງກ່ຽວກັບແຜນການໃນການຈັດງານມະຫາກຳຊັບສິນທາງປັນຍາ 2019 ເຊິ່ງຈະຈັດຂຶ້ນທີ່ແຂວງຈຳປາສັກ ໃນວັນທີ 24-28 ເມສານີ້.ງານດັ່ງກ່າວຈະມີການວາງສະແດງຜະລິດຕະພັນໃນ 162 ບູທ໌ ຈາກປະເທດລາວ ແລະ ບັນດາປະເທດສະມາຊິກອາຊຽນ, ເຊິ່ງແນໃສ່ສ້າງເຄືອຂ່າຍໃຫ້ມີຄວາມເຂັ້ມແຂງ. ໃນຕອນແລງຂອງແຕ່ລະມື້ຈະມີກິດຈະກຳ ຄອນເສີດພ້ອມທັງການສະແດງ ຈາກສິລະປິນທ້ອງຖິ່ນ ແລະ ນັກສະແດງຕ່າງໆ.ອ່ານຕໍ່ ...