ເສດຖະກິດ ແລະ ການຄ້າ

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ລາວ ແລະ ຈີນ, ນັກຄົ້ນຄວ້າ ແລະ ຫົວໜ່ວຍທຸລະກິດຕ່າງໆໄດ້ມີການລວມຕົວກັນທີ່ນະຄອນຫຼວງວຽງຈັນວານນີ້ ເພື່ອຫາລືກ່ຽວກັບການພັດທະນາເສດຖະກິດແບບດິຈິຕອລ໌, ໂດຍການນຳໃຊ້ຂໍ້ມູນ big data ໃນການທ່ອງທ່ຽວ ແລະ ເສີມຂະຫຍາຍຄວາມສາມາດໃນການຮັບມືກັບເຫດສຸກເສີນ.ກອງປະຊຸມສຳມະນາໃນຫົວຂໍ້ “ຄວາມສຳຄັນຂອງການພັດທະນາເສດຖະກິດຍຸກດິຈິຕອລ໌, ປະສົບການ ແລະ ບົດຮຽນຈາກຈີນ, ການນຳໃຊ້  Big Data ໃນອຸດສາຫະກຳການທ່ອງທ່ຽວ ແລະ ການເສີມຂະຫຍາຍຄວາມສາມາດໃນການຮັບມືກັບເຫດສຸກເສີນ ເພື່ອຮັບປະກັນການພັດທະນາເສດຖະກິດ-ສັງຄົມ” ໄດ້ຈັດຂຶ້ນທີ່ຫໍປະຊຸມແຫ່ງຊາດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານຮ່ວມມືກັບຄູ່ຮ່ວມພັດທະນາ ແລະ ຜູ້ມີສ່ວນຮ່ວມ ໃນການສົ່ງເສີມການລົງທຶນທີ່ມີຄຸນນະພາບສູງກວ່າເກົ່າໃນລາວ ໂດຍຜ່ານການພັດທະນາ ແລະ ປັບປຸງກົນໄກ ແລະ ຍຸດທະສາດການປະເມີນຜົນ.ແຜນດັ່ງກ່າວໄດ້ມີການຫາລືໃນກອງປະຊຸມ ເຊິ່ງຈັດໂດຍກະຊວງແຜນການ ແລະ ການລົງທຶນ, ແລະ ອົງການສະຫະປະຊາຊາດເພື່ອການພັດທະນາ (UNDP)-ໂຄງການສະຫະປະຊາຊາດເພື່ອສິ່ງແວດລ້ອມ ທີ່ນະຄອນຫຼວງວຽງຈັນໃນວັນສຸກແລ້ວນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດວຽງຈັນເຊັນເຕີລາວມະຫາຊົນ (VCL) ໄດ້ເປີດການຊື້ຂາຍຫຸ້ນໃນຕະຫຼາດຫຸ້ນລາວຢ່າງເປັນທາງການ, ເຊິ່ງເປັນລັດວິສາຫະກິດແຫ່ງທຳອິດຈາກແຂວງຢູນນານ ປະເທດຈີນ ແລະ ບໍລິສັດອັນດັບທີສິບໃນລາຍຊື່ກິດຈະການໃນຕະຫຼາດຫຼັກຊັບລາວ (LSX).ການເປີດຕົວການຊື້ຂາຍດັ່ງກ່າວແມ່ນໄດ້ມີຂຶ້ນໃນວັນສຸກແລ້ວນີ້ ທີ່ອາຄານຕະຫຼາດຫຼັກຊັບລາວ ນະຄອນຫຼວງວຽງຈັນ ພາຍໃຕ້ການເຂົ້າຮ່ວມຂອງທ່ານນາງ ສາຍສະໝອນ ຈັນທະຈັກ ເລຂາທິການຫ້ອງການຄະນະກຳມາທິການຕະຫຼາດຫຼັກຊັບລາວ, ທ່ານ ວັນຄຳ ວໍຣະວົງ ອຳນວຍການ LSX, ຜູ້ຕາງໜ້າຈາກອົງການຈັດຕັ້ງລັດຖະບານ, ຜູ້ຖືຫຸ້ນ ພ້ອມດ້ວຍພະນັກງານບໍລິສັດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຄະນະອຳນວຍການສະພາການຄ້າ ແລະ ອຸດສາຫະກຳແຫ່ງຊາດລາວ (LNCCI) ສົນໃຈໃນການປັບປຸງສະພາບແວດລ້ອມທຸລະກິດໂດຍລວມໃນລາວ ແລະ ທັງເປັນການສົ່ງເສີມເສດຖະກິດ.ນີ້ແມ່ນຂໍ້ຄວາມຈາກການປຶກສາຫາລືລະຫວ່າງຄະນະບໍລິຫານກັບບັນດາສະມາຊິກ ແລະ ຕາງໜ້າສະພາການຄ້າ ແລະ ອຸດສາຫະກຳແຂວງ ທີ່ນະຄອນຫຼວງວຽງຈັນວານນີ້ ເພື່ອຮັບປະກັນໃນການຕອບສະໜອງຄວາມຮຽກຮ້ອງຕ້ອງການຂອງທຸລະກິດ ແລະ ສົ່ງເສີມສະພາບແວດລ້ອມທີ່ສະດວກຕໍ່ການດຳເນີນທຸລະກິດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຜູ້ຜະລິດອາຫານ ແລະ ເຄື່ອງດື່ມສັນຫາຊ່ອງທາງໃນການກ້າວສູ່ຕະຫຼາດສາກົນ ເພື່ອຂະຫຍາຍໂອກາດທາງທຸລະກິດ ແລະ ເພີ່ມຍອດຂາຍ.ຜູ້ຜະລິດອາຫານ ແລະ ເຄື່ອງດື່ມລາວ ນັບແຕ່ຜູ້ຜະລິດກາເຟ ໄປເຖິງຜູ້ຜະລິດກະແລ້ມ ເຂົ້າຮ່ວມງານວາງສະແດງສິນຄ້າ THAIFEX-World of Food Asia 2019 ເຊິ່ງຈັດຂຶ້ນທີ່ບາງກອກ ປະເທດໄທ ແຕ່ວັນທີ 28 ເດືອນພຶດສະພາຫາ 1 ມິຖຸນາ ເພື່ອຊອກຫາຄູ່ຮ່ວມທຸລະກິດໃນການສົ່ງອອກຜະລິດຕະພັນຂອງຕົນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກຸ່ມບໍລິສັດ ຢູນນານໄຮເຈັງ ອຸດສາຫະກຳຈຳກັດຂອງຈີນ ກຳລັງສຶກສາຄວາມເປັນໄປໄດ້ໃນການລົງທຶນດ້ານກະສິກຳຢູ່ແຂວງຜົ້ງສາລີ ພາຍຫຼັງທີ່ມີການລົງທຶນຢູ່ແຂວງບໍ່ແກ້ວ, ຫຼວງນ້ຳທາ ແລະ ອຸດົມໄຊ.ພາຍໃຕ້ການກະກຽມຂອງອຳນາດການປົກຄອງແຂວງຜົ້ງສາລີ, ບໍລິສັດດັ່ງກ່າວຈະໃຊ້ເວລາສອງເດືອນໃນການສຶກສາຄວາມເປັນໄປໄດ້ ກ່ອນຕັດສິນໃຈດຳເນີນໂຄງການ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຂະແໜງເອກະຊົນໃນລາວຫວັງວ່າ ຂະແໜງການລັດຈະເຮັດໃຫ້ວຽກງານການຄ້າ ແລະ ການລົງທຶນສະດວກຍິ່ງຂຶ້ນຈາກການນຳໃຊ້ມາດຕະຖານການປະເມີນຜົນສາກົນ.ບັນດາມາດຕະຖານດັ່ງກ່າວນີ້ຈະຖືກນຳໃຊ້ໃນການປະເມີນປະສິດທິພາບຂອງການບໍລິການຂອງຂະແໜງການລັດ ແລະ ສະແດງໃຫ້ເຫັນຈຸດອ່ອນໃນການດຳເນີນງານ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການລົງເລິກດ້ານການປະຕິຮູບເພື່ອປັບປຸງສະພາບແວດລ້ອມໃນການດຳເນີນທຸລະກິດ, ຄວາມກ້າວໜ້າໃນການເຊື່ອມຕໍ່ກັບປະເທດເພື່ອນບ້ານ ແລະ ການສົ່ງເສີມຜະລິດຕະພາບຂອງຫົວໜ່ວຍທຸລະກິດພາຍໃນ ແມ່ນສິ່ງຈຳເປັນໃນການຮັກສາຄວາມເຂັ້ມແຂງຂອງການຂະຫຍາຍຕົວຂອງລາວ.ນີ້ແມ່ນຂໍ້ຄວາມຈາກບົດລາຍງານຂອງທະນາຄານໂລກທີ່ມີຊື່ວ່າ ‘ການເຮັດທຸລະກິດໃນ ສປປ ລາວ (Doing business in the Lao PDR)’ ທີ່ເຜີຍແຜ່ທາງເວັບໄຊຂອງອົງກອນ.ເຖິງວ່າປະເທດລາວຈະມີການຂະຫຍາຍຕົວທາງດ້ານເສດຖະກິດທີ່ກ້າວກະໂດດໃນໄລຍະ 25 ປີທີ່ຜ່ານມາ, ການຂະຫຍາຍຕົວດັ່ງກ່າວເຮັດໃຫ້ອັດຕາຄວາມທຸກຍາກຫຼຸດລົງ, ແຕ່ວ່າມັນຍັງຢູ່ໃນວົງທີ່ຈຳກັດ ແລະ ຄວາມບໍ່ສະເໝີພາບໃນສັງຄົມກໍເພີ່ມສູງຂຶ້ນ, ຕາມບົດລາຍງານດັ່ງກ່າວ.ການຂະຫຍາຍຕົວໃນຊຸມປີທີ່ຜ່ານມາສ່ວນໃຫຍ່ແມ່ນອີງໃສ່ຊັບພະຍາກອນທຳມະຊາດ, ໂຄງການພັດທະນາພື້ນຖານໂຄງລ່າງຂະໜາດໃຫຍ່ ແລະ ການໃຊ້ຈ່າຍໃນຂະແໜງການຂອງລັດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະພາການຄ້າ ແລະ ອຸດສາຫະກຳແຫ່ງຊາດລາວ (LNCCI) ແລະ ສະມາຄົມອຸດສາຫະກຳ ແລະ ການຄ້າທົ່ວປະເທດຈີນ (ACFIC) ໄດ້ລົງນາມໃນຂໍ້ຕົກລົງການຮ່ວມມື ເຊິ່ງເປັນການສ້າງສາຍພົວພັນການຮ່ວມງານອັນໃກ້ຊິດລະຫວ່າງສອງອົງກອນສູ່ອະນາຄົດ.ພາບໃຕ້ຂອບການລິເລີ່ມແລວທາງ ແລະ ຖະໜົນ, ທັງສອງຝ່າຍໄດ້ຕົກລົງປະຕິບັດວຽກງານໃຫ້ສອດຄ່ອງຕາມລະບຽບກົດໝາຍຂອງທັງຝ່າຍລາວ ແລະ ຈີນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ນັກທຸລະກິດໜຸ່ມ ແລະ ນັກສຶກສາໄດ້ຮຽນຮູ້ວິທີການໃນການຂໍທຶນຈາກທະນາຄານ, ການສ້າງແຜນທຸລະກິດ ແລະ ສຶກສາເພີ່ມເຕີມກ່ຽວກັບການປະກອບການທາງດ້ານທຸລະກິດ ຫຼັງຈາກເຂົ້າຮ່ວມກິດຈະກຳໃນວັນນັກທຸລະກິດລາວ 2019 ທີ່ມະຫາວິທະຍາໄລແຫ່ງຊາດໃນອາທິດແລ້ວນີ້.ງານດັ່ງກ່າວໄດ້ຮັບການສະໜັບສະໜູນໂດຍມະຫາວິທະຍາໄລແຫ່ງຊາດລາວ, ສະຖານທູດຍີ່ປຸ່ນປະຈຳລາວ, ອົງການຈັດຕັ້ງແຮງງານສາກົນ (ILO), ສະຖານບັນພັດທະນາຊັບພະຍາກອນມະນຸດລາວ-ຍີ່ປຸ່ນ (LJI), ແລະ ກົມສົ່ງເສີມທຸລະກິດ SME ຂອງກະຊວງອຸດສາຫະກຳ ແລະ ການຄ້າ.ອ່ານຕໍ່ ...