ລັດຖະບານຍີ່ປຸ່ນໄດ້ບໍລິຈາກອາຫານກະປ໋ອງ ແລະ ເຂົ້າສານ ມູນຄ່າ 27 ຕື້ກີບ (US$3.2 ລ້ານໂດລາ) ໃຫ້ແກ່ໂຄງການອາຫານໂຮງຮຽນ ແລະ ການສ້າງຄວາມເຂັ້ມແຂງເພື່ອຮັບມືຕໍ່ໄພພິບັດໃນລາວ ຂອງອົງການອາຫານໂລກ (WFP) .ການຊ່ວຍເຫຼືອໃນຄັ້ງນີ້ແມ່ນສຳລັບຊ່ວຍເຫຼືອຊຸມຊົນ ໂດນສະເພາະໃນການຮັບມືກັບໄພພິບັດ ແລະ ສະພາບການທີ່ມີຜົນກະທົບຕໍ່ສະບຽງອາຫານ.ອ່ານຕໍ່ ...

ກະຊວງສຶກສາ ແລະ ກິລາ ວາງແຜນເພີ່ມໂອກາດໃຫ້ແກ່ເດັກນ້ອຍຊົນນະບົດໄດ້ເຂົ້າເຖິງການສຶກສາ ໂດຍການສ້າງຫ້ອງຮຽນ ແລະ ຫໍພັກສຳລັບຄູເພີ່ມເຕີມ. ກະຊວງໄດ້ປະກາດການລິເລີ່ມດັ່ງກ່າວໃນກອງປະຊຸມ ເພື່ອຄຳນັບຮັບຕ້ອນວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ 1 ມິຖຸນາ.ອ່ານຕໍ່ ...

ລັດຖະບານໄດ້ມອບຫຼຽນການມິດຕະພາບໃຫ້ແກ່ທ່ານ ໂດມິນິກ ໂກະ ເອກອັກຄະລັດຖະທູດສິງກະໂປປະຈຳລາວ ເນື່ອງໃນໂອກາດສຳເລັດພາລະກິດທາງການທູດ ເຊິ່ງທ່ານໄດ້ປະກອບສ່ວນອັນສຳຄັນໃນການສົ່ງເສີມສາຍພົວພັນລະຫວ່າງສອງຊາດ ລາວ-ສິງກະໂປ.ທ່ານເອກອັກຄະລັດຖະທູດ ໂກະ ຈະເດີນທາງກັບປະເທດ ພາຍຫຼັງປະຈຳການໃນລາວເປັນໄລຍະກວ່າສີ່ປີ.ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ, ຕາງໜ້າລັດຖະບານ ແລະ ປະຊາຊົນລາວ, ມອບຫຼຽນກາມິດຕະພາບດັ່ງກ່າວໃຫ້ແກ່ທ່ານທູດໃນວັນທີ 8 ກໍລະກົດຜ່ານມານີ້ ທີ່ກະຊວງການຕ່າງປະເທດລາວ.ອ່ານຕໍ່   ...

ປີ 2017 ມີແຮງງານລາວຫຼາຍໝື່ນຄົນໄປອອກແຮງງານໃນຕະຫຼາດແຮງງານສາກົນ, ຈຶ່ງເປັນຄວາມຫວັງວ່າລາວອາດສາມາດຫັນເອົາທຸລະກິດດັ່ງກ່າວໃຫ້ເປັນຕົວສ້າງລາຍຮັບໃໝ່ຈາກຕ່າງປະເທດ.ຕາມຂໍ້ມູງຈາກສູນສະຖິຕິແຫ່ງຊາດ,​ ລາວໄດ້ສະໜອງແຮງງານປະມານ 49,000 ອັດຕາເຂົ້າສູ່ຕະຫຼາດແຮງງານສາກົນໃນປີ 2017 ໂດຍຜ່ານກົນໄກການຮ່ວມມືທາງດ້ານແຮງງານສອງຝ່າຍ.ອ່ານຕໍ່ ...

ພຸດທະສາຊະນິກະຊົນຫຼາຍພັນຄົນນຳເອົາຜາສາດເຜິ້ງປະດັບໄປດ້ວຍດອກໄມ້, ທູບ, ທຽນ ແລະ ວັດຖຸປັດໄຈ ຮ່ວມພິທີແຮ່ຜາສາດເຜິ້ງປະຈຳປີເພື່ອບູຊາພະທາດຫຼວງປະຈຳປີ ວານນີ້. ຜາສາດເຜິ້ງທີ່ແຫ່ມາຈາກວັດສີເມືອງນຳມາເຕົ້າໂຮມກັນທີ່ຖະໜົນວຽງຈະເລີນ ເຊິ່ງມີຊາວບ້ານຈາກເກົ້າຕົວເມືອງໃນນະຄອນວຽງຈັນ, ນັກຮຽນນັກສຶກສາ, ນັກທຸລະກິດ ແລະ ການຈັດຕັ້ງນຳເອົາຜາສາດເຜິ້ງຫຼາຍຮູບຫຼາຍສີມາສົມທົບໃນພິທີ.ອ່ານຕໍ່ ...

ໃນວັນຈັນນີ້ ລາວ ແລະ ຈີນ ໄດ້ເລີ່ມເປີດເສັ້ນທາງຂົນສົ່ງທາງອາກາດໃໝ່ ລະຫວ່າງສອງປະເທດ ເຊິ່ງບໍ່ພຽງແຕ່ແນໃສ່ສົ່ງເສີມການທ່ອງທ່ຽວເທົ່ານັ້ນ ແຕ່ຍັງເປັນການສົ່ງເສີມການຮ່ວມມືໃນຂະແໜງການຕ່າງໆນຳອີກ. ຖ້ຽວບິນໃໝ່ນີ້ ຈະໃຫ້ບໍລິການນັກທ່ອງທ່ຽວ ແລະ ຜູ້ເດີນທາງລະຫວ່າງ ວຽງຈັນ, ຫຼວງພະບາງ ຂອງລາວ ແລະ ມົນທົນໄຫໜານ ຂອງຈີນ. ນີ້ເປັນຂະແໜງການໜຶ່ງທີ່ລັດຖະບານຈີນຕ້ອງການເປີດກວ້າງ ພາຍໃຕ້ “ການລິເລີ່ມ ໜຶ່ງແຖບ ໜຶ່ງເສັ້ນທາງ” ເພື່ອສົ່ງເສີມການພົວພັນທາງດ້ານເສດຖະກິດ ແລະ ສັງຄົມລະຫວ່າງລາວ ແລະ ຈີນອ່ານຕໍ່ ...

ຄະນະກຳມະການຮ່ວມລາວ-ຫວຽດນາມຕົກລົງຮ້ວມມືກັນໃນການເພີ່ມທະວີການລົງທຶນ ແລະ ການຄ້າຊາຍແດນຕາມແນວຊາຍແດນຮ່ວມ, ຕາມການລາຍງານຂອງກະຊວງການຕ່າງປະເທດ.ນອກນີ້ ທັງສອງຝ່າຍຍັງໄດ້ຕົກລົງໃນການເສີມຂະຫຍາຍການຮ່ວມມືດ້ານການຄຸ້ມຄອງຊາຍແດນ, ດ້ານວັດທະນະທຳ ແລະ ການທ່ອງທ່ຽວໃນພື້ນທີ່ຊາຍແດນ.ອ່ານຕໍ່ ...

ລາວ ແລະ ກຳປູເຈຍໄດ້ຕົກລົງຮ່ວມມືກັນເພື່່ອແກ້ໄຂບັນຫາກ່ຽວກັບເຂດຊາຍແດນທີ່ມີຂໍ້ຂັດແຍ່ງ ຕາມການພົບປະໂອ້ລົມຂອງລັດຖະມົນຕີຕ່າງປະເທດຂອງສອງຊາດ ຢູ່ວຽງຈັນໃນມື້ວານນີ້. ເນື່ອງໂດຍ ທ່ານພຣັກ ໂສຄົນ ລັດຖະມົນຕີກະຊວງການຕ່າງປະເທດແລະການຮ່ວມມືສາກົນ ແຫ່ງກຳປູເຈຍ ໄດ້ດຳເນີນພາລະກິດຢ້ຽມຢາມລາວ, ກະຊວງການຕ່າງປະເທດລາວໄດ້ເປີດເຜີຍຕໍ່ສື່ມວນຊົນອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານໄດ້ເຜີຍວິໄສທັດການພັດທະນາປະເທດຊຸດໃໝ່ ເຊິ່ງມີແຜນບຸກທະລຸແຕ່ປີ 2021-2025.ຕາມແນວທາງຂອງລັດຖະບານໃນການຈັດຕັ້ງປະຕິບັດແຜນພັດທະນາເສດຖະກິດສັງຄົມແຫ່ງຊາດ 2019 ເຊິ່ງມີການເຜີຍແຜ່ໃນກອງປະຊຸມຂອງຂະແໜງແຜນການ ແລະ ການເງິນທີ່ຜ່ານມາ, ລັດຖະບານໄດ້ເປີດເຜີຍວິໄສທັດການພັດທະນາແຫ່ງຊາດຊຸດໃໝ່.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານໄດ້ເປີດໄຟຂຽວໃຫ້ແກ່ບໍລິສັດໄຟຟ້າຕາດສະໂກຍຈຳກັດ ໃນການດຳເນີນໂຄງການພະລັງງານໄຟຟ້ານ້ຳຕົກຕາດສະໂກຍ ເມືອງເຊໂປນ ແຂວງສະຫວັນນະເຂດ.ຂໍ້ຕົກລົງການສຳປະທານໂຄງການແມ່ນໄດ້ຮັບການລົງນາມຫວ່າງໆໝໍ່ໆມານີ້ ທີ່ວຽງຈັນ ລະຫວ່າງທ່ານ ປອ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ, ທ່ານ ປອ ສິນນະວາ ສຸພານຸວົງ ຮອງລັດຖະມົນຕີກະຊວງພະລັງງານ ແລະ ບໍ່ແຮ່, ທ່ານ ສຸຣະສັກ ພັນເຣືອງວົງ ປະທານບໍລິສັດ B.Grimm Power (ລາວ) ຈຳກັດ, ແລະ ທ່ານ ພິມພາ ເອກະພົນ ອຳນວຍການບໍລິຫານກຸ່ມບໍລິສັດການລົງທຶນ ແລະ ກໍ່ສ້າງ ດາວສະຫວັນ ຈຳກັດ.ອ່ານຕໍ່ ...

ເຈົ້າໜ້າທີ່ໆກ່ຽວຂ້ອງໄດ້ລາຍງານໃນທີ່ປະຊຸມສະພາແຫ່ງຊາດໃນອາທິດຜ່ານມາວ່າ ການຈ່າຍຄ່າຊົດເຊີຍສຳລັບປະຊາຊົນຜູ້ໄດ້ຮັບຜົນກະທົບ ຈາກການສ້າງເສັ້ນທາງລົດໄຟລາວ-ຈີນ ພ້ອມທັງສິ່ງອຳນວຍຄວາມສະດວກທີ່ກ່ຽວຂ້ອງ ຄາດວ່າຈະສາມາດຊຳລະສະສາງພາຍໃນເດືອນນີ້ ຫຼັງຈາກທີ່ມີການຊັກຊ້າມາດົນພໍສົມຄວນ.ອ່ານຕໍ່ ...

ພະນັກງານການທ່ອງທ່ຽວ ແລະ ຜູ້ປະກອບການທ່ອງທ່ຽວຈຳນວນ 30 ຄົນທີ່ໄດ້ສຳເລັດການຝຶກອົບຮົມຢູ່ຈີນໃນອາທິດທີ່ຜ່ານມາ ແມ່ນສ່ວນໜຶ່ງຂອງມາດຕະການເພື່ອຍົກລະດັບ ແລະ ພັດທະນາຊັບພະຍາກອນມະນຸດໃນຂະແໜງການທ່ອງທ່ຽວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານ ໄດ້ອອກດຳລັດນາຍົກລັດຖະມົນຕີກ່ຽວກັບການຈັດຕັ້ງກອງທຶນ ເພື່ອສົ່ງເສີມທຸລະກິດຂະໜາດນ້ອຍ ແລະ ຂະໜາດກາງ (SME), ເຊິ່ງຄາດວ່າການແຊກແຊງດັ່ງກ່າວ ຈະຊ່ວຍສົ່ງເສີມການເຂົ້າເຖິງແຫຼ່ງທຶນຂອງຫົວໜ່ວຍທຸລະກິດ.ໃນວັນທີ 4 ກັນຍານີ້ ທ່ານ ທອງລຸນ ສີສຸລິດ ນາຍົກລັດຖະທົນຕີ ໄດ້ລົງນາມຮັບຮອງເອົາດຳລັດວ່າດ້ວຍກອງທຶນສົ່ງເສີມ SME ເພື່ອເພີ່ມທະວີກົງຈັກນິຕິບັນຍັດ ໃນການສະໜັບສະໜູນການຈັດຕັ້ງ ແລະ ການດຳເນີນການຂອງຫົວໜ່ວຍທຸລະກິດ ເພື່ອຂົນຂວາຍການອັດສິດແຫຼ່ງທຶນສຳລັບທຸລະກິດຂະໜາດນ້ອຍ ແລະ ຂະໜາດກາງ.ອີງຕາມດຳລັດທີ່ເຜີຍແຜ່ຜ່ານທາງເວັບໄຊຈົດໝາຍເຫດແຫ່ງຊາດລາວ ເຊິ່ງເປັນໜຶ່ງໃນຊ່ອງທາງຂອງລັດຖະບານ ໃນການເຜີຍແຜ່ແຜນນະໂຍບາຍ, ລະບຽບການ ແລະ ກົດໝາຍຕ່າງໆ, ກອງທຶນ SME ຈະເປັນອົງການຈັດຕັ້ງໜຶ່ງຂອງລັດທີ່ຂຶ້ນກັບກະຊວງອຸດສາຫະກຳ ແລະ ການຄ້າ.ອ່ານຕໍ່ ...

ຈາກາຕາ (ສຳນັກຂ່າວອັນທາຣາ) – ສະຖານທູດອິນໂດເນເຊຍທີ່ວຽງຈັນ ໄດ້ຈັດກອງປະຊຸມສົນທະນາກ່ຽວກັບການລົງທຶນ ເພື່ອສົ່ງເສີມໃຫ້ນັກທຸລະກິດອິນໂດເນເຊຍເຂົ້າມາລົງທຶນໃນລາວ ຕາມການລາຍງານຂອງສະຖານທູດຕໍ່ສຳນັກຂ່າວອັນທາຣາໃນວັນອັງຄານນີ້.ອ່ານຕໍ່ ...

(ຂປລ) ແປດແຂວງຂອງລາວ ແລະ ຫວຽດນາມ ຮ່ວມປະຊຸມກັນທີ່ແຂວງທັນຫົວ ປະເທດຫວຽດນາມ ໃນວັນທີ 18 ຕຸລານີ້ ເພື່ອຫາລືການຮ່ວມມືໃນສົງຄາມຕ້ານອາດຊະຍາກຳຢາເສບຕິດ.ໃນກອງປະຊຸມດັ່ງກ່າວ, ຕົວແທນຈາກແຂວງທັນຫົວ, ເຍອັນ, ສອນລາ ແລະ ດຽນບຽນຂອງຫວຽດນາມ ແລະ ແຂວງຫົວພັນ, ຫຼວງພະບາງ, ຜົ້ງສາລີ ແລະ ຊຽງຂວາງຂອງລາວໄດ້ຮ່ວມລົງນາມໃນບົດບັນທຶກຄວາມເຂົ້າໃຈກ່ຽວກັບການຮ່ວມມືໃນການສະກັດກັ້ນ ແລະ ຕໍ່ສູ້ຕ້ານອາດສະຍາກຳຢາເສບຕິດ. ອ່ານຕໍ່ ...

ບໍ່ເຕັນມ ລາວ, 31 ຕຸລາ (ຊິນຫົວ) — ການສົ່ງອອກນ້ຳມັນກັ່ນຂອງຈີນສູ່ຕະຫຼາດລາວຄັ້ງປະຖົມມະເລີກ ໄດ້ມີການສົ່ງມອບນ້ຳມັນກາຊວນຈຳນວນ 64 ໂຕນ ຈາກບໍລິສັດປີໂຕຣໄຊນາໃຫ້ກັບບໍລິສັດໃນລາວ ທີ່ຊາຍແດນລາວ-ຈີນ ໃນວັນພຸດທີ່ຜ່ານມານີ້.ບໍລິສັດປີໂຕຣໄຊນາສາກົນ (ຢຸນນານ) ຈຳກັດ, ສາຂາບໍລິສັດປີໂຕຣໄຊນາກຣຸບ, ໄດ້ທຳການສຶກສາ ແລະ ກະກຽມເປັນເວລາສອງປີນັບແຕ່ປີ 2016 ໃນການເຂົ້າເຖິງຕະຫຼາດນ້ຳມັນລາວ.ອ່ານຕໍ່ ...

(ຂປລ) ເຈົ້າໜ້າທີ່ລັດຖະບານສະຫະລັດ ແລະ ກະຊວງຍຸດຕິທຳຂອງລາວໄດ້ເປີດຕົວແອັບໂທລະສັບມືຖື ແນໃສ່ອຳນວຍຄວາມສະດວກໃຫ້ແກ່ການພັດທະນາດ້ານເສດຖະກິດຂອງລາວ ກໍ່ຄືດ້ານລະບຽບກົດໝາຍ ໃນວັນທີ 2 ພະຈິກທີ່ຜ່ານມາ ທີ່ວຽງຈັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອັດຕາການຂະຫຍາຍໂຕຂອງໂຮງຈັກໂຮງງານໃນລາວ ຍັງຄົງສືບຕໍ່ຊັກຊ້າ ເຖິງວ່າລັດຖະບານຈະປັບປຸງນະໂຍບາຍ ແລະ ລະບຽບການເພື່ອດຶງດູດການລົງທຶນ.ຕົວເລກໂຮງງານໃນລາວຍັງຄົງຂະຫຍາຍຕົວໃນລະດັບ 5 ສ່ວນຮ້ອຍຕໍ່ປີ, ຕາມສະຖິຕິຈາກກົມອຸດສາຫະກຳ ແລະ ຫັດຖະກຳ ກະຊວງອຸດສາຫະກຳ ແລະ ການຄ້າ.ໃນປີ 2016 ລາວມີໂຮງງານທັງໝົດ 13,148 ແຫ່ງ, ເຊິ່ງລວມມີ ໂຮງງານຂະໜາດໃຫຍ່, ຂະໜາດກາງ, ຂະໜາດນ້ອຍ ແລະ ຂະໜາດຄົວເຮືອນ, ຕາມຂໍ້ມູນໃນເວັບໄຊຂອງກະຊວງ.ອ່ານຕໍ່ ...

(ຂປລ) ພະນັກງງານລາວກວ່າ 2,000 ຄົນໄດ້ຮັບຜົນປະໂຫຍດຈາກໂຄງການຕ່າງໆທີ່ດຳເນີນໂດຍ ໂຄງການຮ່ວມມືດ້ານວິຊາການຂອງມາເລເຊຍ (MTCP) ນັບຕັ້ງແຕ່ປີ 1980 ເປັນຕົ້ນມາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໜີ້ສິນຂອງລັດ ‘ສາມາດຈັດການໄດ້’ ເນື່ອງຈາກວ່າລັດຖະບານມີມາດຕະການຮອງຮັບໃນການຈັດການຢ່າງມີປະສິດທິຜົນ, ທ່ານ ທອງລຸນ ສີສຸລິດ ນາຍົກລັດຖະມົນຕີ ກ່າວໃນການສຳພາດຕໍ່ສຳນັກຂ່າວ Nikkei Asian Review ອາທິດແລ້ວນີ້.ທ່ານນາຍົກ ເຊິ່ງກຳລັງຢ້ຽມຢາມປະເທດຍີ່ປຸ່ນເພື່ອຮ່ວມກອງປະຊຸມ Future of Asia ກ່າວວ່າ ໃນປະຈຸບັນປະເທດລາວແມ່ນເປັນໜີ້ຫຼາຍປະເທດ ແລະ ອົງການ ເຊັ່ນ ຈີນ, ຍີ່ປຸ່ນ, ຫວຽດນາມ, ແລະ ທະນາຄານໂລກ.ມາຮອດທ້າຍປີ 2018 ໜີ້ສິນຂອງລັດຖະບານລາວເພີ່ມຂຶ້ນເປັນ US$9.761 ຕື້ໂດລາ. ໃນນີ້ 14.02% ແມ່ນເພີ່ມຂຶ້ນຈາກຕົວເລກໜີ້ສິນຂອງປີກ່ອນ, ຕາມທະນາຄານແຫ່ງ ສປປ ລາວ.ອ່ານຕໍ່ ...