News

ສິງກະໂປ, 7 ພະຈິກ (IFR) – ສາທາລະນະລັດ ປະຊາທິປະໄຕ ປະຊາຊົນລາວ, ເຊິ່ງໄດ້ຮັບການຈັດອັນດັບ BBB+ ຈາກ Tris, ຈະກັບຄືນສູ່ຕະຫຼາດພັນທະບັດເງິນບາດ ເຊິ່ງມີແຜນຈະເພິ່ມວົງເງິນເປັນ 7 ຕື້ບາດ (215.3 ລ້ານໂດລາສະຫະລັດ) ໃນເດືອນນີ້.ຜູ້ນຳໃນຂໍ້ຕົກລົງດັ່ງກ່າວມີທະນາຄານບາງກອກ ແລະ ທະນາຄານທະນະຊາດ.ອ່ານຕໍ່ ...

ທ່ານ ທອງລຸນ ສີສຸລິດ ນາຍົກລັດຖະມົນຕີລາວ ເດີນທາງໄປເມືອງຊຽງໄຮເມືອງເອກທາງດ້ານເສດຖະກິດຂອງຈີນ ເພື່ອສົ່ງຜ່ານຂໍ້ຄວາມສົ່ງເສີມຜະລິດຕະພັນລາວໃນນາມຂອງນັກວາງນະໂຍບາຍ ແລະ ຜູ້ປະກອບການຂອງລາວ ເພື່ອຍົກສູງການສົ່ງເສີມການເຊື່ອມຕໍ່ ໄປສູ່ໜ້າຕະຫຼາດຜູ້ບໍລິໂພກທີ່ກວ້າງຂວາງ ໃນງານວາງສະແດງສິນຄ້ານຳເຂົ້າສາກົນຂອງຈີນ.ອ່ານຕໍ່ ...

ໄດ້ມີການນຳໃຊ້ຂໍ້ມູນພາບຖ່າຍຈາກດາວທຽມ ເພື່ອຕັ້ງຂໍ້ສົມມຸດຖານກ່ຽວກັບສາເຫດຂອງການແຕກຂອງສັນເຂື່ອນ D ຂອງໂຄງການເຂື່ອນໄຟຟ້ານ້ຳຕົົກເຊປຽນ-ເຊນ້ຳນ້ອຍ ທີ່ແຂວງອັດຕະປີ.ສາດສະດາຈານ ຣິຊາດ ມີຮັນ ຈາກມະຫາລິທະຍາໄລສະແຕນຟ໊ອດຂອງສະຫະລັດ ທີ່ປະຈຳຢູ່ບາງກອກກຳລັງທຳການສອບສວນຫາສາເຫດການແຕກຂອງເຂື່ອນດັ່ງກ່າວຈາກບາງກອກ ໂດຍນຳໃຊ້ເຕັກໂນໂລຊີອາວະກາດແບບໃໝ່, ຕາມການເປີດເຜີຍຂໍ້ມູນຜ່ານທາງເວັບໄຊຂອງສູນວິສະວະກຳແຜ່ນດິນໄຫວບລູມໃນວັນທີ 26 ຕຸລານີ້.ອ່ານຕໍ່  ...

ອົງການຄົ້ນຄວ້າເສດຖະກິດອັນດັບຕົ້ນຂອງລັດຖະບານແນະນຳ ການລົງທຶນຄວນສຸມໃສ່ຫຼາຍຂົງເຂດ ເຊິ່ງເນັ້ນການໃຊ້ປະໂຫຍດ ແລະ ສ້າງປະໂຫຍດສູງສຸດຈາກເສັ້ນທາງລົດໄຟ ລາວ-ຈີນ.ສະຖາບັນຄົ້ນຄວ້າເສດຖະກິດແຫ່ງຊາດ (NERI) ສະເໜີໃນການສຳຫຼວດຫຼ້າສຸດທີ່ມີການເຜີຍແຜ່ຫວ່າງມໍ່ໆມານີ້ວ່າ ມັນມີຄວາມເປັນໄປໄດ້ທີ່ຈະສ້າງເຂດເສດຖະກິດພິເສດ (SEZs) ລຽບຕາມສາຍທາງລົດໄຟຄວາມໄວສູງໄລຍະ 407 ກມ, ໂດຍສຸມໃສ່ການຂະຫຍາຍເຂດອຸດສາຫະກຳ.ອ່ານຕໍ່ ...

ລາວຈະສືບຕໍ່ຮ່ວມວຽກກັບອົງການຢູນິເຊັບ ແລະ ບັນດາຄູ່ຮ່ວມພັດທະນາເພື່ອສົ່ງເສີມ ແລະ ປົກປ້ອງສິດທິເດັກ. ທັງນີ້ ລາວວາງເປົ້າໃນການບັນລຸເປົ້າໝາຍການພັດທະນາແບບຍືນຍົງ (SDGs) ພາຍໃນ 2030 ພາຍໃຕ້ອະນຸສັນຍາວ່າດ້ວຍສິດທິເດັກ.ອ່ານຕໍ່ ...

(ຂປລ) ທະນາຄານ RHB ມອບອຸປະກອນການຝຶກອົບຮົມ ແລະ ເຄື່ອງໃຊ້ປະຈຳວັນ ລວມມູນຄ່າ 20 ລ້ານກີບໃຫ້ແກ່ນັກຮຽນທີ່ສູນພັດທະນາແມ່ຍິງພິການລາວ.ອ່ານຕໍ່ ...

(ຂປລ) ເຈົ້າໜ້າທີ່ລັດຖະບານສະຫະລັດ ແລະ ກະຊວງຍຸດຕິທຳຂອງລາວໄດ້ເປີດຕົວແອັບໂທລະສັບມືຖື ແນໃສ່ອຳນວຍຄວາມສະດວກໃຫ້ແກ່ການພັດທະນາດ້ານເສດຖະກິດຂອງລາວ ກໍ່ຄືດ້ານລະບຽບກົດໝາຍ ໃນວັນທີ 2 ພະຈິກທີ່ຜ່ານມາ ທີ່ວຽງຈັນ.ອ່ານຕໍ່ ...

ບໍລິສັດລາວນຳເຂົ້ານ້ຳມັນກາຊວນມາດຕະຖານອາຍເສຍຢູໂຣ 5 ຈາກຈີນເປັນຄັ້ງທຳອິດ, ເຊິ່ງເປັນບາດກ້າວປະຫວັດສາດສຳລັບປະເທດລາວ ແລະ ເປັນການຂະຫຍາຍຕະຫຼາດການຄ້າລະຫວ່າງສອງຊາດ.ບໍລິສັດປີໂຕຣໄຊນາໄດ້ສົ່ງມອບນ້ຳມັນກາຊວນປະລິມານ 64 ໂຕນ ໃຫ້ແກ່ບໍລິສັດລັດວິສາຫະກິດການຄ້ານ້ຳມັນເຊື້ອໄຟແຫ່ງຊາດຂອງລາວ (NTP) ໃນອາທິດແລ້ວນີ້ ທີ່ຊາຍແດນລາວ-ຈີນ ພາຍໃຕ້ການຊ້ອງໜ້າຂອງເຈົ້າໜ້າທີ່ພາສີ.ອ່ານຕໍ່ ...

 ເຈົ້າໜ້າທີ່ລັດຖະບານ ຮ່ວມປະຊຸມກັບບັນດາຫົວໜ່ວຍທຸລະກິດໃນວັນສຸກທີ່ຜ່ານມາ ເພື່ອຫາລືກ່ຽວກັບການພັດທະນາ ແລະ ບັນຫາໃນອຸດສະຫະກຳການທ່ອງທ່ຽວ ກໍຄືເພື່ອແລກປ່ຽນແນວຄິດໃນການປັບປຸງການບໍລິການທາງດ້ານການທ່ອງທ່ຽວສຳລັບຊ່ວງເວລາທີ່ຍັງເຫຼືອຂອງປີທ່ອງທ່ຽວລາວ 2018.ກອງປະຊຸມດັ່ງກ່າວແມ່ນແນໃສ່ການປັບປຸງຄຸນນະພາບຂອງການບໍລິການທ່ອງທ່ຽວ ແລະ ປັບປຸງການຕ້ອນຮັບນັກທ່ອງທ່ຽວ ກໍຄືສ້າງຄວາມປະທັບໃຈໃນມາດຕະຖານຂອງການບໍລິການ.ອ່ານຕໍ່ ...

ລາວຫຼຸດອັນດັບລົງ 13 ຂັ້ນມາຢູ່ໃນອັນດັບທີ 154 ໃນການຈັດລະດັບຄວາມສະດວກໃນການດຳເນີນທຸລະກິດທົ່ວໂລກ (EODB) ເຖິງແມ່ນວ່າລັດຖະບານໄດ້ສຸມຄວາມພະຍາຍາມໃນການປັບປຸງສະພາບແວດລ້ອມໃນການດຳເນີນທຸລະກິດ.ຄະແນນ EODB ຂອງປະເທດລາວໃນປີນີ້ແມ່ນ 51.26 ຄະແນນ, ເພີ່ມຂຶ້ນ 11% ທຽບກັບປີກາຍ, ອີງຕາມດັດສະນີການຈັດອັນດັບ EODB ປະຈຳປີຫຼ້າສຸດຂອງທະນາຄານໂລກ ເຊິ່ງທຳການສຳຫຼວດເສດຖະກິດໃນ 190 ປະເທດທົ່ວໂລກ. ການຈັດອັນດັບໃນປີນີ້ໄດ້ມີການເຜີຍແຜ່ຜ່ານທາງເວັບໄຊຂອງທະນາຄານໂລກ.ອ່ານຕໍ່ ...