News

ປີໃໝ່ກຸດຈີນກຳລັງຈະມາເຖິງ, ແລະ ດ້ວຍເຫດເພື່ອການສະເຫຼີມສະຫຼອງຖ້ຽວບິນລະຫວ່າງເມືອງເອກດ້ານເສດຖະກິດຊຽງໄຮ ແລະ ນະຄອນຫຼວງວຽງຈັນຂອງລາວ. ຖ້ຽວບິນ ວຽງຈັນ-ຊຽງໄຮ ຈະໃຫ້ບໍລິການໃນລາຄາພິເສດ $US199 + ອາກອນ ເພື່ອສົ່ງເສີມການທ່ອງທ່ຽວຜ່ານສະໜາມບິນສາກົນວັດໄຕ ໄປກັບສາຍການບິນລາວ ເຊິ່ງມີການກະກຽມຖ້ຽວບິນ 4 ຄັ້ງຕໍ່ອາທິດ ນັບແຕ່ວັນທີ 28 ມັງກອນນີ້ເປັນຕົ້ນໄປ.ອ່ານຕໍ່ ...

ແມ່ຍິງກວ່າ 20,000 ຄົນໄດ້ເຂົ້າຮ່ວມການຝຶກອົບຮົມ ຫຼື ເຂົ້າເຖິງຕະຫຼາດແຮງງານໃນຂະແໜງການກະສິກຳ ແລະ ປ່າໄມ້, ອຸດສາຫະກຳ ແລະ ການບໍລິການໃນປີ 2018 ທີ່ຜ່ານມາ.ອ່ານຕໍ່ ...

ລາວສາມາດເປັນຂົວຕໍ່ສາຍສັນຍານອິນເຕີເນັດພາຍໃນພາກພື້ນໃນອະນາຄົດ ຍ້ອນລັກສະນະທີ່ຕັ້ງທາງພູມປະເທດ, ຕາມນັກວາງນະໂຍບາຍອິນເຕີເນັດ.“ລາວມີທ່າແຮງໃນການເຊື່ອມໂຍງອີນເຕີເນັດຂອງພາກພື້ນ”, ທ່ານ ແກ້ວວິສຸກ ສຸລະພົມ ຫົວໜ້າສູນອິນເຕີເນັດລາວກ່າວ.ອ່ານຕໍ່ ...

ການກໍ່ສ້າງເຄືອຂ່າຍທາງລົດໄຟຄວາມໄວສູງ ໃນພາກຂອງໄທ ເພື່ອເຊື່ອມຕໍ່ພາກພື້ນ ເຊິ່ງເຊື່ອມໂຍງກັບແຜນການທາງສາຍໃໝ One Belt One Road ຂອງຈີນ ກັບມາດຳເນີນອີກຄັ້ງ ຫຼັງຈາກທີ່ມີການເລື່ອນແກ່ຍາວມາຫຼາຍປີຈົນສົ່ງຜົນຕໍ່ຄວາມຄືບໜ້າຂອງໂຄງການ.ພີທິວາງສິລາເລີກສຳລັບການກໍ່ສ້າງຕອນທາງໄລຍະ 3.5 ກມ ຊຸດທຳອິດໄດ້ມີຂຶ້ນໃນເດືອນທັນວາ 2018 ພາຍໃຕ້ການເປັນປະທານຂອງທ່ານ ປະຍຸດ ຈັນໂອຊາ ນາຍົກໄທ.ໂດຍມີແຜນເຊື່ອມຕໍ່ກັນເສັ້ນທາງລົດໄຟລາວ-ຈີນທີ່ຊາຍແດນລາວ, ທາງລົດໄຟດັ່ງກ່າວຈະເຊື່ອມຕໍ່ນະຄອນຫຼວງບາງກອກຂອງໄທ ເຂົ້າກັບເມືອງໜອງຄາຍທາງພາກອິສານ ເຊິ່ງມີຊາຍແດນຕິດກັບປະເທດລາວ ໃນໄລຍະທາງ  873 ກມ (542 ໄມ).ອ່ານຕໍ່  ...

(ຂປລ) ການຂະຫຍາຍຕົວດ້ານເສດຖະກິດຂອງ ສປປ ລາວ ຄາດວ່າຈະຢູ່ທີ່ 6.5% ໃນປີ 2018 ຫຼຸດລົງຈາກ 6.9% ໃນປີ 2017, ເຊິ່ງສ່ວນໜຶ່ງແມ່ນຍ້ອນຜົນກະທົບຈາກໄພນ້ຳຖ້ວມຄັ້ງຮ້າຍແຮງເປັນບໍລິເວນກວ້າງໃນປີຜ່ານມາ.ຂະແໜງການກໍ່ສ້າງພື້ນຖານໂຄງລ່າງ, ການສົ່ງອອກກະແສໄຟຟ້າ ແລະ ການບໍລິການ ແມ່ນຕົວຂັບເຄື່ອນຫຼັກຂອງການຂະຫຍາຍຕົວໃນປີ 2018.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ມູນຄ່າການສົ່ງອອກຊີມັງຄາດວ່າຈະເພີ່ມສູງຂຶ້ນຕໍ່ເນື່ອງ ເນື່ອງຈາກມີການສ້າງຕັ້ງໂຮງງານຫຼາຍແຫ່ງ ທັງມີຄວາມພ້ອມໃນການທຳການຜະລິດ.ປີ 2016, ລາວມີລາຍຮັບຈາກການສົ່ງອອກຊີມັງພຽງແຕ່ US$200,000 ໂດລາ, ແຕ່ກໍກ້າວຂຶ້ນເປັນ US$47.6 ລ້ານໂດລາໃນປີ 2017 ແລະ US$47.8 ລ້ານໂດລາໃນຊ່ວງສິບເດືອນຕົ້ນປີ 2018, ຕາມກະຊວງອຸດສາຫະກຳ ແລະ ການຄ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດລາວໂທລະຄົມ ຜູ້ປະກອບການດ້ານໂທລະຄົມຊັ້ນນຳຂອງລາວ ຊ້ອນຊື້ຫຸ້ນຂອງບໍລິສັດວິມໂປຄອມຈຳກັດ (ບີລາຍ) ໃນມູນຄ່າ 42 ລ້ານໂດລາ.ລູກຄ້າຂອງເຄືອຂ່າຍບີລາຍຈະຍັງຄົງສາມາດນຳໃຊ້ເບີຫຼັກ 7 ຄຽງຄູ່ກັບເຄືອຂ່າຍເບີຫຼັກ 5 ຕາມຂໍ້ມູນຫຼ້າສຸດໃນເດືອນມັງກອນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານຈະທຳການຕິດຕາມການຄຸ້ມຄອງສິນເຊື່ອທີ່ປ່ອຍກູ້ໃຫ້ແກ່ທຸລະກິດຂະໜາດນ້ອຍ ແລະ ຂະໜາດກາງ (SMEs) ຢ່າງໃກ້ຊິດ ເພື່ອຮັບປະກັນວ່າເຂົາເຈົ້າມີການນຳໃຊ້ຢ່າງມີປະສິດທິຜົນ ແລະ ສ້າງຜົນກຳໄລ.ໃນກອງປະຊຸມປະຈຳປີຂອງໜ່ວຍງານການເງິນໃນຕົ້ນເດືອນນີ້, ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ກ່າວວ່າລັດຖະບານຈະຕິດຕາມທຸກໆໂຄງການ SMEs ທີ່ໄດ້ຮັບເງິນກູ້ຢືມຈາກທະນາຄານ ແລະ ພາຍໃຕ້ການລົງທຶນຂອງລັດຖະບານ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ຊາວກະສິກອນຈາກສີ່ແຂວງຂອງລາວ ໄດ້ຮຽນຮູ້ວິທີການລ້ຽງສັດຜ່ານການລິເລີ່ມການເພາະລ້ຽງງົວລາວຄຸນນະພາບ (LQBI).ທີມງານໂຄງການ ຮ່ວມກັບອຳນາດການປົກຄອງເມືອງ ໄດ້ຈັດບັ້ນຝຶກອົບຮົມ ໃນວັນອັງຄານນີ້ ທີ່ວຽງຈັນ ກ່ຽວກັບວິທີການລ້ຽງງົວຄວາຍຂະໜາດນ້ອຍ ສຳລັບຊາວກະສິກອນແຂວງຫຼວງພະບາງ, ໄຊຍະບູລີ, ຊຽງຂວາງ ແລະ ສະຫວັນນະເຂດ.ການລິເລີ່ມການເພາະລ້ຽງງົວລາວຄຸນນະພາບ ແມ່ນການຮ່ວມມືລະຫວ່າງລັດຖະບານລາວ ແລະ ນິວຊີແລນ ເພື່ອຍົກລະດັບການຜະລິດ ແລະ ຄຸນນະພາບຂອງງົວຄວາຍທີ່ລ້ຽງໃນທ້ອງຖິ່ນ. ໂຄງການມູນຄ່າ 5 ລ້ານໂດລານິວຊີແລນ (US$3.6 ລ້ານໂດລາ) ດັ່ງກ່າວໄດ້ມີການລົງນາມໃນປີ 2017.ອ່ານຕໍ່ ...

ຊາວໜຸ່ມໃນບັນດາແຂວງພາກເໜືອຂອງລາວ ມີການຍ້າຍຖິ່ນຂ້າມຊາຍແດນໄປຈີນຫຼາຍຂຶ້ນ ເພື່ອຊອກຫາວຽກເຮັດງານທຳ ແລະ ຄ່າແຮງງານທີ່ສູງກວ່າ.ຍ້ອນທ່າແຮງທີ່ຈຳກັດໃນລາວ, ຊາວໜຸ່ມຈາກເຂດພູດອຍຫ່າງໄກສອກຫຼີກ ເລືອກທີ່ຈະເປັນຜູ້ຍ້າຍຖິ່ນໂດຍບໍ່ມີເອກະສານ ໄປແຂວງຢຸນນານປະເທດຈີນ ເຊິ່ງເຂົາສາມາດຫາເງິນໄດ້ຫຼາຍກວ່າໃນການອອກແຮງງານໃນໜ້າວຽກດຽວກັນຢູ່ລາວ.ອ່ານຕໍ່  ...