News

ວຽງຈັນ (ວຽງຈັນທາມສ໌/ANN) – ລັດຖະບານວາງເປົ້າໝາຍແນໃສ່ການນຳໃຊ້ວິທີການຜະລິດທັນສະໄໝຕາມນະໂຍບາຍການພັດທະນາກະສິກຳແຫ່ງຊາດ ເພື່ອຊ່ວຍຊຸກຍູ້ການປະຕິບັດວາລະນະໂຍບາຍກ່ຽວກັບຄວາມໝັ້ນຄົງດ້ານສະບຽງອາຫານ ແລະ ການຫຼຸດຜ່ອນຄວາມທຸກຍາກໃນຊົນນະບົດ.ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ໄດ້ກ່າວໃນກອງປະຊຸມປະຈຳປີຂອງຂະແໜງກະສິກຳ ແລະ ປ່າໄມ້ ໃນວັນອັງຄານຜ່ານມານີ້ວ່າ ການພັດທະນາວຽກງານກະສິກຳແມ່ນມີບົດບາດສຳຄັນຕໍ່ການຂະຫຍາຍຕົວຂອງຂະແໜງການອື່ນໆ.ດ້ວຍເຫດນີ້ ລັດຖະບານ ແລະ ອົງການຈັດຕັ້ງທີ່ກ່ຽວຂ້ອງ ຈຶ່ງຄວນສຸມໃສ່ການນຳໃຊ້ລະບຽບກົດໝາຍ ໃນການຄຸ້ມຄອງວຽກງານກະສິກຳ ແລະ ປ່າໄມ້ ໂດຍສະເພາະໃນພື້ນທີ່ຊົນນະບົດ ເພື່ອສົ່ງເສີມການພັດທະນາທີ່ຍືນຍົງ.ອ່ານຕໍ່ ...

ລັດຖະບານຝຣັ່ງໄດ້ອະນຸມັດທຶນຊ່ວຍເຫຼືອປະມານ 14 ຕື້ກີບ (1.5 ລ້ານຢູໂຣ) ສຳລັບໂຄງການຕ່ອງໂສ້ຄຸນຄ່າຂອງຊາໃນລາວ. ໂຄງການໄລຍະສາມປີດັ່ງກ່າວ ແມ່ນແນໃສ່ການປັບປຸງຄຸນນະພາບຊີວິດການເປັນຢູ່ ແລະ ລາຍຮັບຂອງຜູ້ຜະລິດຊາລາຍຍ່ອຍ ແລະ ເພື່ອພັດທະນາໂຄງສ້າງການຄຸ້ມຄອງຕ່ອງໂສ້ການສະໜອງຜະລິດຕະພັນຊາໃນລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການແຜ່ກະຈາຍຂອງຂ່າວລື ແລະ ຂໍ້ມູນທີ່ບໍ່ເປັນຈິງໃນສື່ສັງຄົມອອນໄລຕ່າງໆ ໄດ້ສ້າງໄພຂົ່ມຂູ່ຕໍ່ຄວາມສະຫງົບ, ປະຊາທິປະໄຕ ແລະ ຄວາມເປັນລະບຽບຮຽບຮ້ອຍຂອງສັງຄົມ, ຕາມການຫາລືໃນກອງປະຊຸມ.ໃນຄຳເຫັນໃນພິທີເປີດກອງປະຊຸມ, ທ່ານ ສະຫວັນຄອນ ຣາຊມຸນຕຣີ ຮອງລັດຖະມົນຕີກະຊວງຖະແຫຼງຂ່າວ,​ ວັດທະນະທຳ ແລະ ທ່ອງທ່ຽວ, ໄດ້ກ່າວຕໍ່ຄະນະຜູ້ແທນລາວ ແລະ ຕ່າງປະເທດ ແລະ ບັນດາຊ່ຽວຊານວ່າ ບັນຫາດັ່ງກ່າວໄດ້ກາຍເປັນສິ່ງທ້າທາຍໃນລະດັບສາກົນ, ເປັນໄພຕໍ່ຄວາມສະຫງົບຂອງຊາດ ແລະ ຄວາມເປັນລະບຽບຮຽບຮ້ອຍຂອງສັງຄົມ.ອ່ານຕໍ່ ...

(MENAFN) ກຳປູເຈຍລົງນາມໃນບົດບັນທຶກຄວາມເຂົ້າໃຈກັບລາວ ເພື່ອການຮ່ວມມືໃນການຈັດການບັນຫາຢາເສບຕິດ ແລະ ອາຊະຍາກຳຂ້າມຊາດ.ທ່ານ ສາ ເຄັງ ລັດຖະມົນຕີກະຊວງພາຍໃນຂອງກຳປູເຈຍ ໄດ້ລົງນາມໃນຂໍ້ຕົກລົງການຮ່ວມມືດັ່ງກ່າວຮ່ວມກັບທ່ານ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບຂອງລາວທີ່ນະຄອນພະນົມເປັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ຂັ້ນສູນກາງ ແລະ ທ້ອງຖິ່ນຈາກຂະແໜງແຜນການ ແລະ ການລົງທຶນ, ແລະ ອຸດສະຫະກຳ ແລະ ການຄ້າ ໄດ້ເຂົ້າຮ່ວມກອງປະຊຸມວານນີ້ ເພື່ອເຊື່ອມຊຶມນະໂຍບາຍດ້ານການລົງທຶນ ແລະ ລາຍລະອຽດຂອງກົດໝາຍວ່າດ້ວຍການລົງທຶນ ສະບັບດັດແກ້ປີ 2016.ກອງປະຊຸມດັ່ງກ່າວແມ່ນຈັດຂຶ້ນທີ່ກະຊວງແຜນການ ແລະ ການລົງທຶນ,​ ພາຍໃຕ້ການເປັນປະທານຂອງທ່ານນາງ ຄຳຈັນ ວົງແສນບຸນ ຮອງລັດຖະມົນຕີ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອຳນາດການປົກຄອງນະຄອນວຽງຈັນ ໄດ້ອະນຸມັດໃຫ້ບໍລິສັດກໍ່ສ້າງທາງດ່ວນໝາຍເລກ 1 ວຽງຈັນຈຳກັດຜູ້ດຽວ ໃນການກໍ່ສ້າງເສັ້ນທາງດ່ວນວຽງຈັນແຕ່ເຂດເສດຖະກິດສະເພາະບຶງທາດຫຼວງຫາດົງໝາກຄາຍ ໄລຍະ 15.3 ກມ.ຂໍ້ຕົກລົງການສຳປະທານການກໍ່ສ້າງ-ດຳເນີນການ-ມອບຄືນ (BOT) ໄດ້ມີພິທີລົງນາມໃນວັນທີ 4 ມີນານີ້ ໂດຍພະແນກແຜນການ ແລະ ການລົງທຶນ, ໃນນາມຂອງອຳນາດການປົກຄອງນະຄອນຫຼວງວຽງຈັນ ແລະ ບໍລິສັດກໍ່ສ້າງດັ່ງກ່າວ.ອ່ານຕໍ່ ...

ການເປີດສຳປະທານທີ່ດິນຂອງລັດຖະບານລາວໃຫ້ແກ່ບໍລິສັດປູກກ້ວຍຂອງຈີນ ເຮັດໃຫ້ປະຊາຊົນທ້ອງຖິ່ນໃນໜຶ່ງເມືອງທາງພາກເໜືອຂອງລາວບໍ່ມີທີ່ດິນພຽງພໍໃນການຜະລິດເພື່ອລ້ຽງປາກລ້ຽງທ້ອງ, ຕາມແຫຼ່ງຂ່າວໃນອາຊີຕາເວັນອອກສຽງໃຕ້.ຊາວບ້ານໃນເມືອງແບງ ແຂວງອຸດົມໄຊ ທາງພາກເໜືອຂອງລາວ ເຄີຍມີທີ່ດິນທຳການຜະລິດທີ່ພຽງພໍຕໍ່ການດຳລົງຊີວິດ, ເຈົ້າໜ້າທີ່ພະແນກກະສິກຳ ແລະ ປ່າໄມ້ແຂວງທີ່ບໍ່ປະສົງອອກນາມ ເປີດເຜີຍຕໍ່ໜ່ວຍຂ່າວວິທະຍຸເສຣິອາຊີ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານເກົາຫຼີໃຕ້ອະນຸມັດງົບປະມານ US$15 ລ້ານໂດລາ (ປະມານ 128 ຕື້ກີບ) ເພື່ອຈັດຕັ້ງປະຕິບັດແຜນຟື້ນຟູຫຼັງໄພພິບັດນ້ຳຖ້ວມ ແລະ ຊ່ວຍເຫຼືອປະຊາຊົນທີ່ປະສົບໄພທີ່ເມືອງສະໜາມໄຊ ແຂວງອັດຕະປື.ໃນກອງປະຊຸມຕໍ່ສື່ມວນຊົນທີ່ວຽງຈັນວານນີ້, ທ່ານ ຊິນ ຊຸງຊຸນ ເອກະອັກຄະລັດຖະທູດສາທາລະນະລັດເກົາຫຼີປະຈຳລາວໄດ້ກ່າວວ່າ ລັດຖະບານ ສ ເກົາຫຼີ ໄດ້ອະນຸມັດງົບປະມານ US$15 ລ້ານໂດລາສຳລັບການຊ່ວຍເຫຼືອເພື່ອການພັດທະນາຢ່າງເປັນທາງການໃນປີນີ້ ເພື່ອຊ່ວຍເຫຼືອໃນແຂວງອັດຕະປື.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ລັດຖະບານໃຫ້ຄຳໝັ້ນວ່າຈະດຳເນີນຕາມຍຸດທະສາດການພັດທະນາສີຂຽວ.ທ່ານ ສົມດີ ດວງດີ ຮອງນາຍົກລັດຖະມົນຕີ ແລະ ລັດຖະມົນຕີກະຊວງການເງິນ ເຂົ້າຮ່ວມເປັນປະທານໃນການຫາລືກ່ຽວກັບແນວທາງໃນການຜັນຂະຫຍາຍແຜນຍຸດທະສາດດັ່ງກ່າວສູ່ການປະຕິບັດ, ຕາມຄຳແນະນຳຂອງທ່ານ ທອງລຸນ ສີສຸລິດ ນາຍົກລັດຖະມົນຕີ ໃນວັນທີ 31 ມັງກອນຜ່ານມາ.ອ່ານຕໍ່ ...

ວຽງຈັນ  (ວຽງຈັນທາມສ໌/ANN) – ລາວຕິດໜຶ່ງໃນສິບອັນດັບຂອງປະເທດທີ່ມີສຸຂະພາບດີທີ່ສຸດໃນໂລກ, ຮ່ວມກັບປະເທດນ້ອຍຄືສິງກະໂປ ໃນການຈັດອັນດັບຄວາມຢູ່ດີກິນດີຂອງໂລກ, ຕາມການປະເມີນມາດຕະຖານການດຳລົງຊີວິດໂລກໃໝ່.ບັນດາປະເທດໃຫຍ່ໆທີ່ມີເສດຖະກິດຂະຫຍາຍຕົວສູງລ້ວນແຕ່ຕົກອັນດັບ, ຕາມຕົວເລກດັດສະນີຄວາມຢູ່ດີກິນດີຂອງໂລກ (GWI) ທີ່ເຜີຍແຜ່ໂດຍບໍລິສັດລົງທຶນ LetterOne ເຊິ່ງລາຍງານໂດຍສຳນັກຂ່າວ The Straits Times ແລະ Bloomberg.ອ່ານຕໍ່ ...