News

ເຈົ້າໜ້າທີ່ໄດ້ສັ່ງປິດຄຣີນິກຈີນສາມແຫ່ງໃນອາທິດນີ້ ຢູ່ແຂວງຫຼວງນ້ຳທາທາງພາກເໜືອຂອງລາວ ຫຼັງຈາກທີ່ກວດພົບບັນຫາການປິ່ນປົວບໍ່ຖືກສຸຂະອະນາໄມ ແລະ ແພດບໍ່ມີຄຸນວຸດທິ ເຮັດໃຫ້ຄົນເຈັບຫຼາຍຄົນຕ້ອງເສຍຊີວິດ, ໜ່ວຍຂ່າວ RFA ລາວລາຍງານ.ຄຣີນິກສາມແຫ່ງທີ່ສັ່ງປິດມີຄື ຄຣີນິກຫົງຊິງທີ່ບ້ານຫົງຈະເລີນ, ຄຣີນິກປາຝາທີ່ບ້ານທອງໃໝ່ ແລະ  ຄຣີນິກຄຳຈັນທີ່ບ້ານຈຽງ ເຊິ່ງຕັ້ງຢູ່ເມືອງສິງ. ສ່ວນຄຣີນິກຈີນອີກສີ່ແຫ່ງໃນແຂວງຫຼວງນ້ຳທາ ຍັງຄົງສືບຕໍ່ໃຫ້ບໍລິການ ພາຍໃຕ້ການຕິດຕາມຢ່າງໃກ້ຊິດຂອງເຈົ້າໜ້າທີ່.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ລັດຖະບານ ແລະ ຕາງໜ້າຂະແໜງການທຸລະກິດ ເຂົ້າຮ່ວມກອງປະຊຸມວິຊາການ ແນໃສ່ເສີມຂະຫຍາຍຄວາມເຂົ້າໃຈຕໍ່ກັບເນື້ອໃນ ແລະ ການແກ້ໄຂຂໍ້ຂັດແຍ່ງ ພາຍໃຕ້ອະນຸສັນຍາຂອງສະຫະປະຊາຊາດວ່າດ້ວຍພັນທະສັນຍາການຊື້ຂາຍສິນຄ້າສາກົນ (CISG).ກອງປະຊຸມກ່ຽວກັບ CISG ດັ່ງກ່າວແມ່ນຈັດຂຶ້ນທີ່ກະຊວງອຸດສາຫະກຳ ແລະ ການຄ້າ ວານນີ້ ພາຍໃຕ້ການສະໜັບສະໜູນຂອງໂຄງການ USAID LUNA II.ອ່ານຕໍ່ ...

(ຂປລ) ສະຖານທູດມາເລເຊຍ ວຽງຈັນ ສປປ ລາວ ສົ່ງເສີມໃຫ້ພະນັກງານລັດສະໝັກທຶນຫຼັກສູດຝຶກອົບຮົມໄລຍະສັ້ນ ພາຍໃຕ້ໂຄງການຮ່ວມມືດ້ານວິຊາການມາເລເຊຍ ຫຼື MTCP.ທຶນຫຼັກສູດຝຶກອົບຮົມທີ່ປະເທດມາເລເຊຍດັ່ງກ່າວ ຈະຊ່ວຍໃຫ້ພະນັງງານລາວໄດ້ຮຽນຮູ້ ແລະ ພັດທະນາທັກສະຜ່ານການຝຶກອົບຮົມໃນຂະແໜງການຕ່າງໆ ເຊັ່ນ ພາສາອັງກິດ, ການຄຸ້ມຄອງພາກລັດ, ການບໍລິຫານຈັດການທີ່ດີ, ການສຶກສາ, ການພັດທະນາແບບຍືນຍົງ, ການກະສິກຳ, ການຫຼຸດຜ່ອນຄວາມທຸກຍາກ ແລະ ອື່ນໆ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຄະນະຜູ້ແທນຈາກປະເທດລາວ ແລະ ບັນດາປະເທດສະມາຊິກອາຊຽນ ໄດ້ປະຊຸມກັນທີ່ວຽງຈັນມື້ວານນີ້ ເພື່ອແບ່ງປັນແນວຄິດກ່ຽວກັບການນຳໃຊ້ຂໍ້ມູນຂ່າວສານແຜນທີ່ ເພື່ອສົ່ງເສີມການພັດທະນາແບບຍືນຍົງ.ຜູ້ເຂົ້າຮ່ວມກອງປະຊຸມໄດ້ຫາລືກ່ຽວກັບວ່າ ຂໍ້ມູນຂ່າວສານກ່ຽວກັບແຜນທີ່ຈະສາມາດປະກອບສ່ວນຄືແນວໃດເຂົ້າໃນໂຄງສ້າງຕົວຊີ້ວັດທີ່ໄດ້ຕົກລົງກັນ ເພື່ອການຕິດຕາມຄວາມຄືບໜ້າໃນການປະຕິບັດເປົ້າໝາຍການພັດທະນາແບບຍືນຍົງ (SDGs).ອ່ານຕໍ່ ...

ຄຳມ່ວນ, ລາວ (ວຽງຈັນທາມສ໌/ANN) – ປະຊາຊົນທ້ອງຖິ່ນໄດ້ຄົ້ນພົບພະພຸດທະຮູບເກົ່າແກ່ປະມານ 60 ອົງ ທີ່ຖ້ຳຜາພີນ້ອຍ ໃກ້ບ້ານຄຳຜາແຫຼ່ງ ເມືອງມະຫາໄຊ ແຂວງຄຳມ່ວນ, ເຊິ່ງເຈົ້າໜ້າທີ່ຄາດວ່າມີອາຍຸເກົ່າແກ່ຫຼາຍຮອຍປີ.ທ່ານ ໄກ່ແກ້ວ ບຸນມະນີ ເຈົ້າໜ້າທີ່ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວເມືອງມະຫາໄຊເປີດເຜີຍຜ່ານໜັງສືພິມວຽງຈັນທາມສ໌ວ່າ ພະພຸດທະຮູບດັ່ງກ່າວແມ່ນເຮັດດ້ວຍໄມ້ຈັນພະມ້າ (ເຊິ່ງເປັນພັນໄມ້ຫອມຄ້າຍກັບໄມ້ຈັນຫອມ).ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ແຈ້ງເຕືອນສາທາລະນະຊົນ ໃຫ້ຫຼີກລ່ຽງການນຳໃຊ້ຜະລິດຕະພັນສຸຂະພາບ ທີ່ບໍ່ໄດ້ຮັບການອະນຸມັດໃຫ້ມີການຈຳໜ່າຍ, ເຊິ່ງອາດບໍ່ປອດໄພ.ຫວ່າງບໍ່ດົນມານີ້ ກົມອາຫານ ແລະ ຢາ ພາຍໃຕ້ກະຊວງສາທາລະນະສຸກໄດ້ອອກແຈ້ງການກ່ຽວກັບການຫ້າມຊື້ຂາຍ ຫຼື ຜະລິດສິນຄ້າເພື່ອສຸຂະພາບຈຳນວນ 133 ລາຍການ ເຊິ່ງມີການໂຄສະນາທົ່ວໄປໂດຍຜູ້ຜະລິດທີ່ບໍ່ຜ່ານການຮັບຮອງ.ອ່ານຕໍ່ ...

ລາວມີຄວາມຄືບໜ້າທີ່ດີກ່ຽວກັບການຫຼຸດຜ່ອນຄວາມທຸກຍາກ, ແຕ່ກໍຍັງຕ້ອງເດີນໜ້າໃນການພັດທະນາ, ເນື່ອງຈາກປະຊາຊົນໜຶ່ງໃນສີ່ຍັງຄົງດຳລົງຊີວິດຢູ່ຫຼຸດຂີດມາດຕະຖານຄວາມທຸກຍາກ, ຕາມເຈົ້າໜ້າທີ່ UN ທີ່ຈະເດີນທາງຢ້ຽມຢາມປະເທດໃນອາຊີຕາເວັນອອກສຽງໃຕ້ໃນເດືອນນີ້.ໃນການສຳພາດຕໍ່ໜ່ວຍຂ່າວ RFA ລາວ ທີ່ບາງກອກໃນວັນອາທິດນີ້, ທ່ານ ຟີລິບ ອາວສ໌ຕັນ ທູດພິເສດສະຫະປະຊາຊາດວ່າດ້ວຍບັນຫາຄວາມທຸກຍາກ ແລະ ສິດທິມະນຸດ ກ່າວວ່າ ໃນການເດີນທາງຢ້ຽມຢາມໄລຍະ 10 ວັນນີ້ ທ່ານຫວັງວ່າຈະໄດ້ຮຽນຮູ້ວ່າດ້ວຍສາເຫດອັນໃດຄົນລາວຈຳນວນໜຶ່ງຈຶ່ງບໍ່ເຂົ້າເຖິງການສຶກສາ, ນ້ຳສະອາດ ຫຼື ການຮັກສາສຸຂະພາບທີ່ດີ ທັງໆທີ່ເສດຖະກິດຂອງປະເທດກໍມີການຂະຫຍາຍຕົວ ແລະ ຄວາມທຸກຍາກກໍໄດ້ຮັບການຫຼຸດຜ່ອນ.ອ່ານຕໍ່  ...

ຄຳມ່ວນ, ລາວ (ວຽງຈັນທາມສ໌/ANN) – ຜູ້ເຖົ້າຜູ້ແກ່ບ້ານທ່າແຂກ ແລະ ນາບົງ ຈັບກຸ່ມກ້ອນ ສົນທະນາຫາລືວ່າປານໃດຖະໜົນຫົນທາງໜ້າບ້ານຂອງພວກເຂົາຈະໄດ້ຮັບການປູຢາງ.ພວກເຂົາໄດ້ແຕ່ແນມເບິ່ງຂີ້ຝຸ່ນໄຫງ່ທີ່ມາຈາກຍານພາຫະນະແລ່ນໄປມາ ແລະ ຕັ້ງຄຳຖາມໃນໃຈວ່າ ຍາມໃດຊ່າງກຳມະກອນຈະມາປູຢາງຫົນທາງແຕ່ເຂດບ້ານຫາຂົວຕອງກິ່ວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ລັດຖະບານ ແລະ ຕາງໜ້າຈາກຂະແໜງການເອກະຊົນເຂົ້າຮ່ວມກອງປະຊຸມວິຊາການ ເພື່ອຮຽນຮູ້ກ່ຽວກັບກົດລະບຽບ ແລະ ຜົນປະໂຫຍດຂອງການນຳໃຊ້ “ຖະແຫຼງການວ່າດ້ວຍແຫຼ່ງກຳເນີດສິນຄ້າ” ພາຍໃຕ້ ກົດວ່າດ້ວຍຖິ່ນກຳເນີດສິນຄ້າຂອງ ເຂດການຄ້າເສລີອາຊຽນ-ອອສ໌ເຕຣເລຍ-ນິວຊີແລນ (AANZFTA) ສຳລັບລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານລາວໄດ້ສັ່ງຫ້າມການຈູດຂີ້ເຫຍື້ອ ແລະ ສິ່ງເສດເຫຼືອເພື່ອເປັນການຫຼຸດຜ່ອນມົນລະພິດທາງອາກາດທີ່ມີລະດັບສູງໃນປະຈຸບັນ.ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ອອກແຈ້ງເຕືອນໃນວັນສຸກແລ້ວນີ້ ເພື່ອແນໃສ່ສະກັດກັ້ນການປ່ອຍລະອອງມົນລະພິດທີ່ເປັນອັນຕະລາຍ ທີ່ມີເສັ້ນຜ່າໃຈກາງຂະໜາດນ້ອຍກວ່າ 2.5 ມິໂກຣແມັດ (PM2.5).ອ່ານຕໍ່ ...