News

ວຽງຈັນ (ວຽງຈັນທາມສ໌/ANN) – ລາວຈະສືບຕໍ່ເຮັດວຽກຮ່ວມກັບບັນດາປະເທດສະມາຊິກອາຊຽນ ເພື່ອຮັບປະກັນຄຸນນະພາບ ແລະ ຄວາມປອດໄພຂອງຢາພື້ນເມືອງ.ນີ້ແມ່ນຂໍ້ຄວາມຈາກກອງປະຊຸມຄະນະທີ່ປຶກສາອາຊຽນຊຸດທີ 31 ວ່າດ້ວຍມາດຕະຖານ ແລະ ຄຸນນະພາບຂອງຢາພື້ນເມືອງ ແລະ  ກຸ່ມເຮັດວຽກກ່ຽວກັບຜະລິດຕະພັນສົ່ງເສີມສຸຂະພາບ ແລະ ກິດຈະກຳທີ່ກ່ຽວຂ້ອງ ເຊິ່ງຈັດຂຶ້ນທີ່ວຽງຈັນແຕ່ວັນ 29 ເມສາ ແລະ 3 ພຶດສະພາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວ ແລະ ຈີນ ໄດ້ລົງນາມເອກະສານການຮ່ວມມືຊຸດໃໝ່ ເຊິ່ງເປັນການເສີມຂະຫຍາຍຫານຮ່ວມມືລະຫວ່າງສອງຊາດ.ກະຊວງການຕ່າງປະເທດໄດ້ຖະແຫຼງໃນອາທິດນີ້ວ່າທ່ານ ບຸນຍັງ ວໍລະຈິດ ປະທານປະເທດລາວ ແລະ ທ່ານ ສີ ຈີນຜິງ ປະທານປະເທດຈີນ ໄດ້ລົງນາມໃນແຜນແມ່ບົດການຮ່ວມມືສອງຝ່າຍ ເຊິ່ງໄດ້ວາງທິດທາງ ແລະ ແຜນການດຳເນີນງານສຳລັບສອງຊາດໃຫ້ກະຈ່າງແຈ້ງຍິ່ງຂຶ້ນ ເພື່ອເດີນຕາມແນວທາງການສ້າງຕັ້ງຊຸມຊົນລາວ-ຈີນ ທີ່ມີອະນາຄົດຮ່ວມກັນ.ປະມຸກລັດຂອງສອງປະເທດຍັງໄດ້ເປັນສັກຂີພະຍານໃນການລົງນາມເອກະສານການຮ່ວມມີ 10 ສະບັບ ລະຫວ່າງສອງປະເທດ ທີ່ກຸງປັກກິ່ງໃນອາທິດນີ້ ຕາມການເປີດເຜີບຕໍ່ສື່ມວນຊົນຂອງກະຊວງການຕ່າງປະເທດລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບັນດາປະເທດອາຊຽນພົບປະກັບຄູ່ຮ່ວມພັດທະນາ ໃນວັນຈັນຜ່ານມາ ເພື່ອຫາລືຜົນກະທົບດ້ານມະນຸດສະທຳຂອງລະເບີດມີນຕໍ່ຕ້ານພົນລະເຮືອນ, ບົມບີ ແລະ ວັດຖຸລະເບີດທີ່ຍັງຕົກຄ້າງຈາກສົງຄາມ.ຄະນະກຳມະການອົງການກາແດງສາກົນ (ICRC) ປະຈຳລາວ ພ້ອມທັງກະຊວງການຕ່າງປະເທດ, ຊ່ຽວຊານຕ່າງປະເທດ, ແລະ ເຈົ້າໜ້າທີ່ລັດຖະບານຈາກລາວ, ກຳປູເຈຍ, ອິນໂດເນເຊຍ, ມຽນມາ, ຟິລິປິນ, ໄທ, ແລະ ຫວຽດນາມ ໄດ້ເຂົ້າຮ່ວມກອງປະຊຸມສຳມະນາໄລຍະສອງວັນດັ່ງກ່າວ ທີ່ວຽງຈັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຄະນະຜູ້ແທນຈາກກະຊວງພາຍໃນເຂົ້າຮ່ວມກອງປະຊຸມອາຊຽນວານນີ້ທີ່ປະເທດໄທ ວ່າດ້ວຍການຮ່ວມມືລະດັບພາກພື້ນກ່ຽວກັບວຽກງານການບໍລິການພົນລະເຮືອນ.ທ່ານ ບຸນຈັນ ນິຍະວົງ ຫົວໜ້າກົມການພັດທະນາການປະເມີນຜົນງານ ແລະ ບໍລິການພົນລະເຮືອນ ໄດ້ນຳພາຄະນະຜູ້ແທນເຂົ້າຮ່ວມກອງປະຊຸມລະດັບສູງວ່າດ້ວຍການຮ່ວມມືອາຊຽນກ່ຽວກັບການບໍລິການພົນລະເຮືອນຄັ້ງທີ 20, ເຊິ່ງຈັດຂຶ້ນທີ່ຈັງຫວັດຊຽງໃໝ່ ແຕ່ວັນທີ 22-24 ເມສານີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ນ້ຳຊອງ ເມືອງວັງວຽງ ແຂວງວຽງຈັນຕ້ອງການການເອົາໃຈໃສ່ເປັນພິເສດ ເນື່ອງຈາກມີການປ່ອຍນ້ຳເສຍ ແລະ ນ້ຳຮ່ອງຈາກໂຮງແຮມ, ບ້ານພັກ, ແລະ ຮ້ານອາຫານຕ່າງໆລົງສູ່ແມ່ນ້ຳ.ເມືອງວັງວຽງເປັນຈຸດສູນກາງການທ່ອງທ່ຽວ ແລະ ມີທິວທັດແມ່ນ້ຳທີ່ສວຍງາມທ່າມກາງທຳມະຊາດ. ຖ້າວ່າແມ່ນ້ຳເກີດເປົນມົນລະພິດ ຈະສົ່ງຜົນໂດຍກົງຕໍ່ນັກທ່ອງທ່ຽວທີ່ຕ້ອງການລົງຫຼີ້ນນ້ຳ, ຂີ່ກົງເບັງ ຫຼື ພາຍເຮືອ ໂດຍສະເພາະໃນບໍລິເວນແຄມແມ່ນ້ຳ. ເຊິ່ງອາດສົ່ງຜົນເຖິງທຸລະກິດທີ່ອາດຕ້ອງປິດກິດຈະການ ເມື່ອບໍ່ມີນັກທ່ອງທ່ຽວມາທ່ຽວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວຫວັງວ່າຈະສ້າງຊື່ສຽງໃຫ້ກັບຜະລິດຕະພັນລາວໃນຕະຫຼາດພາກພື້ນ ແລະ ສາກົນ ຜ່ານງານຕະຫຼາດນັດສິນຄ້າຜະລິດຢູ່ລາວປະຈຳປີ ເຊິ່ງເນັ້ນໃສ່ການຄ້າ, ການຈັບຄູ່ທຸລະກິດ ແລະ ການຝຶກອົບຮົມ.ໃນປີນີ້ ງານວາງສະແດງສິນຄ້າຜະລິດຢູ່ລາວ 2019 ຈະຈັດຂຶ້ນທີ່ສູນການຄ້າລາວ-ໄອເຕັກ ໃນວັນທີ 10-19 ພຶດສະພາ, ເຊິ່ງຈະລວມເອົາບູທ໌ວາງສະແດງສິນຄ້າກວ່າ 250 ບູທ໌ຈາກທົ່ວປະເທດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອຸດສະຫະກຳຕັດຫຍິບລາວຫວັງວ່າການນຳໃຊ້ເຕັກໂນໂລຊີການຕັດຫຍິບແບບໃໝ່ ຈະເຮັດໃຫ້ລາວສາມາດກ້າວຜ່ານບັນຫາການຂາດແຄນແຮງງານໃນປະຈຸບັນ.ຂໍ້ມູນດັ່ງກ່າວໄດ້ຮັບການເປີດເຜີຍໃນວັນອັງຄານຜ່ານມານີ້ ເມື່ອສະມາຄົມອຸດສາຫະກຳຕັດຫຍິບລາວ (ALGI) ຮ່ວມກັບບໍລິສັດແຈ໊ກຕັດຫຍິບຈຳກັດ ແລະ ບໍລິສັດລາວມີນາຂາອອກ-ຂາເຂົ້າຈຳກັດຜູ້ດຽວ ສະແດງການນຳໃຊ້ເຄື່ອງຈັກຕັດຫຍິບອຸດສາຫະກຳທີ່ທັນສະໄໝຈາກຈີນ ແລະ ດຳເນີນການຝຶກອົບຮົມດ້ານວິຊາການກ່ຽວກັບການບຳລຸງຮັກສາເຄື່ອງຈັກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຈຳນວນນັກທ່ອງທ່ຽວທັງພາຍໃນ ແລະ ຕ່າງປະເທດທີ່ເຂົ້າມາລາວໃນສາມເດືອນຕົ້ນປີນີ້ ຫຼຸດຈຳນວນລົງເລັກນ້ອຍທຽບກັບໄລຍະດຽວກັນຂອງປີກາຍ, ແຕ່ວ່າຈຳນວນນັກທ່ອງທ່ຽວຈາກຈີນກໍເພີ່ມຂຶ້ນຫຼາຍເຊັ່ນກັນ.ໃນຊ່ວງໄຕມາດທຳອິດຂອງປີນີ້ ມີນັກທ່ອງທ່ຽວເຂົ້າມາໃນລາວຫຼາຍກວ່າໜຶ່ງລ້ານຄົນ, ຫຼຸດລົງ 0.5% ທຽບກັບປີຜ່ານມາ ໃນຂະນະດຽວກັນຈຳນວນນັກທ່ອງທ່ຽວຈາກຈີນແມ່ນເພີ່ມຂຶ້ນ 16%, ຕາມກົມພັດທະນາການທ່ອງທ່ຽວ ກະຊວງຖະແຫຼງຂ່າວ,​ ວັດທະນະທຳ ແລະ ທ່ອງທ່ຽວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ລັດຖະບານ ແລະ ພະນັກງານຈາກອົງການຈັດຕັ້ງ ແລະ ບໍລິສັດຕ່າງໆ ເຕົ້າໂຮມກັນທີ່ໃຈກາງນະຄອນຫຼວງວຽງຈັນ ໃນຕອນເຊົ້າວານນີ້ ເພື່ອເຂົ້າຮ່ວມກິດຈະກຳການຍ່າງເພື່ອສະເຫຼີມສະຫຼອງວັນກຳມະກອນສາກົນ.ພິທີດັ່ງກ່າວແມ່ນໄດ້ຈັດຂຶ້ນໃນທຸກໆປີໂດຍສະຫະພັນກຳມະບານລາວ ພື່ອສ້າງຂະບວນການຄຳນັບຮັບຕ້ອນວັນສຳຄັນດັ່ງກ່າວ ຮ່ວມກັບບັນດາປະເທດທົ່ວໂລກ.ອ່ານຕໍ່ ...

(ຂປລ) ແນວລາວສ້າງຊາດ ແລະ ອົງການກອງທຶນເດັກ ສະຫະປະຊາຊາດ (ຢູນິເຊັບ) ໄດ້ຈັດຕັ້ງກອງປະຊຸມວິຊາການກ່ຽວກັບການປັບປຸງສະຖານະພາບຂອງເດັກທີ່ມີຄວາມສ່ຽງ.ທ່ານ ໄຊສົມພອນ ພົມວິຫານ ປະທານແນວລາວສ້າງຊາດ ແລະ ທ່ານ ອອກຕາວຽນ ບິໂວ ຜູ້ຕາງໜ້າອົງການຢູນິເຊັບ ໄດ້ເຂົ້າຮ່ວມໃນກອງປະຊຸມໄລຍະສອງວັນ (24-26 ເມສາ  2019) ດັ່ງກ່າວທີ່ແຂວງສະຫວັນນະເຂດ ເຊິ່ງມີພະນັກກງານແນວລາວທີ່ເຮັດວຽກກ່ຽວກັບບັນຫາເດັກນ້ອຍກວ່າ 70 ເຂົ້າຮ່ວມ, ແນໃສ່ການສ້າງພູມຕ້ານທານຂອງເດັກ.ອ່ານຕໍ່  ...