News

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ລັດຖະບານ ແລະ ຕາງໜ້າຜູ້ປະກອບການທ່ອງທ່ຽວເອກະຊົນແຂວງບໍລິຄຳໄຊ ເຂົ້າຮ່ວມກອງປະຊຸມສຳມະນາເພື່ອສ້າງຄວາມເຂັ້ມແຂງດ້ານການຮ່ວມມື ແລະ ການມີສ່ວນຮ່ວມເພື່ອສະກັດກັ້ນການຄ້າມະນຸດ, ເຊິ່ງຈະຈັດຂຶ້ນຢູ່ແຂວງໃນວັນທີ 13-14 ພຶດສະພາ.ກອງປະຊຸມສຳມະນາດັ່ງກ່າວມີເປົ້າໝາຍໃນການຍົກລະດັບຄວາມຮູ້ກ່ຽວກັບການຄ້າມະນຸດ, ປຶກສາຫາລືຖອດຖອນບົດຮຽນ, ແລະ ສ້າງການຮ່ວມມືລະຫວ່າງບັນດາໜ່ວຍທຸລະກິດດ້ານການທ່ອງທ່ຽວ ເຊັ່ນ ໂຮງແຮມ ແລະ ບ້ານພັກ, ຮ້ານອາຫານ ແລະ ສະຖານບັນເທິງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວຈະສືບຕໍ່ກາຮ່ວມມືກັບສາທາລະນະລັດເກົາຫຼີ ເພື່ອຂະຫຍາຍໂຄງການພັດທະນາແບບ ແຊມູອຸນດອງ ຢູ່ໃນຫ້າແຂວງຂອງລາວ.ທ່ານ (ປອ) ຫຼຽນ ທິແກ້ວ ລັດຖະມົນຕີກະຊວງກະສິກຳ ແລະ ປ່າໄມ້ ໄດ້ເປີດເຜີຍຕໍ່ສື່ມວນຊົນເກົາຫຼີວ່າ ໂຄງການແຊມູອຸນດອງ ຈະຂະຫຍາຍການປະຕິບັດການໄປຍັງແຂວງຕ່າງໆເຊັ່ນ ໄຊຍະບູລີ, ບໍລິຄຳໄຊ, ສະຫວັນນະເຂດ ແລະ ແຂວງວຽງຈັນ.ອ່ານຕໍ່ ...

ຜູ້ທີ່ກຳລັງຊອກວຽກ ຫຼື ຜູ້ວ່າຈ້າງທີ່ຕ້ອງຫາຊອກຫາພະນັງງານ ສາມາດລົງທະບຽນກັບເວັບໄຊ  www.lmi.molws.gov.la ເຊິ່ງເປັນເວັບໄຊຂອງກະຊວງແຮງງານ ແລະ ສະຫວັດດີການສັງຄົມ. ເວັບໄຊດັ່ງກ່າວຈະຊ່ວຍເຫຼືອຜູ້ທີ່ຕ້ອງການເຮັດວຽກກັບບໍລິສັດເອກະຊົນໃນລາວ ແລະ ຕ່າງປະເທດ.ທ່ານ ສຸທານຸ ບຸດພົມວິຫານ ຫົວໜ້າໜ່ວຍງານສະຖິຕິ ກົມແຜນການ ແລະ ການຮ່ວມມື ໄດ້ບອກກັບໜັງສືພີມວຽງຈັນທາມສ໌ວານນີ້ວ່າ ທາງກະຊວງໄດ້ຈັດຕັ້ງເວັບໄຊນີ້ຂຶ້ນ ເພື່ອເປັນຊ່ອງທາງໃນການເຊື່ອມຕໍ່ລະຫວ່າງຜູ້ທີ່ກຳລັງຊອກວຽກ ແລະ ຜູ້ຈ້າງງານ ເພື່ອຊ່ວຍຫຼຸດຜ່ອນອັດຕາການຫວ່າງງານ.ອ່ານຕໍ່  ...

ນັກທ່ອງທ່ຽວທີ່ມັກຮັກການຊົມທຳມະຊາດ ບໍ່ຄວນພາດໄປຢ້ຽມຊົມນ້ຳຕົກຕາດບ້ານຫ້ວຍລົມ ເມືອງຕົ້າເຜີ້ງ ແຂວງບໍ່ແກ້ວ ເຊິ່ງໄດ້ມີານສ້າງສິ່ງອຳນວຍຄວາມສະດວກດ້ານການທ່ອງທ່ຽວໃໝ່ ເພື່ອດຶງດູດນັກທ່ອງທ່ຽວ.ທ່ານ ສີສະອາດ ກຸມພົນ ຫົວໜ້າຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວເມືອງຕົ້ນເຜີ້ງ ໄດ້ບອກຜ່ານໜັງສືພິມວຽງຈັນທາມສ໌ວານນີ້ວ່າ ປະຈຸບັນສະຖານທີ່ທ່ອງທ່ຽວນ້ຳຕົກຕາດດັ່ງກ່າວໄດ້ເປີດໃຫ້ບໍລິການແກ່ນັກທ່ອງທ່ຽວແລ້ວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຢຍລະມັນ ແລະ ອອສ໌ເຕຣເລຍໄດ້ຊ່ວຍເຫຼືອທຶນຈຳນວນ US$4.5 ລ້ານໂດລາ ເພື່ອພັດທະນາລະບົບການລະດັບທ້ອງຖິ່ນ ເພື່ອຊ່ວຍອຳນວຍຄວາມສະດວກໃຫ້ແກ່ຜູ້ທຸກຍາກໃນການເຂົ້າເຖິງແຫຼ່ງທຶນໄດ້ງ່າຍຂຶ້ນ.ຕາງໜ້າຈາກລັດຖະບານລາວ, ເຢຍລະມັນ ແລະ ອອສ໌ເຕຣເລຍ ໄດ້ຮ່ວມປະຊຸມໃນວັນທີ 9 ພຶດສະພາ ເພື່ອເພື່ອເປີດຕົວໂຄງການສົ່ງເສີມການເຂົ້າເຖິງແຫຼ່ງທຶນສຳລັບຜູ້ທຸກຍາກ (AFP) ໄລຍະທີ 5 ມູນຄ່າ US$4.5 ລ້ານໂດລາ.ອ່ານຕໍ່ໍໍໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດພູເບ້ຍມາຍນິງ ລາຍງານໝາກຜົນຄວາມສຳເລັດໃນການດຳເນີນທຸລະກິດໃນທຸກຫົວໜ່ວຍວັດແທກ ໃນຊ່ວງໄຕມາດທຳອິດຂອງປີ 2019.ໜ່ວຍຂຸດຄົ້ນທອງ-ຄຳ ພູຄຳ ຜະລິດທອງແດງໄດ້ 19,820 ໂຕນ (t) ໃນມູນຄ່າການຜະລິດ C1 US$1.14 ໂດລາ/ປອນ ຕາມສິນເຊື່ອໂລຫະມີຄ່າ ຄຳ 19,403 ອອນ (oz) ແລະ ເງິນ 115,792 ອອນ. ບັນລຸມູນຄ່າການຮັກສາຕໍ່ໜ່ວຍລວມ US$1.50/ປອນ.ໜ່ວຍຂຸດຄົ້ນຄຳ-ເງິນ ບ້ານຫ້ວຍຊາຍ ຜະລິດຄຳໄດ້ 33,120 ອອນ ແລະ ເງິນ 253,631 ອອນ ໃນຊ່ວງສາມເດືອນທຳອິດເຖິງວັນທີ 30 ມີນາ. ບັນລຸມູນຄ່າສິນເຊື່ອ C1 ເງິນ US$504/ອອນ ແລະ ມູນຄ່າ AISC ຄຳ US$644/ອອນ.ອ່ານຕໍ່  ...

ເຈົ້າໜ້າທີ່ລັດຖະບານ ແລະ ຄູ່ຮ່ວມພັດທະນາໄດ້ປະຊຸມກັນຢູ່ວຽງຈັນ ເພື່ອຫາລືຮ່າງດຳລັດວ່າດ້ວຍວຽກງານຊົນເຜົ່າ ແລະ ການສຳຫຼວດຄວາມຄິດເຫັນຂອງຜູ້ໃຊ້ບໍລິການ ເພື່ອກຳນົດວິທີການໃນການປັບປຸງການສຳຫຼວດໃນຕໍ່ໜ້າ.ການສຳຫຼວດຂັ້ນແຂວງກ່ຽວກັບການໃຫ້ບໍລິການຂອງລັດ ໄດ້ມີການປຶກສາຫາລືໃນກອງປະຊຸມວິຊາຕາມຫົວຂໍ້ຂອງກຸ່ມເຮັດວຽກເພື່ອການປັບປຸງການບໍລິການຂອງລັດ ພາຍໃຕ້ກຸ່ມເຮັດວຽກໃນຂະແໜງການຄຸ້ມຄອງ.ອ່ານຕໍ່ ...

ນະຄອນຫຼວງວຽງຈັນຈະປູກຕົ້ນໄມ້ຢ່າງໜ້ອຍ 1.3 ລ້ານຕົ້ນໃນປີນີ້ ເນື່ອງຈາກອຳນາດການປົກຄອງມີແຜນສ້າງໃຫ້ເປັນຕົວເມືອງສີຂຽວດ້ວຍການຂະຫຍາຍເນື້ອທີ່ປ່າໄມ້ຢູ່ຫຼາຍຈຸດ.ທ່ານ (ປອ) ຫຼ້າສາຍ ນວນທະສິງ ຫົວໜ້າພະແນກກະສິກຳ ແລະ ປ່າໄມ້ນະຄອນຫຼວງວຽງຈັນ ກ່າວໃນອາທິດແລ້ວນີ້ວ່າ ອີງຕາມຂໍ້ມູນຈາກຫຼາຍພາກສ່ວນ ໃນປີນີ້ຈະມີການປູກເບ້ຍໄມ້ຢ່າງໜ້ອຍ 1.3 ລ້ານຕົ້ນ ເຊິ່ງເປັນສ້ວນໜຶ່ງຂອງພາລະກິດການສ້າງສະພາບແວດລ້ອມສີຂຽວສຳລັບຊາວເມືອງ.ອ່ານຕໍ່ ...

ງານວາງສະແດງສິນຄ້າຜະລິດຕະພັນຂອງລາວໄລຍະ 10 ວັນ ເຊິ່ງມີແຜນວ່າຈະເປີດໃນວັນສຸກແລ້ວນີ້ ຈະເລື່ອນໄປຈັດໃນເດືອນກໍລະກົດ ຫຼັງຈາກເກີດເຫດໄຟໃໝ້ທີ່ສູນການປະຊຸມ ແລະ ວາງສະແດງສິນຄ້າລາວສານກົນ (ລາວ-ໄອເຕັກ) ແລະ ສ້າງຄວາມເສຍຫາຍກວ່າ 20 ຮ້ານຄ້າວາງສະແດງ.ຮ້ານຄ້າປະມານ 400 ຮ້ານໄດ້ກະກຽມຄວາມພ້ອມສຳລັບງານວາງສະແດງດັ່ງກ່າວ ເຊິ່ງໄດ້ມີແຜນເປີດໃນເວລາ 10 ໂມງເຊົ້າຂອງວັນສຸກຜ່ານມາຈົນເຖິງວັນທີ 19 ພຶດສະພາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດເບຍລາວຈະປະຕິບັດຕາມແຈ້ງການຂອງກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ທີ່ສັ່ງຫ້າມການໂຄສະນາເຄື່ອງດື່ມທີ່ມີທາດເຫຼົ້າ ແລະ ກິດຈະກຳຕ່າງໆທີ່ເປັນການໂຄສະນາການສົ່ງເສີມການບໍລິໂພກເຄື່ອງດື່ມທີ່ມີທາດເຫຼົ້າ.ແຕ່ວ່າບໍລິສັດຍັງມີຄວາມເຫັນທີ່ແຕກຕ່າງກ່ຽວກັບການສັ່ງຫ້າມພະນັກງານເສີບເບຍ, ໂດຍໃຫ້ເຫດຜົນວ່າມັນຈະສົ່ງຜົນກະທົບຕໍ່ຍິງສາວກຸ່ມໃຫຍ່ທີ່ເຮັດວຽກເສີບຢູ່ຕາມບາ ແລະ ຮ້ານອາຫານຕ່າງໆ.ອ່ານຕໍ່  ...