Transport and shipping

ສາມບໍລິສັດໄດ້ຖືກຄັດເລືອກໃຫ້ດຳເນີນການກໍ່ສ້າງເສັ້ນທາງດ່ວນເຊື່ອມຕໍ່ໃຈກາງນະຄອນຫຼວງວຽງຈັນຫາເຂດຊານເມືອງ ເພື່ອຈຸດປະສົງຫຼຸດຜ່ອນຄວາມຄັບຄາໜາແໜ້ນໃນການຈໍລະຈອນໃນເຂດຕົວເມືອງ. ເສັ້ນທາງດ່ວນເຊິ່ງມີໄລຍະທາງ 15 ກມ ດັ່ງກ່າວ ແມ່ນເລີ່ມຕົ້ນແຕ່ບໍລິເວນສູນການຄ້າລາວໄອເຕັກ ເມືອງໄຊເສດຖາ ໄປຫາບ້ານດົງໝາກຄາຍ ເມືອງໄຊທານີ. ເສັ້ນທາດັ່ງກ່າວເປັນຈະສ້າງເປັນຖະໜົນສີ່ເລນ, ກວ້າງ 54 ແມັດ, ຕັດຂະໜານໄປຕາມຖະໜົນໄກສອນພົມວິຫານ.ອ່ານຕໍ່ ...

ລັດຖະບານກຳລັງຊອກຫາຄູ່ຮ່ວມທຸລະກິດທີ່ເໝາະສົມເພື່ອຮ່ວມດຳເນີນທຸລະກິດການບິນລາວ  ເພື່ອເພີ່ມປະສິດທິພາບ ແລະ ຜົນກຳໄລໃນການດຳເນີນທຸລະກິດຂົນສົ່ງແຫ່ງຊາດດັ່ງກ່າວ. ຕາມແຫຼ່ງຂ່າວຂອງກະຊວງໂຍທາທິການ ແລະຂົນສົ່ງລາຍງານວ່າ ມີນັກລົງທຶນຕ່າງປະເທດທີ່ມີທ່າແຮງຫຼາຍລາຍ ທີ່ມີຄວາມສົນໃຈໃນການສ້າງວິສາຫະກິດຮ່ວມຜະສົມດັ່ງກ່າວກັບລັດຖະບານລາວ.ອ່ານຕໍ່ ...

ລັດຖະບານກຽມລົງນາມໃນບົດບັນທຶກຄວາມເຂົ້າໃຈກັບ 4 ບໍລິສັດຜູ້ຮັບເໝົາກໍ່ສ້າງຂອງລາວ ແລະ ຈີນ ເພື່ອດຳເນີນການສຳຫຼວດ, ເຮັດບົດວິພາກເສດຖະກິດ, ແລະ ອອກແບບລາຍລະອຽດໃນການກໍ່ສ້າງເສັ້ນທາງດ່ວນ ວຽງຈັນ-ປາກເຊ.ອ່ານຕໍ່ ...

ຂົວມິດຕະພາບລາວ-ໄທແຫ່ງທີ 5 ເຊິ່ງເຊື່ອມຕໍ່ແຂວງບໍລິຄຳໄຊ ກັບຈັງຫວັດບຶງການປະເທດໄທ ຈະເລີ່ມລົງມືທຳການກໍ່ສ້າງ ຫຼັງຈາກໄດ້ຮັບການອະນຸມັດຈາກທັງສອງປະເທດຢ່າງເປັນທາງການ. ໜຶ່ງໃນພະນັກງານຊວງໂຍທາທິການ ແລະ ຂົນສົ່ງ ໄດ້ລາຍງານໜັງສືພິມວຽງຈັນທາມສ໌ໃນວັນອັງຄານນີ້ວ່າ ເຈົ້າໜ້າທີ່ຝ່າຍລາວແລະໄທ ໄດ້ທຳການອະນຸມັດແຜນການດັ່ງກ່າວແລ້ວໃນການພົບປະກັນຢູ່ປາກເຊ, ແຂວງຈຳປາສັກ ໃນຕົ້ນປີນີ້. ນອກຈາກນັ້ນຍັງມີການສະເໜີການກໍ່ສ້າງຂົວມິດຕະພາບແຫ່ງທີຫົກ ເພື່ອເຊື່ອມຕໍ່ແຂວງສາລະວັນ ກັບຈັງຫວັດອຸບົນລາດຊະທານີ.ອ່ານຕໍ່ ...

ລາວ ແລະ ຫວຽດນາມໄດ້ອະນຸມັດແຜນການກໍ່ເສັ້ນທາງຫຼວງວຽງຈັນ-ຮ່າໂນ້ຍ ຕັດຜ່ານແຂວງບໍລິຄຳໄຊໃຈກາງຂອງລາວ ແລະ ແຂວງເງອັນໃຈກາງຂອງຫວຽດນາມ ເຊິ່ງມີຄວາມຍາວປະມານ 700 ກມ. ພະນັກງານແຂວງບໍລຄຳໄຊຜູ້ສະຫງວນນາມ ໄດ້ລາຍງານຕໍ່ສຳນັກຂ່າວວຽງຈັນທາມສ໌ໃນມື້ວັນຈັນນີ້ວ່າ ເສັ້ນທາງຫຼວງດັ່ງກ່າວຈະຕັດຂະໜານໄປກັບເສັ້ນທາງເລກທີ 13 ໃຕ້ເດີມ ແລ້ວຫັກເຂົ້າໃສ່ຊາຍແດນລາວຫວຽດ ນ້ຳ​ພາວ-ແກວເຈົາ ທີ່ເມືອງຄຳເກີດແຂວງບໍລິຄຳໄຊ.ອ່ານຕໍ່ ...

ທະນາຄານໂລກໄດ້ອະນຸມັດໂຄງການປັບປຸງເສັ້ນທາງເລກທີ 13 ເພື່ອຊ່ວຍຍົກລະດັບຊີວິດການເປັນຢູ່ຂອງປະຊາຊົນທີ່ອາໃສຢູ່ລຽບຕາມເສັ້ນທາງສາຍຫຼັກດັ່ງກ່າວ. ໃນອາທິດທີ່ຜ່ານມາ ພາຍຫຼັງໄດ້ມີການຕົກລົງອະນຸມັດໂຄງການຈາກຄະນະບໍລິຫານ, ທະນາຄານໂລກໄດ້ອອກຖະແຫຼງການກ່ຽວກັບໂຄງການ ເພື່ອແນໃສ່ປັບປຸງສະພາບ, ຄວາມປອດໄພ, ແລະ ຄວາມສາມາດປັບຕົວຕໍ່ການປ່ຽນແປງຂອງສະພາບອາກາດ ຂອງຕອນທາງທີ່ສຳຄັນຂອງເສັ້ນທາງເລກທີ່ 13, ໜຶ່ງໃນເສັ້ນທາງທີ່ສຳຄັນທີ່ສຸດຂອງລາວອ່ານຕໍ່ ...

ຄະນະຮັບຜິດຊອບໄດ້ອະນຸມັດເງິນຊົດເຊີຍທີ່ຕ້ອງຈ່າຍໃຫ້ປະຊາຊົນທີ່ສູນເສຍທີ່ດິນຫຼືຊັບສິນອື່ນໆ ຍ້ອນການກໍ່ສ້າງທາງລົດໄຟ ລາວ-ຈີນ. ທ່ານ ຄຳຂັນ ຈັນທະວີສຸກ ເຈົ້າແຂວງຫຼວງພະບາງ ໄດ້ອອກຂໍ້ຕົກລົງກ່ຽວກັບອັດຕາຄ່າຊົດເຊີຍ ພ້ອມວິທີການຄິດໄລ່ອ່ານຕໍ່ ...

ກະຊວງໂຍທາທິການແລະຂົນສົ່ງແຫ່ງປະເທດລາວ ແລະ ກະຊວງການຂົນສົ່ງທາງນ້ຳ ແລະໂຍທາທິການ ແຫ່ງຟລັນເດີ ຣາຊະອານາຈັກເບລຢຽມ ສືບຕໍ່ຮ່ວມມືໃນການສ້າງຄວາມສາມາດໃຫ້ແກ່ລາວ ໂດຍສະເພາະໃນດ້ານວຽກງານການຂົນສົ່ງທາງນ້ຳ ແລະ ທ່າເຮືອ. ພິທີເຊັນບົດບັນທຶກໃນການສືບຕໍ່ການຮ່ວມມື 2018-2020 ລະຫວ່າງສອງຝ່າຍໄດ້ຈັດຂຶ້ນຢູ່ນະຄອນວຽງຈັນໃນວັນຈັນທີ່ຜ່ານມານີ້.ອ່ານຕໍ່ ...

ປະຊາຊົນແຂວງບໍລິຄຳໄຊໃນພື້ນທີ່ສອກຫຼີກ ໄດ້ຮຽກຮ້ອງໃຫ້ມີການປັບປຸງຖະໜົນຫົນທາງ ແຕ່ວ່າລັດຖະບານຍັງບໍ່ສາມາດສະໜອງໄດ້ ຍ້ອນຂາດດຸນງົບປະມານຕໍ່ເນື່ອງ. ທ່ານນາຍົກລັດຖະມົນຕີ ທອງລຸນ ສີສຸລິດ ໄດ້ໂອ້ລົມບັນຫາດັ່ງກ່າວ ໃນການພົບປະກັບຄະນະນຳແຂວງບໍລິຄຳໄຊ, ພະນັກງານແກນນຳ,​ ແລະປະຊາຊົນທ້ອງຖິ່ນ ໃນວັນສຸກທີ່ຜ່ານມາ.ອ່ານຕໍ່ ...