ອຸດສາຫະກຳ

(ຂປລ) ປະສິດທິພາບຂອງການຮ່ວມມືໃນການຄຸ້ມຄອງປ່າສະຫງວນແຫ່ງຊາດຫີນໜາມໜໍ່ ເພີ່ມຂຶ້ນປະມານ 16% ນັບແຕ່ປີ 2014 ທີ່ມີການຈັດຕັ້ງລະບົບການຄຸ້ມຄອງຮ່ວມ.ການປະຕິບັດການຄຸ້ມຄອງສວນອຸດທະຍານທີ່ມີການປັບປຸງຢ່າງເຫັນຈະແຈ້ງດັ່ງກ່າວແມ່ນການທົດສອບຄວາມພ້ອມຂອງຫີນໜາມໜໍ່ ໃນການຮ່ວມກັບອຸດທະຍານແຫ່ງຊາດ Phong Nha-Ke Bang ຂອງຫວຽດນາມ ໃຫ້ເປັນພື້ນທີ່ມໍລະດົກໂລກທາງທຳມະຊາດຂອງ UNESCO ຂ້າມຊາຍແດງແຫ່ງທຳອິດໃນອາຊີຕາເວັນອອກສຽງໃຕ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ທ່ອງທ່ຽວຈາກປະເທດກຳປູເຈຍ, ລາວ ແລະ ຫວຽດນາມ (CLV) ກຳລັງຫາລືຮ່າງແຜນເພື່ອການພັດທະນາການທ່ອງທ່ຽວໃນພື້ນທີ່ສາມຫຼ່ຽມພັດທະນາ ເຊິ່ງກວມເອົາ 13 ແຂວງໃນສາມປະເທດ.ການຫາລືດັ່ງກ່າວໄດ້ມີຂຶ້ນຢູ່ປາກເຊ ແຂວງຈຳປາສັກ ໃນກອງປະຊຸມກຸ່ມເຮັດວຽກກ່ຽວກັບການສ້າງແຜນພັດທະນາການທ່ອງທ່ຽວ CLV ໃນພື້ນທີ່ສາມຫຼ່ຽມພັດທະນາ ຄັ້ງທີ 3 ໃນວັນທີ 26-29 ສິງຫານີ້.ອ່ານຕໍ່ ...

(ຂປລ) ສວນມິດຕະພາບລາວ-ຍີ່ປຸ່ນຄາດວ່າຈະເປີດໃຫ້ມະຫາຊົນເຂົ້ານຳໃຊ້ໃນເດືອນກັນຍາທີ່ຈະມາເຖິງນີ້, ກຳນົດໜຶ່ງເດືອນກ່ອນການມອບຮັບ.ສວນດັ່ງກ່າວແມ່ນຕັ້ງຢູ່ບ້ານທ່ານາ, ເມືອງໄຊຍະບູລີ, ແຂວງໄຊຍະບູລີ. ສວນແຫ່ງນີ້ຈະຖືເປັນສັນຍະລັກແຫ່ງການຮ່ວມມືລະຫວ່າງລາວ ແລະ ຍີ່ປຸ່ນ.ສວນດັ່ງກ່າວແມ່ນເນັ້ນໃສ່ສິ່ງກໍ່ສ້າງ ແລະ ເຮືອນຕາມແບບສະຖາປັດຕະຍະກຳລາວ ແລະ ຍີ່ປຸ່ນ.ອ່ານຕໍ່  ...

ວຽງຈັນ (ວຽງຈັນທາມສ໌) – ທະນາຄານພັດທພະນາອາຊີ (ADB) ຈະໃຫ້ທຶນຈຳນວນ 47 ລ້ານໂດລາສຳລັບການພັດທະນາພື້ນຖານໂຄງລ່າງເມືອງວັງວຽງ ແລະ ພື້ນທີ່ອ້ອມຮອບອ່າງນ້ຳງື່ມ ເພື່ອຮອງຮັບການຂະຫຍາຍຕົວຂອງການທ່ອງທ່ຽວໃນແຂວງວຽງຈັນ.ທ່ານ ຄຳຟອງ ບົວທອງ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງວຽງຈັນ ເປີດເຜີຍຕໍ່ສຳນັກຂ່າວວຽງຈັນທາມສ໌ວານນີ້ວ່າ ການກໍ່ສ້າງຄາດວ່າຈະເລີ່ມລົງມືໃນປີໜ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ມື້ວານນີ້ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ພ້ອມດ້ວຍຮອງລັດຖະມົນຕີ ແລະ ເຈົ້າໜ້າທີ່ກະຊວງ ໄດ້ເດີນທາງຢ້ຽມຢາມເປັນກຳລັງໃຈໃຫ້ກ່ນັກທ່ອງທ່ຽວຊາວຈີນ ທີ່ເຂົ້າຮັບການປິ່ນປົວຢູ່ໂຮງໝໍ ຫຼັງຈາກທີ່ໄດ້ຮັບບາດເຈັບຈາກອຸບັດຕິເຫດລົດຕົກພູໃນວັນຈັນຜ່ານມາ.ຜູ້ປະສົບເຄາະຈາກອຸບັດຕິເຫດດັ່ງກ່າວແມ່ນກຳລັງປິ່ນປົວຢູ່ໂຮງໝໍສູນກາງກອງທັບປະຊາຊົນລາວ 103, ຫຼັງຈາກທີ່ລົດເມທ່ອງທ່ຽວໄດ້ປະສົບອຸບັດຕິຕົກພູ ຢູ່ແຂວງຫຼວງພະບາງ.ອ່ານຕໍ່ ...

ຕົວແທນວາງສະແດງກວ່າ 200 ຫົວໜ່ວຍຈາກທົ່ວປະເທດຈະເຂົ້າຮ່ວມໃນງານວາງສະແດງສິນຄ້າຫັດຖະກຳລາວໃນປີນີ້ ທີ່ສູນວາງສະແດງສິນຄ້າ ແລະ ການປະຊຸມລາວສາກົນ (ລາວ-ໄອເຕັກ) ນະຄອນຫຼວງວຽງຈັນໃນລະຫວ່າງວັນທີ 28 ຕຸລາ ເຖິງ 3 ພະຈິກປີນີ້.ລາຍລະອຽດຂອງງານດັ່ງກ່າວໄດ້ມີການເປີດເຜີຍໃນກອງປະຊຸມຕໍ່ສື່ມວນຊົນໃນວັນສຸກແລ້ວນີ້ ພາຍໃຕ້ການເຂົ້າຮ່ວມຂອງທ່ານ ຫານຊະນະ ສີສານ ປະທານສະມາຄົມຫັດຖະກຳລາວ, ທ່ານ ທິບພະວັນ ອຸລາ ຮອງຫົວໜ້າກົມພັດທະນາການທ່ອທ່ຽວ ພ້ອມດ້ວຍສື່ມວນຊົນ ແລະ ເຈົ້າໜ້າທີ່ກະຊວງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຖ້ຳເກົາເລົາ ບ້ານນ້ຳແອ໋ງ ເມືອງວຽງພູຄາ ແຂວງຫຼວງນ້ຳທາ ຈະກັບມາເປີດໃຫ້ບໍລິການໃນທ້າຍປີນີ້ ຫຼັງຈາກທີ່ມີການປິດຊົ່ວຄາວເປັນເວລາຫ້າເດືອນເພື່ອປັບປຸງສິ່ງອຳນວຍຄວາມສະດວກສຳລັບນັກທ່ອງທ່ຽວ.ທ່ານ ສີວິໄລ ປັນແກ້ວ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງຫຼວງນ້ຳທາ ໄດ້ລາຍງານຕໍ່ສຳນັກຂ່າວວຽງຈັນທາມສ໌ໃນວັນຈັນນີ້ວ່າ ທາງພະແນກໄດ້ຕັດສິນໃຈປິດຖ້ຳທີ່ມີຊື່ສຽງດັ່ງກ່າວເປັນການຊົ່ວຄາວ ຍ້ອນວ່າສິ່ງອຳນວຍຄວາມສະດວກບໍ່ພຽງພໍ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານຈະບໍ່ອະນຸມັດໂຄງການການທ່ອງທ່ຽວເມືອງວັງວຽງທີ່ຍື່ນສະເໜີ ຖ້າບໍ່ມີການນຳສະເໜີແຜນການພັດທະນາແບບຍືນຍົງ, ພະນາທ່ານທອງລຸນ ສີສຸລິດ ນາຍົກລັດຖະມົນຕີກ່າວຕໍ່ອຳນາດການປົກຄອງທ້ອງຖິ່ນ.ບໍລິສັດກໍ່ສ້າງໄດ້ຍື່ນບົດສະເໜີໂຄງການຕໍ່ຄະນະລັດຖະບານ ເພື່ອຂໍອະນຸມັດການກໍ່ສ້າງສະຖານທີ່ທ່ອງທ່ຽວຄົບວົງຈອນຢູ່ເມືອງທ່ອງທ່ຽວວັງວຽງ ແຂວງວຽງຈັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ລັດຖະບານ ພ້ອມດ້ວຍຕາງໜ້າຈາກສາທາລະນະລັດເກົາຫຼີ ແລະ ອົງການຢູເນັສ໌ໂກບາງກອກ ໄດ້ປະຊຸມຢູ່ນະຄອນວຽງຈັນໃນວັນຈັນຜ່ານມາ ເຊິ່ງເປັນກອງປະຊຸມວິຊາການໄລຍະຫ້າວັນ ເພື່ອຫາລືກ່ຽວກັບການປົກປັກຮັກສາມໍລະດົກໂລກ.ກອງປະຊຸມວິຊາການກ່ຽວກັບການປົກປັກຮັກສາມໍລະດົກທາງວັັດທະນະທຳທີ່ບໍ່ເປັນຮູບປະທຳ ແລະ ເອກະສານການແຕ່ງຕັ້ງ ຈະຈັດຂຶ້ນໃນລະຫວ່າງວັນທີ 12-16 ສິງຫານີ້ ພາຍໃຕ້ການສະໜັບສະໜູນຂອງສາທາລະນະລັດເກົາຫຼີ. ຈຸດປະສົງຂອງກອງປະຊຸມແມ່ນເພື່ອເສີມຂະຫຍາຍຄວາມຮູ້ໃຫ້ແກ່ເຈົ້າໜ້າທີ່ ທີ່ຮັບຜິດຊອບໃນການປົກປັກຮັກສາມໍລະດົກໂລກ.ອ່ານຕໍ່ ...

ບຸກຄະລາກອນການທ່ອງທ່ຽວຈຳນວນ 66​ ຄົນທີ່ສຳເລັດການຝຶກອົບຮົບກຽມພ້ອມທີ່ຈະປະກອບອາຊີບເປັນນັກນຳທ່ຽວ, ເຊິ່ງເປັນສ່ວນໜຶ່ງຂອງຄວາມພະຍາຍາມໃນການສົ່ງເສີມປີທ່ອງທ່ຽວລາວ-ຈີນ 2019 ແລະ ສ້າງສີສັນໃຫ້ແກ່ສະຖານທີ່ທ່ອງທ່ຽວໃນລາວ.ກຸ່ມນັກຝຶກອົບຮົມດັ່ງກ່າວໄດ້ສຳເລັດຫຼັກສູດການຝຶກອົບຮົມໄກ້ນຳທ່ຽວແຫ່ງຊາດຊຸດທີ 26 ຂອງລັດຖະບານ, ເຊິ່ງມີຂຶ້ນທີ່ນະຄອນວຽງຈັນ ແຕ່ວັນທີ 27 ພຶດສະພາ ເຖິງ 9 ສິງຫານີ້.ອ່ານຕໍ່ ...