ເສດຖະກິດ ແລະ ການຄ້າ

ວຽງຈັນ (ວຽງຈັນທາມສ໌/ANN) – ທະນາຄານໂລກໄດ້ແນະນຳໃຫ້ປະເທດລາວປ່ອຍຄ່າເງິນຕາຂອງຕົນໃຫ້ເປັນໄປຕາມກະແສຂອງຕະຫຼາດ ໃນຂະນະທີ່ປະເທດຕ່າງໆໄດ້ມີການປະກາດຫຼຸດອັດຕາດອກເບ້ຍ ທ່າມກາງສົງຄາມການຄ້າລະຫວ່າງສະຫະລັດ ແລະ ຈີນ.ທ່ານ ສົມນຶກ ດາວວະດິງ ນັກເສດຖະສາດລະດັບສູງຂອງທະນາຄານໂລກ ໄດ້ໃຫ້ຄຳແນະນຳດັ່ງກ່າວໃນການເປີດຕົວບົດລາຍງານການຕິດຕາມເສດຖະກິດຂອງລາວສະບັບຫຼ້າສຸດໃນວັນຈັນຜ່ານມາ, ພາຍຫຼັງທະນາຄານກາງຂອງສະຫະລັດ ໄດ້ແຈ້ງຫຼຸດອັດຕາດອກເບ້ຍເພື່ອຫຼຸດຜ່ອນຜົນກະທົບຈາກຄວາມເຄັ່ງຕຶງທາງການຄ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຄົນລາວ ແລະ ຕ່າງປະເທດສາມາດນຳໃຊ້ການບໍລິການຈ່າຍເງິນຜ່ານ Alipay ໄດ້ແລ້ວທີ່ທະນາຄານພັດທະນາລາວ (ທພລ). ນອກຈາກນີ້ ທາງທະນາຄານຍັງກະກຽມທີ່ຈະເສີມຂະຫຍາຍການຮ່ວມມືກັບບັນດາຄູ່ຮ່ວມງານສາກົນໃນຕ່າງປະເທດ ແລະ ຄາດວ່າຈະກ້າວເຂົ້າສູ່ຕະຫຼາດຫຼັກຊັບໃນອະນາຄົດຕໍ່ໜ້າ.ທພລ ໄດ້ມີການຮ່ວມມືກັບບໍລິສັດ UnionPay ແລະ Alipay ຂອງຈີນ, ເຊິ່ງເປັນຜູ້ນຳດ້ານເທັກໂນໂລຢີການເງິນດັ່ງກ່າວ, ແລະ ສາຂາສະຖາບັນການເງິນຕ່າງປະເທດ ແລະ ໜ່ວຍປະກອບການຂອງທະນາຄານຈີນໃນລາວ, ສຳລັບການເຄື່ອນໄຫວແລກປ່ຽນເງິນກີບ ແລະ ເງິນຢວນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອົງການກອງທຶນການເງິນສາກົນ (IMF) ຄາດວ່າທ່າອ່ຽງການຂະຫຍາຍຕົວດ້ານເສດຖະກິດຂອງລາວມີແນວໂນ້ມທີ່ດີໃນຊຸມປີຕໍ່ໜ້າ ເຖິງຈະຜະເຊີນກັບຂໍ້ຫຍຸ້ງຍາກໃນປະຈຸບັນ. ສະຖານບັນການເງິນສາກົນໄດ້ເປີດເຜີຍຕົວເລກຄາດຄະເນເສດຖະກິດໃນອາທິດແລ້ວນີ້ ເຊິ່ງເປັນສ່ວນໜຶ່ງຂອງການປະຊຸມຫາລືກັບປະເທດສະມາຊິກຕາມມາດຕາ 4 (Article 4 Consultation) ກ່ຽວກັບພາລະກິດຂອງ ສປປ ລາວ, ເຊິ່ງຈັດຂຶ້ນຢູ່ວຽງຈັນໃນເດືອນພຶດສະພານີ້.ການຄາດຄະເນສະແດງໃຫ້ເຫັນວ່າ ການລົງທຶນຂອງຂະແໜງເອກະຊົນຢ່າງຕໍ່ເນື່ອງ, ການເພີ່ມຂຶ້ນຂອງການສົ່ງອອກກະແສໄຟຟ້າ ແລະ ການສຳເລັດໂຄງການເສັ້ນທາງລົດໄຟລາວ-ຈີນ ຈະຊ່ວຍສົ່ງເສີມການຂະຫຍາຍຕົວດ້ານເສດຖະກິດໃຫ້ໄປເຖິງ 7 ເປີເຊັນໃນໄລຍະກາງ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ຜົນການສຳຫຼວດຂອງທະນາຄານໂລກສະແດງໃຫ້ເຫັນວ່າ ທຸລະກິດຂະໜາດນ້ອຍ ແລະ ຂະໜາດກາງ (SMEs) ໃນລາວພວມຜະເຊີນກັບອຸປະສັກຕ່າງໆ, ນັບແຕ່ຄວາມຫຍຸ້ງຍາກໃນການເຂົ້າເຖິງແຫຼ່ງທຶນ, ການແຂ່ງຂັນທຸລະກິດຢ່າງບໍ່ເປັນທາງການ ແລະ ຄວາມຂັດຂ້ອງຂອງພະລັງງານໄຟຟ້າ.ການເຂົ້າເຖິງແຫຼ່ງທຶນໃນຊ່ວງສອງປີຜ່ານມາຍິ່ງມີຄວາມຫຍຸ້ງຍາ, ຕາມການສຳຫຼວດຂອງທະນາຄານໂລກ.ບັນຫານີ້ອາດມາຈາກການສົມທົບຂອງຫຼາຍປັດໃຈ ເຊັ່ນ ການເພີ່ມຄວາມລະມັດລະວັງຕໍ່ຄວາມສ່ຽງໃນການປ່ອຍກູ້ຂອງຂະແໜງທະນາຄານ, ການຂາດການວາງແຜນ ແລະ ຄຸ້ມຄອງທຸລະກິດ ແລະ ການເງິນທີ່ເໝາະສົມໃນທຸລະກິດ SMEs, ຄວາມຮູ້ທາງການເງິນທີ່ຕ່ຳ, ການຂາດຄວາມຫຼາກຫຼາຍດ້ານການບໍລິການທາງການເງິນສຳລັບ SMEs ໂດຍສະເພາະໃນເຂດຊົນນະບົດ, ແລະ ອັດຕາດອກເບ້ຍທີ່ສູງ.ອ່ານຕໍ່ ...

ວໍຊິງຕັນ ດີຊີ/ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ລະດັບສູງຈາກສະພາທຸລະກິດສະຫະລັດ-ອາຊຽນຂອງສະຫະລັດ ໄດ້ແນະນຳໃຫ້ບໍລິສັດທຸລະກິດລາວຮ່ວມມືກັບບໍລິສັດໃນອາຊຽນເພື່ອດຶງດູດນັກລົງທຶນຈາກທົ່ວໂລກໃຫ້ຫຼາຍຂຶ້ນ.ທ່ານ ມາກ ມີລີ ຮອງປະທານດ້ານນະໂຍບານການຕ່າງປະເທດຂອງສະພາກ່າວໃນອາທິດແລ້ວນີ້ວ່າ ແຕ່ລະປະເທດລ້ວນແລ້ວແຕ່ມີຜະລິດຕະພັນທີ່ເປັນທ່າແຮງຂອງປະເທດຕົນໃນການດຶງດູດການລົງທຶນຈາກຕ່າງປະເທດ. ແຕ່ວ່າປະເທດທີ່ມີເສດຖະກິດນ້ອຍຄວນຮ່ວມມືກັນເພື່ອສົ່ງເສີມການລົງທຶນໃນປະເທດຕົນ.ອ່ານຕໍ່ ...

ບໍລິສັດ ແບນໂດ ເດັນເຊັນ ຜູ້ຜະລິດເຄເບິນປະເທດຍີ່ປຸ່ນເປີດໂຮງງານຢູ່ລາວ, ຮ່ວມກັບກຸ່ມນັກລົງທຶນທີ່ເພີ່ມທະວີການລົງທຶນໃນພາກພື້ນອາຊີຕາເວັນອອກສຽງໃຕ້ ທ່າມກາງຄວາມຕ້ອງການລົດໄຟຟ້າທີ່ເພີ່ມຂຶ້ນ.ບໍລິສັດດັ່ງກ່າວຈະຄ່ອຍໆສ້າງຄວາມເຂັ້ມແຂງໃຫ້ແກ່ການດຳເນີນທຸລະກິດໃນທ້ອງຖິ່ນ ແລະ ພາຍໃຕ້ຄ່າແຮງງານທີ່ຖືກກວ່າ ແລະ ເຄືອຂ່າຍການຈຳໜ່າຍທີ່ສ້າງໂດຍບໍລິສັດສາຂາໃນລາວ. ນອກນີ້ຍັງຈະມີການພິຈາລະນາການສົ່ງອອກສິນຄ້າຈາກລາວໄປຍີ່ປຸ່ນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການບໍລິການຂົນສົ່ງສິນຄ້າທາງລົດໄຟຂ້າມຊາຍແດນທີ່ຫາກໍ່ເປີດໂຕ ຕ້ອງການການຂົນສົ່ງສິນຄ້າຈາກລາວໄປໄທທີ່ເພີ່ມຂຶ້ນເພືື່ອຄວາມສຳເລັດທາງທຸລະກິດ.ຂະບວນລົດໄຟດັ່ງກ່າວສາມາດຂົນສົ່ງສິນຄ້າ 10 ເຖິງ 20 ຕູ້ເຂົ້າ ແລະ ອອກປະເທດ, ແຕ່ວ່າປະເທດລາວມີຈຳນວນຜູ້ສົ່ງອອກໜ້ອຍກວ່າຈຳນວນຜູ້ນຳເຂົ້າ. ນີ້ແມ່ນບັນຫາທີ່ພາກສ່ວນທີ່ກ່ຽວຂ້ອງຕ້ອງຮ່ວມກັນແກ້ໄຂ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທະນາຄານໂລກສະແດງທ່າທີທີ່ດີກ່ຽວກັບການຂະຫຍາຍຕົວທາງດ້ານເສດຖະກິດຂອງລາວ, ເຊິ່ງຄາດວ່າຈະກັບມາສູ່ລະດັບ 6.5 ເປີເຊັນໃນປີ 2019, ເພີ່ມຂຶ້ນຈາກລະດັບ 6.3 ເປີເຊັນໃນປີຜ່ານມາ.ເຖິງວ່າງົບປະມານຂອງປະເທດຈະຢູ່ໃນສະພາບເຄັ່ງຕຶງຕໍ່ເນື່ອງ, ການຟື້ນຕົວດັ່ງກ່າວຄາດວ່າຈະໄດ້ຮັບການຊຸກຍູ້ຈາກການລົງທຶນທີ່ເຂັ້ມແຂງໃນໂຄງການກໍ່ສ້າງພື້ນຖານໂຄງລ່າງຂະໜາດໃຫຍ່ ເຊັ່ນ ໂຄງການທາງລົດໄຟລາວ-ຈີນ, ຕາມບົດລາຍງານ Lao Economic Monitor ຫຼ້າສຸດຂອງທະນາຄານໂລກທີ່ມີການເປີດໂຕວານນີ້.ອ່ານຕໍ່ ...

ວໍຊິງຕັນ ດີຊີ. (ວຽງຈັນທາມສ໌) – ເຈົ້າໜ້າທີ່ການນຳຂອງສູນກາງຄະນະກຳມາທິການຄົ້ນຄວ້າຍຸດທະສາດດ້ານເສດຖະກິດອາຊີສາກົນຂອງສະຫະລັດ ໄດ້ແນະນຳໃຫ້ບັນດາປະເທດກຳລັງພັດທະນາຮ່ວມມືກັນຢ່າງໃກ້ຊິດ ເພື່ອຫຼຸດຜ່ອນຜົນກະທົບຈາກສົງຄາມການຄ້າລະຫວ່າງຈີນ ແລະ ສະຫະລັດ.ເສດຖະກິດຂອງບັນດາປະເທດກຳລັງພັດທະນາພວມໄດ້ຮັບຜົນກະທົບຈາກການຂັດແຍ່ງທາງການຄ້າຢ່າງຕໍ່ເນື່ອງລະຫວ່າງປະເທດມະຫາອຳນາດທາງດ້ານເສດຖະກິດຂອງໂລກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທະນາຄານແຫ່ງ ສປປ ລາວ (BOL) ບໍ່ຄວນຈະອອກພຽງແຕ່ຄຳເຕືອນຕໍ່ໜ່ວຍແລກປ່ຽນເງິນຕາຕ່າງປະເທດທີ່ບໍ່ປະຕິບັດຕາມລະບຽບການກ່ຽວກັບເງິນຕາ, ເຈົ້າໜ້າທີ່ການນຳຂອງສະພານການຄ້າ ແລະ ອຸດສາຫະກຳແຫ່ງຊາດລາວກ່າວວານນີ້.ຄຳເຫັນດັ່ງກ່າວໄດ້ມີຂຶ້ນໃນລະຫວ່າງກອງປະຊຸມປຶກສາຫາລືລະຫວ່າງຕາງໜ້າຈາກໜ່ວຍງານລັດ ແລະ ຂະແໜງເອກະຊົນໃນນະຄອນຫຼວງວຽງຈັນໃນວັນອັງຄານຜ່ານມາ ເພື່ອຫາລືກ່ຽວກັບອັດຕາແລກປ່ຽນ ແລະ ຫົວຂໍ້ອື່ນໆທີ່ກ່ຽວຂ້ອງກັບການບໍລິການສາທາລະນະເພື່ອອຳນວຍຄວາມສະດວກໃຫ້ແກ່ການດຳເນີນທຸລະກິດ.ອ່ານຕໍ່ ...