ໄພພິບັດ

ລັດອະນຸມັດງົບປະມານພິເສດ 500 ຕື້ກີບ (58 ລ້ານໂດລາ) ເພື່ອປົວແປງພື້ນຖານໂຄງລ່າງສາທາລະນະທີ່ໄດ້ຮັບຄວາມເສຍຫາຍ ເນື່ອງຈາກໄພນ້ຳຖ້ວມປີກາຍນີ້, ເຊິ່ງໝາຍເຖິງພາລະກິດການຟື້ນຟູຈະສາມາດເລີ່ມລົງມືໃນໄວໆນີ້. ການອະນຸມັດແຜນງົບປະມານດັ່ງກ່າວແມ່ນຢູ່ໃນກອງປະຊຸມປະຈຳປີຂອງຂະແໜງການແຜນການ-ການເງິນ ຂອງກະຊວງແຜນການ ແລະ ການລົງທຶນ ເຊິ່ງຈັດຂຶ້ນໃນຕົ້ນອາທິດນີ້ ທີ່ນະຄອນວຽງຈັນ.ອ່ານຕໍ່  ...

(ຂປລ) ໄດ້ເກີດເຫດນ້ຳຖ້ວມກະທັນຫັນໃນເຂດບ້ານເຮືອນ ແລະ ພື້ນທີ່ກະສິກຳໃນຫຼາຍບ້ານທີ່ເມືອງບຸນເໜືອ ແລະ ເມືອງຜົ້ງສາລີ ແຂວງຜົ້ງສາລີໃນວັນທີ 8 ມັງກອນນີ້. ຕາມການປະເມີນເບື້ອງຕົ້ນຂອງອຳນາດການປົກຄອງທ້ອງຖິ່ນ ເຫັນວ່າສ້າງຄວາມເສຍຫາຍພຽງເລັກນ້ອຍ.ອ່ານຕໍ່ ...

ລາວໄດ້ຮັບທຶນຊ່ວຍເຫຼືອຈາກກອງທຶນຮັບມືເຫດສຸກເສີນສູນກາງຂອງອົງການສະຫະປະຊາຊາດ ເພື່ອຊ່ວຍເຫຼືອພາລະກິດເພື່ອມະນຸດສະທຳ ແລະ ການຮັບມືເຫດສຸກເສີນ ພາຍຫຼັງໄພນ້ຳຖ້ວມທີ່ຫາກໍ່ເກີດຂຶ້ນໃນໄລຍະຜ່ານມາໃນທົ່ວປະເທດ. ທຶນຊ່ວຍເຫຼືອລ້າຈຳນວນ 3.5 ລ້ານໂດລາສະຫະລັດນີ້ ຈະຖືກນຳໃຊ້ເຂົ້າໃນການຟື້ນຟູ ຫົກເມືອງຂອງແຂວງຄຳມ່ວນທີ່ໄດ້ຮັບຜົນກະທົບຮ້າຍແຮງ ຄື ເມືອງໜອງບົກ, ຫີນບູນ, ບົວລະພາ, ມະຫາໄຊ, ເຊບັ້ງໄຟ ແລະ ຍົມມະລາດ, ຕາມການລາຍງານຂອງຫ້ອງການອົງການ UNDP ໃນວັນຈັນແລ້ວນີ້.ອ່ານຕໍ່  ...

ຜູ້ລອດຊີວິດຈາກໄພພິບັດຈາກໂຄງການພະລັງງານໄຟຟ້ານ້ຳຕົກເຊປຽນ-ເຊນ້ຳນ້ອຍໃນເດືອນກໍລະກົດຜ່ານມາ ທີ່ຢູ່ແຂວງຈຳປາສັກ, ປະເທດລາວ ຍັງຄົງຮຽກຮ້ອງເງິນບັນເທົາທຸກຈາກລັດຖະບານທ້ອງຖິ່ນ ແລະ ສູນກາງ ຫຼັງຈາກທີ່ບໍ່ໄດ້ຮັບເງິນເບ້ຍລ້ຽງຕາມທີ່ໄດ້ຮັບສັນຍາມາເປັນເວລາສອງເດືອນ ຕາມການລາຍງານຂອງເຈົ້າໜ້າທີ່ທ້ອງຖິ່ນ.ສອງເດືອນກ່ອນ ລັດຖະບານໄດ້ຕົກລົງຈະຈ່າຍເບ້ຍລ້ຽງຈຳນວນ 12 ໂດລາຕໍ່ເດືອນໃຫ້ແກ່ຜູ້ປະສົບໄພຈາກເຂື່ອນແຕກ ເຊິ່ງໄດ້ທຳລາຍສູນເສຍທີ່ຢູ່ອາໄສ ແລະ ເຮັດໃຫ້ເກີດໄພນ້ຳຖ້ວມຄັ້ງຮ້າຍແຮງໃນປະມານ 12 ບ້ານໃນພື້ນທີ່ລຸ່ມນ້ຳແຂວງຈຳປາສັກ ແລະ ອັດຕະປື.ອ່ານຕໍ່ ...

ໄພພິບັດຈາກເຂື່ອນໃນລາວໃນເດືອນກໍລະກົດທີ່ຜ່ານມາ ເຊິ່ງສົ່ງຜົນໃຫ້ເກີດໄພນ້ຳຖ້ວມໜັກໃນສອງແຂວງ ເຮັດໃຫ້ມີຜູ້ເສຍຊີວິດຢ່າງໜ້ອຍ 40 ຄົນ ແລະ  ອີກ 7,000 ຄົນຕ້ອງອົບພະຍົບອອກຈາກທີ່ຢູ່ອາໄສ ເຮັດໃຫ້ທົ່ວທັງພາກພື້ນ ແລະ ສາກົນຫັນມາໃສ່ໃຈໃນໄພອັນຕະລາຍທີ່ອາດເກີດຂຶ້ນ ຍ້ອນການພັດທະນະເຂື່ອນພະລັງງານໄຟຟ້ານ້ຳຕົກໃນອາຊີຕາເວັນອອກສຽງໃຕ້ທີ່ກຳລັງແຜ່ຫຼາຍໃນປະຈຸບັນ.ນັກຊ່ຽວຊານກ່າວວ່າ ໄພພິບັດໃນລັກສະນະດຽວກັນມີທ່າອ່ຽງເກີດຂຶ້ນຊ້ຳອີກ ໃນບັນດາໂຄງການກໍ່ສ້າງເຂື່ອນຂະໜາດໃຫຍ່ທີ່ມີແຜນກໍ່ສ້າງ ຫຼື ພວມກຳລັງກໍ່ສ້າງຢູ່ຕາມລຳແມ່ນ້ຳຂອງສາຍຫຼັກໃນລາວ ແລະ ກຳປູເຈຍ ລວມເຖິງໂຄງການເຂື່ອນໄຟຟ້າອີກປະມານ 140 ແຫ່ງຢູ່ຕາມສາຂາຂອງແມ່ນ້ຳຂອງໃນລາວ.ອ່ານຕໍ່ ...

ວຽງຈັນ, 9 ພະຈິກ (ຊິນຫົວ) — ການຜະລິດເຂົ້ານາປີໃນລາວຄາດວ່າຈະຫຼຸດລົງປະມານ 300,000 ໂຕນ ຫຼັງຈາກໃນປີນີ້ຫຼາຍພາກໃນລາວໄດ້ປະສົບກັບໄພນ້ຳຖ້ວມ.ລັດຖະບານລາວ ກໍຄືກະຊວງກະສິກຳ ແລະ ປ່າໄມ້ ໄດ້ສົ່ງເສີມໃຫ້ຊາວນາຜະລິດເຂົ້ານາປີໃຫ້ໄດ້ປະມານ 3.5 ລ້ານໂຕນໃນລະດູຝົນປີນີ້, ແຕ່ວ່າເຈົ້າໜ້າທີ່ກ່ຽວຂ້ອງຄາດວ່າການເກັບກ່ຽວເຂົ້າໃນລະດູການນີ້ຈະໄດ້ພຽງ 3.2 ລ້ານໂຕນ ຕາມການລາຍງານຂອງສຳນັກທ້ອງຖິ່ນອ່ານຕໍ່ ...

(ຂປລ) ບໍລິສັດເກຍມໍເຕີ ເອເຊຍ ຂອງສະທາລະນະລັດເກົາຫຼີ ບໍລິຈາກ 100,000 ໂດລາເພື່ອຊ່ວຍເຫຼືອຜູ້ປະສົບໄພນ້ຳຖ້ວມໃນລາວ. ພິທີມອບເງິນຊ່ວຍເຫຼືອດັ່ງກ່າວແມ່ນຈັດຂຶ້ນທີ່ ກະຊວງແຮງງານ ແລະ ສະຫວັດດີການສັງຄົມ ລະຫວ່າງທ່ານ ປອ ຄຳແພງ ໄຊສົມແພງ ລັດຖະມົນຕີກະຊວງແຮງານ ແລະ ສະຫວັດດີການສັງຄົມ ແລະ ທ່ານ ຄິມ ຮູກອນ ຜູ້ຈັດການໃຫຍ່-ບໍລິສັດເກຍມໍເຕີປະຈຳພາກພື້ນ ໃນວັນທີ 24 ຕຸລາ 2018 ທີ່ນະຄອນວຽງຈັນ.ອ່ານຕໍ່ ...

ລັດຖະບານຄາດຄະເນວ່າຈະຕ້ອງນຳໃຊ້ງົບປະມານ 6 ພັນຕື້ກີບ ເພື່ອຟື້ນຟູຄວາມເສຍຫາຍຈາກໄພພິບັດນ້ຳຖ້ວມໃນທົ່ວປະເທດສຳລັບປີນີ້, ເຊິ່ງໃນນັ້ນຄວາມຕ້ອງການສູງສຸດແມ່ນຢູ່ໃນຂະແໜງການຂົນສົ່ງ ແລະ ກະສິກຳ.ພາລະກິດການຟຶ້ນຟູດັ່ງກ່າວຈະແບ່ງເປັນໄລຍະສັ້ນ, ໄລຍະກາງ ແລະ ໄລຍະຍາວ ເຊິ່ງແນໃສ່ຂະແໜງການສັງຄົມ, ການຜະລິດ ແລະ ພື້ນຖານໂຄງລ່າງ ແລະ ບັນຫາທີ່ກ່ຽວເນື່ອງອື່ນໆ.ອ່ານຕໍ່ ...

ບໍລິສັດກໍ່ສ້າງເຂື່ອນໄດ້ສັ່ງຊື້ເຮືອນພັກແບບປະກອບຈຳນວນ 450 ຫຼັງ ເຊິ່ງມີມູນຄ່າລວມເກີນ 29 ຕື້ກີບ ຈາກຕ່າງປະເທດ ເພື່ອມອບໃຫ້ແກ່ຄອບຄົວທີ່ຍັງບໍ່ມີທີ່ຢູ່ອາໄສ ຫຼັງຈາກເຂົາເຈົ້າໄດ້ສູນເສຍທີ່ຢູ່ອາໄສ ຍ້ອນໄພນ້ຳຖ້ວມ ທີ່ເມືອງສະໜາມໄຊ ແຂວງອັດຕະປື ໃນເດືອນກໍລະກົດທີ່ຜ່ານມາ.ຕາມການລາຍງານຂອງເຈົ້າໜ້າທີ່ເມືອງ, ຄອບຄົວທີ່ບໍ່ມີທີ່ຢູ່ອາໄສຈະໄດ້ຮັບເຮືອນປະກອບຕື່ມອີກ 50 ຫຼັງຈາກບໍລິສັດ, ເຊິ່ງຈະຈັດສົ່ງໄປແຂວງອັບຕະປືໃນເດືອນພະຈິກນີ້.ອ່ານຕໍ່   ...

ລັດຖະບານມີແຜນຢຸດພາລະກິດການຄົ້ນຫາຜູ້ສູນຫາຍ ທີ່ເມືອງສະໜາມໄຊ ແຂວງອັດຕະປື ເຊິ່ງຍັງມີປະຊາຊົນຈຳນວນໜຶ່ງທີ່ຍັງຄົງສູນຫາຍ ຫຼັງຈາກເຫດໄພນ້ຳຖ້ວມກະທັນຫັນ ເນື່ອງຈາກສັນເຂື່ອນແຕກໃນພາກໃຕ້ຂອງລາວໃນເດືອນກໍລະກົດຜ່ານມາ.ປະຈຸບັນ ກຳລັງມີການກະກຽມຖະແຫຼງການຢ່າງເປັນທາງການໃນການຢຸດພາລະກິດການຄົ້ນຫາທີ່ດຳເນີນມາກວ່າສອງເດືອນ ແລະ ຄາດວ່າຈະເປີດເຜີຍຕໍ່ມວນຊົນໃນໄວໆນີ້.ອ່ານຕໍ່ ...