ວຽງຈັນທາມສ໌

ວຽງຈັນ (ວຽງຈັນທາມສ໌/ANN) – ໃນຂະນະທີ່ເຈົ້າໜ້າທີ່ກຳລັງດຳເນີນການຂຶ້ນທະບຽນແຮງງານ, ລາວຍັງຄົງຜະເຊີນກັບສິ່ງທ້າທາຍໃນການແກ້ໄຂບັນຫາແຮງງານຕ່່າງດ້າວທີ່ບໍ່ມີເອກະສານຖືກຕ້ອງຕາມກົດໝາຍ.ທ່ານ ປອ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໄດ້ໃຫ້ຄຳເຫັນໃນກອງປະຊຸມ ກ່ຽວກັບການແກ້ໄຂບັນຫາແຮງງານຕ່າງດ້າວທີ່ບໍ່ມີເອກະສານໃນລາວ ແລະ ທົບທວນການຈັດຕັ້ງປະຕິບັດຄຳສັ່ງເລກທີ 62 ຂອງນາຍົກລັດຖະມົນຕີ ວ່າດ້ວຍການຂຶ້ນທະບຽນແຮງງານ ລວມເຖິງການຢັ້ງຢືນສັນຊາດ.ອ່ານຕໍ່ ...

 ວຽງຈັນ (ວຽງຈັນທາມສ໌/ANN) – ໂຄງການກັ່ນນ້ຳມັນເຊື້ອໄຟ ລາວ-ຈີນໄດ້ມີການເລື່ອນແຜນການຜະລິດເປັນຄັ້ງທີສອງນັບແຕ່ປີ 2017 ເນື່ອງຈາກບັນຫາຄວາມຫຍຸ້ງຍາກຂອງນັກລົງທຶນໃນການຫາແຫຼ່ງທຶນຈາກຈີນເພື່ອສຳເລັດການກໍ່ສ້າງ.ໂຮງກັ່ນນ້ຳມັນ, ເຊິ່ງຈະດຳເນີນການໂດຍບໍລິສັດ ປີໂຕຣເຄມິຄອລ ດົງຍານ ລາວ-ຈີນ ຈຳກັດ, ມີຜູ້ຖືຫຸ້ນ 5 ລາຍຈາກຈີນ ແລະ ລາວ, ໃນນັ້ນມີລັດວິສາຫະກິດນ້ຳມັນເຊື້ອໄຟລາວ. ການກໍ່ສ້າງດັ່ງກ່າວໄດ້ເລີ່ມມາຕັ້ງແຕ່ປີ 2014 ແຕ່ກໍມີຄວາມຊັກຊ້າ.ອ່ານຕໍ່ ...

 ວຽງຈັນ (ວຽງຈັນທາມສ໌/ANN) – ການປະມູນຊື້ຂາຍໄມ້ທີ່ໄດ້ຈາກການຍືດໄດ້ຈາກການລັກລອບຕັດໄມ້ເຖື່ອນ ສາມາດສ້າງລາຍຮັບເຂົ້າລັດກວ່າ 170.8 ຕື້ກີບ, ຕາມບົດລາຍງານຫຼ້າສຸດຂອງລັດຖະບານ.ຕາມຄຳສັ່ງແນະນຳຂອງນາຍົກລັດຖະມົນຕີ ໃນເດືອນ ພຶດສະພາ 2016 ກ່ຽວກັບການຫ້າມການສົ່ງອອກຜະລິດຕະພັນໄມ້ທີ່ບໍ່ຜ່ານການແປຮູບ ແລະ ການປາບປາມທຸລະກິດຄ້າຂາຍໄມ້ເຖື່ອນ, ເຈົ້າໜ້າທີ່ສາມາດຍຶດໄດ້ໄມ້ກວ່າ 75,240 ແມັດກ້ອນ ແລະ ອີກ 287.4 ໂຕນໄດ້ມີການຈັດປະມູນ ແລະ ຂາຍອອກ.ອ່ານຕໍ່  ...

ເຈົ້າໜ້າທີ່ຕຳຫຼວດສຳເລັດການສຳຫຼວດ ແລະ ວາງແຜນການຕິດຕັ້ງກ້ອງວົງຈອນປິດ (CCTV) ຕາມເສັ້ນທາງໃນສີ່ແຂວງພາກໃຕ້ຂອງລາວ ເຊິ່ງມີແຜນຕິດຕັ້ງກ້ອງ 500-700 ເຄື່ອງໃນແຕ່ລະແຂວງ.ອ່ານຕໍ່ ...

ສູນແນວພັນເຂົ້າໄດ້ແຈກຢາຍແນວພັນເຂົ້າຢ່າງພຽງພໍສຳລັບຊາວກະສິກອນ ເພື່ອຂະຫຍາຍພື້ນທີ່ການຜະລິດເຂົ້າໃນລະດູແລ້ງໃຫ້ໄດ້ 185,000 ເຮັກຕາ ຕາມເປົ້າໝາຍຂອງລັດຖະບານ.ອ່ານຕໍ່  ...

ລັດຖະບານມີແຜນຕິດຕັ້ງລະບົບການສື່ສານໃໝ່ໃນປີນີ້ ເພື່ອວ່າຄະນະລັດຖະບານ ແລະ ເຈົ້າແຂວງຈະສາມາດຈັດກອງປະຊຸມທາງໄກແບບອອນໄລ (video conferences). ອີງຕາມແຜນພັດທະນາເສດຖະກິດ-ສັງຄົມ 2019, ​ລັດຖະບານມີແຜນທີ່ຈະສຳເລັດການຕິດຕັ້ງລະບົບການຈັດກອງປະຊຸມທາງອອນໄລ ໃນສຳນັກງານນາຍົກລັດຖະມົນຕີ, ກະຊວງ ແລະ ຫ້ອງວ່າການແຂວງໃນທົ່ວປະເທດ ເຊິ່ງເປັນສ່ວນໜຶ່ງຂອງການລິເລີ່ມ e-government.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະຄູດ ສາຍການບິນລາຄາຍ່ອມເຍົາຂອງສິງກະໂປແອລາຍ ຈະພ້ອມໃຫ້ບໍລິການຖ້ຽວບິນ ສິງກະໂປ-ລາວ ໃນເດືອນເມສາປີນີ້ ໃນລາຄາປີ້ຍົນເລີ່ມຕົ້ນ US$88 ໂດລາ ຕາມການເປີດເຜີຍໃນວານນີ້.ສະຄູດຈະໃຫ້ບໍລິການບິນຮັບສົ່ງຈາກສິງກະໂປ ຫາວຽງຈັນ ຫາຫຼວງພະບາງ. ເຊິ່ງຖ້ຽວບິນຈະເລີ່ມຈາກສິງກະໂປ ໄປຫາຫຼວງພະບາງ ຕາມດ້ວຍວຽງຈັນ ກ່ອນທີ່ຈະບິນກັບໄປສິງກະໂປ ຕາມຂໍ້ມູນຈາກ Straits Times ໜັງສືພິມຊັ້ນນຳຂອງສິງກະໂປ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ມູນຄ່າການຄ້າຮ່ວມດ້ານການນຳເຂົ້າ ແລະ ສົ່ງອອກລະຫວ່າງລາວ ແລະ ຫວຽດນາມເພີ່ມຂຶ້ນປະມານ 13% ໃນປີ 2018, ແຕະຫຼັກ US$1 ຕື້ໂດລາ, ຕາມການເປີດເຜີຍຂອງເຈົ້າໜ້າທີ່ສອງປະເທດ.ຕົວເລກດັ່ງກ່າວໄດ້ຮັບການເປີດເຜີຍຜ່ານກອງປະຊຸມຄະນະລັດຖະບານຮ່ວມ ລາວ-ຫວຽດນາມ ສະໄໝ 41 ທີ່ນະຄອນຫຼວງຮາໂນ້ຍ ໃນອາທິດແລ້ວນີ້.ໃນປີ 2018, ລາວສ້າງລາຍຮັບຈາກການສົ່ງອອກສິນຄ້າໄປປະເທດຫວຽດນາມ US$723.5 ລ້ານໂດລາ ແລະ ນຳເຂົ້າສິນຄ້າຈາກຫວຽດນາມມູນຄ່າ US$552.2 ລ້ານໂດລາ, ອີງຕາມກະຊວງອຸດສາຫະກຳ ແລະ ການຄ້າ.ອ່ານຕໍ່ ...

 ວຽງຈັນ (ວຽງຈັນທາມສ໌/ANN) – ຄະດີກ່ຽວກັບນັກທຸລະກິດຄົນດັງຂອງລາວທີ່ຖືກປັບໄໝກ່ຽວກັບການລະເມີດກົດຈໍລະຈອນກຳລັງເປັນຫົວຂໍ້ດັງໃນການສົນທະນາຜ່ານສື່ສັງຄົມອອນໄລ ຫຼັງຈາກທີ່ມີການສະເໜີກລະນີດັ່ງກ່າວເພື່ອຂໍຄຳເຫັນມະຫາຊົນ.ນັກທຸລະກິດຊາຍດັ່ງກ່າວໄດ້ຖືກສັ່ງໃຫ້ຢຸດລົດ ເພື່ອກວດສອບເອກະສານໂດຍເຈົ້າໜ້າທີ່ຕຳຫຼວດ ໃນຂະນະທີ່ຂັບລົດຈິບໄປຕາມເສັ້ນທາງເລກທີ 13 ໃຕ້ ທີ່ແຂວງຄຳມ່ວນ.ອ່ານຕໍ່  ...

ມູນນິທິໂລກແຊມູນ ຂອງສາທາລະນະລັດເກົາຫຼີ ຕົກລົງຊ່ວຍເຫຼືອການພັດທະນາເສດຖະກິດສັງຄົມໃນພື້ນທີ່ຊົນນະບົດຂອງນະຄອນວຽງຈັນເປັນມູນຄ່າກວ່າ 11 ຕື້ກີບ (US$1.3 ລ້ານໂດລາ).ທຶນຊ່ວຍເຫຼືອດັ່ງກ່າວແມ່ນສຳລັບໂຄງການສາທິດການພັດທະນາບ້ານແບບແຊມູນ ເຊິ່ງມີຈຸດປະສົງສົ່ງເສີມການຜະລິດໃນຊົນນະບົດໃນຊຸມຊົນທ້ອງຖິ່ນໃນບ້ານເປົ້າໝາຍ ເພື່ອໃຫ້ເຂົາເຈົ້າມີລາຍຮັບເພີ່ມຂຶ້ນ ກໍຄືເປັນການສົ່ງເສີມການພັດທະນາເສດຖະກິດ-ສັງຄົມຂອງຊາດໂດຍລວມ.ໂຄງການດັ່ງກ່າວຈະໄດ້ຈັດຕັ້ງປະຕິບັດຢູ່ສາມບ້ານເປົ້າໝາຍຄື ບ້ານດົງວັງໂພ, ທ່າເດື່ອ ສິງຫອມ ແລະ ໝາກຄ້ຽວ ເມືອງປາກງື່ມ ນະຄອນຫຼວງວຽງຈັນ.ອ່ານຕໍ່ ...