ວຽງຈັນທາມສ໌

ວຽງຈັນ (ວຽງຈັນທາມສ໌/ANN) – ອົງການກວດສອບແຫ່ງລັດ (GIA) ກ່າວວ່າໜ່ວຍງານບັງຄັບໃຊ້ກົດໝາຍ ຄວນສ້າງເງື່ອນໄຂໃຫ້ທຸກຄົນໃນສັງຄົມມີສ່ວນຮ່ວມໃນການຕໍ່ສູ້ຕ້ານການສໍ້ລາດບັງຫຼວງ.ທ່ານ ປອ ບຸນທອງ ຈິດມະນີ ປະທານ GIA ໄດ້ອອກຄຳສັ່ງແນະນຳກ່ຽວກັບບັນຫາດັ່ງກ່າວ ເພື່ອອຳນວຍຄວາມສະດວກໃຫ້ແກ່ການຈັດຕັ້ງປະຕິບັັດກົດໝາຍວ່າດ້ວຍການກວດສອບແຫ່ງລັດສະບັບດັດແກ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກົມຄຸ້ມຄອງພະລັງງານ ກະຊວງພະລັງງານ ແລະ ບໍ່ແຮ່ ມີແຜນພັດທະນາລະບົບພະລັງງານໃຫ້ທັນສະໄໝ ແລະ ເພີ່ມຄວາມສາມາດໂດຍລວມ ດ້ວຍການຕິດຕັ້ງໂຮງໄຟຟ້າພະລັງນ້ຳໂດຍນຳໃຊ້ເຕັກໂນໂລຊີທີ່ດີທີ່ສຸດ ແລະທັນສະໄໝທີ່ສຸດ.ທ່ານ ທອງພັດ ອິນທະວົງ ຮອງລັດຖະມົນຕີກະຊວງພະລັງງານ ແລະ ບໍ່ແຮ່ ກ່າວໃນກອງປະຊຸມສອງວັນກ່ຽວກັບການຖອດຖອນບົດຮຽນເພື່ອປັບປຸງວຽກງານອຸດສາຫະກຳດ້ານພະລັງງານວ່າ ການກໍ່ສ້າງໂຮງງານໄຟຟ້າແມ່ນສ່ວນໜຶ່ງຂອງພາລະກິດທີ່ສຳຄັນຂອງຊາດ ໃນການກ້າວເປັນປະເທດຫຼັກແຫຼ່ງໃນການສະໜອງພະລັງງານໄຟຟ້າໃນພາກພື້ນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວໄດ້ 29 ຄະແນນ ແລະ ຍັງຄົງຢູ່ລະດັບເດີມທີ່ໄດ້ໃນປີ 2017 ກ່ຽວກັບດັດຊະນີຄວາມໂປ່ງໃສດ້ານການສໍ້ລາດບັງຫຼວງສາກົນ 2018 ທີ່ມີການເປີດເຜີຍໃນວັນອັງຄານຜ່ານມານີ້.ຄະແນນດັດຊະນີດັ່ງກ່າວແມ່ນຈັດລຽງຈາກ 0 ຫາ 100, ເຊິ່ງ 0 ໝາຍເຖິງມີການສໍ້ລາດບັງຫຼວງຫຼາຍທີ່ສຸດ ແລະ 100 ໝາຍເຖິງມີຄວາມໂປ່ງໃສຫຼາຍສຸດ.ປະເທດລາວທີ່ໄດ້ 29 ຄະແນນນີ້ແມ່ນຕ່ຳກວ່າບັນດາປະເທດສະມາຊິກອາຊຽນສ່ວນໃຫຍ່. ລຽງລຳດັບສູງສຸດຫາຕ່ຳສຸດ, ປະເທດສິງກະໂປເປັນປະເທດທີ່ມີຄວາມໂປ່ງໃສທີ່ສຸດດ້ວຍຄະແນນ 85. ປະເທດບຣູໄນມີຄະແນນ 63, ມາເລເຊຍ 47, ອິນໂດເນເຊຍ 38, ແລະ ຟິລິປິນ 36. ສ່ວນປະເທດໄທກໍໄດ້ຄະແນນ 36 ເຊັ່ນດຽວກັນ ຂະນະທີ່ຫວຽດນາມໄດ້ 33 ຄະແນນ ແລະ ມຽນມາມີຄະແນນສ່ຳດຽວກັບລາວ. ກຳປູເຈຍແມ່ນໄດ້ 20 ...

ສະຫວັນນະເຂດ, ລາວ (ວຽງຈັນທາມສ໌/ANN) – ອຳນາດການປົກຄອງແຂວງສະຫວັນນະເຂດກຽມພ້ອມໃນການຕ້ອນຮັບນັກທ່ອງທ່ຽວທັງພາຍໃນ ແລະ ຕ່າງປະເທດ ສຳລັບການທ່ອງທ່ຽວແບບທຳມະຊາດ ແລະ ການອະນຸລັກໃນພື້ນທີ່ປ່າສະຫງວນແຫ່ງຊາດດົງພູວຽງ  ເມືອງພິນ ແຂວງສະຫວັນນະເຂດ.ຫວ່າງໝໍ່ໆມານີ້ ເຈົ້າໜ້າທີ່ທ່ອງທ່ຽວໄດ້ມີການເປີດຕົວແຜນທ່ອງທ່ຽວດັ່ງກ່າວທີ່ບ້ານວົງສີແກ້ວ ແລະ ບ້ານຍາງ ທີ່ຕັ້ງຢູ່ໃນເຂດປ່າສະຫງວນແຫ່ງຊາດດົງພູວຽງ ເຊິ່ງເປັນໜຶ່ງໃນຫຼາຍກິດຈະກຳເພື່ອຕ້ອນຮັບນັກທ່ອງທ່ຽວໃນປີທ່ອງທ່ຽວລາວ-ຈີນ 2019.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ລັດວິສາຫະກິດໄຟຟ້າລາວ (EDL) ພາຍໃຕ້ກະຊວງພະລັງງານ ແລະ ບໍ່ແຮ່ແນະນຳພະນັກງານຂອງຕົນໃນທົ່ວປະເທດ ໃຫ້ຮັບປະກັນການຄິດໄລ່ຄ່ານຳໃຊ້ກະແສໄຟຟ້າໃນອັດຕາຫຼຸດຜ່ອນສຳລັບການນຳໃຊ້ໂປມນ້ຳຊົນລະປະທານ ແລະ ຟາມລ້ຽງສັດ.ທ່ານ ຄຳປະເສີດ ເທບປັນຍາ ຮອງອຳນວຍການ EDL ລາຍງານຜ່ານໜັງສືພິມວຽງຈັນທາມສ໌ວ່າ ອັດຕາຄ່າໄຟໃໝ່ໃນເລີ່ມຕົ້ນນຳໃຊ້ນັບແຕ່ ວັນທີ 1 ມັງກອນປີນີ້ ໄປເຖິງວັັນທີ 1 ມັງກອນ 2020. ການຫຼຸດຄ່າໄຟຟ້າດັ່ງກ່າວແມ່ນເພື່ອຊ່ວຍເຫຼືອຊາວກະສິກອນໃນການຟື້ນຟູຈາກໄພນ້ຳຖ້ວມໃນປີຜ່ານມາ.ອ່ານຕໍ່ ...

ຈຳປາສັກ, ລາວ (ວຽງຈັນທາມສ໌/ANN) – ທ່ານ ທອງລຸນ ສີສຸລິດ ນາຍົກລັດຖະມົນຕີແນະນຳໃຫ້ແຂວງຈຳປາສັກແລະ ແຂວງພາກໃຕ້ອື່ນໆ ກ້າວຂ້າມອຸປະສັກ ແລະ ສິ່ງທ້າທາຍຂອງການດຳເນີນທຸລະກິດເພື່ອເພີ່ມໂອກາດໃນການດຶງດູດການລົງທຶນ.ໃນກອງປະຊຸມໄດ້ຫາລືນະໂຍບາຍ ໃນການສ້າງສະພາບແວດລ້ອມເພື່ອດຶງດູດນັກລົງທຶນໃນລາວ. ການເຮັດທຸລະກິດໃນລາວຍັງຄົງເປັນບັນຫາສຳລັບນັກລົງທຶນຈຳນວນໜຶ່ງ ແລະ ອຸປະສັກທີ່ຕ້ອງຜ່ານຜ່າກໍຄືການສົ່ງເສີມການລົງທຶນໃນທຸກຂະແໜງການ.ອ່ານຕໍ່ ...

ໂຄງການຍົກລະດັບຖະໜົນໄລຍະ 9 ກມ ຈາກສີ່ແຍກຕານມີໄຊ ເມືອງໄຊທານີ ຫາທາງແບ່ງສີເກີດ ເມືອງນາຊາຍທອງ ນະຄອນຫຼວງວຽງຈັນ ອາດຕ້ອງມີການຕໍ່ເວລາອີກ 9 ເດືອນ ເນື່ອງຈາກໜ້າວຽກຊັກຊ້າກວ່າກຳນົດການ.ໂຄງການດັ່ງກ່າວແມ່ນໜຶ່ງໃນໂຄງການບູລິມະສິດການພັດທະນາພື້ນຖານໂຄງລ່າງນະຄອນຫຼວງວຽງຈັນ ຍ້ອນວ່າການຍົກລະດັບຖະໜົນດັ່ງກ່າວຈະເຮັດໃຫ້ການສັນຈອນເຈົ້າໃນຕົວເມືອງສະດວກຍິ່ງຂຶ້ນ. ນອກນີ້ມັນຍັງເປັນທາງເວັ້ນສຳລັບລົດບັກທຸກໜັກທີ່ສັນຈອນລະຫວ່າງແຂວງພາກເໜືອ ແລະ ແຂວງພາກໃຕ້ ແລະ ການສັນຈອນຈາກຕົວເມືອງວຽງຈັນຫາຂົວມິດຕະພາບລາວ-ໄທ.ອ່ານຕໍ່ ...

ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມຈັບຕາເລື່ອງຄຸນນະພາບອາກາດຢູ່ນະຄອນວຽງຈັນເປັນພິເສດ ເນື່ອງຈາກນະຄອນບາງກອກກຳລັງຜະເຊີນກັບພາວະມົນລະພິດໃນອາກາດສູງ.ທ່ານ ວິລະສັກ ຈຸນດາລາ ອຳນວຍການໃຫຍ່ຂອງສະຖາບັນຄົ້ນຄວ້າຊັບພະຍາກອນທຳມະຊາດ ແລະ ສິ່ງແວດລ້ອມ ກ່າວໃນມື້ວານນີ້ວ່າ ທາງສະຖາບັນໄດ້ຕິດຕັ້ງອຸປະກອນເພື່ອຕິດຕາມຄຸນນະພາບອາກາດໃນສີ່ຈຸດໃນຕົວເມືອງວຽງຈັນຕັ້ງແຕ່ວັນຈັນທີ່ຜ່ານມາ.ອ່ານຕໍ່   ...

ທ່ານ ທອງລຸນ ສີສຸລິດ ນາຍົກລັດຖະມົນຕີໄດ້ແນະນຳຕໍ່ເຈົ້າໜ້າທີ່ແຮງງານ ແລະ ສະຫວັດດີການສັງຄົມໃນມື້ວານນີ້ ກ່ຽວກັບການດຳເນີນນະໂຍບາຍການພັດທະນາທັກສະຝີມືແຮງງານລາວ ເພື່ອຕອບສະໜອງຕໍ່ຄວາມຕ້ອງການຂອງຕະຫຼາດແຮງງານ.ທ່ານໄດ້ໃຫ້ຄຳເຫັນໃນກອງປະຊຸມຂະແໜງແຮງງານ ແລະ ສະຫວັດດີການສັງຄົມແຫ່ງຊາດເຊິ່ງຈັດຂຶ້ນໃນວັນອັງຄານຜ່ານມາທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນວັນຈັນຜ່ານມານີ້ ເຈົ້າໜ້າທີ່ລັດຖະບານຮ່ວມກັບທະນາຄານໂລກ ໄດ້ຮ່ວມເປັນສັກຂີພະຍານໃນການຝັງຊາກຊິ້ນສ່ວນສັດປ່າທີ່ຍຶດໄດ້ຈາກຕະຫຼາດຫ້ວຍນ້ຳໄສວຽງຈັນ ເຊິ່ງເປັນການສະແດງເຈດຈຳນົງຂອງລາວໃນການກວດລ້າງການຊື້ຂາຍສັດປ່າຜິດກົດໝາຍ.ກົມກວດກາປ່າໄມ້ ກະຊວງກະສິກຳ ແລະ ປ່າໄມ້ ໄດ້ສືບຕໍ່ການທຳລາຍຊີ້ນ ແລະ ຊາກສັດປ່າທີ່ຍຶດໄດ້.ອ່ານຕໍ່  ...