ວຽງຈັນທາມສ໌

ບຸນຊ້າງປະຈຳປີທີ່ແຂວງໄຊຍະບູລີໄດ້ໝູນວຽນມາອີກຄັ້ງ ເຊິ່ງໃນປີນີ້ມີຊ້າງເຂົ້າຮ່ວມ 70 ເຊືອກພ້ອມກວານຊ້າງ ແລະ ມີກິດຈະກຳຢ່າງຫຼວງຫຼາຍສ້າງຄວາມມ່ວນຊື່ນໃຫ້ແກ່ແຂກທີ່ມາທ່ຽວຊົມ.ບຸນຊ້າງ ເຊິ່ງໄດ້ຮັບຄວາມນິຍົມໃນທຸກປີນັບແຕ່ມີການເລີ່ມຈັດງານຄັ້ງທຳອິດໃນປີ 2007 ທີ່ເມືອງຫົງສາ, ໄດ້ມີພິທີເປີດຢ່າງຄືກຄື້ນໃນວັນເສົາທີ່ຜ່ານມາ ເຊິ່ງມີຫຼາກຫຼາຍກິດຈະກຳສຳລັບຮອງຮັບນັກທ່ອງທ່ຽວ ແຕ່ວັນທີ 17-28 ກຸມພານີ້.ອ່ານຕໍ່ ...

ການກຳນົດຄ່າປັບໄໝໃນອັດຕາທີ່ສູງຂອງເຈົ້າໜ້າທີ່ ຕໍ່ເຈົ້າຂອງຍານພາຫະນະຈະຊ່ວຍຊຸກຍູ້ການຈ່າຍອາກອນທາງຕາມກຳນົດການ ແລະ ຊ່ວຍສົ່ງເສີມການເກັບງົບປະມານເຂົ້າລັດ, ຕາມຄວາມເຫັນຂອງເຈົ້າໜ້າທີ່ກົມອາກອນ.ທີ່ຜ່ານມາ ລັດຖະບານຂາດດູນລາຍຮັບຈາກອາກອນທາງປະຈຳປີ ເຊິ່ງສ່ວນໃຫຍ່ແມ່ນເກັບກຳໄດ້ພຽງ 30% ຂອງຍານພາຫະນະທັງໝົດ.ອ່ານຕໍ່  ...

ກະຊວງສຶກສາທິການ ແລະ ກິລາ, ອົງການ ChildFund ເກົາຫຼີ ແລະ ອົງການ ChildFund ລາວຈະສືບຕໍ່ຊ່ວຍເຫຼືອໃນການເສີມຂະຫຍາຍການເຂົ້າເຖິງການສຶກສາຂັ້ນພື້ນຖານໃນ 62 ໂຮງຮຽນທີ່ເມືອງຫົວເມືອງ ແຂວງຫົວພັນ.ໂຄງການເສີມຂະຫຍາຍການເຂົ້າເຖິງການສຶກສາຂັ້ນພື້ນຖານໄລຍະສອງ ແມ່ນຢູ່ພາຍໃຕ້ການສະໜັບສະໜູນຂອງອົງການ ChildFund ເກົາຫຼີ ພາຍໃຕ້ງົບປະມານກວ່າ 9.4 ຕື້ກີບ (US$1.1 ລ້ານໂດລາ) ແລະ ມີໄລຍະໂຄງການແຕ່ປີ 2019-2021.ອ່ານຕໍ່ ...

ລັດຖະບານຍີ່ປຸ່ນຈະສືບຕໍ່ໃຫ້ການຊ່ວຍເຫຼືອລັດຖະບານລາວ ໃນການປັບປຸງໂຄງການຊົນລະປະທານເພື່ອການກະສິກຳທ່າງ່ອນ ເມືອງໄຊທານີ ນະຄອນຫຼວງວຽງຈັນ ເພື່ອຮັບປະກັນຄວາມໝັ້ນຄົງດ້ານສະບຽງອາຫານ ແລະ ການຜະລິດເປັນສິນຄ້າ. ພິທີວາງສິລາເລີກໂຄງການໄດ້ມີຂຶ້ນໃນວັນພະຫັດທີ່ຜ່ານມາ ພາຍໃຕ້ການເຂົ້າຮ່ວມຂອງທ່ານ ແກ້ວພິລາວັນ ອະໄພລັດ ເຈົ້າຄອງນະຄອນຫຼວງວຽງຈັນ, ທ່ານ ທອງພັດ ວົງມະນີ ຮອງລັດຖະມົນຕີກະຊວງກະສິກຳ ແລະ ປ່າໄມ້, ທ່ານ ທາເຄຊີ ຮິຄີຮາຣະ ເອກອັກຄະລາດຊະທູດຍີ່ປຸ່ນປະຈຳລາວ, ແລະ ທ່ານ ໂຢຊີຮາຣຸ ໂຢເນຢາມະ, ພ້ອມດ້ວຍຕາງໜ້າລັດຖະບານ ແລະ ຜູ້ມີສ່ວນຮ່ວມໃນໂຄງການ.ອ່ານຕໍ່  ...

(ຂປລ) ກອງປະຊຸມຄະນະກຳມະການຮ່ວມເພື່ອການຮ່ວມມືສອງຝ່າຍຄັ້ງທີ 13 ລະຫວ່າງລາວ ແລະ ກຳປູເຈຍ ໄດ້ຈັດຂຶ້ນທີ່ວຽງຈັນ ໃນວັນທີ 22 ກຸມພານີ້ ເພື່ອປະເມີນຕີລາຄາການຈັດຕັ້ງປະຕິບັດບົດບັນທຶກກອງປະຊຸມຄະນະກຳມະການຮ່ວມຄັ້ງທີ 12 ທີ່ນະຄອນສຽມລຽບ ປະເທດກຳປູເຈຍ ໃນເດືອນ ທັນວາ 2014 ແລະ ເພື່ອແລກປ່ຽນຄຳຄິດຄຳເຫັນກ່ຽວກັບການຮ່ວມມືສອງຝ່າຍໃນຂົງເຂດຕ່າງໆ ເຊັ່ນ ຄວາມເປັນລະບຽບຮຽບຮ້ອຍຂອງສັງຄົມ ແລະ ວຽກງານປ້ອງກັນຊາດ, ການຮ່ວມມືດ້ານເສດຖະກິດ ແລະ ວິຊາການ, ການຄ້າ, ການສຶກສາ ແລະ ສາທາລະນະສຸກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ປະຊາຊົນໄດ້ນຳໃຊ້ສື່ສັງຄົມອອນໄລ ໃນການສະແດງຄວາມບໍ່ພໍໃຈ ຫຼັງຈາກທີ່ໄດ້ຊົມບັນທຶກພາບທີ່ເຈົ້າໜ້າທີ່ຕຳຫຼວດຈົງໃຈຂັບລົດໜີພາຍຫຼັງມີສ່ວນພົວພັນກັບການເກີດອຸບັດຕິເຫດ.ວີດີໂອທີ່ແຜ່ກະຈາຍໃນສື່ສັງຄົມ Facebook ສະແດງໃຫ້ເຫັນລົດໂຕໂຢຕາ ຣີໂວ ປ້າຍທະບຽນ ກກ 4668 ຂອງລັດຖະບານ ໄດ້ມີສ່ວນໃນອຸບັດຕິເຫດຕຳກັບລົດຈັກ ແລະ ຕໍ່ມາໄດ້ຖືກໄລ່ຕາມໂດຍເຈົ້າໜ້າທີ່ຕຳຫຼວດຈໍລະຈອນ ກ່ອນທີ່ຈະຫຼົບໜີໄປ.ອ່ານຕໍ່ ...

ວຽງຈັັນ (ວຽງຈັນທາມສ໌/ANN) – ກະຊວງການເງິນຈະສຸມໃສ່ຫົກໂຄງສ້າງການພັດທະນາ ພາຍຫຼັງບາດກ້າວສຳຄັນໃນການພັດທະນາ ແລະ ການບໍລິຫານການເງິນໃນປີຜ່ານມາ. ຫົກໂຄງສ້າງການພັດທະນາສຳລັບປີ 2019 ຈະເນັ້ນໃສ່ການດັດປັບນະໂຍບາຍດ້ານການເງິນ, ການປັບປຸງລະບຽບການສຳລັບຂະແໜງການເງິນ, ການປະຕິຮູບລະບົບເກັບກຳລາຍຮັບ, ການປັບໂຄງສ້າງລະບົບການຄຸ້ມຄອງຄ່າໃຊ້ຈ່າຍ ແລະ ການຫັນເປັນທັນສະໄໝຂອງຂະແໜງການເງິນ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ຊາວກະສິກອນປະມົງລາວຈະແຂ່ງຂັນກັບຜູ້ປະກອບການຕ່າງປະເທດໄດ້ດີຂຶ້ນ ຖ້າວ່າໄດ້ຮັບການຫຼຸດພາສີອາກອນສຳລັບຜູ້ຜະລິດທ້ອງຖິ່ນ ແລະ ຖ້າຫາກລັດຖະບານໃຫ້ການສະໜັບສະໜູນດ້ານທຶນຮອນ.ຟາມປາລາວກຳລັງຜະເຊີນກັບຄວາມຫຍຸ້ງຍາກ ພາຍໃຕ້ການແຂ່ງຂັນທີ່ຂ້ຽວຂາດກັບຜູ້ປະກອບການຕ່າງປະເທດ ພາຍໃຕ້ສະພາບການຂາດແຄນທາງດ້ານແຫຼ່ງທຶນ ແລະ ໂຄງການສະໜບສະໜູນພັນປາ ແລະ ຕະຫຼາດ.ອ່ານຕໍ່ ...

ງານວາງສະແດງສິນຄ້າອາຫານນາໆຊາດລາວຄັ້ງທີໜຶ່ງ ຄາດວ່າຈະຂະຫຍາຍໂອກາດດ້ານການສົ່ງອອກ ແລະ ສົ່ງເສີມການຂະຫຍາຍເຄືອຂ່າຍທຸລະກິດສຳລັບຜະລິດຕະພັນອາຫານ.ທ່ານ ສຸກນິກອນ ລາດຊະວົງ ປະທານບໍລິສັດໂຄງການ Pas ກ່າວໃນກອງປະຊຸມສື່ມວນຊົນວ່າ ງານວາງສະແດງສິນຄ້າດັ່ງກ່າວຈະຈັດຂຶ້ນໃນວັນທີ 15-19 ມີນາ 2019 ນີ້ ທີ່ສູນການຄ້າລາວໄອເຕັກ, ເຊິ່ງຕັ້ງຈັດໂດຍທາງບໍລິສັດເອງ ຮ່ວມກັບກົມສົ່ງເສີມການຄ້າ ພາຍໃຕ້ກະຊວງອຸດສາຫະກຳ ແລະ ການຄ້າ.ອ່ານຕໍ່ ...

ອຳນາດການປົກຄອງແຂວງຄຳມ່ວນກຳລັງຂຸ້ນຂ້ຽວກະກຽມສິ່ງອຳນວຍຄວາມສະດວກດ້ານການທ່ອງທ່ຽວ ເພື່ອສ້າງບັນຍາກາດຕ້ອນຮັບນັກທ່ອງທ່ຽວໃນປີນີ້ໃຫ້ຟົດຟື້ນມ່ວນຊື່ນ.ທ່ານ ບຸນທະວີ ສີສົມບັດ ຕາງໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງຄຳມ່ວນໄດ້ເປີດເຜີຍຕໍ່ວຽງຈັນທາມສ໌ວ່າ ອຳນາດການປົກຄອງແຂວງໄດ້ມີການກະກຽມຫຼາຍຢ່າງເພື່ອປັບປຸງພື້ນຖານໂຄງລ່າງໃນແຂວງ.ອ່ານຕໍ່ ...