News

ມະຫາວິທະຍາໄລແຫ່ງຊາດ ແລະ ສະຖາບັນຊ່ວຍເຫຼືອດ້ານກົດໝາຍ ແລະ ວິຊາການຈະສືບຕໍ່ຊ່ວຍເຫຼືອນັກສຶກສາໃນການພັດທະນາຄວາມຮູ້ທົ່ວໄປໃຫ້ທັນກັບສະພາບ, ເສີມຂະຫຍາຍທັກສະພາສາອັງກິດ ແລະ ເສີມສ້າງອັດທະຍາໄສໃນການຮຽນຮູ້ ຈາກການແຂ່ງຂັນຖາມຕອບມະຫາວິທະຍາໄລຄັ້ງທີສອງ.ການແຂ່ງຂັນຖາມຕອບມະຫາວິທະຍາໄລຄັ້ງທີສອງໄດ້ຈັດຂຶ້ນທີ່ມະຫາວິທະຍາໄລແຫ່ງຊາດ (ມຊ) ນະຄອນຫຼວງວຽງຈັນ ໃນວັນພຸດຜ່ານມາ, ພາຍໃຕ້ການເຂົ້າຮ່ວມຂອງທ່ານອາຈານ ພູວົງ ວິໄລແສງ ຮອງຄະນະບໍດີຝ່າຍຄຸ້ມຄອງນັກສຶກສາ ຄະນະນິຕິສາດ ແລະ ວິທະຍາສາດການເມືອງ, ທ່ານ ຈອນ ຄອນໂນລີ ອຳນວຍການດ້ານຂໍ້ມູນຂ່າວສານຂອງ ສະຖາບັນຊ່ວຍເຫຼືອດ້ານກົດໝາຍ ແລະ ວິຊາການ, ພ້ອນດ້ວຍນັກສຶກສາ.ອ່ານຕໍ່ ...

ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມຈະເພີ່ມທະວີບົດບາດໃນການອະນຸມັດການເຊົ່າ ແລະ ສຳປະທານທີ່ດິນ ເພື່ອປັບປຸງການຄຸ້ມຄອງການຈ່າຍອາກອນທີ່ດິນ, ຕາມທ່ານນາຍົກລັດຖະມົນຕີ ທອງລຸນ ສີສຸລິດ.“ຈາກນີ້ຕໍ່ໄປ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມຈະຮັບຜິດຊອບໃນການສຳຫຼວດ, ວັດແທກ ແລະ ວາງແຜນໂຄງການເຊົ່າ ແລະ ສຳປະທານທີ່ດິນທັງໝົດ,” ທ່ານນາຍົກ່າວຕໍ່ສະມາຊິກສະພາແຫ່ງຊາດໃນວັນພຸດຜ່ານມາ.ອ່ານຕໍ່ ...

ຫຼວງນ້ຳທາ, ລາວ (ວຽງຈັນທາມສ໌/ANN) – ໃນຊ່ວງສິບປີຫຼັງ, ເມືອງຊາຍແດນ ບໍ່ເຕັນ ແຂວງຫຼວງນ້ຳທາ ເຄີຍຄຶກຄັກໄປດ້ວຍໄຟແສງສີ, ຟົດຟື້ນໄປດ້ວຍນັກທ່ອງທ່ຽວ ແລະ ຫົວໜ່ວຍທຸລະກິດຕ່າງໆເຊິ່ງເປັນສູນກາງຂອງກາຊີໂນ ແລະ ແຫຼ່ງການພະນັນ ທີ່ດຶງດູດນັກທ່ອງທ່ຽວຈີນຫຼາຍພັນຄົນຈາກທົ່ວສາລະທິດຊາຍແດນທາງພາກເໜືອຂອງລາວໃນແຕ່ລະເດືອນ.ເມື່ອສະຖານກາຊິໂນໄດ້ມີການປິດຕົວໃນປີ 2012, ນັກທ່ອງທ່ຽວກໍຫົດຫາຍ ແລະ ທຸລະກິດຕ່າງໆໄດ້ມີການປິດກິດຈະການຢ່າງຖາວອນ. ເປັນເຫດໃຫ້ຈຳນວນປະຊາກອນຫຼຸດໜ້ອຍລົງຢ່າງຈະແຈ້ງ, ເມື່ອຂ້າພະເຈົ້າເດີນທາງໄປຢ້ຽມຢາມໃນສອງສາມປີຫຼັງ ບໍ່ເຕັນຍັງຄົງເຫຼືອແຕ່ເສດຊາກຂອງຄວາມຈະເລີນໃນເມື່ອກ່ອນ. ຫ້າງຮ້ານທີ່ເປັນໃຈກາງທຸລະກິດຖືກປົກຄຸມໄປດ້ວຍຫຍ້າ, ຄາບສີທີ່ລອກຈາກຝາ ແລະ ປ່ອງອ້ຽມແກ້ວທີ່ແຕກກະຈາຍ ແລະ ປະຊາຊົນຈຳນວນໜ້ອຍທີ່ຍັງຢູ່ອາໄສເບິ່ງຄືໄຮ້ຊີວິດຊີວາ ພາຍໃຕ້ເສດຊາກຕົວເມືອງທີ່ຢູ່ອ້ອມຮອບ.ອ່ານຕໍ່   ...

ວຽງຈັນ (ວຽງຈັນທາມສ໌/ANN) – ລັດຖະບານໄດ້ເປີດໄຟຂຽວໃຫ້ແກ່ບໍລິສັດໄຟຟ້າຕາດສະໂກຍຈຳກັດ ໃນການດຳເນີນໂຄງການພະລັງງານໄຟຟ້ານ້ຳຕົກຕາດສະໂກຍ ເມືອງເຊໂປນ ແຂວງສະຫວັນນະເຂດ.ຂໍ້ຕົກລົງການສຳປະທານໂຄງການແມ່ນໄດ້ຮັບການລົງນາມຫວ່າງໆໝໍ່ໆມານີ້ ທີ່ວຽງຈັນ ລະຫວ່າງທ່ານ ປອ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ, ທ່ານ ປອ ສິນນະວາ ສຸພານຸວົງ ຮອງລັດຖະມົນຕີກະຊວງພະລັງງານ ແລະ ບໍ່ແຮ່, ທ່ານ ສຸຣະສັກ ພັນເຣືອງວົງ ປະທານບໍລິສັດ B.Grimm Power (ລາວ) ຈຳກັດ, ແລະ ທ່ານ ພິມພາ ເອກະພົນ ອຳນວຍການບໍລິຫານກຸ່ມບໍລິສັດການລົງທຶນ ແລະ ກໍ່ສ້າງ ດາວສະຫວັນ ຈຳກັດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຕົວເລກການຄ້າຂາອອກ ແລະ ຂາເຂົ້າລວມຂອງລາວສຳລັບປີນີ້ ຍັງຄົງບໍ່ສາມາດບັນລຸເປົ້າ ຫຼັງຈາກທີ່ໃນຊ່ວງສີ່ເດືອນຕົ້ນປີ 2019 ສາມາດບັນລຸໄດ້ພຽງ 22.7% ຂອງແຜນປີ 2019, ຕາມການລາຍງານຕໍ່ສະພາແຫ່ງຊາດ.“ສະພາແຫ່ງຊາດໄດ້ກຳນົດເປົ້າໝາຍມູນຄ່າການຄ້າສຳລັບປີ 2019 ໄວ້ທີ່ US$11,291 ລ້ານໂດລາ, ແຕ່ວ່າໃນຊ່ວງສີ່ເດືອນທຳອິດຂອງປີນີ້ ມູນຄ່າການຄ້າລວມຂອງລາວມີພຽງ US$2,573 ລ້ານໂດລາ,” ທ່ານ ທອງລຸນ ສີສຸລິດ ນາຍົກລັດຖະມົນຕີ ກ່າວໃນການເປີດກອງປະຊຸມສະໄໝສາມັນຂອງສະພາແຫ່ງຊາດວານນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຜູ້ທີ່ຖືໜັງສືເດີນທາງທາງການທູດຂອງລາວ ຫຼື ໜັງສືເດີນທາງແດງ ແມ່ນບໍ່ຈຳເປັນຕ້ອງຂໍວີຊາເພື່ອເດີນທາງເຂົ້າປະເທດນໍເວ, ຕາມກະຊວງການຕ່າງປະເທດລາວ.ກະຊວງໄດ້ແຈ້ງວ່າປະເທດລາວ ແລະ ນໍເວໄດ້ຕົກລົງໃນເດືອນສິງຫາປີ 2018 ກ່ຽວກັບການຍົກເວັ້ນວີຊາສຳລັບຜູ້ຖືໜັງສືເດີນທາງທາງການທູດ ທີ່ຕ້ອງການເດີນທາງປະເທດເຂົ້າອອກສອງປະເທດ. ເຖິງຢ່າງໃດກໍຕາມ ຂໍ້ຕົກລົງຫາກໍ່ມີຜົນນຳໃຊ້ນັບແຕ່ວັນທີ 1 ມິຖຸນານີ້ເປັນຕົ້ນໄປ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານໄດ້ຕົກລົງສືບຕໍ່ນຳໃຊ້ແຜນພັດທະນາເສດຖະກິດສັງຄົມແຫ່ງຊາດ ແລະ ແຜນງົບປະມານແຫ່ງຊາດສະບັບປະຈຸບັນ ເຖິງວ່າຈະປະສົບກັບສິ່ງທ້າທາຍຫຼາຍຢ່າງໃນການບັນລຸເປົ້າໝາຍ.ໃນບົດລາຍງານຕໍ່ທີ່ປະຊຸມສະພາແຫ່ງຊາດວານນີ້, ທ່ານນາຍົກໄດ້ກ່າວວ່າ “ລັດຖະບານຈະສືບຕໍ່ດຳເນີນພາລະບົດບາດ ແລະ ໜ້າທີ່ຮັບຜິດຊອບ ຕາມທີ່ໄດ້ລະບຸໃນບົດລາຍງານແລະ ມະຕິຕ່າງທີ່ນຳສະເໜີໃນກອງປະຊຸມເທື່ອທີຫົກຂອງສະພາແຫ່ງຊາດຊຸດທີ 8.”ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານສັນຍາຈະພັດທະນາ ແລະ ປັບປຸງສະຖານທີ່ທ່ອງທ່ຽວຫ້າແຫ່ງໃນແຕ່ລະແຂວງ ກໍຄືການປັບປຸງຖະໜົນໃນການເຂົ້າເຖິງ ແລະ ສີ່ງອຳນວຍຄວາມສະດວກຕ່າງໆພາຍໃນປີໜ້າ ເພື່ອຫວັງດຶງດູດນັກທ່ອງທ່ຽວໃຫ້ຫຼາຍຂຶ້ນ.ນີ້ແມ່ນຄຳເຫັນຂອງທ່ານ ສຈ ປອ ບໍ່ແສງຄຳ ວົງດາຣາ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໃນພິທີເປີດກອງປະຊຸມສະໄໝສາມັນຂອງສະພາແຫ່ງຊາດວານນີ້.ທ່ານລັດຖະມົນຕີກ່າວວ່າ ລັດຖະບານຈະຊຸກຍູ້ການຊ່ວຍເຫຼືອຈາກຂະແໜງເອກະຊົນ ໃນການກໍ່ສ້າງພື້ນຖານໂຄງລ່າງ, ສິ່ງອຳນວຍຄວາມສະດວກ ແລະ ການບໍລິການຕ່າງໆເພື່ອຮອງຮັບການຂະຫຍາຍຕົວຂອງການທ່ອງທ່ຽວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກອງປະຊຸມສະໄໝາສາມັນຄັ້ງທີເຈັດຂອງສະພາແຫ່ງຊາດຊຸດທີ 8 ໄດ້ໄຂຂຶ້ນວານນີ້, ເຊິ່ງໄດ້ມີການຍົກໃຫ້ເຫັນຂໍ້ຫຍຸ້ງຍາກທາງດ້ານເສດຖະກິດຂອງຊາດ, ເຊິ່ງລັດຖະບານຕ້ອງສືບຕໍ່ແກ້ໄຂປັບປຸງ.ໃນການກ່າວຄຳເຫັນໃນການເປີດກອງປະຊຸມຄັ້ງນິ້, ທ່ານນາງ ປານີ ຢາທໍ່ຕູ້  ປະທານສະພາແຫ່ງຊາດກ່າວວ່າ ກອງປະຊຸມສະໄໝສາມັນໃນຮອບຫົກເດືອນນີ້ ຈະມີການພິຈາລະນາການແຕ່ງຕັ້ງສະມາຊິກຄະນະລັດຖະບານຊຸດໃໝ່ ຕາມການສະເໜີຂອງທ່ານ ທອງລຸນ ສີສຸລິດ ນາຍົກລັດຖະມົນຕີ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານລາວໄດ້ຕົກລົງດຳເນີນການສຶກສາຄວາມເປັນໄປໄດ້ກ່ຽວກັບການຊື້ຂາຍກະແສໄຟຟ້າ ແລະ ແລກປ່ຽນພະລັງງານໄຟຟ້າ ກັບບັນດາປະເທດເພື່ອນບ້ານເພື່ອສົ່ງເສີມການຮ່ວມມືໃນຂະແໜງພະລັງງານ.ລາວໄດ້ຕົກລົງຈຳໜ່າຍກະແສໄຟຟ້າ 5,000 ເມກາວັດໃຫ້ແກ່ຫວຽດນາມ ແລະ ໃນປະຈຸບັນກຳລັງມີການສົ່ງອອກພະລັງງານກວ່າ 300 ເມກາວັດ ແລະ ຄາດວ່າສະສະໜອງພະລັງງານໃຫ້ໄດ້ 1,000 ເມກາວັດພາຍໃນປີ 2020, ທ່ານ ປອ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ລາຍງານໃນພິທີກອງປະຊຸມຂອງຂະແໜງພະລັງງານ ແລະ ບໍ່ແຮ່ ສຳລັບໄຕມາດທຳອິດ ໃນວັນຈັນມາ.ອ່ານຕໍ່ ...