ໄພພິບັດ ແລະ ການຮອງຮັບເຫດສຸກເສີນ

ອຳນາດການປົກຄອງແຂວງຈຳປາສັກຈະສືບຕໍ່ຂໍຄວາມຊ່ວຍເຫຼືອເປັນປັດໄຈ ແລະ ອຸປະກອນການກໍ່ສ້າງ ທີ່ຈຳເປັນເລັ່ງດ່ວນສຳລັບປະຊາຊົນບ້ານນາພູຄຳ ເມືອງຊະນະສົມບູນ ຫຼັງຈາກເຫດອັກຄີໄພໃນ 22 ຫຼັງຄາເຮືອນໃນອາທິດແລ້ວນີ້.ເຖິງຈະບໍ່ມີຜູ້ເສຍຊີວິດຈາກເຫດອັກຄີໄພດັ່ງກ່າວ, ກໍມີຜູ້ໄດ້ຮັບບາດເຈັບສາຫັດໜຶ່ງຄົນ.ນາຍບ້ານ ຄຳແສນ ສວນມະນີ ໄດ້ບອກຕໍ່ຜູ້ສື່ຂ່າວວຽງຈັນທາມສ໌ວ່າ ອັກຄີໄພດັ່ງກ່າວໄດ້ເກີດຂຶ້ນໃນວັນທີ 14 ເມສາ, ສັນນິຖານວ່າເກີດຂຶ້ນໃນຂະນະຄົວກິນ, ປະເມີນຜົນເສຍຫາຍແມ່ນປະມານ 2 ຕື້ກີບ.ອ່ານຕໍ່  ...

ຊຸມຊົນທີ່ໄດ້ຮັບຜົນກະທົບຈາກໄພນ້ຳຖ້ວມ ຈະໄດ້ຮັບຜົນປະໂຫຍດຈາກໂຄງການ ‘ເງິນເພື່ອວຽກ’ ເຊິ່ງເປັນສ່ວນໜຶ່ງຂອງການຮ່ວມມືລະຫວ່າງກະຊວງແຮງງານ ແລະ ສະຫວັດດີການສັງຄົມ ແລະ ອົງການສະຫະປະຊາດເພື່ອການພັດທະນາ.ໂຄງການດັ່ງກ່າວແມ່ນເລີ່ມແຕ່ປີ 2018 ເພື່ອຊ່ວຍເຫຼືອຄອບຄົວທີ່ອ່ອນໄຫວຕໍ່ໄພພິບັດທີ່ສຸດ ເຊັ່ນ ຊາວກະສິກອນທີ່ຕ້ອງເຊົ່າທີ່ດິນ ຫຼື ຜູ້ອອກແຮງງານທີ່ບໍ່ມີພື້ນທີ່ທຳການຜະລິດຂອງໂຕເອງ ທີ່ໄດ້ຮັບຜົນກະທົບຈາກໄພນ້ຳຖ້ວມໃນສີ່ເມືອງຂອງແຂວງຄຳມ່ວນ ຄື ເມືອງມະຫາໄຊ, ຍົມມະລາດ, ຫີນບູນ ແລະ ໜອງບົກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກອງປະຊຸມປຶກສາຫາລືເພື່ອການຟື້ນຟູຫຼັງໄພພິບັດວານນີ້ ໄດ້ມີການພົບປະຂອງກົມກອງລັດຖະບານ ແລະ ຄູ່ຮ່ວມພັດທະນາ ເພື່ອຫາລືວິທີທາງໃນຕໍ່ໜ້າ ແລະ ສືບຕໍ່ຜົນການປະເມີນຄວາມຕ້ອງການຫຼັງໄພພິບັດ (PDNA) ທີ່ໄດ້ດຳເນີນໃນປີ 2018.ໃນປີຜ່ານມາ ລາວໄດ້ຜະເຊີນກັບໄພນ້ຳຖ້ວມທີ່ຮ້າຍແຮງທີ່ສຸດໃນຮອບທົດສະວັດ ເຊິ່ງໄດ້ສົ່ງຜົນກະທົບຕໍ່ປະຊາຊົນກວ່າ  600,000 ຄົນໃນທົ່ວ 17 ແຂວງ ແລະ ນະຄອນຫຼວງວຽງຈັນ.ອ່ານຕໍ່ ...

(ຂປລ) ສອງໂຄງການຂອງທະນາຄານໂລກ, ເຊິ່ງປະຈຸບັນໄດ້ໃຫ້ການຊ່ວຍເຫຼືອ ສປປ ລາວ ໃນການກໍ່ສ້າງພື້ນຖານໂຄງລ່າງ ເພື່ອຮອງຮັບຕໍ່ການປ່ຽນແປງຂອງສະພາບອາກາດ ແລະ ຊ່ວຍເຫຼືອພື້ນທີ່ທີ່ປະສົບໄພນ້ຳຖ້ວມ, ຈະໄດ້ຮັບທຶນຊ່ວຍເຫຼືອເພີ່ມເຕີມລວມທັງໝົດ  USD$50 ລ້ານໂດລາ.ທຶນຊ່ວຍເຫຼືອດັ່ງກ່າວຈະສະໜອງຜ່ານການຈັດສັນຊ່ອງເພື່ອທາງຮັບມືກັບວິກິດການ ຈາກສະມາຄົມເພື່ອການພັດທະນາສາກົນ (IDA), ເຊິ່ງເປັນກອງທຶນຂອງກຸ່ມທະນາຄານໂລກ ສຳລັບປະເທດທີ່ຕ້ອງການການຊ່ວຍເຫຼືອທີ່ສຸດ, ເຊິ່ງມີອະນຸມັດໃນວັນທີ 11 ມີນາ ໂດຍຄະນະຜູ້ບໍລິຫານທະນາຄານໂລກ.ອ່ານຕໍ່ ...

(ຂປລ) ລັດຖະບານຍີ່ປຸ່ນມອບການຊ່ວຍເຫຼືອມູນຄ່າ USD 22,195 ໂດລາໃຫ້ແກ່ໜ່ວຍກູ້ໄພ 1623 ວຽງຈັນ, ຜ່ານໂຄງການຊ່ວຍເຫຼືອລ້າເພື່ອຮາກຖານຄວາມໝັ້ນຄົງຂອງມະນຸດ (GGP).ການຊ່ວຍເຫຼືອແມ່ນຢູ່ໃນຮູບຂອງການບໍລິຈາກລົດກູ້ໄພສຸກເສີນ ແລະ ລົດດັບເພີງ.ອ່ານຕໍ່ ...

ຮອງນາຍົກລັດຖະມົນຕີລາວຊີ້ແຈງວ່າ ຍ້ອນການວິໃຈດິນເຮັດບໍ່ໄດ້ດີຈຶ່ງເປັນສາເຫດໃຫ້ເຂື່ອນແຕກ, ເຮັດໃຫ້ເກີດໄພນ້ຳຖ້ວມຄັ້ງຮ້າຍແຮງທີ່ສຸດໃນລາວ.ໃນກອງປະຊຸມກ່ຽວກັບນະໂຍບາຍສິ່ງແວດລ້ອມໃນອາທິດແລ້ວນີ້, ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ ເຊິ່ງເປັນຫົວໜ້າຄະນະກຳມະການສືບສວນສອບສວນ ຫາສາເຫດທີ່ເຮັດໃຫ້ເກີດໄພພິບັດຈາກໂຄງການເຂື່ອນໄຟຟ້າເຊປຽນ-ເຊນ້ຳນ້ອຍ (PNPC), ລະບຸສາເຫດຂອງເຂື່ອນແຕກແມ່ນມາຈາກການຂາດການກວດກາຢ່າງເຂັ້ມງວດ.ອ່ານຕໍ່ ...

ອຳນາດການປົກຄອງເມືອງສັງທອງ ນະຄອນຫຼວງວຽງຈັນ ກຳລັງທຳການປະເມີນຂອບເຂດການທຳລາຍລ້າງຂອງໄຟປ່າ ໃນປ່າສະຫງວນແຫ່ງຊາດພູພະນັງ ໃນອາທິດຜ່ານມາ.ເຈົ້າໜ້າທີ່ເມືອງກ່າວວ່າຂໍ້ມູນທາງການກ່ຽວກັບຄວາມເສຍຫາຍ ແລະ ມາດຕະການປ້ອງກັນໃນຕໍ່ໜ້າຍັງຢູ່ໃນໄລຍະການປະເມີນ.ທ່ານຮ້ອຍເອກ ອຳລາ ສິງສະໄໝ ຕາງໜ້າອຳນາດການປົກຄອງທີ່ຮັບຜິດຊອບການຄວບຄຸມໄຟປ່າ ໄດ້ລາຍງານຜ່ານໜັງສືພີມປະເທດລາວວ່າ ນັບແຕ່ວັນທີ 7 ມີນາເປັນຕົ້ນມາ ໄຟປ່າໄດ້ເຜົາທຳລາຍພື້ນທີ່ປ່າໄມ້ແລ້ວ 95 ​ເຮັກຕາໃນ 9 ບ້ານໃນເຂດພູພະນັງ.ອ່ານຕໍ່ ...

ລັດຖະບານລາວໄດ້ຮັບເຂົ້າສານຈຳນວນ 2,221 ໂຕນ ລວມມູນຄ່າກວ່າ 16 ຕື້ກີບຈາກກອງທຶນເຂົ້າສຳລັບພາວະສຸກເສີນອາຊຽນບວກສາມ (APTERR+3) ເພື່ອແຈກຈ່າຍໃຫ້ແກ່ຜູ້ປະສົບໄພນ້ຳຖ້ວມໃນແຂວງອັດຕະປື.ປະເທດສະມາຊິກອາຊຽນແຕ່ລະປະເທດແມ່ນມີກອງທຶນເຂົ້າສຸກເສີນຂອງຕົນ, ແລະ ກອງທຶນເຂົ້າຂອງລາວແມ່ນມາຈາກຄັງສຳຮອງເຂົ້າແຫ່ງຊາດ.ອ່ານຕໍ່ ...

(ຂປລ) ລັດຖະບານຕີມໍເລັສ໌ເຕ ໄດ້ບໍລິຈາກເງິນ US$ 750,000 ໂດລາເພື່ອຊ່ວຍເຫຼືອຜູ້ປະສົບໄພນ້ຳຖ້ວມ ທີ່ເມືອງສະໜາມໄຊ ແຂວງອັດຕະປືຂອງລາວ.ພິທີມອບເງິນຊ່ວຍເຫຼືອດັ່ງກ່າວໄດ້ມີຂຶ້ນທີ່ກະຊວງແຮງງານ ແລະ ສະຫວັດດີການສັງຄົມ ທີ່ນະຄອນວຽງຈັນ ໃນວັນທີ 6 ມີນານີ້ ລະຫວ່າງທ່ານນາງ ນາຕາເລຍ ຄາຣັສຄາລາວ ອັນຕູນ ເອກອັກຄະລັດຖະທູດຕີມໍເລັສ໌ເຕປະຈຳລາວ ແລະ ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ.ອ່ານຕໍ່ ...

ລັດຖະບານຍີ່ປຸ່ນຈະໃຫ້ທຶນຊ່ວຍເຫຼືອລາວ  850 ລ້ານເຢັນ (ປະມານ US$7.6 ລ້ານໂດລາ) ເພື່ອສະໜັບສະໜູນກິດຈະກຳການຊ່ວຍເຫຼືອຊຸມຊົນທ້ອງຖິ່ນໃນທົ່ວປະເທດ ທີ່ໄດ້ຮັບຜົນກະທົບຈາກໄພນ້ຳຖ້ວມໃນປີຜ່ານມາ.ປີກາຍນີ້ ປະເທດລາວໄດ້ປະສົບກັບສະພາບຝົນຕົກໜັກໃນຊ່ວງເດືອນກໍລະກົດເຖິງກັນຍາ, ລວມທັງໄດ້ຮັບອິດທິພົນຈາກພະຍຸລະດູຮ້ອນສອງຫົວ, ສົ່ງຜົນໃຫ້ເກີດຄວາມເສຍຫາຍເປັນບໍລິເວນກວ້າງໃນທົ່ວປະເທດ.ອ່ານຕໍ່ ...