ນະໂຍບາຍ ແລະ ການຄຸ້ມຄອງດ້ານການກຽມພ້ອມຮັບມືຕໍ່ໄພພິບັດ ແລະ ຮັບມືສຸກເສີນ

ວຽງຈັນທາມສ໌ (ວຽງຈັນທາມສ໌/ANN) – ອຳນາດການປົກຄອງແຂວງອັດຕະປືສັນຍາຈະສືບຕໍ່ຊ່ວຍສະໜອງສິ່ງຈຳເປັນພື້ນຖານ ໃຫ້ແກ່ປະຊາຊົນທີ່ສູນເສຍທີ່ຢູ່ອາໄສ ເນື່ອງຈາກເຂື່ອນແຕກ ລວມເຖິງໃຫ້ຄຳປຶກສາເປັນໄລຍະໆໃນການປະເມີນຄວາມຕ້ອງການຂອງເຂົາເຈົ້າ.ທ່ານ ອຸ່ນຫຼ້າ ໄຊຍະສິດ ຮອງເຈົ້າແຂວງໄດ້ກ່າວໃນວານນີ້ວ່າ ອຳນາດການປົກຄອງມີແຜນສືບຕໍ່ສະໜອງເຂົ້າສານຈຳນວນ 20 ກິໂລຕໍ່ຄົນຕໍ່ເດືອນ ຈົນກວ່າການຜະລິດກະສິກຳຈະກັບສູ່ສະພາບປົກກະຕິ.ອ່ານຕໍ່ ...

 ຜູ້ປະສົບໄພພິບັດທີ່ລອດຊີວິດຈາກໄພພິບັດເຂື່ອນແຕກໃນເດືອນກໍລະກົດ 2018 ເຊິ່ງເປັນໄພນ້ຳຖ້ວມຄັ້ງຮ້າຍແຮງທີ່ສຸດໃນລາວໃນຮອບຫຼາຍທົດສະວັດ ຍັງຄົງຜະເຊີນກັບຄວາມຫຍຸ້ງຍາກທັງດ້ານຮ່າງກາຍ ແລະ ຈິດໃຈ, ຕາມເຈົ້າໜ້າທີ່ບັນເທົາທຸກຊາວເກົາຫຼີໃຕ້.ໄພພິບັດດັ່ງກ່າວເກີດຂຶ້ນຍ້ອນສັນເຂື່ອນຂອງໂຄງການໄຟຟ້ານ້ຳຕົກເຊປຽນ-ເຊນ້ຳນ້ອຍ (PNPC) ໄດ້ແຕກ ເຮັດໃຫ້ນ້ຳໄຫຼເຂົ້າຖ້ວມ 12 ບ້ານ ແລະ ມີຜູ້ເສຍຊີວິດຢ່າງໜ້ອຍ 40 ຄົນໃນແຂວງຈຳປາສັກ ແລະ ອັດຕະປື, ສ່ວນອີກຫຼາຍຄົນຍັງຄົງສູນຫາຍ.ອ່ານຕໍ່  ...

ລັດຖະບານແຈ້ງເຕືອນປະຊາຊົນໃຫ້ລະມັດລະວັງການເກີດໄຟປ່າເນື່ອງຈາກອຸນຫະພູມຮ້ອນຂຶ້ນ ແລະ ປ່າໄມ້ກໍມີລັກສະນະແຫ້ງແລ້ງ.ກະຊວງກະສິກຳ ແລະ ປ່າໄມ້ ເຊິ່ງຮັບຜິດຊອບວຽກງານການຄຸ້ມຄອງໄຟປ່າ ໄດ້ອອກແຈ້ງການຫວ່າງໝໍ່ໆມານີ້ ໃຫ້ພາກສ່ວນທີ່ກ່ຽວຂ້ອງດຳເນີນຕາມຂັ້ນຕອນເພື່ອປ້ອງກັນການເກີດໄຟປ່າໃນລະດູແລ້ງນີ້.ອ່ານຕໍ່ ...

ເງິນຈຳນວນ US$710,000 ໂດລາ (ກວ່າ 6 ຕື້ກີບ) ໄດ້ຮັບການເບີກຈ່າຍໃຫ້ແກ່ຄອບຄົວຜູ້ປະສົບໄພ 71 ຄົນທີ່ເສຍຊີວິດ ຫຼື ຍັງຄົງສູນຫາຍເນື່ອງຈາກເຫດສັນເຂື່ອນແຕກທີ່ເມືອງສະໜາມໄຊ ແຂວງອັດຕະປື.ຜູ້ປະສົບໄພຈຳນວນ 71 ຄົນດຈາກເຫດເສົ້າສະຫຼົດໃນເດືອນກໍລະກົດ 2018 ດັ່ງກ່າວລວມມີ 22 ຜູ້ສູນຫາຍ ແລະ 49 ຜູ້ເສຍຊີວິດ.ຄອບຄົວຂອງຜູ້ປະສົບເຄາະແຕ່ລະລາຍໄດ້ຮັບຄ່າທຳຂັວນຄອບຄົວລະ US$10,000 ໂດລາ ຕາມການແຈ້ງການຂອວສຳນັກງງານນາຍົກລັດຖະມົນຕີ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອົງການຈັດຕັ້ງລັດຖະບານໄດ້ທຳການທົບທວນ ແລະ ຕິດຕາມການປະຕິບັດໂຄງການຄຸ້ມຄອງຄວາມສ່ຽງຈາກໄພພິບັດ ທີ່ໄດ້ມີການລິເລີ່ມມາຕັ້ງແຕ່ເດືອນສິງຫາ 2017. ໂຄງການດັ່ງກ່າວໄດ້ຮັບທຶນສະໜັບສະໜູນ US$30 ລ້ານໂດລາໃນຮູບຂອງທຶນກູ້ຢືມ ແລະ ອີກ US$1 ລ້ານໂດລາເປັນທຶນຊ່ວຍເຫຼືອຈາກບັນດາອົງການຈັດຕັ້ງສາກົນ ສຳລັບວຽກງານຄຸ້ມຄອງຄວາມສ່ຽງ ແລະ ໄພພິບັດ ເຊິ່ງຈະສືບຕໍ່ດຳເນີນການອີກເປັນໄລຍະຫ້າປີ.ອ່ານຕໍ່   ...

(ຂປລ) ຄະນະລັດຖະບານ, ເອກອັກຄະລັດຖະທູດ ແລະ ຕາງໜ້າອົງການສະຫະປະຊາຊາດ ເດີນທາງໄປທີ່ແຂວງຄຳມ່ວນໃນວັນທີ 21-22 ມັງກອນ ເພື່ອຕິດຕາມຄວາມຄືບໜ້າໃນການຈັດຕັ້ງປະຕິບັດໂຄງການທຶນຊ່ວຍເຫຼືອລ້າສຸກເສີນ ທີ່ ສປປ ລາວ ໄດ້ຮັບຈາກກອງທຶນເພື່ອການຮັບມືກັບເຫດສຸກເສີນສູນກາງຂອງສະຫະປະຊາຊາດ (CERF) ໃນທ້າຍເດືອນຕຸລາທີ່ຜ່ານມາ.ສປປ ລາວ ໄດ້ຮັບທຶນຊ່ວຍເຫຼືອລ້າ US$3.5 ລ້ານໂດລາດັ່ງກ່າວ ເປັນການຊ່ວຍເຫຼືອເພື່ອມະນຸດສະທຳ ສຳລັບຜູ້ປະສົບໄພນ້ຳຖ້ວມຄັ້ງຮ້າຍແຮງໃນປີກາຍນີ້ ທີ່ແຂວງຄຳມ່ວນ. ການຈັດຕັ້ງປະຕິບັດໂຄງການທຶນຊ່ວຍເຫຼືອດັ່ງກ່າວ ປະຈຸບັນແມ່ນດຳເນີນມາໄດ້ເຄິ່ງທາງແລ້ວ ແລະ ມາເຖິງຂັ້ນຕອນການປະເມີນຜົນໄດ້ຮັບຈາກການປະຕິບັດຈົນເຖິງປະຈຸບັນ.ອ່ານຕໍ່ ...

ຜູ້ປະສົບໄພຈາກເຂື່ອນເຊປຽນ-ເຊນ່ໍ້ຳນ້ອຍແຕກໃນລາວຍັງຄົງຢູ່ໃນທີ່ພັກຕາມຍະຖາກຳ ພາຍໃຕ້ອະນາຄົດອັນບໍ່ແນ່ນອນເຖິງແມ່ນວ່າຈະເປັນໄລຍະຫົກເດືອນມາແລ້ວ ຫຼັງຈາກການແຕກຂອງສັນເຂື່ອນເຊປຽນ-ເຊນ້ຳນ້ອຍ ໄດ້ທຳລາຍເຮືອນຊານປະຊາຊົນເປັນຈຳນວນຫຼວງຫຼາຍໃນພາກໃຕ້ຂອງລາວ, ຜູ້ປະສົບໄພຍັງຄົງຕ້ອງພັກອາໄສຢູ່ໃນທີ່ພັກຊົ່ວຄາວ ໂດຍບໍ່ຮູ້ຊະຕາກຳໃນອະນາຄົດ.ຜູ້ທີ່ອາໄສຕາມແຄັມທີ່ພັກຊົ່ວຄາວຍັງຄົງຂາດແຄນເຊິ່ງເຄື່ອງໃຊ້ສອຍທີ່ຈຳເປັນ ເນື່ອງຈາກສິ່ງຂອງທີ່ໄດ້ຮັບຈາກການບໍລິຈາກນັບມື້ໝົດໄປ ແລະ ບໍ່ມີສຳນັກຂ່າວໃດສົນໃຈພາດຫົວຂ່າວ. ອ່ານຕໍ່ ...

ລັດອະນຸມັດງົບປະມານພິເສດ 500 ຕື້ກີບ (58 ລ້ານໂດລາ) ເພື່ອປົວແປງພື້ນຖານໂຄງລ່າງສາທາລະນະທີ່ໄດ້ຮັບຄວາມເສຍຫາຍ ເນື່ອງຈາກໄພນ້ຳຖ້ວມປີກາຍນີ້, ເຊິ່ງໝາຍເຖິງພາລະກິດການຟື້ນຟູຈະສາມາດເລີ່ມລົງມືໃນໄວໆນີ້. ການອະນຸມັດແຜນງົບປະມານດັ່ງກ່າວແມ່ນຢູ່ໃນກອງປະຊຸມປະຈຳປີຂອງຂະແໜງການແຜນການ-ການເງິນ ຂອງກະຊວງແຜນການ ແລະ ການລົງທຶນ ເຊິ່ງຈັດຂຶ້ນໃນຕົ້ນອາທິດນີ້ ທີ່ນະຄອນວຽງຈັນ.ອ່ານຕໍ່  ...

ອຳນາດການປົກຄອງແຂວງອັດຕະປືຮຽກຮ້ອງຜູ້ຮັບເໝົາໃຫ້ເລັ່ງມື ໃນການກໍ່ສ້າງທີ່ຢູ່ອາໄສຊົ່ວຄາວທີ່ເມືອງສະໜາມໄຊ ໃຫ້ສຳເລັດພາຍໃນເດືອນນີ້.ຕາມແຜນເບື້ອງຕົ້ນ ການກໍ່ສ້າງທີ່ຢູ່ອາໄສຊົ່ວຄາວສຳລັບຜູ້ປະສົບໄພຈາກເຂື່ອນ ເຊປຽນ ເຊນ້ຳນ້ອຍແຕກ ແມ່ນໃຫ້ສຳເລັດພາຍໃນເດືອນພະຈິກ 2018, ແຕ່ການກໍ່ສ້າງຍັງຄົງດຳເນີນມາຈົນເຖິງປະຈຸບັນ.ອ່ານຕໍ່ ...

ການກໍ່ສ້າງ ແລະ ການສ້ອມແປງທີ່ພັກອາໄສຊົ່ວຄາວ ແລະ ຖາວອນສຳລັບປະຊາຊົນທີ່ໄດ້ສູນເສຍທີ່ຢູ່ອາໄສ ຕ້ອງໄດ້ຮັບການເລັ່ງມື, ທ່ານ ທອງລຸນ ສີສຸລິດ ນາຍົກລັດຖະມົນຕີກ່າວເນັ້ນຕໍ່ອຳນາດການປົກຄອງແຂວງອັດຕະປືໃນວັນຈັນນີ້.ອ່ານຕໍ່ ...