ກະສິກຳ

ລາວເປັນໜຶ່ງໃນຫ້າປະເທດໃນພາກພື້ນອາຊີ ແລະ ປາຊິຟິກ ທີ່ໄດ້ຮັບລາງວັນຊາວນາແບບຢ່າງຂອງອົງການ FAO 2018, ເຊິ່ງພິທີມອບລາງວັນດັ່ງກ່າວໄດ້ຈັດຂຶ້ນທີ່ບາງງກອກ ໃນວັນທີ 19 ຕຸລານີ້. ບັນດາປະເທດທີ່ໄດ້ຮັບລາງວັນໃນປີ 2018 ເນື່ອງໃນວັນອາຫານໂລກ, ລວມມີ ສາທະລະນະລັດ ປະຊາທິປະໄຕ ເກົາຫຼີ, ລາວ, ເມົາດິຟ, ​ໄທ ແລະ ວັນນໍຕູ.ອ່ານຕໍ່ ...

(ຂປລ) ຕັ້ງແຕ່ປີ 1966, 70 ເປີເຊັນຂອງໄພນ້ຳຖ້ວມໃນລາວແມ່ນເກີດຂຶ້ນໃນຊຸມປີທີ່ມີປະກົດການເອວນິໂຢ ແລະ ລານິຢາ ເຊິ່ງໄດ້ສົ່ງຜົນກະທົບຢ່າງໃຫຍ່ຫຼວງຕໍ່ຂະແໜງການກະສິກຳ ແລະ ເສດຖະກິດຂອງຊາດໂດຍລວມ, ຕາມການລາຍງານຂອງທະນາຄານໂລກ ທີ່ນະຄອນວຽງຈັນ ໃນວັນທີ 19 ຕຸລາຜ່ານມາ.ອ່ານຕໍ່ ...

ລາວວາງເປົ້າໝາຍຄວາມມຸ່ງໝັ້ນໃນການເພີ່ມທະວີການຜະລິດເຂົ້າໃນປີ 2019 ເພື່ອຮັບປະກັນຄວາມໝັ້ນຄົງທາງດ້ານສະບຽງອາຫານ ເຊິ່ງບໍ່ໄດ້ຮັບໝາກຜົນເທົ່າທີ່ຄວນຍ້ອນໄພນ້ຳຖ້ວມໜັກໃນປີນີ້, ຕາມການລາຍງາຍຂອງທ່ານລັດຖະມົນຕີອາທິດແລ້ວນີ້. ທ່ານລັດຖະມົນຕີ ຫຼຽນ ທິແກ້ວ ກ່າວວ່າ ກະຊວງກະສິກຳ ແລະ ປ່າໄມ້ ວາງເປົ້າໝາຍໃນການເຮັດນາແຊງປີໜ້າໃຫ້ໄດ້ 100,000 ເຮັກຕາ, ເຊິ່ງເພີ່ມຂຶ້ນຈາກເປົ້າໝາຍ 90,400  ເຮັກຕາຂອງປີນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການຜະລິດກະສິກຳໃນລາວມີສາມປະເພດຫຼັກຄື – ກະສິກຳພື້ນບ້ານ, ການປູດພືດແບບປະສົມປະສານ ແລະ ການຜະລິດເພື່ອການຄ້າ, ຕາມຂໍ້ມູນຂອງກົມແຜນການ ແລະ ການລົງທຶນ ກະຊວງກະສິກຳ ແລະ ປ່າໄມ້ ໃນກອງປະຊຸມສຳມະນາເນື່ອງໃນວັນອາຫານໂລກ ແລະ ວັນສາກົນ ແລະ ອາທິດເພື່ອການລົບລ້າງຄວາມທຸກຍາກແຫ່ງຊາດ ໃນວັນອັງຄານທີ່ຜ່ານມາ ທີ່ວຽງຈັນ.ໃນຂະນະທີ່ ການຜະລິດກະສິກຳພື້ນບ້ານຄ່ອຍໆຫຼຸດໜ້ອຍຖອຍລົງ ແຕ່ກໍຍັງຄົງຄວາມສຳຄັນ ແລະ ການຜະລິດກະສິກຳແບບປະສົມປະສານກຳລັງມີການຂະຫຍາຍຕົວໃນລາວ, ການຜະລິດເພື່ອການຄ້າກໍມີລັກສະເພີ່ມຂຶ້ນໃນແຕ່ລະປີ.ອ່ານຕໍ່ ...

ເມືອງຈຳປາສັກ ແຂວງຈຳປາສັກວາງເປົ້າໝາຍໃນກ້າວຂຶ້ນເປັນເມືອງທ່ອງທ່ຽວສະອາດອາຊຽນ ພາຍໃນປີ 2020. ຫຼັງຈາກທີ່ໃນຕົ້ນປີນີ້ ເມືອງມໍລະດົກໂລກ UNESCO ຫຼວງພະບາງໄດ້ເປັນເມືອງທຳອິດຂອງລາວ ທີ່ໄດ້ຮັບການຮັບຮອງມາດຕະຖານ.ອ່ານຕໍ່  ...

ກະຊວງກະສິກຳ ແລະ ປ່າໄມ້ຈະເລັ່ງຮ່ວມມືກັບເຈົ້າໜ້າທີ່ຂັ້ນແຂວງ ເພື່ອຂົນຂວາຍຫາທຶນຮອນໃນການສ້ອມແປງລະບົບຊົນລະປະທານທີ່ຖືກເສຍຫາຍຈາກໄພນ້ຳຖ້ວມ ແລະ ຊ່ວຍເຫຼືອຊາວກະສິກອນໃນການປູກພືດລະດູແລ້ງ. ຜ່ານມາມີໂຄງການຊົນລະປະທານກວ່າ 600 ໂຄງການໄດ້ຮັບຜົນກະທົບຈາກໄພນ້ຳຖ້ວມຢ່າງໜັກ ອັນເປັນຜົນມາຈາກ ພະຍຸລະດູຮ້ອນ ສົນຕິນ ແລະ ເບບິນກາໃນເດືອນແລ້ວນີ້.ອ່ານຕໍ່ ...

ວຽງຈັນ — ການນຳເຂົ້າຜະລິດຕະພັນຊີ້ນໝູທຸກຊະນິດຈາກຈີນ ກໍຄື ໝູ ແລະ ລູກໝູເປັນ ໄດ້ມີການລະງັບຊົ່ວຄາວຫຼັງຈາກມີການລະບາດຂອງເຊື້ອໄວຣັສ໌ອະຫິວາໝູອາຟຣິກາ ທີ່ແຂວງຫຼຽວໜິງ ທາງພາກຕາເວັນອອກສຽງເໜືອຂອງຈີນ. ກະຊວງກະສິກຳ ແລະ ປ່າໄມ້ລາວໄດ້ອອກແຈ້ງການອາທິດແລ້ວນີ້ ໃນການຫ້າມການນຳເຂົ້າຜະລິດຕະພັນໝູ, ລູກໝູ ແລະ ແມ່ພັນໝູ ເພື່ອປ້ອງກັນການແຜ່ລະບາດຂອງເຊື້ອພະຍາດທີ່ອາດເກີດຂຶ້ນໃນລາວ ແລະ ທັງເປັນການປົກປ້ອງຜູ້ບໍລິໂພກຈາກການເຈັບປ່ວຍ.ອ່ານຕໍ່ ...

ທະນາຄານພັດທະນາອາຊີ (ADB)  ແລະ ລັດຖະບານສາທາລະນະລັດ ປະຊາທິປະໄຕ ປະຊາຊົນລາວ (ສປປ ລາວ) ໄດ້ລົງນາມຂໍ້ຕົກລົງໃນວານນີ້ ສຳລັບທຶນຊ່ວຍເຫຼືອລ້າຈຳນວນ 40.5 ລ້ານໂດລາສຳລັບໂຄງການຂະແໜງການຫ່ວງໂສ້ຄຸນຄ່າທຸລະກິດກະສິກຳທີ່ເປັນມິດຕໍ່ສະພາບອາກາດ ເຊິ່ງຈະຊ່ວຍໃຫ້ຊາວກະສິກອນ ແລະ ທຸລະກິດກະສິກຳພັດທະນາຫ່ວງໂສ້ຄຸນຄ່າການກະສິກຳແບບຍືນຍົງ ແລະ ເປັນມິດຕໍ່ສະພາບອາກາດໃນລາວ.ອ່ານຕໍ່ ...

ກົວລາລຳເປີ (ມູນນິທິທອມສັນ ຣອຍເຕີ)-ດຽວນີ້ເຈົ້າຂອງຮ້ານອາຫານ ແລະ ຜູ້ປະກອບການສາມາດເປີເບິ່ງອາຫານລາວ ແລະ ວັດທະນະທຳການກະສິກຳ ຜ່ານການເປີດຕົວຂອງເວັບໄຊທີ່ສ້າງເພື່ອຮັກສາສູດອາຫານພື້ນບ້ານລາວ ແລະ ການຜະລິດກະສິກຳພື້ນບ້ານກ່ອນທີ່ຈະຖືກລືມເລືອນ.ອ່ານຕໍ່ ...

ລາວວາງຄາດໝາຍໃນການເພີ່ມທະວີການຜະລິດກະສິກຳເພື່ອຕອບສະໜອງຕໍ່ການບໍລິໂພກທີ່ເພີ່ມຂຶ້ນ, ແລະ ຮັບປະກັນການພັດທະນາປະເທດຊາດແບບຍືນຍົງໃນອະນາຄົດ. ຊ່ຽວຊານຈາກກົມແຜນການ ກະຊວງແຜນການ ແລະ ການລົງທຶນລາຍງານໃນກອງປະຊຸມທີ່ນະຄອນວຽງຈັນວ່າດ້ວຍເປົ້າໝາຍການພັດທະນາແບບຍືນຍົງ (SDG) ກ່ຽວກັບການຜະລິດ ແລະ ການບໍລິໂພກແບບຍືນຍົງ (SDG12) ວ່າ ປະຈຸບັນປະເທດລາວມີການນຳເຂົ້າສິນຄ້າຫຼາຍກວ່າການຜະລິດພາຍໃນ.ອ່ານຕໍ່ ...