News

(ຂປລ) ແປດແຂວງຂອງລາວ ແລະ ຫວຽດນາມ ຮ່ວມປະຊຸມກັນທີ່ແຂວງທັນຫົວ ປະເທດຫວຽດນາມ ໃນວັນທີ 18 ຕຸລານີ້ ເພື່ອຫາລືການຮ່ວມມືໃນສົງຄາມຕ້ານອາດຊະຍາກຳຢາເສບຕິດ.ໃນກອງປະຊຸມດັ່ງກ່າວ, ຕົວແທນຈາກແຂວງທັນຫົວ, ເຍອັນ, ສອນລາ ແລະ ດຽນບຽນຂອງຫວຽດນາມ ແລະ ແຂວງຫົວພັນ, ຫຼວງພະບາງ, ຜົ້ງສາລີ ແລະ ຊຽງຂວາງຂອງລາວໄດ້ຮ່ວມລົງນາມໃນບົດບັນທຶກຄວາມເຂົ້າໃຈກ່ຽວກັບການຮ່ວມມືໃນການສະກັດກັ້ນ ແລະ ຕໍ່ສູ້ຕ້ານອາດສະຍາກຳຢາເສບຕິດ. ອ່ານຕໍ່ ...

ລັດຖະບານຄາດຄະເນວ່າຈະຕ້ອງນຳໃຊ້ງົບປະມານ 6 ພັນຕື້ກີບ ເພື່ອຟື້ນຟູຄວາມເສຍຫາຍຈາກໄພພິບັດນ້ຳຖ້ວມໃນທົ່ວປະເທດສຳລັບປີນີ້, ເຊິ່ງໃນນັ້ນຄວາມຕ້ອງການສູງສຸດແມ່ນຢູ່ໃນຂະແໜງການຂົນສົ່ງ ແລະ ກະສິກຳ.ພາລະກິດການຟຶ້ນຟູດັ່ງກ່າວຈະແບ່ງເປັນໄລຍະສັ້ນ, ໄລຍະກາງ ແລະ ໄລຍະຍາວ ເຊິ່ງແນໃສ່ຂະແໜງການສັງຄົມ, ການຜະລິດ ແລະ ພື້ນຖານໂຄງລ່າງ ແລະ ບັນຫາທີ່ກ່ຽວເນື່ອງອື່ນໆ.ອ່ານຕໍ່ ...

ອຳນາດການປົກຄອງແຂວງໄຊຍະບູລີ ກວດພົບການສໍ້ລາດບັງຫຼວງຈຳນວນກວ່າ 210.73 ຕື້ກີບ ນັບແຕ່ປີ 2015 ເປັນຕົ້ນມາ, ເຊິ່ງໃນນັ້ນມີຖັນແຖວພະນັກງານລັດ 24 ຄົນມີສ່ວນພົວພັນກ່ຽວຂ້ອງ.ທ່ານ ດວງຕາ ໄຊວຸດ ຫົວໜ້າຄະນະກຳມະການກວດສອບພັກແຂວງ ໄດ້ລາຍງານໃນກອງປະຊຸມໜ່ວຍພັກຄັ້ງທີ 11 ໃນອາທິດຜ່ານມາວ່າ ໃນຈຳນວນດັ່ງກ່າວສາມາດຍຶດຄືນງົບປະມານໄດ້ 9.26 ຕື້ກີບ, ຕາມການເປີດເຜີຍຂອງໜັງສືພິມເສດຖະກິດສັງຄົມ.ອ່ານຕໍ່ ...

ໜ່ວຍງານຈັດຕັ້ງບຸນຊ່ວງເຮືອປະເພນີທີ່ນະຄອນຫຼວງວຽງຈັນຕົກລົງຍ້າຍການແຂ່ງຂັນເຮືອປະເພດເຮືອປະເພນີ ແລະ ເຮືອສູດຂະໜາດ 55 ສີພາຍຈາກທ່າວັດຈັນໄປແຂ່ງຢູ່ເຂດຍ່ານນ້ຳຂອງທີ່ເລິກກວ່າ.ທ່ານ ສີຫຸນ ສິດທິລືໄຊ ເຈົ້າຄອງນະຄອນຫຼວງວຽງຈັນໄດ້ອະທິບາຍລາຍລະອຽດຕໍ່ສື່ມວນຊົນໃນວັນຈັນຜ່ານມາວ່າ ການແຂ່ງຂັນເຮືອປະເພດ 55 ສີພາຍ ເພດຊາຍ ແລະ ເພດຍິງ ໃນວັນພະຫັດນີ້ ຈະຈັດຂຶ້ນໃນເຂດລ້ອງແມ່ນ້ຳຂອງກົງກັນຂ້າມກັບໂຮງແຮມແລນມາກ.ອ່ານຕໍ່ ...

ລັດຖະບານໄດ້ບັນລຸຂໍ້ຕົກລົງກັບມູນນິທິຕະກຸນແຟັງສ໌ປະຈຳອັງກິດ ເພື່ອການຮ່ວມມືໃນໂຄງການທົດລອງຈັດຕັ້ງໂຮງຮຽນຍຸກໃໝ່ທີ່ວຽງຈັນ.ອ່ານຕໍ່ ...

(ຂປລ) ຫວຽດຄັອມແບງ, ທະນາຄານການຄ້າຕ່າງປະເທດຮ່ວມຫຸ້ນຂອງຫວຽດນາມ ໄດ້ເປີດຕົວຫວຽດຄັອມແບງຢ່າງເປັນທາງການທີ່ວຽງຈັນໃນວັນທີ 17 ຕຸລາ.ຫວຽດຄັອມແບງລາວ ຕັ້ງຢູ່ຖະໜົນລ້ານຊ້າງ ເປັນໜຶ່ງໃນຫົວໜ່ວຍບໍລິການການເງິນການທະນາຄານໃນຕົວເມືອງວຽງຈັນ ມີທຶນກໍ່ຕັ້ງທຸລະກິດຢູ່ທີ່ 80 ລ້ານໂດລາ, ເປັນໜຶ່ງໃນສະຖາບັນການເງິນທີ່ມີສະຖາບັນສິນເຊື່ອຂອງຫວຽດນາມທີ່ສູງທີ່ສຸດໃນລາວ.ອ່ານຕໍ່ ...

ກຸ່ມຊາວບ້ານໄຜ່ລາວຈາກຫຼວງພະບາງ ໄດ້ຮັບລາງວັນດີເດັ່ນ ພ້ອມດ້ວຍເງິນລາງວັນສົ່ງເສີມນະວັດຕະກຳ 10,000 ໂດລາ ໃນງານປະກວດນະວັດຕະກຳການທ່ອງທ່ຽວແມ່ຂອງ (MIST) 2018, ເຊິ່ງເປັນການປະກວດກ່ຽວກັບແນວຄິດລິເລີ່ມດ້ານການທ່ອງທ່ຽວພື້ນເມືອງ ທີ່ສະໜັບສະໜູນໂດຍລັດຖະບານອົດສະຄຣາລີ ແລະ ທະນາຄານໂລກ, ທັງມີນັກລົງທຶນໃນຂະແໜງການທ່ອງທ່ຽວຊັ້ນນຳເປັນຄະນະທີ່ປຶກສາ.ອ່ານຕໍ່ ...

ລາວເປັນໜຶ່ງໃນຫ້າປະເທດໃນພາກພື້ນອາຊີ ແລະ ປາຊິຟິກ ທີ່ໄດ້ຮັບລາງວັນຊາວນາແບບຢ່າງຂອງອົງການ FAO 2018, ເຊິ່ງພິທີມອບລາງວັນດັ່ງກ່າວໄດ້ຈັດຂຶ້ນທີ່ບາງງກອກ ໃນວັນທີ 19 ຕຸລານີ້. ບັນດາປະເທດທີ່ໄດ້ຮັບລາງວັນໃນປີ 2018 ເນື່ອງໃນວັນອາຫານໂລກ, ລວມມີ ສາທະລະນະລັດ ປະຊາທິປະໄຕ ເກົາຫຼີ, ລາວ, ເມົາດິຟ, ​ໄທ ແລະ ວັນນໍຕູ.ອ່ານຕໍ່ ...

(ຂປລ) ຕັ້ງແຕ່ປີ 1966, 70 ເປີເຊັນຂອງໄພນ້ຳຖ້ວມໃນລາວແມ່ນເກີດຂຶ້ນໃນຊຸມປີທີ່ມີປະກົດການເອວນິໂຢ ແລະ ລານິຢາ ເຊິ່ງໄດ້ສົ່ງຜົນກະທົບຢ່າງໃຫຍ່ຫຼວງຕໍ່ຂະແໜງການກະສິກຳ ແລະ ເສດຖະກິດຂອງຊາດໂດຍລວມ, ຕາມການລາຍງານຂອງທະນາຄານໂລກ ທີ່ນະຄອນວຽງຈັນ ໃນວັນທີ 19 ຕຸລາຜ່ານມາ.ອ່ານຕໍ່ ...

ບໍລິສັດກໍ່ສ້າງເຂື່ອນໄດ້ສັ່ງຊື້ເຮືອນພັກແບບປະກອບຈຳນວນ 450 ຫຼັງ ເຊິ່ງມີມູນຄ່າລວມເກີນ 29 ຕື້ກີບ ຈາກຕ່າງປະເທດ ເພື່ອມອບໃຫ້ແກ່ຄອບຄົວທີ່ຍັງບໍ່ມີທີ່ຢູ່ອາໄສ ຫຼັງຈາກເຂົາເຈົ້າໄດ້ສູນເສຍທີ່ຢູ່ອາໄສ ຍ້ອນໄພນ້ຳຖ້ວມ ທີ່ເມືອງສະໜາມໄຊ ແຂວງອັດຕະປື ໃນເດືອນກໍລະກົດທີ່ຜ່ານມາ.ຕາມການລາຍງານຂອງເຈົ້າໜ້າທີ່ເມືອງ, ຄອບຄົວທີ່ບໍ່ມີທີ່ຢູ່ອາໄສຈະໄດ້ຮັບເຮືອນປະກອບຕື່ມອີກ 50 ຫຼັງຈາກບໍລິສັດ, ເຊິ່ງຈະຈັດສົ່ງໄປແຂວງອັບຕະປືໃນເດືອນພະຈິກນີ້.ອ່ານຕໍ່   ...