ວຽງຈັນທາມສ໌

ມະຫາວິທະຍາໄລແຫ່ງຊາດລາວໄດ້ເພິກຖອນບັນດາຮ້ານບັນເທິງທີ່ຕັ້ງຢູ່ໃກ້ກັບມະຫາວິທະຍາໄລເກີນໄປ ແລະ ມອບໝາຍໃຫ້ເຈົ້າໜ້າທີ່ທຳການຕິດຕາມຮ້ານບັນເທິງເປົ້າໝາຍຢ່າງໃກ້ຊິດ ເພື່ອໃຫ້ຈັດສັນຍົກຍ້າຍໄປສູ່ສະຖານທີ່ເໝາະສົມ.ໃນປີທີ່ຜ່ານມາ ທາງມະຫາວິທະຍາໄລໄດ້ຮ່ວມມືກັບອຳນາດການປົກຄອງທ້ອງຖິ່ນ ເພື່ອຈັດຕັ້ງລະບົບເພື່ອກວດສອບຮ້ານອາຫານ, ຮ້ານກິນດື່ມ ແລະ ສະຖານບັນເທິງຕ່າງໆ ຕາມລະບຽບກົດໝາຍ ເພື່ອຈຳກັດການເພີ່ມຂຶ້ນຂອງປະກົດການຫຍໍ້ທໍ້ທາງສັງຄົມ.ອ່ານຕໍ່ ...

ເດັກນ້ອຍກວ່າ  523,000 ຄົນໃນໂຮງຮຽນປະຖົມທົ່ວປະເທດຈະໄດ້ຮັບຜົນປະໂຫຍດຈາກໂຄງການສຶກສາຄວາມສ່ຽງໄພຈາກລູກລະເບີດທີ່ຍັງຕົກຄ້າງ ພາຍໃຕ້ທຶນຊ່ວຍເຫຼືອຈາກກະຊວງການຕ່າງປະເທດສະຫະລັດ.ອົງການ World Education Inc. ແລະ ກະຊວງສຶກສາທິການ ແລະ ກິລາ ໄດ້ລົງນາມໃນບົດບັນທຶກຄວາມເຂົ້າໃຈຂອງໂຄງການຢ່າງເປັນທາງການໃນມື້ວານນີ້.ອ່ານຕໍ່ ...

ອົງການຊ່ວຍເຫຼືອແຫ່ງປະເທດຝຣັ່ງໄດ້ສະແດງເຈດຈຳນົງທີ່ຈະຊ່ວຍເຫຼືອລັດຖະບານລາວ ໃນການປົກປ້ອງສະຖານທີ່ ແລະ ພື້ນຖານໂຄງລ່າງທາງມໍລະດົກຂອງລາວ ຢູ່ແຂວງສະຫວັນນະເຂດ ແລະ ຈຳປາສັກ.ທ່ານ ທອງໃບ ໂພທິສານ ຫົວໜ້າກົມມໍລະດົກ ພາຍໃຕ້ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ກ່າວໃນວານນີ້ວ່າ ອົງການພັດທະນາແຫ່ງປະເທດຝຣັ່ງ (AFD) ໄດ້ສົ່ງທີມຜູ້ຊ່ຽວຊານມາລາວ ເພື່ອດຳເນີນໂຄງການອະນຸລັກອາຄານທີ່ເກົ່າແກ່ ແລະ ສຳຄັນທີ່ສຸດຂອງລາວຈຳນວນໜຶ່ງ.ອ່ານຕໍ່  ...

ລັດຖະບານລາວຈະນຳໃຊ້ລະບົບພາສີປະຕູດຽວໃນອາທິດຕໍ່ໜ້ານີ້ ເພື່ອອຳນວຍຄວາມສະດວກໃຫ້ແກ່ຂະບວນການນຳເຂົ້າ ແລະ ສົ່ງອອກສິນຄ້າ ເຊິ່ງເປັນແນວທາງໃນການປັບປຸງສະພາບແວດລ້ອມການລົງທຶນໃນລາວໂດຍລວມ.ທຸລະກິດນຳເຂົ້າຍານພາຫະນະຈະເປັນກຸ່ມທຸລະກິດທຳອິດທີ່ໄດ້ຮັບປະໂຫຍດຈາກນະໂຍບາຍປະຕຸດຽວແຫ່ງຊາດ (LNSW), ຕາມຂໍ້ຕົກລົງຂອງກະຊວງການເງິນ.ອ່ານຕໍ່   ...

ວຽງຈັນ (ວຽງຈັນທາມສ໌/ANN) – ຕາມທີ່ຮູ້ກັນດີໃນບັນດາຜູ້ທີ່ມັກໝາກກ້ຽງກ່ຽວກັບລົດຊາດອັນຫວານແຊບ, ເມືອງວັງວຽງ ແລະ ເມືອງກາສີແຂວງວຽງຈັນມີແຜນສ້າງລາຍຮັບຈາກໝາກກ້ຽງປອດສານພິດຍອດນິຍົມ ໂດຍການສົ່ງເສີມການພັດທະນາຍີ້ຫໍ້ສະເພາະ ເພື່ອສ້າງລາຍຮັບໃຫ້ແກ່ຊາວກະສິກອນທ້ອງຖິ່ນ.ແຜນຂອງອຳນາດການປົກຄອງແຂວງດັ່ງກ່າວແມ່ນແນໃສ່ເພື່ອເພີ່ມມູນຄ່າໃຫ້ແກ່ໝາກກ້ຽງ ເຊິ່ງຈະເປັນການຊ່ວຍເຫຼືອຊາວກະສິກອນ ທັງເປັນການເພີ່ມຜະລິດຕະພັນທາງເລືອກໃຫ້ແກ່ລູກຄ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ງານວາງສະແດງລົດວຽງຈັນ Motor Show 2019 ທີ່ສູນການຄ້າລາວໄອເຕັກ ໃນວັນທີ 22 ກຸມພາ ຫາ 2 ມີນາ ຈະສະແດງຍານຍົນຍີ້ຫໍ້ຊັ້ນນຳລະດັບໂລກເພື່ອເອົາໃຈຄໍລົດ.ອ່ານຕໍ່ ...

ຕາມຜົນສຳຫຼວດພົບວ່າ ລັດຖະກອນໃນຫຼາຍພະແນກການຍັງຄົງມີຈຳນວນເກີນຄວາມຈຳເປັນຫຼາຍ, ສົ່ງຜົນເຮັດໃຫ້ລັດຖະບານຕ້ອງແບກຫາບພາລະໜັກໜ່ວງໃນດ້ານຄ່າໃຊ້ຈ່າຍກ່ຽວກັບເງິນເດືອນ, ເບ້ຍລ້ຽງ ແລະ ຄ່າໃຊ້ຈ່າຍທີ່ກ່ຽວຂ້ອງອື່ນໆ.ຫຼາຍພະແນກການ ແລະ ກົມກອງພົບວ່າມີການເກນພະນັກງານຈຳນວນຫຼາຍ ແລະ ເກີນກວ່າຄວາມຈຳເປັນຫຼາຍເທົ່າ ຕາມຂໍ້ມູນຈາກເຈົ້າໜ້າທີ່ກົມພັດທະນາລັດຖະບານ ພາຍໃຕ້ກະຊວງພາຍໃນ ເຊິ່ງມີສ່ວນຮ່ວມໃນການສຳຫຼວດດັ່ງກ່າວ.ອ່ານຕໍ່ ...

ເຈົ້າໜ້າທີ່ລັດຖະບານ ແລະ ຄູ່ຮ່ວມພັດທະນາປະຊຸມກັນທີ່ວຽງຈັນໃນວັນອັງຄານນີ້ ເພື່ອທົບທວນກ່ຽວກັບໂຄງການລະບົບຂໍ້ມູນຂ່າວສານເພື່ອການຕິດຕາມດ້ານກະສິກຳ-ສະພາບອາກາດ (SAMIS) ແນໃສ່ຍົກລະດັບການປັບຕົວຕໍ່ການປ່ຽນແປງຂອງສະພາບອາກາດ ແລະ ຄວາມໝັ້ນຄົງດ້ານສະບຽງອາຫານໃນລາວ.ອ່ານຕໍ່  ...

ລັດຖະບານໄດ້ຈັດສັນງົບປະມານກວ່າ 2,800 ຕື້ກີບສຳລັບການພັດທະນາບຸກຄະລາກອນ ແລະ ປັບປຸງຂະແໜງການສາທາລະນະສຸກໃນປີ 2019. ງົບປະມານດັ່ງກ່າວຈະຊ່ວຍໃນການປະຕິບັດແຜນການພັດທະນາຂະແໜງສາທາລະນະສຸກໄລຍະຫ້າປີ (2016-2020) ແລະ ເປົ້າໝາຍການພັດທະນາແບບຍືນຍົງທີ່ກ່ຽວຂ້ອງກັບວຽກງານສາທາລະນະສຸກ.ອ່ານຕໍ່ ...

(ຂປລ) ໃນວັນອັງຄານຜ່ານມາ ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໄດ້ມອບສິ່ງຂອງຊ່ວຍເຫຼືອບັນເທົາທຸກທີ່ໄດ້ຮັບບໍລິຈາກຈາກພໍ່ແມ່ປະຊາຊົນ ແລະ ອົງການຈັດຕັ້ງທ້ອງຖິ່ນ ແລະ ສາກົນ ໃຫ້ແກ່ຄອບຄົວຜູ້ປະສົບໄພນ້ຳຖ້ວມທີ່ອັດຕະປື ກວ່າ 300 ຄອບຄົວ.ເຄື່ອງຊ່ວຍເຫຼືອດັ່ງກ່າວລວມມີ ເຄື່ອງໃຊ້ໃນຊີວິດປະຈຳວັນ ແລະ ອາຫານແຫ້ງ.ອ່ານຕໍ່ ...