ວຽງຈັນທາມສ໌

ທ່ານ ທອງລຸນ ສີສຸລິດ ນາຍົກລັດຖະມົນຕີ ສັ່ງໃຫ້ບັນດາກະຊວງເດີນໜ້າໃນການດຶງດູດການລົງທຶນຈາກບຣູໄນດາຣູຊາລຳ ຫຼັງຈາກທີ່ຮູ້ມາວ່າມີຫຼາຍບໍລິສັດຈາກປະເທດເສດຖີນ້ຳມັນດັ່ງກ່າວ ຕ້ອງການຢາກເຮັດທຸລະກິດໃນລາວ.ນັກລົງທຶນບຣູໄນສົນໃຈໃນການສົ່ງອອກນ້ຳມັນມາປະເທດລາວ ໃນທາງດຽວກັນກໍຕ້ອງການເຮັດທຸລະກິດຟາມລ້ຽງສັດປີກ ແລະ ປູກເຂົ້າໃນລາວ ເພື່ອສົ່ງອອກໄປຍັງຣາຊະອານາຈັກບຣູໄນ.ອ່ານຕໍ່   ...

ຂົວໃໝ່ເຊກຸມກາມ ແລະ ເຊທ່າມວກ ທີ່ຕັ້ງຢູ່ເສັ້ນທາງແຫ່ງຊາດເລກທີ 9 ແຂວງສະຫວັນນະເຂດ ກໍ່ສ້າງສຳເລັດປະມານ 80% ເຊິ່ງເຈົ້າໜ້າທີ່ຮັບຜິດຊອບຄາດວ່າຈະສາມາດມອບຮັບພາຍໃນເດືອນພຶດສະພານີ້.ທ່ານ ຄຳໝັ້ນ ແສນພິມມະຈັກ ໄດ້ເປີດເຜີຍຕໍ່ວຽງຈັນທາມສ໌ໃນວັນຈັນຜ່ານມາວ່າ, “ການກໍ່ສ້າງຂົວສອງແຫ່ງດັ່ງກ່າວ ປະຈຸບັນແມ່ນສຳເລັດແລ້ວ 77.49. ຄາດວ່າໜ້າວຽກທຸກຢ່າງຈະໃຫ້ສຳເລັດພາຍໃນເດືອນເມສາ ແລະ ມີການມອບຮັບໃນກາງເດືອນພຶດສະພານີ້.”ອ່ານຕໍ່   ...

ຊາວບ້ານສັງໄຊ ເມືອງປາກງື່ມ ນະຄອນຫຼວງວຽງຈັນ ໄດ້ສະເໜີບັນຫາຍືດເຍື້ອຕ່າງໆຕໍ່ຜູ້ແທນສະພາແຫ່ງຊາດ ແລະ  ແລະ ສະພາປະຊາຊົນນະຄອນຫຼວງ.ວານນີ້ ຄະນະຜູ້ແທນໄດ້ລົງຢ້ຽມຢາມພື້ນທີ່ ເຊິ່ງເປັນສ່ວນໜຶ່ງຂອງແຜນລົງຢ້ຽມຢາມ 13 ບ້ານໃນເມືອງປາກງື່ມ ແຕ່ວັນທີ 18 ກຸມພາ ເຖິງ 4 ມິນາ ເພື່ອເຜຍແຜ່ເນື້ອໃນຫຼ້າສຸດຂອງກອງປະຊຸມສະໄໝສາມັນຂອງສະພາແຫ່ງຊາດ ແລະ ສານປະຊາຊົນນະຄອນຫຼວງ ກໍຄືຮັບຟັງບັນຫາຕົວຈິງຂອງຊຸມຊົນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງໄປສະນີ ແລະ ໂທລະຄົມມະນາຄົມມີແຜນຈັດງານ ICT Expo ເພື່ອວາງສະແດງຜົນງານໃໝ່ໆດ້ານ ແອບພລິເຄຊັນ, ອຸປະກອນ, ໂທລະຄົມ, ທຸລະກິດການຄ້ານອອນໄລ (e-commerce) ແລະ ເຕັກໂນໂລຊີດ້ານການເງິນ ເພື່ອກະກຽມຄວາມພ້ອມສູ່ຍຸກອຸດສາຫະກຳດິຈິຕອລ.ທ່ານ ປອ ທັນສະໄໝ ກົມມະສິດ ລັດຖະມົນຕີກະຊວງໄປສະນີ ແລະ ໂທລະຄົມມະນາຄົມ ໄດ້ເປີດເຜີຍໃນກອງປະຊຸມຕໍ່ສື່ມວນຊົນ ກ່ຽວກັບງານວາງສະແດງ Information and Communications Technology (ICT) Expo ຂອງລາວ ເຊິ່ງຈະມີຂຶ້ນໃນວັນທີ  12-16 ມິຖຸນາ ທີ່ສູນການຄ້າລາວໄອເຕັກ ວຽງຈັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງອຸດສາຫະກຳ ແລະ ການຄ້າໄດ້ເປີດຕົວໂຄງການສົ່ງເສີມຄວາມສາມາດໃນການແຂ່ງຂັນ ແລະ ການຄ້າ (LCT) ເພື່ອຈຸດປະສົງສ້າງສະພາບແວດລ້ອມທີ່ເອື້ອອຳນວຍໃຫ້ແກ່ການດຳເນີນທຸລະກິດທຸກປະເພດ, ເປັນຕົ້ນແມ່ນທຸລະກິດຂະໜາດຍ່ອຍ, ທຸລະກິດຂະໜາດນ້ອຍ, ແລະ ທຸລະກິດຂອງແມ່ຍິງ. ກອງປະຊຸມເປີດໂຄງການໃນວັນສຸກແລ້ວນີ້ ມີຜູ້ເຂົ້າຮ່ວມກວ່າ 100 ຄົນຈາກຕາງໜ້າຄຸ່ຮ່ວມພັດທະນາ, ອົງການຈັດຕັ້ງທີ່ກ່ຽວຂ້ອງ ແລະ ຂະແໜງການເອກະຊົນ.ຈຸດປະສົງຂອງໂຄງການແມ່ນແນໃສ່ສ້າງຄວາມສະດວກດ້ານລະບຽບການທາງທຸລະກິດ, ອຳນວຍຄວາມສະດວກດ້ານການຄ້າ, ແລະ ສົ່ງເສີມຄວາມສາມາດໃນການແຂ່ງຂັນໃນລະດັບທຸລະກິດ ເຊິ່ງສອດຄ່ອງຕາມແຜນພັດທະນາເສດຖະກິດ-ສັງຄົມແຫ່ງຊາດຄັ້ງທີ 8.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານຈະຍົກລະດັບແຜນງານການອຳນວຍຄວາມສະດວກດ້ານການຄ້າສູ່ມາດຕະຖານສາກົນ ພາຍໃນເດືອນພຶດສະພານີ້​, ຕາມການເປີດເຜີຍຂອງການນຳໃນກອງປະຊຸມໃນວັນສຸກຜ່ານມາ.ການຍົກລະດັບດັ່ງກ່າວຈະອີງໃສ່ຫຼັກການ, ເກນ ແລະ ເງື່ອນໄຂ ທີ່ກຳນົດໃນແຜນງານມາດຕະຖານເພື່ອການຮັບປະກັນ ແລະ ອຳນວຍຄວາມສະດວກດ້ານການຄ້າໂລກ (SAFE) ຂອງອົງການສຸລະກາກອນໂລກ ແລະ ຂໍ້ຕົກລົງກ່ຽວກັບການອຳນວຍຄວາມສະດວກດ້ານການຄ້າຂອງອົງການການຄ້າໂລກ (WTO-TFA).ອ່ານຕໍ່  ...

ທ່ານນາຍົກ ທອງລຸນ ສີສຸລິດ ໃນຖານະແຂກ ແລະ ພະນະທ່ານສຸລະຕານ ຮາຈິ ຮາດຊະນັນ ບໍເກຍ ໄດ້ກ່າວສັນເສີນສາຍພົົວພັນ ແລະ ການຮ່ວມມືລະຫວ່າງສອງຊາດ.ນາຍົກລັດຖະມົນຕີລາວໄດ້ເດີນທາງຢ້ຽມຢາມປະເທດບຣູໄນ ດາຣູຊາລຳ ຢ່າງເປັນທາງການເປັນເວລາສອງວັນ ແຕ່ວັນທີ 16-17 ກຸມພາ ຕາມຄຳເຊື້ອເຊີນຂອງລາດຊະອານາຈັກບຣູໄນ.ອ່ານຕໍ່ ...

ລັດຖະບານລາວ ແລະ ຈີນໄດ້ລົງນາມໃນຂໍ້ຕົກລົງການລົງທຶນສຳລັບໂຄງການຕ່າງໆພາຍໃຕ້ແຜນງານການຮ່ວມມືແມ່ຂອງ-ລ້ານຊ້າງ.ລົງນາມໃນຂໍ້ຕົກລົງກ່ຽວກັບທຶນການຮ່ວມມືພິເສດແມ່ຂອງ-ລ້ານຊ້າງ ສຳລັບປີ 2018 ມີທ່ານ ທອງພັນ ສະຫວັນເພັດ ຮອງລັດຖະມົນຕີກະຊວງການຕ່າງປະເທດ ແລະ ທ່ານ ຈຽງ ໄຈຕົງ ເອກອັກຄະລັດຖະທູດຈີນ, ທີ່ກະຊວງການຕ່າງປະເທດລາວ.ອ່ານຕໍ່ ...

ລັດຖະບານ ແລະ ຄູ່ຮ່ວມພັດທະນາ ໄດ້ປະຊຸມກັນທີ່ວຽງຈັນ ໃນວັນສຸກຜ່ານມາ ເພື່ອຫາລືລາຍລະອຽດຄຳແນະນຳຈາກກອງປະຊຸມໂຕະມົນປີ 2018 ເພື່ອຜັນຂະຫຍາຍການປະຕິບັດການຕິດຕາມຢ່າງເປັນຮູບປະທຳ.ກອງປະຊຸມທົບທວນປະຈຳປີ ເພື່ອກະກຽມສຳລັບກອງປະຊຸມໂຕະມົນ 2019 ເຊິ່ງໄດ້ມີການຫາລືແນວທາງສູ່ການຈັດຕັ້ງປະຕິບັດກອງປະຊຸມໂຕະມົນ 2019 ເຊິ່ງຈະຈັດຂຶ້ນໃນທ້າຍປີ ມີການເຂົ້າຮ່ວມຂອງທ່ານ ປອ ກິແກ້ວ ຈັນທະບູລີ ຮອງລັດຖະມົນຕີກະຊວງແຜນການ ແລະ ການລົງທຶນ, ທ່ານນາງ ຄາຣິນາ ອິມໂມເນັນ ຜູ້ປະສານງານປະຈຳອົງການສະຫະປະຊາຊາດ ແລະ ຜູ້ຕາງໜ້າປະຈຳອົງການ UNDP,​ ພ້ອມດ້ວຍຕາງໜ້າຈາກຂະແໜງເອກະຊົນ ແລະ ອົງການຈັດຕັ້ງສັງຄົມສົງເຄາະ.ອ່ານຕໍ່ ...

ເຈົ້າໜ້າທີ່ການສຶກສາໄດ້ທຳການອະນຸມັດໃຫ້ວິທະຍາໄລເອກະຊົນຈຳນວນໜຶ່ງ ກ່ຽວກັບການຍົກລະດັບຫຼັກສູດຂອງສະຖາບັນການສຶກສາເອກະຊົນ ໃຫ້ສາມາດເປີດຄືນຫຼັກສູດປະລິນຍາຕີ ແລະ ຊັ້ນສູງ.ປະຈຸບັນ ມີສອງສະຖານບັນ ຄື ວິທະຍາໄລລັດຕະນະບໍລິຫານທຸລະກິດ (RBAC) ແລະ ວິທະຍາໄລແສງສະຫວັນ, ວຽງຈັນ ໄດ້ຮັບການອະນຸມັດຢ່າງເປັນທາງການ ໃນການເປີດຄືນຫຼັກສູດປະລີນຍາຕີ ຫຼັງຈາກທີ່ມີການລະງັບໃບອະນຸຍາດຊົ່ວຄາວໃນສົກສຶກສາ 2013-14.ອ່ານຕໍ່ ...