ຂປລ-ຂ່າວສານປະເທດລາວ

(ຂປລ) ຜູ້ເຂົ້າຮ່ວມ 120 ກວ່າຄົນຈາກພາກສ່ວນທີ່ກ່ຽວຂ້ອງຕ່າງໆໄດ້ປະຊຸມກັນທີ່ຫຼວງພະບາງໃນວັນທີ 17 ມັງກອນ ເພື່ອສືບຕໍ່ຫາລືກ່ຽວກັບແຜນໂຄງການເຂື່ອນໄຟຟ້າປາກລາຍ ໃນໂອກາດທີ່ຄະນະກຳມາທິການແມ່ນ້ຳຂອງ (MRC) ໄດ້ຈັດກອງປະຊຸມຜູ້ມີສ່ວນຮ່ວມລະດັບພາກພື້ນຊຸດທີ 2 ກ່ຽວກັບໂຄງການ ເຊິ່ງເປັນສ່ວນໜຶ່ງຂອງກອງປະຊຸມຜູ້ມີສ່ວນຮ່ວມລະດັບພາກພື້ນຊຸດທີ 6.  ໃນກອງປະຊຸມດັ່ງກ່າວ ໄດ້ມີການເກັບກຳຄຳແນະນຳຕ່າງໆເພື່ອເຮັດໃຫ້ໂຄງການເພີ່ມລະດັບຄວາມຍືນຍົງ ແລະ ເປັນມິດຕໍ່ສິ່ງແວດລ້ອມ.ອ່ານຕໍ່ ...

(ຂປລ) ໃນວັນທີ 23 ມັງກອນນີ້ ໄດ້ມີພິທີວາງສີລາເລີກ ທີ່ໂຮງໝໍເສດຖາທິລາດ ນະຄອນຫຼວງວຽງຈັນ ສຳລັບໂຄງການປັບປຸງໂຮງໝໍເສດຖາທິລາດ ແລະ ໂຮງໝໍແຂວງຈຳປາສັກ ພາຍໃຕ້ທຶນຊ່ວຍເຫຼືອຈາກຍີ່ປຸ່ນ ເຊິ່ງມີມູນຄ່າລວມກວ່າ US$ 17.3 ລ້ານໂດລາ.ໂຄງການດັ່ງກ່າວລວມມີການກໍ່ສ້າງອາຄານທີ່ຈຳເປັນ ແລະ ການສະໜອງອຸປະກອນການແພດສຳລັບສອງໂຮງໝໍ.ອ່ານຕໍ່ ...

(ຂປລ) ປະຊາຊົນລາວທ້ອງຖິ່ນ ແລະ ຕ່າງປະເທດ ຈຳນວນຫຼາຍຫຼັ່ງໄຫຼເຂົ້າໄປສວນເຈົ້າອານຸວົງ ໃນວັນທີ 23 ມັງກອນນີ້ ເພື່ອຢ້ຽມຊົມເທດສະການອາຫານລາວ ເຊິ່ງມີບູ໊ດວາງສະແດງອາຫານ, ຜະລິດຕະພັນກະສິກຳ ແລະ ຫັດຖະກຳທັງພາຍໃນ ແລະ ຕ່າງປະເທດ ກວ່າ 180 ບູ໊ດ.ງານດັ່ງກ່າວຈະມີຂຶ້ນແຕ່ວັນທີ 23-26 ມັງກອນນີ້ ແຕ່ເວລາ 8:00 ເຊົ້າເຖິງ 10.00 ແລງ, ແນໃສ່ສົ່ງເສີມການອະນຸລັກອາຫານລາວທ້ອງຖິ່ນ ແລະ ວັດທະນະທຳທີ່ກ່ຽວຂ້ອງ, ເພື່ອດຶງດູດນັກທ່ອງທ່ຽວຕ່າງປະເທດ ໂດຍສະເພາະຈາກປະເທດອາຊຽນໃຫ້ເຂົ້າມາທ່ຽວລາວ, ແລະ ເປັນການສົ່ງເສີມໂອກາດສຳລັບຜູ້ປະກອບການແມ່ຍິງ ໃນຂະແໜງທຸລະກິດອາຫານ ໃນການນຳສະເໜີສິນຄ້າ ແລະ ການບໍລິການຂອງເຂົາເຈົ້າ, ອີງຕາມ ທ່ານນາງ ຈັນທະຈອນ ວົງໄຊ ປະທານສະມາຄົມທຸລະກິດແມ່ຍິງລາວ.ອ່ານຕໍ່ ...

(ຂປລ) ຄະນະລັດຖະບານ, ເອກອັກຄະລັດຖະທູດ ແລະ ຕາງໜ້າອົງການສະຫະປະຊາຊາດ ເດີນທາງໄປທີ່ແຂວງຄຳມ່ວນໃນວັນທີ 21-22 ມັງກອນ ເພື່ອຕິດຕາມຄວາມຄືບໜ້າໃນການຈັດຕັ້ງປະຕິບັດໂຄງການທຶນຊ່ວຍເຫຼືອລ້າສຸກເສີນ ທີ່ ສປປ ລາວ ໄດ້ຮັບຈາກກອງທຶນເພື່ອການຮັບມືກັບເຫດສຸກເສີນສູນກາງຂອງສະຫະປະຊາຊາດ (CERF) ໃນທ້າຍເດືອນຕຸລາທີ່ຜ່ານມາ.ສປປ ລາວ ໄດ້ຮັບທຶນຊ່ວຍເຫຼືອລ້າ US$3.5 ລ້ານໂດລາດັ່ງກ່າວ ເປັນການຊ່ວຍເຫຼືອເພື່ອມະນຸດສະທຳ ສຳລັບຜູ້ປະສົບໄພນ້ຳຖ້ວມຄັ້ງຮ້າຍແຮງໃນປີກາຍນີ້ ທີ່ແຂວງຄຳມ່ວນ. ການຈັດຕັ້ງປະຕິບັດໂຄງການທຶນຊ່ວຍເຫຼືອດັ່ງກ່າວ ປະຈຸບັນແມ່ນດຳເນີນມາໄດ້ເຄິ່ງທາງແລ້ວ ແລະ ມາເຖິງຂັ້ນຕອນການປະເມີນຜົນໄດ້ຮັບຈາກການປະຕິບັດຈົນເຖິງປະຈຸບັນ.ອ່ານຕໍ່ ...

(ຂປລ) ເອັມພອຍມາດ (M-Point Mart) ຮ່ວມມືກັບທຸລະກິດມີນີບິກຊີ (Mini Big C) ຂອງໄທ ເພື່ອປັບປ່ຽນຮູບແບບສາຂາຮ້ານສະດວກຊື້ໃຫ້ຕອບສະໜອງຕໍ່ຄວາມຕ້ອງການຂອງລູກຄ້າໃນນະຄອນຫຼວງວຽງຈັນຫຼາຍຂຶ້ນ.ການຮ່ວມທຸລະກິດດັ່ງກ່າວຄາດວ່າຈະສ້າງວຽກເຮັດງານທຳ 500 ອັດຕາສຳລັບປະຊາຊົນໃນທ້ອງຖິ່ນ ທັງເປັນການສ້າງລາຍໄດ້ໃຫ້ແກ່ຊຸມຊົນທ້ອງຖິ່ນ ທັງເປັນການປັບປ່ຽນສາຂາຮ້ານເອັມພອບທັງ 42 ສາຂາ ໃຫ້ເປັນຮ້ານສະດວກຊື້ທັນສະໄໝທີ່ຄົບຖ້ວນໄປດ້ວຍສິນຄ້າ ແລະ ການບໍລິການພາຍໃນໄຕມາດທຳອິດຂອງປີ 2019.ອ່ານຕໍ່ ...

(ຂປລ) ໃນອາທິດແລ້ວນີ້ ອົງການກາແດງລາວໄດ້ມອບເງິນຊ່ວຍເຫຼືອບັນເທົາທຸກກວ່າ 1.04 ຕື້ກີບໃຫ້ແກ່ຄອບຄົວຜູ້ປະສົບໄພນ້ຳຖ້ວມກວ່າ 1,400 ຄອບຄົວ ໃນ 9 ບ້ານຂອງເມືອງສະໜາມໄຊ ແຂວງອັດຕະປື.ເມືອງສະໜາມໄຊໄດ້ປະສົບໄພນ້ຳຖ້ວມຢ່າງໜັກ ເນື່ອງຈາກສັນເຂື່ອນເຊປຽນ-ເຊນ້ຳນ້ອຍແຕກໃນທ້າຍເດືອນກໍລະກົດປີກາຍນີ້. ໄພນ້ຳຖ້ວມດັ່ງກ່າວເຮັດໃຫ້ມີຜູ້ເສຍຊີວິດກວ່າ 40 ຄົນ ແລະອີກຫຼາຍສິບຄົນຍັງຄົງສູນຫາຍ.ອ່ານຕໍ່ ...

(ຂປລ) ການຂະຫຍາຍຕົວດ້ານເສດຖະກິດຂອງ ສປປ ລາວ ຄາດວ່າຈະຢູ່ທີ່ 6.5% ໃນປີ 2018 ຫຼຸດລົງຈາກ 6.9% ໃນປີ 2017, ເຊິ່ງສ່ວນໜຶ່ງແມ່ນຍ້ອນຜົນກະທົບຈາກໄພນ້ຳຖ້ວມຄັ້ງຮ້າຍແຮງເປັນບໍລິເວນກວ້າງໃນປີຜ່ານມາ.ຂະແໜງການກໍ່ສ້າງພື້ນຖານໂຄງລ່າງ, ການສົ່ງອອກກະແສໄຟຟ້າ ແລະ ການບໍລິການ ແມ່ນຕົວຂັບເຄື່ອນຫຼັກຂອງການຂະຫຍາຍຕົວໃນປີ 2018.ອ່ານຕໍ່ ...

(ຂປລ) ລັດຖະບານຍີ່ປຸ່ນທຳການມອບຮັບໂຮງຮຽນ ທີ່ກໍ່ສ້າງພາຍໃຕ້ທຶນຊ່ວຍເຫຼືອຂອງໂຄງການຊ່ວຍເຫຼືອຍີ່ປຸ່ນເພື່ອຮາກຖານຄວາມໝັ້ນຄົງຂອງມະນຸດ (GGP) ທີ່ເມືອງນາໝໍ້ ແຂວງອຸດົມໄຊ.ພິທີມອບດັ່ງກ່າວແມ່ນໄດ້ຈັດຂື້ນ ໃນວັນທີ 16 ມັງກອນ 2019 ທີ່ແຂວງອຸດົມໄຊ ລະຫວ່າງທ່ານ ປອ ຄຳພັນ ເຜີຍຍະວົງ ເຈົ້າແຂວງແຂວງອຸດົມໄຊ ແລະ ທ່ານ ທາເຄຊິ ຮິກິຮາຣະ ເອກອັກຄະລັດຖະທູດຍີ່ປຸ່ນປະຈຳ ສປປ ລາວ.ອ່ານຕໍ່ ...

(ຂປລ) ໃນວັນພຸດນີ້ ທ່ານ ຊິນ ຊຸງ ຊຸນ ເອກອັກຄະລັດຖະທູດສາທາລະນະລັດເກົາຫຼີ ໄດ້ມອບລົດໂຮງໝໍຈຳນວນ 3 ຄັນ ມູນຄ່າ US$ 156,000 ໂດລາ ໃຫ້ທ່ານ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ເພື່ອສົ່ງມອບໃຫ້ແກ່ພະແນກສາທາລະນະສຸກແຂວງອັດຕະປື ແລະໂຮງໝໍແຂວງອັດຕະປື.ອ່ານຕໍ່ ...

(ຂປລ) ງານວາງສະແດງອະສັງຫາລິມະຊັບ Laorealestate.la Expo 2019 ຄັ້ງທຳອິດໃນປະເທດລາວ ຈະຈັດຂຶ້ນທີ່ໂຮງແຮມດອນຈັນພາເລສ໌ ໃນວັນທີ 1 ແລະ 2 ເດືອນມີນາ ເຊິ່ງຈະມີບໍລິສັດອະສັງຫາກວ່າ 40 ແຫ່ງເຂົ້າຮ່ວມວາງສະແດງ.ອ່ານຕໍ່  ...