Bangkok Post

ພະນົມເປັນ: ຜູ້ຊ່ຽວຊານໄດ້ອອກມາເຕືອນ ໃນວັນອັງຄານນີ້ວ່າ ສີ່ປະເທດໃນພາກພຶ້ນລຸ່ມແມ່ນ້ຳຂອງ ອາດຕ້ອງຜະເຊິນກັບໄພແລ້ງຄັ້ງຮ້າຍແຮງເຖິງຮ້າຍແຮງທີ່ສຸດ ທີ່ສົ່ງຜົນກະທົບຕໍ່ການຜະລິດກະສິກຳ ນັບແຕ່ນີ້ໄປເຖິງເດືອນມັງກອນປີໜ້າ.ຕາມຄຳເຫັນຂອງຄະນະກຳມາທິການແມ່ນ້ຳຂອງ, ໄພແລ້ງປີນີ້ ໄດ້ເຮັດໃຫ້ລະດັບນ້ຳໃນແມ່ນ້ຳຂອງ ຫຼຸດລົງຕ່ຳທີ່ສຸດໃນຮອບ 60 ປີເປັນຢ່າງໜ້ອຍ, ໃນຂະນະທີ່ຫຼາຍເຂດຂອງແມ່ນ້ຳຂອງຕອນລຸ່ມ ກໍຜະເຊີນສະພາບນ້ຳໄຫຼໜ້ອຍໃນທົ່ວພາກພື້ນ ນັບແຕ່ເດືອນມິຖຸນາເປັນຕົ້ນມາ.ອ່ານຕໍ່ ...

ໂຮງງານໄຟຟ້າຂະໜາດໃຫຍ່ທີ່ສ້າງຢູ່ລາວ ໄດ້ເລີ່ມຕົ້ນການດຳເນີນການເພື່ອທຸລະກິດ.ເຂື່ອນໄຟຟ້ານ້ຳງຽບ 1 ເຊິ່ງປະກອບດ້ວຍສອງສະຖານນີໄຟຟ້າ ມີກຳລັງການຜະລິດປະມານ 1.6 ຕື້ກິໂລວັດໂມງຕໍ່ປີ, ຕາມການເປີດເຜີຍຂອງບໍລິສັດພະລັງງານໄຟຟ້າຄັນໄຊຂອງຍີ່ປຸ່ນ ໃນວັນສຸກແລ້ວນີ້.ບໍລິສັດໄຟຟ້ານ້ຳງຽບ 1 ເຈົ້າຂອງເຂື່ອນໄຟຟ້າດັ່ງກ່າວ ຈະສະໜອງພະລັງງານໄຟຟ້າຈາກສາຖານນີໃຫຍ່ໃຫ່ແກ່ປະເທດໄທ, ສ່ວນອີກສະຖານນີໜຶ່ງແມ່ນສຳລັບຊົມໃຊ້ພາຍໃນລາວ, ເຊິ່ງທັງສອງມີອາຍຸການສຳປະທານ 27 ປີ, ຕາມການເປີດເຜີຍດັ່ງກ່າວ.ອ່ານຕໍ່ ...

ປະເທດກຳປູເຈຍໄດ້ຮຽກຮ້ອງໃຫ້ລາວເລັ່ງລັດໃນການສົ່ງມອບໄຟຟ້າໃຫ້ແກ່ລາດຊະອານາຈັກກຳປູເຈຍ ຕາມຂໍ້ຕົກລົງທີ່ໄດ້ມີການລົງນາມກັນໃນຕົ້ນປີນີ້.ໃນເດືອນມີນາ, ບໍລິສັດໄຟຟ້າແຫ່ງກຳປູເຈຍ (EDC) ໄດ້ລົງນາມໃນຂໍ້ຕົກລົງຊື້ຂາຍໄຟຟ້າຈຳນວນ 200 ເມກາວັດຈາກລາວແຕ່ປີ 2019 ຫາ 2020.ທ່ານ ພັນ ສໍຣະສັກ ລັດຖະມົນຕີກະຊວງການຄ້າຂອງກຳປູເຈຍໄດ້ຮຽກຮ້ອງຕໍ່ທ່ານ ອຳໄພ ກິດາວົງ ເອກອັກຄະລັດຖະທູດລາວ ໃຫ້ຝ່າຍລາວດຳເນີນການສົ່ງມອບກະແສໄຟຟ້າດັ່ງກ່າວໃຫ້ໄວທີ່ສຸດ, ຕາມການລາຍງານຂອງສຳນັກຂ່າວ ຂະແມທາມສ໌ ຂອງກຳປູເຈຍໃນວັນພຸດນີ້.ອ່ານຕໍ່ ...

ຜູ້ຕ້ອງສົງໄສຕົ້ນຕໍໃນຂະບວນການຄ້າມະນຸດຂ້າມຊາດ ໄດ້ຖືກຈັບກຸມຢູ່ທີ່ຮ້ານຄາຣາໂອເກະຊາຍແດນໃນຈັງຫວັດນາລາທິວາດ, ແລະ ແມ່ຍິງລາວຫຼາຍຄົນໄດ້ຮັບການຊ່ວຍເຫຼືອຈາກຂະບວນການຄ້າມະນຸດ.ການຂະຫຍາຍຜົນຈັບກຸມດັ່ງກ່າວແມ່ນມາຈາກການຫຼົບໜີຂອງແມ່ຍິງລາວທີ່ຖືກບັງຄັບໃຫ້ຄ້າປະເວນີ, ເຊິ່ງເດີນທາງກັບບ້ານ ແລະ ພົບວ່າຕົນເອງຖືພາ ແລະ ຕິດເຊື້ອຊີຟີລີດ. ລາວຈຶ່ງຊອກຫາຄວາມຊ່ວຍເຫຼືອ.ອ່ານຕໍ່ ...

ການເດີນທາງທົ່ວພາກພື້ນອາຊຽນຈະສະດວກຍິ່ງຂຶ້ນ ຍ້ອນແຜນການກໍ່ສ້າງເສັ້ນທາງດ່ວນໜຶ່ງສາຍ ແລະ ເສັ້ນທາງດ່ວນຄວບຄຸມອີກສາມສາຍ ເຊິ່ງມີໄລຍະລວມກວ່າ 1,700 ກິໂລແມັດ ເພື່ອເຊື່ອມຕໍ່ປະເທດລາວກັບຈີນ ແລະ ຫວຽດນາມ.ປະເທດລາວຕ້ອງໃຊ້ງົບປະມານຢ່າງຕ່ຳ 283 ຕື້ບາດເພື່ອສຳເລັດຄວາມທະເຍີທະຍານດັ່ງກ່າວ, ທ່ານ ແພງ ດວງເງິນ ຫົວໜ້າກົມໂຍທາທິການຂອງລາວກ່າວ.ອ່ານຕໍ່  ...

ລາວໄດ້ຕົກລົງສະໜອງຂໍ້ມູນ ແລະ ຂ່າວສານກ່ຽວກັບຊັບພະຍາກອນແຫຼ່ງນ້ຳ ແລະ ແຜນການຄຸ້ມຄອງແຫຼ່ງນ້ຳ ທີ່ກ່ຽວຂ້ອງກັບແມ່ນ້ຳຂອງໃຫ້ແກ່ເຈົ້າໜ້າທີ່ໄທ ເພື່ອປະເມີນສະຖານະການນ້ຳ ແລະ ດຳເນີນມາດຕະການເພື່ອປ້ອງກັນໄພນ້ຳຖ້ວມໃນແປດຈັງຫວັດທາງພາກຕາເວັນອອກສຽງເໜືອຂອງໄທ.ອ່ານຕໍ່ ...

ໃນຖານະເປັນປະເທດທີ່ມີປະສົບການໃນການຂ້າມຜ່ານ, ປະເທດໄທຄວນມີບົດບາດສຳຄັນໃນການຊ່ວຍເຫຼືອປະເທດລາວທີ່ບໍ່ມີຊາຍແດນຕິດທະເລ ໃນການສົ່ງເສີມການຂະຫຍາຍຕົວດ້ານເສດຖະກິດ ເພື່ອໃຫ້ບັນລຸຕາມເປົ້າໝາຍຂອງແຜນງານວຽນນາ 10 ປີ (VPoA) ສຳລັບປະເທດທີ່ບໍ່ມີຊາຍແດນອອກສູ່ທະເລ ສຳລັບທົດສະວັດ 2014-2024, ຕາມຄຳເຫັນຂອງຫົວໜ້າແຜນງານ.ອ່ານຕໍ່ ...

ພະນົມເປັນ: ບໍລິສັດໂຮຢາ ຜູ້ຜະລິດໄຍແກ້ວຈາກປະເທດຍີ່ປຸ່ນ ຈະສ້າງໂຮງງານຂະໜາດໃຫຍ່ໃນລາວ ເພື່ອຜະລິດພື້ນຜິວໃຍແກ້ວສຳລັບໜ່ວຍເກັບຂໍ້ມູນ hard disk drives ເພື່ອສະໜອງຄວາມຕ້ອງການທີ່ເພີ່ມຂຶ້ນເນື່ອງຈາກການຂະຫຍາຍຕົວຂອງການສົ່ງຖ່າຍຂໍ້ມູນໃນທົ່ວໂລກ.ອ່ານຕໍ່  ...

ປະເທດໄທ ແລະ ລາວ ມີເປົ້າໝາຍສົ່ງເສີມການຮ່ວມມືສອງຝ່າຍໃນສາມຂົງເຂດວຽກງານ — ການເມືອງ ແລະ ຄວາມສະຫງົບ, ເສດຖະກິດ ແລະ ການພັດທະນາສັງຄົມ — ໃນກອງປະຊຸມທົບທວນການຮ່ວມມືຄັ້ງທີ 3 (JCR) ໃນວັນພະຫັດທີ່ຜ່ານມາ ທີ່ນະຄອນວຽງຈັນອ່ານຕໍ່ ...

ພະເຍົາ: ເຖິງຈະມີການຍົກລະດັບດ່ານຊາຍແດນບ້ານຮວກ ອຳເພີພູຊາງ ໃຫ້ເປັນດ່ານຊາຍແດນຖາວອນ, ແຕ່ວ່າມີພຽງປະຊາຊົນທ້ອງຖິ່ນທີ່ໄດ້ຮັບອະນຸຍາດໃນການເດີນທາງຂ້າມຊາຍແດນໄປສູ່ປະເທດລາວໃນປະຈຸບັນ. ວິລຸນ ສຸດທິວົງອ່ານຕໍ່ ...