News

ຜູ້ປະສົບເຄາະນ້ຳຖ້ວມທີ່ເມືອງສະໜາມໄຊ ແຂວງອັດຕະປື ຍັງຄົງຕ້ອງການເຄື່ອງອຸປະໂພກບໍລິໂພກທີ່ຈຳເປັນ ເຊັ່ນ ອາຫານ, ເຂົ້າ, ນ້ຳດື່ມ, ເຄື່ອງນຸ່ງຫົ່ມ, ຜ້າຫົ່ມ, ຢາ ແລະ ເຄື່ອງໃຊ້ສອຍປະຈຳວັນອື່ນໆ. ມີປະຊາຊົນກວ່າ 10,000 ຄົນທີ່ພັກພິງຢູ່ທີ່ສູນພັກພິງຊົ່ວຄາວ ທີ່ແຂວງອັດຕະປື ແລະ ແຂວງຈຳປາສັກ ຫຼັງຈາກເຫດໄພນ້ຳຖ້ວມໃນ 13 ບ້ານ ຕາມການລາຍງານຂອງທ່ານ ບຸນໂຮມ ພົມມະເສນ ເຈົ້າເມືອງສະໜາມໄຊ.ອ່ານຕໍ່ ...

ເມືອງສະໜາມໄຊ ແຂວງອັດຕະປື: ເຈົ້າໜ້າທີ່ຮັບຜິດຊອບພາລະກິດກູ້ໄພໃນການຄົ້ນຫາຜູ້ປະສົບເຄາະທີ່ສູນຫາຍ ເຊິ່ງໄດ້ຮັບຜົນກະທົບຈາກເຂື່ອນໄຟຟ້າເຊປຽນ-ເຊນ້ຳນ້ອຍແຕກ ທີ່ເມືອງສະໜາມໄຊ ແຂວງອັດຕະປື ແຈ້ງວ່າໄດ້ພົບຊິ້ນສ່ວນຊາກສົບຂອງຜູ້ປະສົບເຄາະເພີ່ມເຕີມໃນວັນທີ 28 ກໍລະກົດ. ນັບແຕ່ເກີດເຫດໄພພິບັດດັ່ງກ່າວໃນວັນທີ 23 ກໍລະກົດມານີ້ ທີມກູ້ໄພໄດ້ຄົ້ນພົບຊິ້ນສ່ວນຂອງຜູ້ສູນຫາຍແລ້ວ 10 ຄົນ.ອ່ານຕໍ່ ...

ທ່ານ ທອງລຸນ ສີສຸລິດ ນາຍົກລັດຖະມົນຕີ ຖະແຫຼງໃນວານນີ້ວ່າ ລັດຖະບານລາວຈະເຮັດວຽກຮ່ວມກັບບັນດາບໍລິສັດຜູ້ຖືຫຸ້ນໂຄງການເຂື່ອນໄຟຟ້ານ້ຳຕົກເຊປຽນ-ເຊນ້ຳນ້ອຍ ເພື່ອສືບສວນສອບສວນຫາສາເຫດທີ່ແທ້ຈິງຂອງການແຕກພັງຂອງສັນເຂື່ອນຂອງໂຄງການ.ອ່ານຕໍ່ ...

ຊ່ວງໄລຍະຕົ້ນເດືອນນີ້ຫາປະຈຸບັນ ແຂວງຊຽງຂວາງມີຝົນຕົກໜັກຢ່າງຕໍ່ເນື່ອງ ເຮັດໃຫ້ນ້ຳຖ້ວມຢູ່ຫຼາຍພື້ນທີ່ພາຍໃນແຂວງຊຽງຂວາງ 7 ເມືອງຂອງແຂວງແມ່ນໄດ້ຮັບຜົນເສຍຫາຍຫຼາຍຢ່າງ ເປັນຕົ້ນແມ່ນເມືອງແປກ ທີ່ເສຍຫາຍຫຼາຍກ່ວາເມືອງອື່ນ ມີ 37 ບ້ານຂອງເມືອງແປກທີ່ໄດ້ຮັບຜົນເສຍຫາຍ, ນ້ຳຖ້ວມເຮືອນເປ່ເພ 41 ຫຼັງ, ນ້ຳຖ້ວມທົ່ງນາເສຍຫາຍປະມານ 475,4 ເຮັກຕາ, ສວນ 0,5ເຮັກຕາ, ເລົ້າເຂົ້າເສຍຫາຍ 24 ເລົ້າ, ຂົວຂາດ 4 ແຫ່ງ, ເສັ້ນທາງເປ່ເພ 4 ຈຸດ, ເສັ້ນທາງຂາດ 2 ຈຸດ, ເສົາໄຟຟ້າ(ເສົາເຫຼັກ)ໂຄ່ນລົ້ມ 13 ຕົ້ນ, ນ້ຳຖ້ວມປ້ຳນ້ຳມັນ 1 ປ້ຳ, ຖ້ວມຟາມໄກ່ 2 ແຫ່ງ ຊົນລະປະທານ ແລະ ຝາຍເປ່ເພເສຍຫາຍ ແລະ ອື່ນໆ.ອ່ານຕໍ່ ...

ທີມງານກູ້ໄພຈາກຕ່າງປະເທດໄດ້ຮັບບູລິມະສິດໃນການເຂົ້າມາໃນລາວຜ່ານດ່ານກວດຄົນເຂົ້າເມືອງ ເພື່ອຊ່ວຍໃນພາລະກິດກູ້ໄພທີ່ແຂວງອັດຕະປື.ອ່ານຕໍ່ ...

ອັດຕະປື: ມາຮອດຕອນແລງວານນີ້ ພາລະກິດການຄົ້ນຫາ ແລະ ກູ້ໄພຫາກໍ່ປະຕິບັດໄດ້ 30 ເປີເຊັນຂອງພື້ນທີ່ທັງໝົດ ໃນ 13 ບ້ານທີ່ຖືກຜົນກະທົບຈາກໄພນ້ຳຖ້ວມທີ່ແຂວງອັດຕະປື ເນື່ອງຈາກຄວາມສະຫຼັບສັບຊ້ອນຂອງພູມມີປະເທດ ແລະ ສະພາບທີ່ບໍ່ເອື້ອອຳນວຍເຮັດໃຫ້ການຄົ້ນຫາຊັກຊ້າ ຕາມການລາຍງານຂອງການນຳ.ອ່ານຕໍ່ ...

ຕາມການລາຍງານຂອງຜູ້ຮັບເໝົາໂຄງການ, ໜຶ່ງໃນເຂື່ອນໄຟຟ້ານ້ຳຕົກທີ່ໃຫຍ່ທີ່ສຸດໃນລາວໄດ້ສັ່ງຢຸດການຜະລິດກະແສໄຟຟ້າເປັນການຊົ່ວຄາວ ເພື່ອຫຼຸດຄວາມສ່ຽງໃນການເກີດໄພນ້ຳຖ້ວມໃນພື້ນທີ່ລຸ່ມແມ່ນ້ຳເຊບັ້ງໄຟ. ບໍລິສັດໄຟຟ້ານ້ຳເທີນ 2 ໄດ້ແຈ້ງການໃນອາທິດນີ້ວ່າ ທາງບໍລິສັດໄດ້ທຳການປິດເຄື່ອງຈັນປັ່ນໄຟ ຈຳນວນຫ້າໃນຫົກເຄື່ອງໃນໂຮງງານໄຟຟ້າຂອງຕົນ ໃນໃຈກາງແຂວງຄຳມ່ວນ ມາຕັ້ງແຕ່ວັນທີ 24 ກໍລະກົດ ເພື່ອຊະງັກການປ່ອຍນ້ຳລົງສູ່ແມ່ນ້ຳເຊບັ້ງໄຟ.ອ່ານຕໍ່ ...

ລັດຖະບານລາວປະຕິບັດພັນທະໃນການປັບປຸງລະບົບກນບໍລິຫານຈັດການໄພພິບັດທົ່ວປະເທດ ໂດຍການຈັດຕັ້ງຄະນະກຳມະການພິເສດສະເພາະກິດເພື່ອກວດກາການຄຸ້ມຄອງວິກິດການລະດັບຊາດ.ອ່ານຕໍ່ ...

(ຂປລ) ທ່ານ ຄຳມະນີ ອິນທິລາດ ກ່າວຕໍ່ສື່ມວນຊົນທີ່ວຽງຈັນໃນວັນພະຫັດນີ້ວ່າ ການພັງຂອງສັນເຂື່ອນ D ຂອງໂຄງການເຂື່ອນໄຟຟ້ານ້ຳຕົກເຊນ້ຳນ້ອຍ-ເຊປຽນ ຄັ້ງວັນທີ່ 23 ກໍລະກົດ ແມ່ນມີສາເຫດມາຈາກການກໍ່ສ້າງຕ່ຳກວ່າລະດັບມາດຕະຖານ. ສັນເຂື່ອນດັ່ງກ່າວໄດ້ພັງລົງໃນເວລາ 20.00 ຂອງວັນຈັນ ວັນທີ 23 ກໍລະກົດ ສົ່ງຜົນໃຫ້ນ້ຳປະລິມານ 0.5 ຕື້ແມັດກ້ອນໄຫຼຖ້ວມເຮືອນຊານປະຊາຊົນຈຳນວນຫຼວງຫຼາຍ ໃນຕອນໃຕ້ຂອງເມືອງສະໜາມໄຊ. ມາຮອດວານນີ້ ຍອດຜູ້ເສຍຊີວິດເພີ່ມຂຶ້ນເປັນ 27 ຄົນ ແລະ ອີກ 131 ຄົນຍັງສູນຫາຍ.ອ່ານຕໍ່ ...

ທີມກູ້ໄພລາວ, ໄທ ແລະ ຈີນເລັ່ງມືຄົ້ນຫາຜູ້ລອດຊີວິດ ແລະ ສືບຄົ້ນຮ່ອງຮອຍຜູ້ທີ່ຍັງສູນຫາຍຕັ້ງແຕ່ຄືນວັນຈັນຜ່ານມາ ຢູ່ບັນດາບ້ານທີ່ຖືກນ້ຳຖ້ວມທີ່ເມືອງສະໜາມໄຊ ແຂວງອັດຕະປື. ທີມນັກກູ້ໄພຈາກໄທແມ່ນທີມງານທຳອິດຈາກຕ່າງປະເທດທີ່ລົງພື້ນທີ່ເພື່ອຊ່ວຍເຫຼືອຜູ້ປະສົບເຄາະໄພນ້ຳຖ້ວມທີ່ເມືອງສະໜາມໄຊ ຫຼັງຈາກສັນເຂື່ອນ D ຂອງເຂື່ອນໄຟຟ້ານ້ຳຕົກເຊປຽນ-ເຊນ້ຳນ້ອຍແຫງ ແລະ ແຕກເປັນບາງສ່ວນ.ອ່ານຕໍ່ ...