ການພັດທະນາດ້ານສັງຄົມ

ໃນປີນີ້ ບັນດາໂຮງຮຽນໃນທົ່ວປະເທດໄດ້ຍື່ນຄຳຮ້ອງຂໍຄູສອນຕື່ມອີກຈຳນວນ 2,979 ອັດຕາ ຕໍ່ກະຊວງສຶກສາທິການ ແລະ ກິລາ ແຕ່ວ່າລັດຖະບານສາມາດສະໜອງໂກຕາພະນັກງານຄູ ໄດ້ພຽງແຕ່ 1,850 ອັດຕາ. ທ່ານນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາ ໄດ້ເປີດເຜີຍຕົວເລກດັ່ງກ່າວໃນກອງປະຊຸມສະໄໝສາມັນຂອງສະພາແຫ່ງຊາດ ຄັ້ງວັນທີ 5-28 ມີຖຸນານີ້.ອ່ານຕໍ່ ...

ອະດີດນັກສຶກສາຈາກອົສຕຣາລີ ສະໜັບສະໜູນການພັດທະນາຜູ້ບໍລິຫານດ້ານຊັບພະຍາກອນມະນຸດແບບມືອາຊີບໃນລາວ ໃນເວທີປະຊຸມວິຊາການດ້ານຊັບພະຍາກອນມະນຸດຄັ້ງທີສອງ ທີ່ວຽງຈັນ.ອ່ານຕໍ່ ...

ຄະນະເສດຖະສາດ ແລະ ບໍລິຫານທຸລະກິດ, ມະຫາວິທະຍາໄລແຫ່ງຊາດ (ມຊ) ຈະເປີດຫຼັກສູດປະລິນຍາຕີໃໝ່ໃນຂະແໜງເສດຖະສາດ ແລະ ການວາງແຜນການພັດທະນາ ໃນສົກສຶກສາ 2018-2019 ທີ່ຈະມາເຖິງນີ້. ກະຊວງສຶກສາທິການ ແລະ ກິລາ, ແລະ ມະຫາວິທະຍາໄລແຫ່ງຊາດ ໄດ້ຮ່ວມກັນຈັດຕັ້ງພິທີເປີດຫຼັກສູດໃໝ່ດັ່ງກ່າວໃນວັນພຸດນີ້ທີ່ວຽງຈັນ.ອ່ານຕໍ່ ...

ພະນັກງານການນຳໄດ້ກ່າວໃນກອງປະຊຸມປຶກສາຫາລືລະດັບໂລກໃນອາທິດແລ້ວນີ້ວ່າ ປະເທດລາວຈະສືບຕໍ່ຮ່ວມມືກັບຄູ່ຮ່ວມພັດທະນາໃນການຊອກຫາວິທີການລົບລ້າງການໃຊ້ຄວາມຮຸນແຮງຕໍ່ເດັກນ້ອຍ. ທ່ານ ປອ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໄດ້ຢືນຢັນໃນກອງປະຊຸມຜູ້ນຳໂລກວ່າດ້ວຍການເກືອດຫ້າມການໃຊ້ຄວາມຮຸນແຮງທາງຮ່າງກາຍສາກົນ ເຊິ່ງຈັດຂຶ້ນທີ່ປະເທດມາລຕາ ໃນວັນທີ 31 ພຶດສະພາ – 1 ມີຖຸນາທີ່ຜ່ານມາວ່າເດັກນ້ອຍລາວທຸກຄົນຈະຕ້ອງມີຄວາມປອດໄພຈາກຄວາມຮຸນແຮງ, ການທາລຸນນະກຳ ແລະ ການລ່ວງລະເມີດຕ່າງໆ.ອ່ານຕໍ່ ...

(ຂປລ) ຕາມບົດຄົ້ນຄວ້າຂອງສະຫະປະຊາຊາດ, ຫຼາຍກວ່າ 1 ໃນ 20 ຂອງແມ່ຍິງໜຸ່ມນ້ອຍບໍ່ມີໂອກາດເຂົ້າໂຮງຮຽນ ແລະ 1 ໃນ 5 ຈຳຕ້ອງລາອອກຈາກໂຮງຮຽນ. ໃນການຄົ້ນຄວ້າເຊິ່ງດຳເນີນໂດຍກອງທຶນສະຫະປະຊາຊາດເພື່ອປະຊາກອນ ພົບວ່າເກືອບ 2 ໃນ 10 ຂອງເດັກຍິງອາຍຸແຕ່ 15-19 ປີໄດ້ແຕ່ງງານ ແລະ ຫຼາຍກວ່າ 1 ໃນ 10 ຂອງເດັກຍິງອາຍຸແຕ່ 15-19 ໄດ້ເລີ່ມລ້ຽງລູກ.ອ່ານຕໍ່ ...

ສະຖາບັນແມັກຟາເລນເບີນເນັດເພື່ອການຄົ້ນຄວ້າດ້ານການແພດ ແລະ ສາທາລະນະສຸກແຫ່ງອົສະຕຣາລີ ຈະມອບທຶນຊ່ວຍເຫຼືອກວ່າ 700,000 ໂດລາສະຫະລັດສຳລັບປີ 2018-2021 ເພື່ອຊ່ວຍຫຼຸດຜ່ອນການຂາດສານອາຫານຂອງເດັກໃນເມືອງເປົ້າໝາຍໃນແຂວງວຽງຈັນ.ອ່ານຕໍ່ ...

ລັດຖະບານສະຫະລັດໄດ້ປະກາດໃຫ້ການຊ່ວຍເຫຼືອຊຸດໃໝ່ເປັນຈຳນວນ 27.4 ລ້ານໂດລາສະຫະລັດ ເພື່ອເປັນທຶນໃຫ້ແກ່ໂຄງການອາຫານໂຮງຮຽນ ເພື່ອຊ່ວຍສ້າງຄວາມເຂັ້ມແຂງໃນການລິເລີ່ມໂຄງການອາຫານໂຮງຮຽນແຫ່ງຊາດຂອງລັດຖະບານລາວ.ອ່ານຕໍ່  ...

ການຕື່ມທາດອາຫານເສີມໃສ່ໃນອາຫານປຸງແຕ່ງສຳເລັດຮູບ ເປັນໜຶ່ງໃນວິທີການທີ່ມີປະສິດທິຜົນ ແລະ ປະຢັດງົບປະມານໃນການປັບປຸງສະຖານະພາບດ້ານໂພຊະນາການຂອງປະຊາຊົນ ທີ່ຊ່ຽວຊານສາທາລະນະສຸກກຳລັງໃຫ້ຄວາມສົນໃຈ. ໃນກອງປະຊຸມໃນວັນພະຫັດທີ່ຜ່ານມານີ້ ໄດ້ມີການປຶກສາຫາລືບັນຫາດັ່ງກ່າວ ເຊິ່ງຊ້ອງໜ້າໂດຍ ທ່ານນາງ ຊາຣາ ກໍດອນຈິບສັນ ອຳນວຍການໃຫຍ່ ຜູ້ຕາງໜ້າອົງການອາຫານໂລກປະຈຳລາວ ພ້ອມພະນັກງານຈາກກະຊວງສາທາລະນະສຸກ, ກະຊວງແຜນການ ແລະ ການລົງທຶນ, ກະຊວງກະສິກຳ ແລະ ປ່າໄມ້, ກະຊວງອຸດສາຫະກຳ ແລະ ການຄ້າ,​ ກະຊວງສຶກສາທິການ ແລະ ກິລາ, ແລະ ກະຊວງການເງິນ.ອ່ານຕໍ່ ...

ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ເນັ້ນໃຫ້ເຫັນຄວາມສຳຄັນຂອງການພັດທະນາຊັບພະຍາກອນມະນຸດ ເພື່ອສົ່ງເສີມການຂະຫຍາຍຕົວດ້ານເສດຖະກິດ ແລະ ເຮັດໃຫ້ລາວສາມາດລວມຕົວເຂົ້າກັບບັນດາປະເທດໃນພາກພື້ນ ແລະ ໃນໂລກ. ທ່ານາຍົກໄດ້ໃຫ້ຄຳໂອວາດດັ່ງກ່າວແກ່ນັກສຶກສາ ແລະ ນັກວິຊາການ ທີ່ມະຫາວິທະຍາໄລແຂວງຈຳປາສັກ ໃນວັນສຸກທ່ີຜ່ານມານີ້.ອ່ານຕໍ່ ...

ເຈົ້າໜ້າທີ່ສາທາລະນະສຸກ 50 ທ່ານຈາກແຂວງພາກກາງ ແລະ ພາກໃຕ້ ໄດ້ປະຊຸມກັນທີ່ວຽງຈັນເພື່ອສ້າງຄວາມເປັນເອກະພາບກ່ຽວກັບວາລະການຄົ້ນຄວ້າດ້ານສາທາລະນະສຸກແຫ່ງຊາດ ເຊິ່ງເປັນການສ້າງງພື້ນຖານດ້ານນະໂຍບາຍຂອງລັດໃນຂະແໜງການດັ່ງກ່າວ. ກອງປະຊຸມປຶກສາຫາລືກ່ຽວກັບຜົນເບື້ອງຕົ້ນຂອງວາລະການຄົ້ນຄວ້າດ້ານສາທາລະນະສຸກນີ້ ແມ່ນແນໃສ່ສ້າງຄວາມເປັນເອກະພາບດ້ານຄຳແນະນຳ ແລະ ວາງແຜນບາດກ້າວຕໍ່ໜ້າໃນການສ້າງວາລະການຄົນຄວ້າດ້ານສາທາລະນະສຸກ.ອ່ານຕໍ່ ...