ການພັດທະນາດ້ານສັງຄົມ

ການກໍ່ສ້າງອາຄານໃໝ່ຂອງໂຮງໝໍມະໂຫສົດວຽງຈັນ ເລີ່ມດຳເນີນຢ່າງເປັນທາງການໃນວັນສຸກທີ່ຜ່ານມາ ເພື່ອທົດແທນອາຄານເດີມທີ່ເກົ່າແກ່ກວ່າຮ້ອຍປີ ແມ່ນສ່ວນນຶ້່ງຂອງພາລະກິດການຍົກລະດັບການບໍລິການດ້ານສາທາລະນະສຸກໃນລາວ.ອ່ານຕໍ່    ...

ອົງການຈັດຕັ້ງລັດຖະບານ ພ້ອມດ້ວຍຜູ້ຕາງໜ້າທາງການທູດ ແລະ ອົງການຈັດຕັ້ງສາກົນ ຮ່ວມຊຸມນຸມກັນທີ່ວຽງຈັນເພື່ອສະເຫຼີມສະຫຼອງວັນສ້າງຕັ້ງຖະແຫຼງການວ່າດ້ວຍສິດທິມະນຸດສາກົນ ຄົບຮອບ 70 ປີ ແລະ ໝາກຜົນຂອງການຈັດຕັ້ງປະຕິບັດ ພາຍໃຕ້ການສະໜັບສະໜູນຂອງອົງການສະຫະປະຊາຊາດ, ສະຫະພາບເອີຣົບ ແລະ ອົດສະຕຣາລີ.ພິທີດັ່ງກ່າວໄດ້ຈັດຂຶ້ນໃນວັນທີ 10 ທັນວາ ພາຍໃຕ້ການເຂົ້າຮ່ວມຂອງບັນດາສະມາຊິກອົງການຈັດຕັ້ງສັງຄົມສົງເຄາະ ແລະ ນັກຮຽນນັກສຶກສາ, ຕາມການລາຍງານຂອງກະຊວງການຕ່າງປະເທດລາວ.ອ່ານຕໍ່  ...

ທ່ານປະທານປະເທດ ບຸນຍັງ ວໍລະຈິດ ຊີ້ນຳຕາງໜ້າການນຳຊົນເຜົ່າ ແລະ ຄົນລາວໃນຕ່າງປະເທດໃຫ້ສືບຕໍ່ສະໜັບສະໜູນການພັດທະນາປະເທດຊາດ ໃນກອງປະຊຸມຊົນເຜົ່າທົ່ວປະເທດແຫ່ງຊາດຄັ້ງທີ 3.ກອງປະຊຸມດັ່ງກ່າວໄດ້ຈັດຂຶ້ນວານນີ້ທີ່ຫໍປະຊຸມແຫ່ງຊາດ ນະຄອນວຽງຈັນ ເພື່ອແນໃສ່ສົ່ງເສີມບົດບາດຂອງຊົນເຜົ່າໃນທົ່ວປະເທດເພື່ອປະກອບສ່ວນໃນພາລະກິດປົກປັກຮັກສາແລະ ສ້າງສາປະເທດຊາດ ເຊິ່ງມີຜູ້ຕາງໜ້າເຂົ້າຮ່ວມກວ່າ 500 ຄົນ ຈາກແຕ່ລະຊົນເຜົ່າ, ຊຸມຊົນຄົນລາວໃນຕ່າງປະເທດ ແລະ ການນຳສະມາຊິກອົງການຈັດຕັ້ງສັງຄົມ.ອ່ານຕໍ່  ...

ໂຄງການພັດທະນາທ້ອງຖິ່ນ ເລກທີ ‘LAO/030’ ສາມາດເຂົ້າເຖິງປະຊາຊົນກວ່າ 150 ພັນຄົນໃນສີ່ແຂວງຂອງລາວ ພາຍໃຕ້ທຶນຊ່ວຍເຫຼືອຂອງໂຄງການລິເລີ່ມເພື່ອການຫຼຸດຜ່ອນຄວາມທຸກຍາກໃນລາວຂອງລັດຖະບານລຸກຊຳບວກ.ຄະນະຮັບຜິດຊອບກວດກາໂຄງການພັດທະນາທ້ອງຖິ່ນສຳລັບແຂວງບໍ່ແກ້ວ, ບໍລິຄຳໄຊ, ຄຳມ່ວນ ແລະ ແຂວງວຽງຈັນ – ‘LAO/030’ ໄດ້ເປີດເຜີຍຂໍ້ມູນດັ່ງກ່າວໃນກອງປະຊຸມຄັ້ງທີສອງ ໃນມື້ວານນີ້ ທີ່ນະຄອນວຽງຈັນ.ອ່ານຕໍ່   ...

ຜູ້ຕາງໜ້າຈາກຊົນເຜົ່າຕ່າງໆທົ່ວປະເທດ ແລະ ກຸ່ມຄົນລາວຢູ່ຕ່າງປະເທດ ເຂົ້າຢ້ຽມຄຳນັບທ່ານປະທານປະເທດ ບຸນຍັງ ວໍລະຈິດ ໃນມື້ວານນີ້ ກ່ອນໜ້າກອງປະຊຸມຊົນເຜົ່າແຫ່ງຊາດຄັ້ງທີ 3 ທີ່ນະຄອນວຽງຈັນ.ກອງປະຊຸມຊົນເຜົ່າ ເຊິ່ງຈະຈັດຂຶ້ນທີ່ສູນປະຊຸມແຫ່ງຊາດໃນມື້ນີ້ ມີເປົ້າໝາຍສົ່ງເສີມບົດບາດຂອງປະຊາຊົນບັນດາເຜົ່າທົ່ວປະເທດ ໃນການປະກອບສ່ວນໃນວຽກງານປົກປັກຮັກສາ ແລະ ສ້າງສາປະເທດຊາດ.ອ່ານຕໍ່ ...

ລາວຍັງຕ້ອງສືບຕໍ່ສົ່ງເສີມການລົງທຶນທາງດ້ານໂພຊະນາການໃນລະດັບທ້ອງຖິ່ນ ເພື່ອສ້າງສະພາບແວດລ້ອມທີ່ເອື້ອອຳນວຍໃຫ້ແກ່ການຜະລິດພາຍໃນຊຸມຊົນ ກໍຄືການເຂົ້າເຖິງອາຫານທີ່ມີໂພຊະນາການຂອງຊຸມຊົນ. ອີງຕາມຜົນການສຳຫຼວດຕົວຊີ້ວັດທາງສັງຄົມຂອງລາວ (LSIS-II, 2017), ສະແດງໃຫ້ເຫັນວ່າ ເຖິງວ່າປະເທດລາວມີຕົວເລກເດັກຈ່ອຍຫຼຸດລົງຈາກ 44% ໃນການສຳຫຼວດ LSIS-I  ມາເປັນ 33%, ແຕ່ລະດັບຄວາມແຕກຕ່າງໃນບັນດາ 18 ແຂວງຍັງຄົງມີສູງ ເນື່ອງຈາກວ່າໂຄງການດ້ານໂພຊະນາການໃນບານແຂວງຍັງບໍ່ມີການສະໜັບສະໜູນທີ່ພຽງພໍ.ອ່ານຕໍ່ ...

(ຂປລ) ລັດຖະບານສາທາລະນະລັດເກົາຫຼີ ໄດ້ມອບທຶນຊ່ວຍເຫຼືອຈຳນວນ 300,00 ໂດລາສະຫະລັດໃຫ້ແກ່ອົງການຢູນິເຊັບ ເພື່ອຊຸກຍູ້ການເບິ່ງແຍງ ແລະ ການປົກປ້ອງເດັກນ້ອຍທີ່ຕ້ອງສູນເສຍຜູ້ປົກຄອງທີ່ເມືອງສະໜາມໄຊ ແຂວງອັດຕະປື.ອ່ານຕໍ່ ...

ລັດຖະບານຈະໝູນໃຊ້ກອງປະຊຸມຊົນເຜົ່າແຫ່ງຊາດຄັ້ງທີ 3 ທີ່ວຽງຈັນ ເພື່ອສົ່ງເສີມບົດບາດຂອງຊົນເຜົ່າ ແລະ ແລກປ່ຽນປະສົບການໃນການພັດທະນາປະເທດຊາດ..ກອງປະຊຸມຊົນເຜົ່າແຫ່ງຊາດຄັ້ງທີ 3 ທີ່ສູນປະຊຸມແຫ່ງຊາດ ທີ່ຈະຈັດຂຶ້ນໃນວັນທີ 13 ທັນວານີ້ ຈະເປັນການສົ່ງເສີມບົດບາດຊົນເຜົ່າໃນທົ່ວປະເທດ ເພື່ອປະກອບສ່ວນໃນວຽກງານການປົກປັກຮັກສາ ແລະ ສ້າງສາປະເທດຊາດ.ອ່ານຕໍ່  ...

ສະພາແຫ່ງຊາດໄດ້ຕົກລົງຮັບຮອງເອົາຊົນເຜົ່າບຣູ ເຂົ້າໃນວົງຄະນະຍາດແຫ່ງຊາດລາວຢ່າງເປັນທາງການ, ການຮັບຮອງດັ່ງກ່າວເຮັດໃຫ້ປະເທດລາວປະກອບມີ 50 ຊົນເຜົ່າຢ່າງເປັນທາງການ.ການອະນຸມັດໄດ້ມີຂຶ້ນວານນີ້ ຕາມການສະເໜີຂອງລັດຖະບານໃນກອງປະຊຸມສະໄໝສາມັນຂອງສະພາແຫ່ງຊາດທີ່ກຳລັງດຳເນີນ  ເຊິ່ງເຫັນດີລວມເອົາຊົນເຜົ່າບຣູເຂົ້າໃນໝວດຕະກຸນມອນຂະແມ.ອ່ານຕໍ່ ...

ເຈົ້າໜ້າທີ່ສາທາລະນະສຸກກ່າວວ່າຈະສືບຕໍ່ພັດທະນາຄວາມຮູ້ຄວາມສາມາດຂອງແພດໝໍ ແລະ ພະຍາບານ, ເພື່ອແນໃສ່ຍົກສູງຄຸນນະພາບຂອງການບໍລິການດ້ານສາທາລະນະສຸກ. ແຕ່ກໍຕ້ອງຍອມຮັບວ່າຄວາມຮູ້ສະເພາະທາງຂອງແພດໝໍລາວຍັງຄົງຈຳກັດ, ເຊັ່ນ ຄວາມສາມາດໃນການກວດ ແລະ ບົ່ງມະຕິພະຍາດ ກໍ່ຄືການປິ່ນປົວຄົນເຈັບບາງກຸ່ມຢ່າງມີປະສິດທິພາບ.ອ່ານຕໍ່ ...