ພື້ນຖານໂຄງລ່າງ

ທາງສຳລັບຂຶ້ນລົງເຮືອບິນທີ່ສະໜາມບິນຫ້ວຍຊາຍ ແຂວງບໍ່ແກ້ວ ພວມໄດ້ຮັບການຂະຫຍາຍປັບປຸງ ເພື່ອຮອງຮັບຄວາມຕ້ອງການໃນການຂົນສົ່ງທີ່ເພີ່ມສູງຂຶ້ນ ແລະ ກຽມພ້ອມສຳລັບການຂະຫຍາຍການລົງທຶນ ແລະ ການທ່ອງທ່ຽວ.ປະຈຸບັນໂຄງການດັ່ງກ່າວຫາກໍ່ດຳເນີນໄດ້ 7%, ເຊິ່ງຄາດວ່າຈະສຳເລັດພາຍໃນປີ 2020 ຕົກເປັນມູນຄ່າລວມທັງໝົດ 149 ຕື້ກີບ ພາຍໃຕ້ການລົງທຶນຂອງລັດຖະບານ.ອ່ານຕໍ່   ...

ອິນເຕີເນັດ ເປັນສິ່ງທີ່ຈຳເປັນໃນສັງຄົມປະຈຸບັນ; ຍິ່ງອິນເຕີເນັດມີຄວາມໄວສູງ ແລະ ລາຄາຖືກຍິ່ງເປັນການດີ.ເຖິງວ່າການເຊື່ອມຕໍ່ທາງໂທລະສັບມືຖືຈະກ້າວໄປໄກ,​ ແຕ່ວ່າການເຊື່ອມຕໍ່ຜ່ານລະບົບສາຍໃຍແກ້ວຍັງຄົງຄອງອັນດັບຄວາມໄວສູງສຸດ.ຜົນສຳຫຼວດຄ່າບໍລິການອິນເຕີເນັດ broadband  ໃນປະຈຸບັນຈາກເວັບໄຊ cable.co.uk  ຂອງອັງກິດ ສະແດງໃຫ້ເຫັນວ່າ ມູນຄ່າການເຊື່ອນຕໍ່ອິນເຕີເນັດໃນປະເທດລາວແມ່ນສູງທີ່ສຸດໃນໂລກ. ຫ້າອັນດັບຊຸດບໍລິການອິນເຕີເນັດທີ່ແພງທີ່ສຸດໃນໂລກ“ຫ້າອັນດັບການໃຫ້ບໍລິການອິນເຕີເນັດ broadband  ທີ່ແພງທີ່ສຸດໃນໂລກໄດ້ແກ່ ປະເທດເບີກີນາ ຟາໂຊ ($651.72), ລາວ ($818.13), ນາມິເບຍ ($1117.87), ມໍຣິຕາເນຍ  ($1368.72) ແລະ ປາປົວນິວກິເນຍ ($1849.09)”, ຕາມຜົນການສຳຫຼວດດັ່ງກ່າວ.ອ່ານຕໍ່ ...

ທຸລະກິດນ້ຳກ໊ອກໃນເມືອງຫຼວງພະບາງເມືອງທ່ອງທ່ຽວອັນດັບຕົ້ນຂອງລາວ ມີທ່າແຮງສູງໃນການຂະຫຍາຍຕົວ ເນື່ອງຈາກການຂະຫຍາຍຕົວຢ່າງວ່ອງໄວດ້ານການທ່ອງທ່ຽວ, ການປະຕິບັດໂຄງການທາງລົດໄຟຄວາມໄວສູງ ແລະ ຄວາມຕ້ອງການໃນການນຳໃຊ້ນ້ຳປະປາທີ່ມີສູງໃນທົ່ວປະເທດ, ຕາມຂໍ້ມູນຈາກທະນາຄານ ເອັກຊິມ ແລະ ນັກລົງທຶນໄທໃນລາວ.ການສະໜອງນ້ຳປະປາແມ່ນເພີ່ມສູງຂຶ້ນຢ່າງໄວວາໃນຊຸມປີຜ່ານມາ ເພື່ອຕອບສະໜອງຄວາມຕ້ອງການທີ່ເພີ່ມຂຶ້ນໃນອັດຕາ 10-15 ເປີເຊັນຕໍ່ປີໃນຫຼວງພະບາງ.ອ່ານຕໍ່ ...

(ຂປລ) ກະຊວງພະລົງງານ ແລະ ບໍ່ແຮ່ສືບຕໍ່ປັບປຸງຍຸດທະສາດການພັດທະນາ ເພື່ອຮັບປະກັນການຫຼຸດຜ່ອນຄ່າໄຟຟ້າສຳລັບຂະແໜງການກະສິກຳ.ແຜນການດັ່ງກ່າວຈະສ້າງປະໂຫຍດໃຫ້ແກ່ຂະແໜງກະສິກຳ ໂດຍການຫຼຸດຄ່າໄຟຟ້າ 50% ໃຫ້ແກ່ຊາວໄຮ່ນາ ແລະ 30% ສຳລັບຜູ້ລ້ຽງສັດ,​ ຕາມການລາຍງານຂອງທ່ານ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ໃນກອງປະຊຸມສະໄໝສາມັນເທື່ອທີ່ 6 ຂອງສະພາແຫ່ງຊາດຊຸດທີ 8 ໃນວັນຈັນຜ່ານມາ.ອ່ານຕໍ່ ...

ຂົວຂ້າມນ້ຳງື່ມ ເຊິ່ງເຊື່ອມຕໍ່ລະຫວ່າງບ້ານນາບົງ ແລະ ທ່າກົກໄຮ ເມືອງປາກງື່ມ ນະຄອນວຽງຈັນ ໄດ້ເປີດນຳໃຊ້ຢ່າງເປັນທາງການ ເພື່ອອຳນວຍຄວາມສະດວກໃຫ້ແກ່ປະຊາຊົນທ້ອງຖິ່ນ. ເຂົ້າຮ່ວມໃນພິທີເປີດຂົວວານນີ້ມີທ່ານ ທອງລຸນ ສີສຸລິດ ນາຍົກລັດຖະມົນຕີ ແລະ ທ່ານ ສັກໄຊ ວົງມາລາສິດ (ປີເຕີ ຊານ) ປະທານບໍລິສັດອະສັງຫາລິມະຊັບລາວໂລກ.ອ່ານຕໍ່ ...

ວຽງຈັນ – ກຸ່ມບໍລິສັດອຸດສາຫະກຳພາກເໜືອຈີນຈຳກັດ (NORINCO) ເປີດໂຄງການຍົກລະດັບຖະໜົນທີ່ແຂວງສະຫວັນນະເຂດທາງພາກກາງຂອງລາວ.ທ່ານ ດົງ ຈີເຟັງ ຮອງຜູ້ຈັດການໃຫຍ່ຂອງບໍລິສັດ NORINCO ສາກົນ ເຊິ່ງເປັນໜ່ວຍງານທຸລະກິດຂອງບໍລິສັດ NORINCO ກ່າວໃນພິທີເປີດໂຄງການພາກສະໜາມໃນວັນເສົາຜ່ານມາວ່າ ນີ້ແມ່ນໂຄງການກໍ່ສ້າງທາງໂຄງການທຳອິດໃນລາວທີ່ຮັບເໝົາໂດຍບໍລິສັດ ເຊິ່ງມີໄລຍະລວມ 430 ກມ ນັບແຕ່ທິດຕາເວັນອອກສຽງໃຕ້ຂອງນະຄອນຫຼວງວຽງຈັນ.ອ່ານຕໍ່ ...

ວຽງຈັນ – “ບໍ່ວ່າຈະໂຄງການໃດບໍລິສັດທາງລົດໄຟແຫ່ງປະເທດຈີນກໍພ້ອມທີ່ຈະປະຕິບັດໃນທຸກເວລາ!”ໃນທ້າຍເດືອນກໍລະກົດ ໃນຕອນທີ່ເກີດໄພນ້ຳຖ້ວມຄັ້ງຮ້າຍແຮງທີ່ແຂວງອັດຕະປືທາງພາກໃຕ້ຂອງລາວ, ບໍລິສັດທາງລົດໄຟຈີນ ຜູ້ຮັບເໝົາກໍ່ສ້າງໂຄງການທາງລົດໄຟລາວ-ຈີນໃນປະເທດລາວ ໄດ້ໃຫ້ການຊ່ວຍເຫຼືອໃນພື້ນທີ່ປະສົບໄພໂດຍບໍ່ລັງເລ.ອ່ານຕໍ່ ...

ກອງປະຊຸມປະຈຳເດືອນພະຈິກຂອງຄະນະລັດຖະບານເນັ້ນໃສ່ຫາລືວິທີການແກ້ໄຂບັນຫາຍືດເຍື້ອ ກ່ຽວກັບໂຄງການກໍ່ສ້າງຖະໜົນທີ່ມີຄຸນນະພາບຕ່ຳ, ມີມູນຄ່າສູງເກີນຕົວຈິງ ແລະ ດຳເນີນການຊັກຊ້າ.ອ່ານຕໍ່ ...

(ຂປລ) ໂຄງການຈັດສັນທີ່ຢູ່ອາໄສຊຸມຊົນ “ARATA Garden Residences” ທີ່ຕັ້ງຢູ່ທາງດ້ານຫຼັງຂອງສູນການຄ້າລາວ-ໄອເຕັກ ຂ້າງບຶງທາດຫຼວງ ເມືອງໄຊເສດຖາ ຈະເລີ່ມດຳເນີນການກໍ່ສ້າງໃນຕົ້ນປີ 2019 ແລະ ຄາດວ່າຈະສຳເລັດພາຍໃນທ້າຍໄຕມາດທຳອິດຂອງປີ 2021.ARATA ແມ່ນໂຄງການທຳອິດໃນລາວຂອງບໍລິສັດ Creed ເຊິ່ງເປັນທຸລະກິດຮ່ວມປະສົມຮ່ວມກັບບໍລິສັດ “Aanandi Group” Co., Ltd ຂອງສິງກະໂປ.ອ່ານຕໍ່ ...

ໂຄງການທາງລົດໄຟລາວ-ຈີນໄດ້ປ່ອຍນ້ຳເສຍຈາກການກໍ່ສ້າງລົງສູ່ແມ່ນ້ຳຊອງ ເມືອງວັງວຽງ ແຂວງວຽງຈັນ ໜຶ່ງໃນສະຖານທີ່ທ່ອງທ່ຽວທີ່ມີຊື່ສຽງຂອງລາວ, ຕາມການລາຍງານຂອງປະຊາຊົນທ້ອງຖິ່ນ ແລະ ເຈົ້າໜ້າທີ່ສິ່ງແວດລ້ອມຕໍ່ໜ່ວຍຂ່າວ RFA ລາວ.ອ່ານຕໍ່ ...