ການພົວພັນຕ່າງປະເທດ

ວຽງຈັນ (ວຽງຈັນທາມສ໌/ANN) – ລັດຖະບານລາວ ແລະ ສະຫະລາດຊະອານາຈັກຕົກລົງສືບຕໍ່ສາຍພົວພັນສອງຝ່າຍ ແລະ ເສີມຂະຫຍາຍການຮ່ວມມືໃນດ້ານການສຶກສາ. ການຮ່ວມມືດັ່ງກ່າວຈະສົ່ງເສີມໃຫ້ລັດຖະບານທັງສອງຝ່າຍເຮັດວຽກຮ່ວມກັນຢ່າງໃກ້ຊິດ ເພື່ອຍົກລະດັບມາດຕະຖານລະບົບການສຶກສາຂອງລາວ ໃຫ້ທຽບເທົ່າກັບພາກພື້ນ ແລະ ສາກົນເປັນລຳດັບ.ລັດຖະບານລາດຊະອານາຈັກຖືເອົາການສຶກສາເປັນຂະແໜງການຫຼັກໃນການຮ່ວມມືແບບສ້າງສັນກັບປະເທດລາວ ນັບຕັ້ງແຕ່ການເປີດສະຖານທູດອັງກິດປະຈຳນະຄອນວຽງຈັນຄືນໃໝ່ໃນປີ 2012.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະມາຄົມໄຊເບີເຣຍ ເພື່ອການຮ່ວມມືສາກົນ ຈາກເຂດໂນໂວຊິເບີດຂອງລັດເຊຍ ມີແຜນຈັດຕັ້ງສຳນັກງານຢູ່ປະເທດລາວ ເພື່ອປັບປຸງການປະສານງານ ແລະ ການຮ່ວມມືດ້ານທຸລະກິດ.ທ່ານ ພາເວວ ອອສ໌ໂຕຣເວີຮອຟ໌ ປະທານສະມາຄົມໄດ້ເປີດເຜີຍແຜນດັ່ງກ່າວ ໃນຂະນະນຳພາທີມຜູ້ປະກອບການຈາກເຂດໂນໂວຊິເບີດ ເດີນທາງພົບປະກັບນັກທຸລະກິດລາວທີ່ນະຄອນວຽງຈັນໃນອາທິດແລ້ວນີ້.ອ່ານຕໍ່ ...

ໃນອາທິດແລ້ວນີ້ ກະຊວງການຕ່າງປະເທດຂອງລາວ ແລະ ກະຊວງການຕ່າງປະເທດຂອງລາດຊະອານາຈັກສະວີເດັນ ໄດ້ລົງນາມໃນບົດບັນທຶກຄວາມເຂົ້າໃຈ ເຊິ່ງແນໃສ່ເພີ່ມທະວີການຮ່ວມມືລະຫວ່າງສອງກະຊວງ ແລະ ສອງຊາດ.ທ່ານ ບຸນເພັງ ສາຍກັນຍາ ເອກອັກຄະລັດຖະທູດລາວປະຈຳສະວິເດັນ ຕາງໜ້າໃຫ້ຝ່າຍລາວ ແລະ ທ່ານນາງ ແອນນິກາ ໂຊເດີ ເລຂາທິການກະຊວງການຕ່າງປະເທດສະວີເດັນ ຕາງໜ້າຝ່າຍສະວີເດັນ ໃນພິທີລົງນາມບົດບັນທຶກຄວາມເຂົ້າໃຈ ທີ່ສຳນັກງານກະຊວງການຕ່າງປະເທດສະວີເດັນ ທີ່ສະຕ໋ອກໂຮມ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ການນຳລາວ ແລະ ຍີ່ປຸ່ນຮ່ວມຫາລື ທີ່ວຽງຈັນ ກ່ຽວກັບການຍົກລະດັບຄວາມຮູ້ດ້ານການວາງແຜນການນຳສຳລັບເຈົ້າໜ້າທີ່ການນຳຂອງລາວ, ການຄຸ້ມຄອງເສດຖະກິດມະຫາພາກ, ຄວາມຍືນຍົງ, ການພັດທະນາພື້ນຖານໂຄງລ່າງໃນລາວ.ການຫາລືໄດ້ມີຂຶ້ນໃນລະຫວ່າງການພົບປະ ລະຫວ່າງທ່ານນາງ ຄຳເພົາ ເອີນທະວັນ ຮອງລັດຖະມົນຕີກະຊວງການຕ່າງປະເທດ ແລະ ທ່ານນາງ ໂຕຊິໂກະ ອາເບ ລັດຖະມົນຕີກະຊວງການຕ່າງປະເທດຂອງຍີ່ປຸ່ນ ທີ່ເດີນທາງມາຢ້ຽມຢາມ ສປປ ລາວໃນຕົ້ນອາທິດນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຕີມໍ-ເລັສ໌ເຕ ສະແດງຄວາມຮູ້ບຸນຄຸນຕໍ່ການຊ່ວຍເຫຼືອຂອງລາວ ໃນການຍື່ນສະເໜີເພື່ອຂໍເຂົ້າເປັນສະມາຊິກອາຊຽນ ແລະ ຫວັງເສີມຂະຫຍາຍການຮ່ວມມືກັບບັນດາປະເທດສະມາຊິກອາຊຽນໃນເຂດລຸ່ມແມ່ນ້ຳຂອງ.ທ່ານ ດິໂອນິຊິໂອ ດາ ຄອສ໌ຕາ ບາໂບ ຊໍເຣສ໌ ລັດຖະມົນຕີກະຊວງການຕ່າງປະເທດຂອງຕີມໍ-ເລັສ໌ເຕ ໄດ້ກ່າວກ່ຽວກັບການປະເມີນ ແລະ ທັດສະນະຂອງປະເທດດ້ານການຮ່ວມມື ໃນການສຳພາດຕໍ່ສື່ມວນຊົນລາວໃນອາທິດແລ້ວນີ້ ເນື່ອງໃນໂອກາດການຢ້ຽມຢາມລາວໃນວັນທີ 5-8 ມິນຸນາທີ່ຜ່ານມາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວ, ຕີມໍເລັດສ໌ເຕ ໄດ້ຕົກລົງສືບຕໍ່ສົ່ງເສີມການຮ່ວມມືສອງຝ່າຍ ທັງມີການຄົ້ນຄວ້າທ່າແຮງໃໝ່ ເພື່ອເສີມຂະຫຍາຍການຮ່ວມມືດ້ານເສດຖະກິດ. ໝາກຜົນຂອງກອງປະຊຸມເຊິ່ງໄຂຂຶ້ນທີ່ວຽງຈັນໃນວັນພະຫັດຜ່ານມານີ້ ກໍຄືຂໍ້ຕົກລົງການຮ່ວມມືລະຫວ່າງຄະນະຜູ້ແທນຈາກກະຊວງຂອງສອງຊາດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຜູ້ທີ່ຖືໜັງສືເດີນທາງທາງການທູດຂອງລາວ ຫຼື ໜັງສືເດີນທາງແດງ ແມ່ນບໍ່ຈຳເປັນຕ້ອງຂໍວີຊາເພື່ອເດີນທາງເຂົ້າປະເທດນໍເວ, ຕາມກະຊວງການຕ່າງປະເທດລາວ.ກະຊວງໄດ້ແຈ້ງວ່າປະເທດລາວ ແລະ ນໍເວໄດ້ຕົກລົງໃນເດືອນສິງຫາປີ 2018 ກ່ຽວກັບການຍົກເວັ້ນວີຊາສຳລັບຜູ້ຖືໜັງສືເດີນທາງທາງການທູດ ທີ່ຕ້ອງການເດີນທາງປະເທດເຂົ້າອອກສອງປະເທດ. ເຖິງຢ່າງໃດກໍຕາມ ຂໍ້ຕົກລົງຫາກໍ່ມີຜົນນຳໃຊ້ນັບແຕ່ວັນທີ 1 ມິຖຸນານີ້ເປັນຕົ້ນໄປ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໜ່ວຍງານນິຕິບັນຍັດຂອງລາວ ແລະ ກຳປູເຈຍຈະສືບຕໍ່ຊຸກຍູ້ສົ່ງເສີມລັດຖະບານຂອງຕົນໃນການແກ້ໄຂບັນຫາຊາຍແດນ ເພື່ອສຳເລັດການປັກຫຼັກໝາຍຊາຍແດນລະຫວ່າງປະເທດ.ຂໍ້ສະເໜີດັ່ງກ່າວໄດ້ມີຂຶ້ນໃນກອງປະຊຸມສອງຝ່າຍ ລະຫວ່າງຄະນະຜູ້ແທນລະດັບສູງຈາກສະພາແຫ່ງຊາດລາວ ແລະ ສະພາແຫ່ງຊາດກຳປູເຈຍ ເຊິ່ງຈັດຂຶ້ນທີ່ວຽງຈັນ ໃນວັນສຸກແລ້ວນີ້ ເຊິ່ງນຳໂດຍທ່ານນາງ ປານີ ຢາທໍ່ຕຸ້ ແລະ ທ່ານ ເຮັງ ສຳຣິນ ປະທານສະພາຂອງສອງຊາດ.ອ່ານຕໍ່ ...

ໂຕກຽວ (ວຽງຈັນທາມສ໌/ANN) – ການຍືດຖື ແລະ ປະຕິບັດຕາມຫຼັກການສາກົນທີ່ມີຢູ່ແມ່ນວິທີທີ່ດີທີ່ສຸດເພື່ອຂ້າມຜ່ານສິ່ງທ້າທາຍໃນປະຈຸບັນ, ໃນຂະນະທີ່ການຈັດຕັ້ງຫຼັກການສາກົນໃໝ່ອາດເປັນອີກຫນຶ່ງທາງເລືອກໃນການແກ້ໄຂບັນຫາທີ່ເກີດຂຶ້ນ, ທ່ານ ທອງລຸນ ສີສຸລິດ ນາຍົກລັດຖະມນຕີກ່າວໃນກອງປະຊຸມສາກົນທີ່ປະເທດຍີ່ປຸ່ນໃນວັນສຸກທີ່ຜ່ານມາ.ກອງປະຊຸມອະນາຄົດຂອງອາຊີ, ພາຍໃຕ້ຫົວຂໍ້ທີ່ວ່າ “ການຄົ້ນຫາລະບຽບຫຼັກການສາກົນໃໝ່ – ການຂ້າມຜ່ານຄວາມສັບສົນວຸ້ນວາຍ” ເຊິ່ງຈັດຂຶ້ນເມື່ອລະບຽບຫຼັກການສາກົນພວມໄດ້ຮັບການຂົ່ມຂູ່ ແລະ ຖືກຄຸກຄາມ. ທົ່ວໂລກກຳລັງຕົກຢູ່ໃນສະພາບຄວາມບໍ່ແນ່ນອນ ເຊັ່ນ ສົງຄາມການຄ້າລະຫວ່າງສະຫະລັດ-ຈີນ ແລະ ການເກີດຂຶ້ນຂອງລັດທິຄຸ້ມຄອງການຄ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວ ແລະ ຈີນ ໄດ້ລົງນາມເອກະສານການຮ່ວມມືຊຸດໃໝ່ ເຊິ່ງເປັນການເສີມຂະຫຍາຍຫານຮ່ວມມືລະຫວ່າງສອງຊາດ.ກະຊວງການຕ່າງປະເທດໄດ້ຖະແຫຼງໃນອາທິດນີ້ວ່າທ່ານ ບຸນຍັງ ວໍລະຈິດ ປະທານປະເທດລາວ ແລະ ທ່ານ ສີ ຈີນຜິງ ປະທານປະເທດຈີນ ໄດ້ລົງນາມໃນແຜນແມ່ບົດການຮ່ວມມືສອງຝ່າຍ ເຊິ່ງໄດ້ວາງທິດທາງ ແລະ ແຜນການດຳເນີນງານສຳລັບສອງຊາດໃຫ້ກະຈ່າງແຈ້ງຍິ່ງຂຶ້ນ ເພື່ອເດີນຕາມແນວທາງການສ້າງຕັ້ງຊຸມຊົນລາວ-ຈີນ ທີ່ມີອະນາຄົດຮ່ວມກັນ.ປະມຸກລັດຂອງສອງປະເທດຍັງໄດ້ເປັນສັກຂີພະຍານໃນການລົງນາມເອກະສານການຮ່ວມມີ 10 ສະບັບ ລະຫວ່າງສອງປະເທດ ທີ່ກຸງປັກກິ່ງໃນອາທິດນີ້ ຕາມການເປີດເຜີບຕໍ່ສື່ມວນຊົນຂອງກະຊວງການຕ່າງປະເທດລາວ.ອ່ານຕໍ່ ...