ສິ່ງແວດລ້ອມ ແລະ ຊັບພະຍາກອນທຳມະຊາດ

ສານເຄມີທີ່ປ່ອຍລົງສູ່ແມ່ນ້ຳຈາກສວນກ້ວຍຈີນ ໃນຊານເມືອງຂອງນະຄອນຫຼວງວຽງຈັນ ເຮັດໃຫ້ປາຕາຍກວ່າ 300 ກິໂລກຣາມໃນເດືອນພະຈິກນີ້, ເຮັດໃຫ້ເຈົ້າໜ້າທີ່ຕ້ອງອອກແຈ້ງເຕືອນບໍ່ໃຫ້ປະຊາຊົນລົງອາບນ້ຳໃນແມ່ນ້ຳ ຫຼື ນຳເອົາປາທີ່ຕາຍຍ້ອນມົນລະພິດໃນແມ່ນ້ຳມາກິນ, ຕາມແຫຼ່ງຂ່າວພາຍໃນປະເທດ.ແຫຼ່ງຂ່າວຍັງໃຫ້ຮູ້ວ່າ ການປ່ອຍສານເຄມີ ໃນລະຫວ່າງວັນທີ 7 ແລະ 9 ພະຈິກນີ້ ໄດ້ສົ່ງຜົນກະທົບຕໍ່ບ້ານເຕົາໃຫ, ບ້ານໃຫຍ່-ນາຈະເລີນ ແລະ ບ້ານກົ້ວ ທີ່ຕັ້ງຢູ່ໃກ້ກັບນ້ຳຕອນ ເມືອງສັງທອງ ນະຄອນວຽງຈັນ.ອ່ານຕໍ່  ...

ໂຮງງານຊີມັງຂອງນັກລົງທຶນຈີນສອງແຫ່ງ ທີ່ເມືອງວັງວຽງ ແຂວງວຽງຈັນ ໄດ້ປ່ອຍອາຍຝຸ່ນ ແລະ ໝອກຄັວນ ທີ່ອາດເປັນອັນຕະລາຍຕໍ່ສຸຂະພາບ ເຊິ່ງສົ່ງຜົນກະທົບຕໍ່ 900 ຄົວເຮືອນໃນຂອບເຂດສີ່ບ້ານໂດຍປະມານ, ຕາມການລາຍງານຂອງແຫຼ່ງຂ່າວທ້ອງຖິ່ນ.ບ້ານທີ່ໄດ້ຮັບຜົນກະທົບແມ່ນຢູ່ທາງພາກຕາເວັນຕົກສຽງເໜືອຂອງແຂວງ ຄືບ້ານຄັນໝາກ, ຫົວງາມ, ໂພນສູງ ແລະ ມາກຄຳ.ອ່ານຕໍ່  ...

ໂຄງການທາງລົດໄຟລາວ-ຈີນໄດ້ປ່ອຍນ້ຳເສຍຈາກການກໍ່ສ້າງລົງສູ່ແມ່ນ້ຳຊອງ ເມືອງວັງວຽງ ແຂວງວຽງຈັນ ໜຶ່ງໃນສະຖານທີ່ທ່ອງທ່ຽວທີ່ມີຊື່ສຽງຂອງລາວ, ຕາມການລາຍງານຂອງປະຊາຊົນທ້ອງຖິ່ນ ແລະ ເຈົ້າໜ້າທີ່ສິ່ງແວດລ້ອມຕໍ່ໜ່ວຍຂ່າວ RFA ລາວ.ອ່ານຕໍ່ ...

ຮາຕິນ (VNA)– ຜູ້ຕາງໜ້າຈາກໜ່ວຍງານຄຸ້ມຄອງປ່າໄມ້ຫວຽດນາມ (VNFOREST) ແລະ ກົມກວດກາປ່າໄມ້ລາວ (DOFI) ຮ່ວມປະຊຸມທີ່ແຂວງພາກກາງຮາຕິນ ຂອງຫວຽດນາມໃນວັນທີ 30 ຕຸລານີ້ ເພື່ອທົບທວນການຮ່ວມມືໃນການບັງຄັບໃຊ້ກົດໝາຍປ່າໄມ້.ຫວຽດນາມ ແລະ ລາວມີຊາຍແດນຕິດຕໍ່ກັນເປັນໄລຍະຍາວ 2,340 ກມໃນສິບແຂວງ. ສອງຊາດມີດ່ານຊາຍແດນສາກົນຮ່ວມ 7 ແຫ່ງ ແລະ ມີ 6 ດ່ານເຂົ້າອອກຫຼັກລຽບຕາມແນວຊາຍແດນ.ອ່ານຕໍ່ ...

ເຈົ້າໜ້າທີ່ລັດຖະບານ ແລະ ບັນຄູ່ຮ່ວມພັດທະນາໄດ້ປະຊຸມກັນທີ່ວຽງຈັນ ໃນວັນພະຫັດຜ່ານມາ ເພື່ອທົບທວນວຽກງານໃນໄລຍະຜ່ານມາ ແລະ ແຜນການຕໍ່ໜ້າ ເພື່ອປັບປຸງການຄຸ້ມຄອງຊັບພະຍາກອນທຳມະຊາດ. ກອງປະຊຸມໄດ້ມີການຫາລືລະອຽດໃນຂະແໜງການສິ່ງແວດລ້ອມ- ໂດຍສະເພາະວຽກງານທີ່ດິນ, ນ້ຳ, ການປ່ຽນແປງຂອງສະພາບອາກາດ, ທໍລິນີສາດ ແລະ ບໍ່ແຮ່.ອ່ານຕໍ່ ...

ການປ່ຽນແປງຂອງສະພາບອາກາດກຳລັງສ້າງໄພຂົ່ມຂູ່ຕໍ່ການຜະລິດກະສິກຳ ແລະ ສ້າງສິ່ງທ້າທາຍອັນໃຫຍ່ຫຼວງຕໍ່ຄວາມພະຍາຍາມຂອງລາວ ແລະ ບັນດາປະເທດໃນທົ່ວໂລກ ໃນການສ້າງຄວາມໝັ້ນຄົງດ້ານສະບຽງອາຫານຂອງໂລກ, ຕາມການລາຍງານຂອງເຈົ້າໜ້າທີ່ການນຳ.ອ່ານຕໍ່ ...

ລັດຖະບານເຢຍລະມັນອະນຸມັດທຶນຊ່ວຍເຫຼືອ 4 ລ້ານຢູໂຣ (ປະມານ 4.6 ລ້ານໂດລາສະຫະລັດ) ໃຫ້ແກ່ຄະນະກຳມາທິການແມ່ນ້ຳຂອງ (MRC) ເພື່ອສົ່ງເສີມການຮ່ວມມືນ່ານນ້ຳລະຫວ່າງປະເທດ ຕາມການລາຍງານຂອງ MRC.ອ່ານຕໍ່ ...

(ຂປລ) ອົງການພັດທະນາຝຣັ່ງ (AFD), ອົງການສິ່ງແວດລ້ອມໂລກຝຣັ່ງ (FFEM) ແລະ ອົງການອະນຸລັກສັດປ່າ (WCS) ໄດ້ລົງນາມຂໍ້ຕົກລົງດ້ານການເງິນເພື່ອສົ່ງເສີມກິດຈະກຳການອະນຸລັດສັດປ່າໄລຍະ 4 ປີ ຢູ່ໃນຫົກເຂດຊີວະນາໆພັນທີ່ສຳຄັນໃນລາວ, ມຽນມາ, ແລະ ກຳປູເຈຍ ເຊິ່ງກວມເອົາ 14 ເຂດປ່າສະຫງວນ.ອ່ານຕໍ່ ...

ຄະນະບໍລິຫານຂອງ ທະນາຄານພັດທະນາອາຊີ (ADB) ໄດ້ອະນຸມັດທຶນຊ່ວຍເຫຼືອຈຳນວນ 48 ລ້ານໂດລາສະຫະລັດ ເພື່ອຊ່ວຍໃນການປັບປຸງການບໍລິການດ້ານສິ່ງແວດລ້ອມໃນຕົວເມືອງ ແລະ ເສີມຂະຫຍາຍການເຊື່ອມຕໍ່ທາງດ້ານເສດຖະກິດໃນປາກຊັນ ແລະ ທ່າແຂກ ສອງເມືອງທີ່ດ້ອຍພັດທະນາທີ່ສຸດໃນແນວເຊື່ອມຕໍ່ໃຈກາງອະນຸພາກພື້ນແມ່ນ້ຳຂອງງຕອນລຸ່ມ (GMS) ໃນສາທາລະນະລັດ ປະຊາທິປະໄຕ ປະຊາຊົນລາວ (ສປປ ລາວ).ອ່ານຕໍ່ ...

(ຂປລ) ອົງການອະນຸລັກສິ່ງແວດລ້ອມ WWF (ໃນວັນທີ 6 ກັນຍາ) ໄດ້ສະແດງຄວາມຍິນດີຕໍ່ລັດຖະບານລາວໃນການຈັດກອງປະຊຸມລະດັບພາກພື້ນທີ່ສຳຄັນກ່ຽວກັບການຄ້າສັດປ່າຂ້າມຊາຍແດນຜິດກົດໝາຍ ແລະ ຕໍ່ຄຳໝັ້ນຂອງລາວທີ່ຈະຈັດການກັບອາດຊະຍາກຳການຄ້າສັດປ່າ ເຊິ່ງສ້າງໄພຄຸກຄາມຕໍ່ພັນສັດປ່າໃກ້ສູນພັນ ເຊັ່ນ ຊ້າງ, ເສືອ, ໝີ ແລະ ລິ່ນ.ອ່ານຕໍ່ ...