ການຊ່ວຍເຫຼືອ ແລະ ການພັດທະນາ

ເສັ້ນທາງອັນຍາວໄກໃນການພັດທະນາເສດຖະກິດສັງຄົມທີ່ເລິກເຊິ່ງເຖິງຖອງ ເພື່ອຜົນປະໂຫຍດຂອງປະຊາຊົນລາວທຸກຖ້ວນໜ້າຜ່ານຜ່າມາໄດ້ອີກໜຶ່ງໄລຍະ ຜ່ານການຈັດກອງປະຊຸມໂຕະມົນປະຈຳປີ 2018 ຂອງບັນດານັກສ້າງນະໂຍບາຍ, ຜູ້ມີສ່ວນຮ່ວມ ແລະ ຄູ່ຮ່ວມພັດທະນາເຊັ່ນອົງການສະຫະປະຊາຊາດ ໃນມື້ວານນີ້ ເຊິ່ງມີການຖ່າຍທອດຜ່ານທາງ ຢູທູບ YouTube.ອ່ານຕໍ່ ...

ບັນຫາທາງດ້ານເສດຖະກິດ, ສັງຄົມ ແລະ ສິ່ງແວດລ້ອມ ລວມທັງບັນຫາກ່ຽວເນື່ອງອື່ນໆກ່ຽວກັບການຈັດການ ແມ່ນຈຸດຫຼັກໃນການຫາລືລະຫວ່າງລັດຖະບານ ແລະ ບັນດາຄູ່ຮ່ວມພັດທະນາໃນກອງປະຊຸມໂຕະມົນ ໄລຍະສອງວັນ ທີ່ຈະສືບຕໍ່ໃນມື້ນີ້.ປະທານຮ່ວມໃນກອງປະຊຸມດັ່ງກ່າວມີທ່ານ ປອ ກິແກ້ວ ຈັນທະບູລີ ຮອງລັດຖະມົນຕີກະຊວງແຜນການ ແລະ ການລົງທຶນ ແລະ ທ່ານນາງ ຄາລີນາ ອິມໂມເນັນ ຜູ້ຕາງໜ້າອົງການ ຢູເອັນດີພີ ປະຈຳລາວ.ອ່ານຕໍ່  ...

ເຈົ້າໜ້າທີ່ລະດັບສູງຂອງລັດຖະບານ ແລະ ບັນດາຄູ່ຮ່ວມພັດທະນາ ເຂົ້າຮ່ວມກອງປະຊຸມທີ່ວຽງຈັນໃນວັນພະຫັດແລ້ວນີ້ ເພື່ອທົບທວນກ່ຽວກັບການຮ່ວມມືທາງດ້ານການຊ່ວຍເຫຼືອເພື່ອການພັດທະນາຢ່າງເປັນທາງການ (ODA) ລະຫວ່າງລາວ ແລະ ສາທາລະນະລັດເກົາຫຼີ.ເຂົ້າຮ່ວມໃນກອງປະຊຸມດັ່ງກ່າວມີທ່ານ ປອ ກິແກ້ວ ຈັນທະບູລີ ຮອງລັດຖະມົນຕີກະຊວງແຜນການ ແລະ ການລົງທຶນ ແລະ ທ່ານ ປອ ຊັງ ຮຸນ ຜູ້ຕາງໜ້າໜ່ວຍງານ ODA ປະເທດເກົາຫຼີ.ອ່ານຕໍ່ ...

(ຂປລ) ຄະນະລັດຖະມົນຕີຈາກສະພາຄະນະກຳມາທິການແມ່ນ້ຳຂອງ (MRC) ທົບທວນຂໍ້ຜູກມັດການປະຕິຮູບຂອງອົງການຈັດຕັ້ງ ແລະ ການຮ່ວມມືໃນພາກພື້ນ ເພື່ອຕົກລົງກ່ຽວກັບບັນຫາທີ່ສຳຄັນ ເຊັ່ນ ການສົ່ງຕົວແທນເຂົ້າຮ່ວມໃນການຄັດເລືອກຫົວໜ້າບໍລິຫານລະດັບສອງຂອງເລຂາທິການ MRC ແລະ ແຜນວຽກປີ 2019 ລວມທັງໜ້າວຽກບູລິມະສິດຕ່າງໆ.ອ່ານຕໍ່ ...

ເລຂາທິການດ້ານການພົວພັນທາງເສດຖະກິດແຫ່ງຊາດສະວິດ (SECO) ໃຫ້ທຶນຊ່ວຍເຫຼືອຈຳນວນກວ່າ 5.5 ຕື້ກີບ (651,293 ໂດລາສະຫະລັດ) ເພື່ອດຳເນີນໂຄງການໃນລາວເພື່ອສົ່ງເສີມການຄ້າແບບ BioTrade ສູ່ພາກພື້ນ.ຈຸດປະສົງລວມຂອງໂຄງການແມ່ນເພື່ອປະກອບສ່ວນໃນການພັດທະນາເສດຖະກິດ-ສັງຄົມໃນລາວ ໂດຍການປົກປັກຮັກສາຊີວະນາໆພັນຜ່ານການຄ້າວັດສະດຸຈາກທຳມະຊາດແບບຍືນຍົງ ໃນຮູບຂອງການສົ່ງເສີມດ້ານການແຂ່ງຂັນລະຫວ່າງຜູ້ສົ່ງອອກ ແລະ ຜູ້ຜະລິດໃນທ້ອງຖິ່ນ.ອ່ານຕໍ່ ...

ວຽງຈັນ – “ບໍ່ວ່າຈະໂຄງການໃດບໍລິສັດທາງລົດໄຟແຫ່ງປະເທດຈີນກໍພ້ອມທີ່ຈະປະຕິບັດໃນທຸກເວລາ!”ໃນທ້າຍເດືອນກໍລະກົດ ໃນຕອນທີ່ເກີດໄພນ້ຳຖ້ວມຄັ້ງຮ້າຍແຮງທີ່ແຂວງອັດຕະປືທາງພາກໃຕ້ຂອງລາວ, ບໍລິສັດທາງລົດໄຟຈີນ ຜູ້ຮັບເໝົາກໍ່ສ້າງໂຄງການທາງລົດໄຟລາວ-ຈີນໃນປະເທດລາວ ໄດ້ໃຫ້ການຊ່ວຍເຫຼືອໃນພື້ນທີ່ປະສົບໄພໂດຍບໍ່ລັງເລ.ອ່ານຕໍ່ ...

ທ່ານ ມຸນ ແຈອິນ ປະທານນາທິບໍດີ ແຫ່ງສາທາລະນະລັດເກົາຫຼີກ່າວຕໍ່ທ່ານ ທອງລຸນ ສີສຸລິດ ນາຍົກລັດຖະມົນຕີລາວ ທີ່ປະເທດສິງກະໂປໃນອາທິດນີ້ວ່າຈະເພີ່ມທະວີການສະໜັບສະໜູນ ແລະ ຊ່ວຍເຫຼືອໃຫ້ແກ່ລາວ, ຕາມຂໍ້ມູນຈາກກະຊວງການຕ່າງປະເທດລາວ.ອ່ານຕໍ່ ...

(ຂປລ) ລັດຖະບານສາທາລະນະລັດເກົາຫຼີ ມອບເງິນບໍລິຈາກຈຳນວນ  282 ລ້ານວອນເກົາຫຼີ (ຫຼືປະມານ 249,329 ໂດລາສະຫະລັດ) ເພື່ອຊ່ວຍເຫຼືອໃນການປິ່ນປົວຂັ້ນພື້ນຖານສຳລັບເດັກນ້ອຍທີ່ມີບັນຫາດ້ານໂລກຫົວໃຈ ໃນພື້ນທີ່ປະສົບໄພນ້ຳຖ້ວມແຂວງອັດຕະປື ທາງພາກໃຕ້ຂອງລາວ.ອ່ານຕໍ່ ...

ສູນຝຶກອົບຮົມເພື່ອການພັດທະນາຊົນນະບົດລາວ-ເກົາຫຼີ ເຊິ່ງຕັ້ງຢູ່ເມືອງໄຊທານີ ວຽງຈັນ ໄດ້ເປີດຕົວຢ່າງເປັນທາງການໃນວັນອັງຄານນີ້ ເພື່ອຈຸດປະສົງສົ່ງເສີມການສ້າງຄວາມສາມາດໃຫ້ແກ່ປະຊາຊົນທີ່ເຮັດວຽກໃນຂະແໜງກະສິກຳ, ປ່າໄມ້ ແລະ ການພັດທະນາຊົນນະບົດ.ສູນດັ່ງກ່າວໄດ້ຮັບການສ້າງຕັ້ງຂຶ້ນເພື່ອສົ່ງເສີມການພັດທະນາຊົນນະບົດຂອງລາວ ຕາມນະໂຍບາຍສາມສ້າງຂອງພັກ.ອ່ານຕໍ່ ...

ລາວຕ້ອງຂ້າມຜ່ານບັນຫາດ້ານຄວາມບໍ່ສະເໝີພາບ ເພື່ອກະກຽມສຳລັບການຫຼຸດພົ້ນຈາກສະຖານະປະເທດດ້ອຍພັດທະນາທີ່ສຸດພາຍໃນ 2024 ຕາມຄຳເຫັນຂອງອົງການສະຫະປະຊາຊາດເພື່ອການພັດທະນາ (UNDP).ຄວາມບໍ່ສະເໝີພາບຍັງຄົງເປັນໜຶ່ງໃນບັນຫາທີ່ພົ້ນເດັ່ນໃນລາວ, ຕາມຂໍ້ມູນສະຖິຕິປະຈຳປີຫຼ້າສຸດຂອງອົງການ ສປຊ ເຊິ່ງຊີ້ແຈງກ່ຽວກັບສິ່ງທ້າທາຍ ແລະ ຜົນສຳເລັດຂອງການພັດທະນາ.ອ່ານຕໍ່ ...