Vientiane Times/ANN

ວຽງຈັນ (ວຽງຈັນທາມສ໌/ANN) – ລັດຖະບານແນະນຳໃຫ້ນັກລົງທຶນທີ່ກະກຽມດິນເພື່ອເຮັດສວນກ້ວຍທີ່ບ້ານນາໜາດ ເມືອງນາຊາຍທອງ ນະຄອນຫຼວງວຽງຈັນ ໃຫ້ປູກພືດຊະນິດອື່ນ ຍ້ອນຄວາມກັງວົນກ່ຽວກັບຜົນກະທົບຕໍ່ສິ່ງແວດລ້ອມ.ພື້ນທີ່ດັ່ງກ່າວບໍ່ເໝາະສົມກັບການເຮັດສວນກ້ວຍ ເນື່ອງຈາກວ່າຕັ້ງຢູ່ໃກ້ກັບແຫຼ່ງນ້ຳທຳມະຊາດ ຕາມກະຊວງກະສິກຳ ແລະ ປ່າໄມ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານຕ້ອງແກ້ໄຂສິ່ງທ້າທາຍຫຼາຍຢ່າງ ເພື່ອເສີມຂະຫຍາຍຄວາມພະຍາຍາມໃນການພັດທະນາວຽກງານການຄ້າອີເລັກໂທຣນິກ (e-commerce) ໃຫ້ມີປະສິດທິພາບ ແລະ ເພື່ອເພີ່ມປະສິດທິຜົນທາງການຄ້າ, ຕາມບົດລາຍງານຫຼ້າສຸດ.ໃນບົດລາຍງານປີ 2018, ພາຍໃຕ້ການສະໜັບສະໜູນຂອງທະນາຄານໂລກ, ລັດຖະບານອອສ໌ເຕຣເລຍ, ເຢຍລະມັນ, ສະຫະພາບຢູໂຣບ ແລະ ໄອແລນ ໄດ້ສະແດງໃຫ້ເຫັນສິ່ງທ້າທາຍຕົ້ນຕໍຂອງລາວຄື ຂໍ້ຈຳກັດດ້ານການເຂົ້າເຖິງອິນເຕີເນັດ, ຄ່າບໍລິການອິນເຕີເນັດທີ່ສູງ ແລະ ຄວາມບໍ່ພຽງພໍທາງດ້ານລະບຽບການ.ນອກນີ້ ບັນຫາຄວາມບໍ່ພຽງພໍດ້ານພື້ນຖານໂຄງລ່າງໄອທີ ກໍຄືຕົ້ນທຶນການອຳນວຍຄວາມສະດວກດ້ານການຄ້າ ແລະ ການຂົນສົ່ງທີ່ສູງ ຍັງເປັນອຸປະສັກຕໍ່ການພັດທະນາດ້ານ e-commerce ຕາມບົດລາຍງານໃນຫົວຂໍ້ “ການສ້າງປະໂຫຍດຈາກ E-commerce“.ອ່ານຕໍ່ບົດລາຍງານທີ່ກ່ຽວຂ້ອງ (ພາສາອັງກິດ)Digital Connectivity in Lao PDR Lagging Behind Peers : A Short Assessment with Policy Recommendations to ...

ວຽງຈັນ (ວຽງຈັນທາມສ໌/ANN) – ແຮງງານໝູນວຽນ ພ້ອມເມຍຂອງເຂົາເຈົ້າແມ່ນກຸ່ມທີ່ມີຄວາມສ່ຽງສູງໃນການຕິດເຊື້ອເອັຈ໌ໄອວີ HIV ໃນລາວ, ຕາມການເປີດເຜີຍໃນການສຳຫຼວດຂອງສູນປິ່ນປົວພະຍາດ HIV/AIDS/ພະຍາດຕິດຕໍ່ທາງເພດສຳພັນ (ພຕພ) ແລະ ຄະນະກຳມະການແຫ່ງຊາດວ່າດ້ວຍການຄວບຄຸມພະຍາດເອດ.ທ່ານນາງ ທຳມາ ເພັດວິໄຊ ຫົວໜ້າຫ້ອງການຄະນະກຳມະການແຫ່ງຊາດວ່າດ້ວຍການຄວບຄຸມພະຍາດເອດ ສະແດງຜົນການຄົ້ນຄວ້າດັ່ງກ່າວໃນກອງປະຊຸມຫຼ້າສຸດເພື່ອການຫາລືວິທີການໃນການສະກັດກັ້ນການແຜ່ລະບາດຂອງພະຍາດ HIV/AIDS/ພຕພ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ສາທາລະນະສຸກແຂວງຜົ້ງສາລີຕ້ອງປັບປຸງມາດຕະຖານການຮັກສາສຸຂະພາບ ເພື່ອດຳເນີນມາດຕະການຕ້ານການຂາດສານອາຫານ ເພື່ອເປົ້າໝາຍໄລຍະຍາວໃນການລຶບລ້າງຄວາມອຶດຫົວ.ນີ້ແມ່ນຄຳແນະນຳຂອງທ່ານ ດຣ ບຸນເພັງ ພິລາວົງ ຫົວໜ້າກົມສົ່ງເສີມສຸຂະພາບ ແລະ ສຸຂະອະນາໄມ ພາຍໃຕ້ກະຊວງສາທາລະນະສຸກ, ໃນກອງປະຊຸມປະຈຳປີເພື່ອຫາລືວຽກງານໂພຊະນາການ ແລະ ວິເຄາະຫາສາເຫດຂອງພາວະບົກພ່ອງທາງໂພຊະນາການຊຳເຮື້ອໃນແຂວງຜົ້ງສາລີ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດໂທລາວ, ຮ່ວມກັບບໍລິສັດລາວໂທລະຄົມຈຳກັດມະຫາຊົນ (ລາວໂທລະຄົມ) ໄດ້ຮ່ວມຈັດຕັ້ງວິສາຫະກິດເພື່ອແນໃສ່ຊ່ວຍເຫຼືອຜູ້ປະກອບການໜຸ່ມລາວ, ຜູ້ເລີ່ມຕົ້ນ ໃນການນຳໃຊ້ເທັກໂນໂລຢີດິຈິຕອລ໌ເພື່ອສ້າງທ່າແຮງສູງສຸດໃນການດຳເນີນທຸລະກິດຂອງເຂົາເຈົ້າ.ທັງສອງບໍລິສັດຄາດວ່າ ການດຳເນີນການດັ່ງກ່າວວ່າຈະເພີ່ມຍອດໃນການນຳໃຊ້ເທັກໂນໂລຢີຂໍ້ມູນຂ່າວສານ ແລະ ການສື່ສານ. ທັງເຊື່ອວ່ານະວັດຕະກຳ ແລະ ການສ້າງສັນຂອງນັກທຸລະກິດໜຸ່ມຈະຊ່ວຍສົ່ງເສີມການພັດທະນາດ້ານເສດຖະກິດຂອງຊາດ.ອ່ານຕໍ່ ...

ບໍ່ແກ້ວ, ລາວ (ວຽງຈັນທາມສ໌/ANN) – ພາຍໃຕ້ສົກສຶກສາທີ່ກຳລັງຈະສິ້ນສຸດໃນເດືອນໜ້ານີ້, ໂຄງການຊ້າງລາວຮັກອ່ານພວມເລັ່ງມືໃນການລົງຢ້ຽມຢາມໂຮງຮຽນຕ່າງໆທີ່ເມືອງຫ້ວຍຊາຍ, ແຂວງບໍ່ແກ້ວ ເພື່ອນຳພາເດັກນ້ອນຈັດກິດຈະກຳເພື່ອສ້າງແຮງບັນດານໃຈຕ່າງໆ ເຊັ່ນ ການອ່ານ, ແລະ ການແຈກຢາຍອຸປະກອນການສຶກສາ.ໂຄງການຊ້າງລາວຮັກອ່ານແມ່ນໂຄງການຂັ້ນຮາກຖານ ແລະ ເປັນການລິເລີ່ມແບບບໍ່ຫວັ່ງຜົນກຳໄລ ເພື່ອສົ່ງເສີມການອ່ານໃນເມືອງຫ້ວຍຊາຍ. ໂຄງການດັ່ງກ່າວມີການໃຫ້ບໍລິການຫ້ອງອ່ານຂະໜາດນ້ອຍໃນໃຈກາງຕົວເມືອງ ມາແຕ່ທ້າຍປີ 2017  ເພື່ອສົ່ງເສີມໃຫ້ເດັກນ້ອຍຮັກໃນການອ່ານ ແລະທັງເປັນການໂຄສະນາກິດຈະກຳຂອງໂຄງການໃຫ້ແກ່ນັກທ່ອງທ່ຽວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຈຳນວນນັກທ່ອງທ່ຽວເກົາຫຼີໃຕ້ທີ່ເຂົ້າມາລາວຫຼຸດລົງ 32% ໃນຊ່ວງສາມເດືອນທຳອິດຂອງປີນີ້ ທຽບກັບໄລຍະດຽວກັນຂອງປີ 2018 ທີ່ມີນັກທ່ອງທ່ຽວເພີ່ມຂຶ້ນໃນຊ່ວງປີຜ່ານມາ.ກົມພັດທະນາການທ່ອງທ່ຽວ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ລາຍງານຈຳນວນນັກທ່ອງທ່ຽວເກົາຫຼີໃຕ້ທີ່ເຂົ້າມາລາວ ມີປະມານ  46,000  ຄົນໃນຊ່ວງເດືອນມັງກອນເຖິງເດືອນມີນາປີນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານຈະດຳເນີນການສຳຫຼວດກະສິກຳຄັ້ງໃຫຍ່ໃນປີນີ້, ເພື່ອນຳໃຊ້ຜົນການສຳຫຼວດດັ່ງກ່າວເປັນບ່ອນອີງໃນການວາງແຜນພັດທະນາເສດຖະກິດສັງຄົມຊຸມໃໝ່ສຳລັບປີ 2020-2025.ທ່ານ ສົມດີ ດວງດີ ຮອງນາຍົກລັດຖະມົນຕີ ແລະ ລັດຖະມົນຕີກະຊວງການເງິນ ເປັນປະທານໃນກອງປະຊຸມໃນວັນສຸກຜ່ານມາ ເຊິ່ງເປັນກອງປະຊຸມຂອງຜູ້ມີສ່ວນຮ່ວມ ເພື່ອຫາລືການກະກຽມການສຳຫຼວດກະສິກຳທົ່ວປະເທດຄັ້ງທີສາມ, ເຊິ່ງຄາດວ່າຈະມີຂຶ້ນໃນປີນີ້.ຕາມການເປີດເຜີຍໃນກອງປະຊຸມສື່ມວນຊົນຂອງຜູ້ຈັດກອງປະຊຸມ, ຜູ້ເຂົ້າຮ່ວມໄດ້ປຶກສາຫາລືປະເດັນສຳຄັນກ່ຽວກັບການກະກຽມຕ່າງໆ ເຊັ່ນ ແຜນດຳເນີນງານ, ຂັ້ນຕອນການສຳຫຼວດ, ແລະ ງົບປະມານສຳລັບການດຳເນີນການ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ພິທີລົງນາມໃນຂໍ້ຕົກການລົງທຶນໄດ້ມີຂຶ້ນໃນອາທິດແລ້ວນີ້ທີ່ວຽງຈັນ ລະຫວ່າງກອງທຶນປົກປັກຮັກສາສິ່ງແວດລ້ອມ ແລະ ກົມປ່າໄມ້ ຂອງກະຊວງກະສິກຳ ແລະ ປ່າໄມ້, ແລະ ກົມແຜນການ ແລະ ການຮ່ວມມື ຂອງກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ.ລັດຖະບານໄດ້ອະນຸມັດທຶນກວ່າ 2.4 ຕື້ກີບສຳລັບການຟື້ນຟູປ່າໄມ້ໃນສວນພຶກສາຫ້ວຍຍາງ-ດົງໝາກຄາຍ ເພື່ອສົ່ງເສີມການຄົ້ນຄວ້າກ່ຽວກັບປ່າໄມ້ ແລະ ລະບົບນິເວດ ກໍຄືການທ່ອງທ່ຽວຢ້ຽມຢາມພື້ນທີ່.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກ້ວຍຈະເປັນສິນຄ້າກະສິກຳສົ່ງອອກອັນດັບຕົ້ນຂອງລາວໃນປີນີ້ ເຖິງວ່າລັດຖະບານຈະສັ່ງຫ້າມການຂະຫຍາຍພື້ນທີ່ປູກກ້ວຍໃນທົ່ວປະເທດ.ໃນປີ 2017 ລາວສາມາດສ້າງລາຍຮັບໄດ້ US$167.9 ລ້ານໂດລາຈາກການສົ່ງອອກກ້ວຍ, ເຊິ່ງຫຼຸດລົງມາເປັນ US$112 ລ້ານໂດລາໃນປີກາຍນີ້, ແຕ່ວ່າຕົວເລກດັ່ງກ່າວຄາດວ່າຈະເພີ່ມເປັນ US$168  ລ້ານໂດລາໃນປີນີ້, ຕາມກະຊວງອຸດສາຫະກຳ ແລະ ການຄ້າ.ພືດຊະນິດດັັ່ງກ່າວສ່ວນໃຫຍ່ແມ່ນສົ່ງຂາຍໃຫ້ປະເທດຈີນ ແລະ ບາງສ່ວນກໍ່ສົ່ງຂາຍໄປປະເທດໄທ.ອ່ານຕໍ່ ...