News

(ຂປລ) ທ່ານ ທອງລຸນ ສີສຸລິດ ນາຍົກລັດຖະມົນຕີຢືນຢັນໃນວັນພຸດຜ່ານມານີ້ວ່າ ລັດຖະບານຈະຫຼຸດໂກຕາລັດຖະກອນສຳລັບປີ 2019 ໃຫ້ເຫຼືອ 1,500 ອັດຕາ, ເຄິ່ງໜຶ່ງຂອງຈຳນວນໂກຕາໃນປີ 2018, ເນື່ອງຈາກອັດຕາສ່ວນຂອງລັດຖະກອນທຽບກັບພົນລະເມືອງຂອງລາວແມ່ນຢູ່ໃນລະດັບສູງສຸດ ທຽບກັບບັນດາປະເທດໃນອາຊຽນ.ອ່ານຕໍ່ ...

(ຂປລ) ຄະນະກຳມາທິການແມ່ນ້ຳຂອງ (MRC) ຮ່ວມກັບລັດຖະບານເຢຍລະມັນ ແລະ ສະຫະພາບເອີຣົບ (EU) ລົງນາມໃນຂໍ້ຕົກລົງມູນຄ່າ 8.92 ລ້ານຢູໂຣ ຫຼື ປະມານ 10 ລ້ານໂດລາສະຫະລັດ ໃນວັນທີ 28 ພະຈິກ ເພື່ອເສີມຂະຫຍາຍການຮ່ວມມືນ່ານນ້ຳລະຫວ່າງຊາຍແດນໃນພາກພື້ນລຸ່ມນ້ຳຂອງ, ຄຽງຄູ່ກັບກອງປະຊຸມຄັ້ງທີ 25 ຂອງສະພາ MRC.ອ່ານຕໍ່ ...

(ຂປລ) ລັດຖະບານກະກຽມ ແລະ ອະນຸມັດແຜນຟື້ນຟູຫຼັງໄພພິບັດ ເຊິ່ງຈະຈັດຕັ້ງປະຕິບັດໃນ 124 ເມືອງທີ່ໄດ້ຮັບຜົນກະທົບຈາກໄພິບັດ. ການຈັດຕັ້ງປະຕິບັດແຜນໃນບັນດາຕົວເມືອງທີ່ຖືກຜົນກະທົບດັ່ງກ່າວ ຈະນຳໃຊ້ງົບປະມານກວ່າ 3,166 ຕື້ກີບ.ອ່ານຕໍ່ ...

(ຂປລ) ກະຊວງພະລົງງານ ແລະ ບໍ່ແຮ່ສືບຕໍ່ປັບປຸງຍຸດທະສາດການພັດທະນາ ເພື່ອຮັບປະກັນການຫຼຸດຜ່ອນຄ່າໄຟຟ້າສຳລັບຂະແໜງການກະສິກຳ.ແຜນການດັ່ງກ່າວຈະສ້າງປະໂຫຍດໃຫ້ແກ່ຂະແໜງກະສິກຳ ໂດຍການຫຼຸດຄ່າໄຟຟ້າ 50% ໃຫ້ແກ່ຊາວໄຮ່ນາ ແລະ 30% ສຳລັບຜູ້ລ້ຽງສັດ,​ ຕາມການລາຍງານຂອງທ່ານ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ໃນກອງປະຊຸມສະໄໝສາມັນເທື່ອທີ່ 6 ຂອງສະພາແຫ່ງຊາດຊຸດທີ 8 ໃນວັນຈັນຜ່ານມາ.ອ່ານຕໍ່ ...

ສະມາຊິກສະພາແຫ່ງຊາດ (ສພຊ) ຊົມເຊີຍຕໍ່ຜົນສຳເລັດຕໍ່ກັບໜ້າທີ່ທາງການເມືອງຂອງລັດຖະບານ ໃນການບັນລຸເປົ້າໝາຍການພັດທະນາເສດຖະກິດ-ສັງຄົມ ໂດຍສະເພາະແມ່ນການຫຼຸດຜ່ອນການຮົ່ວໄຫຼດ້ານລາຍຮັບ.ເຖິງຢ່າງໃດກໍຕາມ ສະພາແຫ່ງຊາດແນະນຳໃຫ້ລັດະຖະບານສ່ອງແສງຜົນສຳເລັດຕົວຈິງ ແລະ ມາດຕະການທີ່ນຳໃຊ້ ເພື່ອນຳໄປສູ່ການບຸກບືນຕື່ມໃນອະນາຄົດ.ອ່ານຕໍ່ ...

ອຳນາດການປົກຄອງແຂວງຫຼວງພະບາງຈະຈັດກິດຈະກຳຂີ່ລົດຖີບ ແລະ ວັດທະນະທຳເພື່ອດຶງດູດນັກທ່ອງທ່ຽວໃນກາງເດືອນທັນວາ. ກິດຈະກຳດັ່ງກ່າວຈະເປັນກິດຈະກຳສົ່ງທ້າຍປີທ່ອງທ່ຽວລາວ 2018 ຂອງນະຄອນຫຼວງພະບາງ.ອ່ານຕໍ່ ...

ຂົວຂ້າມນ້ຳງື່ມ ເຊິ່ງເຊື່ອມຕໍ່ລະຫວ່າງບ້ານນາບົງ ແລະ ທ່າກົກໄຮ ເມືອງປາກງື່ມ ນະຄອນວຽງຈັນ ໄດ້ເປີດນຳໃຊ້ຢ່າງເປັນທາງການ ເພື່ອອຳນວຍຄວາມສະດວກໃຫ້ແກ່ປະຊາຊົນທ້ອງຖິ່ນ. ເຂົ້າຮ່ວມໃນພິທີເປີດຂົວວານນີ້ມີທ່ານ ທອງລຸນ ສີສຸລິດ ນາຍົກລັດຖະມົນຕີ ແລະ ທ່ານ ສັກໄຊ ວົງມາລາສິດ (ປີເຕີ ຊານ) ປະທານບໍລິສັດອະສັງຫາລິມະຊັບລາວໂລກ.ອ່ານຕໍ່ ...

ລັດຖະບານສາມາດລະດົມທຶນຈາກແຫຼ່ງອື່ນເພື່ອສະໜອງໃຫ້ແກ່ທຸລະກິດຂະໜາດນ້ອຍ ແລະ ຂະໜາດກາງ (SMEs) ແທນການປ່ອຍສິນເຊື່ອ ເຊິ່ງເປັນການເພີ່ມນີ້ສິນຂອງຊາດ. ນີ້ແມ່ນຄວາມເຫັນຂອງທ່ານນາງ ວາລີ ເວດສະພົງ ສະມາຊິກສະພາແຫ່ງຊາດຈາກວຽງຈັນ ເຊິ່ງບໍ່ເຫັນດີກັບແຜນຂອງທະນາຄານແຫ່ງ ສປປ ລາວ ໃນການກູ້ຢືມເງິນຈາກທະນາຄານຈີນເພື່ອປ່ອຍກູ້ໃຫ້ແກ່ທຸລະກິດ SMEs.ອ່ານຕໍ່ ...

ລາວໄດ້ຮັບທຶນຊ່ວຍເຫຼືອຈາກກອງທຶນຮັບມືເຫດສຸກເສີນສູນກາງຂອງອົງການສະຫະປະຊາຊາດ ເພື່ອຊ່ວຍເຫຼືອພາລະກິດເພື່ອມະນຸດສະທຳ ແລະ ການຮັບມືເຫດສຸກເສີນ ພາຍຫຼັງໄພນ້ຳຖ້ວມທີ່ຫາກໍ່ເກີດຂຶ້ນໃນໄລຍະຜ່ານມາໃນທົ່ວປະເທດ. ທຶນຊ່ວຍເຫຼືອລ້າຈຳນວນ 3.5 ລ້ານໂດລາສະຫະລັດນີ້ ຈະຖືກນຳໃຊ້ເຂົ້າໃນການຟື້ນຟູ ຫົກເມືອງຂອງແຂວງຄຳມ່ວນທີ່ໄດ້ຮັບຜົນກະທົບຮ້າຍແຮງ ຄື ເມືອງໜອງບົກ, ຫີນບູນ, ບົວລະພາ, ມະຫາໄຊ, ເຊບັ້ງໄຟ ແລະ ຍົມມະລາດ, ຕາມການລາຍງານຂອງຫ້ອງການອົງການ UNDP ໃນວັນຈັນແລ້ວນີ້.ອ່ານຕໍ່  ...

ຜູ້ລອດຊີວິດຈາກໄພພິບັດຈາກໂຄງການພະລັງງານໄຟຟ້ານ້ຳຕົກເຊປຽນ-ເຊນ້ຳນ້ອຍໃນເດືອນກໍລະກົດຜ່ານມາ ທີ່ຢູ່ແຂວງຈຳປາສັກ, ປະເທດລາວ ຍັງຄົງຮຽກຮ້ອງເງິນບັນເທົາທຸກຈາກລັດຖະບານທ້ອງຖິ່ນ ແລະ ສູນກາງ ຫຼັງຈາກທີ່ບໍ່ໄດ້ຮັບເງິນເບ້ຍລ້ຽງຕາມທີ່ໄດ້ຮັບສັນຍາມາເປັນເວລາສອງເດືອນ ຕາມການລາຍງານຂອງເຈົ້າໜ້າທີ່ທ້ອງຖິ່ນ.ສອງເດືອນກ່ອນ ລັດຖະບານໄດ້ຕົກລົງຈະຈ່າຍເບ້ຍລ້ຽງຈຳນວນ 12 ໂດລາຕໍ່ເດືອນໃຫ້ແກ່ຜູ້ປະສົບໄພຈາກເຂື່ອນແຕກ ເຊິ່ງໄດ້ທຳລາຍສູນເສຍທີ່ຢູ່ອາໄສ ແລະ ເຮັດໃຫ້ເກີດໄພນ້ຳຖ້ວມຄັ້ງຮ້າຍແຮງໃນປະມານ 12 ບ້ານໃນພື້ນທີ່ລຸ່ມນ້ຳແຂວງຈຳປາສັກ ແລະ ອັດຕະປື.ອ່ານຕໍ່ ...