ການບໍລິການດ້ານການເງິນ ແລະ ການທະນາຄານ
ນະໂຍບາຍ ແລະ ລະບຽບການບໍລິການດ້ານການເງິນ ແລະ ການທະນາຄານ
ຄະນະລັດຖະບານຊຸກຍູ້ການຄຸ້ມຄອງອັດຕາແລກປ່ຽນໃຫ້ມີປະສິດທິພາບ
ວຽງຈັນ (ວຽງຈັນທາມສ໌/ANN) – ຄະນະລັດຖະບານຖືເອົາການຄຸ້ມຄອງອັດຕາແລກປ່ຽນເປັນໜຶ່ງໃນບູລິມະສິດສູງສຸດໃນໄລຍະເດືອນຕໍ່ໜ້າ, ເນື່ອງຈາກຊ່ອງຫວ່າງລະຫວ່າງອັດຕາແລກປ່ຽນທາງການ ແລະ ໃນທ້ອງຕະຫຼາດຂະຫຍາຍຕົວເພີ່ມຂຶ້ນ.ຕາມການເປີດເຜີຍຕໍ່ສື່ມວນຊົນໃນຕອນທ້າຍຂອງກອງປະຊຸມປະຈຳເດືອນຂອງຄະນະລັດຖະບານໃນວັນທີ 19 ສິງຫານີ້, ລັດຖະບານໄດ້ເນັ້ນເຖິງຄວາມຈຳເປັນສຳລັບທະນາຄານແຫ່ງ ສປປ ລາວ ແລະ ຂະແໜງການທີ່ກ່ຽວຂ້ອງ ໃຫ້ຮັດແໜ້ນການຄຸ້ມຄອງການແລກປ່ຽນເງິນຕາ.ອ່ານຕໍ່ ...
ເອກະພອນ ພູທອນສີ
http://annx.asianews.network/content/lao-cabinet-pushes-effective-management-exchange-rates-102988
ເຈົ້າໜ້າທີ່ພາສີຈັດຕັ້ງກິດຈະກຳສົ່ງເສີມການຕ້ານການຟອກເງິນ
ວຽງຈັນ (ວຽງຈັນທາມສ໌/ANN) – ປ້າຍຂໍ້ມູນຂ່າວສານໄດ້ມີການຕິດຕັ້ງຢູ່ດ່ານຊາຍແດນເຂົ້າອອກປະເທດ ເພື່ອໃຫ້ຂໍ້ມູນແກ່ຜູ້ເດີນທາງ ກ່ຽວກັບລະບຽບການຂອງປະເທດລາວໃນການຖືຄອງ ແລະ ຂົນຍ້າຍເງິນຕາຕ່າງໆ.ການລິເລີ່ມດັ່ງກ່າວແມ່ນສ່ວນໜຶ່ງຂອງກິດຈະກຳການໂຄສະນາເພື່ອສົ່ງເສີມຄວາມຮູ້ຄວາມເຂົ້າໃຈໃນທົ່ວປະເທດ ໂດຍຫ້ອງການຕ້ານການຟອກເງິນ (AMLIO) ແລະ ເຈົ້າໜ້າທີ່ພາສີລາວ ຮ່ວມກັບສະຖາບັນເພື່ອການຊ່ວຍເຫຼືອດ້ານກົດໝາຍ ແລະ ສະໜັບສະໜູນວິຊາການ (ILSTA).ອ່ານຕໍ່ ...
ໂຕະຂ່າວ
http://annx.asianews.network/content/customs-officials-step-campaign-against-money-laundering-102627
ທະນາຄານໂລກຊຸກຍູ້ໃຫ້ລາວປ່ອຍຄ່າເງິນກີບໃຫ້ເປັນໄປຕາມກົນໄກຕະຫຼາດ
ວຽງຈັນ (ວຽງຈັນທາມສ໌/ANN) – ທະນາຄານໂລກໄດ້ແນະນຳໃຫ້ປະເທດລາວປ່ອຍຄ່າເງິນຕາຂອງຕົນໃຫ້ເປັນໄປຕາມກະແສຂອງຕະຫຼາດ ໃນຂະນະທີ່ປະເທດຕ່າງໆໄດ້ມີການປະກາດຫຼຸດອັດຕາດອກເບ້ຍ ທ່າມກາງສົງຄາມການຄ້າລະຫວ່າງສະຫະລັດ ແລະ ຈີນ.ທ່ານ ສົມນຶກ ດາວວະດິງ ນັກເສດຖະສາດລະດັບສູງຂອງທະນາຄານໂລກ ໄດ້ໃຫ້ຄຳແນະນຳດັ່ງກ່າວໃນການເປີດຕົວບົດລາຍງານການຕິດຕາມເສດຖະກິດຂອງລາວສະບັບຫຼ້າສຸດໃນວັນຈັນຜ່ານມາ, ພາຍຫຼັງທະນາຄານກາງຂອງສະຫະລັດ ໄດ້ແຈ້ງຫຼຸດອັດຕາດອກເບ້ຍເພື່ອຫຼຸດຜ່ອນຜົນກະທົບຈາກຄວາມເຄັ່ງຕຶງທາງການຄ້າ.ອ່ານຕໍ່ ...
ສົມສັກ ພົງຂາວ
http://annx.asianews.network/content/world-bank-urges-laos-let-kip-follow-market-102043
ທະນາຄານແຫ່ງລັດແນະນຳໃຫ້ເພີ່ມຄວາມເຂັ້ມງວດກັບໜ່ວຍແລກປ່ຽນເງິນຕາ
ວຽງຈັນ (ວຽງຈັນທາມສ໌/ANN) – ທະນາຄານແຫ່ງ ສປປ ລາວ (BOL) ບໍ່ຄວນຈະອອກພຽງແຕ່ຄຳເຕືອນຕໍ່ໜ່ວຍແລກປ່ຽນເງິນຕາຕ່າງປະເທດທີ່ບໍ່ປະຕິບັດຕາມລະບຽບການກ່ຽວກັບເງິນຕາ, ເຈົ້າໜ້າທີ່ການນຳຂອງສະພານການຄ້າ ແລະ ອຸດສາຫະກຳແຫ່ງຊາດລາວກ່າວວານນີ້.ຄຳເຫັນດັ່ງກ່າວໄດ້ມີຂຶ້ນໃນລະຫວ່າງກອງປະຊຸມປຶກສາຫາລືລະຫວ່າງຕາງໜ້າຈາກໜ່ວຍງານລັດ ແລະ ຂະແໜງເອກະຊົນໃນນະຄອນຫຼວງວຽງຈັນໃນວັນອັງຄານຜ່ານມາ ເພື່ອຫາລືກ່ຽວກັບອັດຕາແລກປ່ຽນ ແລະ ຫົວຂໍ້ອື່ນໆທີ່ກ່ຽວຂ້ອງກັບການບໍລິການສາທາລະນະເພື່ອອຳນວຍຄວາມສະດວກໃຫ້ແກ່ການດຳເນີນທຸລະກິດ.ອ່ານຕໍ່ ...
ໂຕະຂ່າວ
http://annx.asianews.network/content/bank-laos-advised-more-strictly-regulate-money-changers-101752
ກະຊວງຕັ້ງເປົ້າປະຕິຮູບຜ່ານໂຄງການລົງທຶນຂອງລັດ
ກະຊວງການເງິນເຊື່ອວ່າການຄຸ້ມຄອງລະບົບການເງິນຂອງລັດຈະມີປະສິດທິຜົນ, ມີຄວາມໂປ່ງໃສ ແລະ ສາມາດກວດສອບໄດ້ດີຍິ່ງຂຶ້ນ ພາຍຫຼັງການລິເລີ່ມການຈັດຕັ້ງປະຕິບັດສອງໂຄງການເພື່ອສະໜັບສະໜູນການປະຕິຮູບໃນວັນສຸກແລ້ວນີ້.ການລິເລີ່ມສອງໂຄງການດັ່ງກ່າວມີຄື ໂຄງການເສີມຂະຫຍາຍການຄຸ້ມຄອງການເງິນຂອງລັດຜ່ານການນຳໃຊ້ເທັກໂນໂລຢີ ແລະ ທັກສະດ້ານຂໍ້ມູນຂ່າວສານ ແລະ ການສື່ສານ ແລະ ໂຄງການປະຕິຮູບການຄຸ້ມຄອງການເງິນຂອງລັດ (EU-WB TF).ອ່ານຕໍ່ ...
ບຸນແຝງ ໄພມະນີວົງ
ລັດຖະບານຮ້ອງຂໍສະພາແຫ່ງຊາດໃຫ້ພິຈາລະນານະໂຍບາຍການລົງທຶນ BOT ໃນອະນາຄົດ
ວຽງຈັນ (ວຽງຈັນທາມສ໌/ANN) – ທ່ານ ທອງລຸນ ສີສຸລິດ ນາຍົກລັດຖະມົນຕີ ຮຽກຮ້ອງໃຫ້ສະມາຊິກສະພາແຫ່ງຊາດພິຈາລະນາການນຳໃຊ້ນະໂຍບາຍເພື່ອດຶງດູດການລົງທຶນຈາກຕ່າງປະເທດ ສຳລັບໂຄງການພັດທະນາພື້ນຖານໂຄງລ່າງຂອງລັດ.ລັດຖະບານຕ້ອງການສົ່ງເສີມການລົງທຶນທີ່ຈົດທະບຽນພາຍໃຕ້ຕົວແບບ ສ້າງ-ດຳເນີນການ-ສົ່ງມອບ (BOT) ເຊິ່ງທຸລະກິດເອກະຊົນເປັນຜູ້ລົງທຶນຮ້ອຍສ່ວນຮ້ອຍ ຈາກນັ້ນວິສາຫະກິດຈະເປັນຜູ້ຄຸ້ມຄອງພາຍໃນກຳນົດເວລາທີ່ຕົກລົງກັນ ກ່ອນຈະສົ່ງມອບ ແລະ ສືບຕໍ່ດຳເນີນການໂດຍລັດຖະບານ.ອ່ານຕໍ່ ...
ສຸກສາຄອນ ແຫວນແກ້ວ
http://annx.asianews.network/content/lao-govt-asks-na-consider-incentives-future-bot-investments-98384
ລາວພວມເລັ່ງຈັດຕັ້ງປະຕິບັດນະໂຍບາຍຄວບຄຸມເງິນຕາ: ນາຍົກ
ວຽງຈັນ (ວຽງຈັນທາມສ໌/ANN) – ການຄຸ້ມຄອງເງິນຕາຂອງລາວກຳລັງໄດ້ຮັບການເລັ່ງຈັດຕັ້ງປະຕິບັດໃນທົ່ວປະເທດ ເພື່ອເຮັດໃຫ້ອັດຕາເງິນເຟີ້ຄົງທີ່ຢູ່ທີ່ 1.5 ເປີເຊັນ.ເຖິງຢ່າງໃດກໍຕາມ ສະພາແຫ່ງຊາດໄດ້ມອບໝາຍພາລະກິດໃຫ້ລັດຖະບານ ຄວບຄຸມອັດຕາແລກປ່ຽນເງິນຕາຕ່າງປະເທດໃຫ້ຢູ່ໃນລະດັບຕ່ຳກວ່າ 5 ເປີເຊັນພາຍໃນທ້າຍປີນີ້.ອ່ານຕໍ່ ...
ບຸນແຝງ ໄພມະນີວົງ
http://annx.asianews.network/content/currency-control-measures-being-moderately-implemented-lao-pm-98319
ຂະແໜງການທະນາຄານໃນລາວປັບປຸງລະບຽບການທາງການເງິນ
ວຽງຈັນ (ວຽງຈັນທາມສ໌/ANN) – ຂະແໜງການທະນາຄານຂອງລາວກຳລັງມີການປັບປຸງລະບຽບການ ແລະ ດັດປັບການກະກຽມສຳລັບການຈັດຕັ້ງປະຕິບັດຫຼັກການ Basel II, ລວມທັງການຮຽນຮູ້ກ່ຽວກັບມາດຕະຖານການລາຍງານທາງການເງິນສາກົນ (IFRS 9).IFRS 9 ແມ່ນໄດ້ຮັບການປະກາດໃຊ້ໂດຍຄະນະກຳມະການມາດຕະຖານການບັນຊີສາກົນ (IASB) ແລະ ນຳໃຊ້ເພື່ອເປັນເຄື່ອງມືທາງການເງິນ. ເຊິ່ງປະກອບດ້ວຍສາມຫົວຂໍ້ຫຼັກຄື: ການຈຳແນກ ແລະ ການວັດແທກເຄື່ອງມືທາງການເງິນ, ການເຊື່ອມມູນຄ່າຂອງຊັບສິນທາງການເງິນ ແລະ ການບັນຊີປ້ອງກັນຄວາມສ່ຽງ.ອ່ານຕໍ່ ...
ໂຕະຂ່າວ
BOL ເຕືອນທຸລະກິດການເງິນຈຸນລະພາກທີ່ບໍ່ແມ່ນທະນາຄານບໍ່ໃຫ້ຊື້ຂາຍແລກປ່ຽນເງິນຕາຕ່າງປະເທດ
ວຽງຈັນ (ວຽງຈັນທາມສ໌/ANN) – ທະນາຄານແຫ່ງ ສປປ ລາວ (BOL) ເຕືອນມະຫາຊົນບໍ່ໃຫ້ແລກປ່ຽນ, ຊື້ ຫຼື ຂາຍເງິນຕາຕ່າງປະເທດ ຜ່ານຫ້າປະເພດສະຖາບັນການເງິນຈຸນລະພາກທີ່ບໍ່ແມ່ນທະນາຄານ.ຫ້າປະເພດທຸລະກິດການເງິນຈຸນລະພາກມີຄື ສະຖາບັນການເງິນຈຸນລະພາກຮັບຝາກເງິນ, ສະຖາບັນການເງິນຈຸນລະພາກບໍ່ຮັບຝາກເງິນ, ສະຫະພັນເງິນຝາກ ແລະ ສິນເຊື່ອ, ທຸລະກິດເຊົ່າ, ແລະ ທຸລະກິດຊວດຈຳ, ທ່ານ ອາລຸນ ບຸນຍົງ ຫົວໜ້າພະແນກຄຸ້ມຄອງສະຖາບັນການເງິນຂອງທະນາຄານກາງ.ອ່ານຕໍ່ ...
ໂຕະຂ່າວ
ທະນາຄານການຊຸກຍູ້ການສ້າງສະຖຽນລະພາບໃຫ້ເງິນກີບ
ທະນາຄານແຫ່ງ ສປປ ລາວ ຕ້ອງນຳໃຊ້ມາດຕະການທີ່ເປັນຮູບປະທຳເພື່ອຮັກສາຄ່າຂອງເງິນກີບ ບໍ່ດັ່ງນັ້ນລາວອາດຕ້ອງຜະເຊີນກັບສິ່ງທ້າທາຍອັນໃຫຍ່ຫຼວງໃນການຮັກສາຄ່າຄອງຊີບໃຫ້ຢູ່ໃນລະດັບທີ່ສາມາດຢູ່ໄດ້ ຕາມບົດລາຍງານຈາກສູນສະຖິຕິແຫ່ງຊາດ.ສູນສະຖິຕິແຫ່ງຊາດເຊິ່ງເປັນໜ່ວຍງານຮັບຜິດຊອບເກັບກຳຂໍ້ມູນເສດຖະກິດສັງຄົມ ໄດ້ເປີດເຜີຍບົດລາຍງາຍກ່ຽວກັບສະຖານະການເງິນເຟີ້ຫຼ້າສຸດໃນລາວ, ເຊິ່ງຍົກໃຫ້ເຫັນສິ່ງທ້າທາຍທີ່ປະເທດກຳລັງຜະເຊີນໃນປະຈຸບັນ ໂດຍສະເພາະແມ່ນການເພີ່ມສູງຂຶ້ນຂອງຄ່າຄອງຊີບ ຍ້ອນໄພເງິນເຟີ້.ອ່ານຕໍ່ ...
ເອກະພອນ ພູທອນສີ