ກະສິກຳ

ວຽງຈັນ (ວຽງຈັນທາມສ໌/ANN) – ລາວຄາດວ່າລາຍຮັບຈາກການສົ່ງອອກເຂົ້າໃນປີ 2019 ຈະຫຼຸດລົງ ເນື່ອງຈາກໄພນ້ຳຖ້ວມເປັນບໍລິເວນກວ້າງໃນທົ່ວປະເທດໃນປີຜ່ານມາ.ລາວວາງເປົ້າໝາຍການສົ່ງອອກເຂົ້າໃນປີຜ່ານມາທີ່ US$45.6 ລ້ານໂດລາ, ແຕ່ວ່າສາມາດບັນລຸໄດ້ພຽງ US$31.4 ລ້ານໂດລາ, ຕາມກະຊວງອຸດສາຫະກຳ ແລະ ການຄ້າ.ໃນປີນີ້ ລັດຖະບານຄາດວ່າຈະສ້າງລາຍຮັບຈາກການສົ່ງອອກເຂົ້າພຽງແຕ່ US$25.2 ລ້ານໂດລາ ເຊິ່ງຫຼຸດລົງຫຼາຍທຽບກັບຕົວເລກໃນປີຜ່ານມາ.ຜົນຜະລິດເຂົ້າໃນ 16 ແຂວງ ແມ່ນໄດ້ໜ້ອຍເນື່ອງຈາກໄພນ້ຳຖ້ວມເປັນບໍລິເວນກວ້າງໃນລະດູຝົນປີກາຍ, ຕາມລາຍງານຂອງກະຊວງກະສິກຳ ແລະ ປ່າໄມ້. ປີກາຍນີ້ ພື້ນທີ່ປູກເຂົ້າຈຳນວນ 101,000 ເຮັກຕາໄດ້ຮັບຜົນກະທົບຈາກໄພນ້ຳຖ້ວມ, ຄິດເປັນ 12% ຂອງເນື້ອທີ່ປູກເຂົ້າທັງໝົດ 817,800 ເຮັກຕາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງກະສິກຳ ແລະ ປ່າໄມ້ໄດ້ຮ່າງແຜນການເພື່ອຮັບປະກັນການປະຕິບັດທີ່ຖືກຕ້ອງຕາມແຜນການເພື່ອບັນລຸເປົ້າໝາຍໃນຍຸດທະສາດການພັດທະນາຂະແໜງກະສິກຳເຖິງປີ 2025.ໃນບົດລາຍງານແຜນພັດທະນາຫ້າປີເຖິງປີ 2025 ກ່າວວ່າ ເປົ້າໝາຍຂອງກະຊວງແມ່ນການຂະຫຍາຍຕົວຂອງລວມຍອດຜະລິດຕະພັນພາຍໃນຂອງຂະແໜງກະສິກຳ ແລະ ປ່າໄມ້ໃນອັດຕາສະເລ່ຍ 3.4%. ນີ້ໝາຍເຖິງຂະແໜງການຈະປະກອບສ່ວນ 19% ຕໍ່ເສດຖະກິດແຫ່ງຊາດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວມີແຜນສ້າງລາຍຮັບປະມານ US$48.2 ລ້ານໂດລາຈາກການສົ່ງອອກຜະລິດຕະພັນສັດລ້ຽງເຊັ່ນ ງົວ ຄວາຍ ສຳລັບປີນີ້, ເຊິ່ງເພີ່ມຂຶ້ນ 1.7 ເປີເຊັນທຽບກັບຕົວເລກປີຜ່ານມາ.ໃນເບື້ອງຕົ້ນ ລາວໄດ້ວາງເປົ້າໝາຍການສົ່ງອອກຜະລິດຕະພັນສັດລ້ຽງສຳລັບປີກາຍຢູ່ທີ່ US$46.2 ລ້ານໂດລາ ແຕ່ວ່າສາມາດບັນລຸຍອດສົ່ງອອກລວມ US$90.3 ລ້ານໂດລາ, ຕາມກະຊວງອຸດສາຫະກຳ ແລະ ການຄ້າ.ສັດລ້ຽງສ່ວນໃຫຍ່ແມ່ນສົ່ງຂາຍໃຫ້ແກ່ປະເທດຫວຽດນາມ ແລະ ຈີນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຊາວກະສິກອນລາວກຳລັງຜະເຊີນກັບສິ່ງທ້າທາຍຕໍ່ເນື່ອງໃນການຜະລິດ ພາຍໃຕ້ສະພາບອຸນນະພູມທີ່ສືບຕໍ່ເພີ່ມຂຶ້ນໃນລະດັບສູງສຸງ.ຫຼ້າສຸດ ກົມອຸຕຸນິຍົມວິທະຍາ ແລະ ອຸທຸກະສາດ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ລາຍງານວ່າ ອຸນນະພູມໃນລາວແມ່ນຮ້ອນເຖິງລະດັບ 40ºC  ແລະ ສະພາບອາກາດຮ້ອນດັ່ງກ່າວຈະສືບຕໍ່ໄປເຖິງທ້າຍເດືອນນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຂະແໜງກະສິກຳຄາດວ່າຈະຂະຫຍາຍຕົວໃນອັດຕາ 3% ໃນປີນີ້, ຖ້າວ່າລາວບໍ່ຜະເຊີນກັບໄພພິບັດທາງທຳມະຊາດທີ່ຮ້າຍແຮງຄືປີຜ່ານມາ.ຕາມການຄາດຄະເນໃນບົດລາຍງານທິດທາງການພັດທະນາໃນອາຊີ (ADO) 2019, ຂະແໜງກະສິກຳຂອງລາວຈະຂະຫຍາຍຕົວໃນອັດຕາ 2.5%.ຂະແໜງດັ່ງກ່າວໄດ້ຫຼຸດຜ່ອນການຂະຫຍາຍຕົວ ຈາກ 2.9% ສຳລັບປີ 2017 ມາເປັນ 2.5% ໃນປີ 2018, ຕາມບົດລາຍງານຈາກສູນຄົ້ນຄວ້ານະໂຍບາຍເສດຖະກິດມະຫາພາກ ແລະ ການປະຕິຮູບເສດຖະກິດ ພາຍໃຕ້ສະຖາບັນຄົ້ນຄວ້າເສດຖະກິດແຫ່ງຊາດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກົມລ້ຽງສັດ ແລະ ການປະມົງ ກະຊວງກະສິກຳ ແລະ ປ່າໄມ້ ໄດ້ຊຸກຍູ້ໃຫ້ເຈົ້າໜ້າທີ່ ເຊິ່ງປະຈຳຢູ່ດ່ານຊາຍແດນຫວຽດ ແລະ ຈີນ ໃຫ້ເຂັ້ມງວດເປັນພິເສດ ໃນການກວດກາການນຳເຂົ້າໝູ ແລະ ຊີ້ນໝູຜິດກົດໝາຍໃນຊ່ວງປີໃໝ່ລາວ.ຊ່ວງໄລຍະພັກເປັນຊ່ວງທີ່ສຳຄັນ ແລະ ຕ້ອງການສະບຽງອາຫານຊີ້ນໝູໃນປະລິມານຫຼາຍ ດັ່ງນັ້ນ ຜູ້ບໍ່ຫວັງດີອາດພະຍາຍາມລັກລອບນຳເຂົ້າຜະລິດຕະພັນທີ່ຜິດກົດໝາຍດັ່ງກ່າວ.ອ່ານຕໍ່ ...

ຊາວກະສິກອນບ້ານປາກສີ ນະຄອນຫຼວງພະບາງ ປະຈຸບັນຈະສາມາດສ້າງລາຍຮັບຈາກການຜະລິດເຂົ້າ ແລະ ການເກັບກ່ຽວອາຫານສຳລັບງົວຄວາຍໄດ້ຫຼາຍຂຶ້ນ ຍ້ອນໂຄງການສົ່ງເສີມຊີວະນາໆພັນ ແລະ ການຕະຫຼາດໃນການຊື້ຂາຍງົວ.ໂຄງການດັ່ງກ່າວແມ່ນຢູ່ພາຍໃຕ້ການສະໜັບສະໜູນຂອງ ສູນຄົ້ນຄວ້າກະສິກຳສາກົນອອສ໌ເຕຣເລຍ (ACIAR) ແລະ ດຳເນີນການຮ່ວມໂດຍມະຫາວິມະຍາໄລຊິດນີ ແລະ ກົມລ້ຽງສັດ ແລະ ການປະມົງລາວ, ເຊິ່ງແນໃສ່ການປ້ອງກັນພະຍາດໃນງົວ ເພື່ອໃຫ້ຊາວກະສິກອນສາມາດຂາຍສັດລ້ຽງໄດ້ຫຼາຍຂຶ້ນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກຸ່ມຊາວກະສິກອນທີ່ປູກຜັກສະຫຼັດ ເມືອງໄຊທານີ ນະຄອນຫຼວງວຽງຈັນ ສາມາດເພີ່ມລາຍຮັບດ້ວຍການນຳໃຊ້ເຕັກນິກເພື່ອການປັບປຸງຜົນຜະລິດແບບຍືນຍົງ ຜ່ານໂຄງການການລວມສູນການຄຸ້ມຄອງດິນ ແລະ ນ້ຳໃນລາວ ແລະ ກຳປູເຈຍ.ຊາວກະສິກອນເມືອງດັ່ງກ່າວສ່ວນໃຫຍ່ໄດ້ນຳໃຊ້ປຸ໋ຍເຄມີ ແລະ ຝຸ່ນເພື່ອປັບປຸງດິນ ແລະ ເພີ່ມປະລິມານການປູກຜັກ ແຕ່ວ່າເຂົາເຈົ້າບໍ່ໄດ້ຄຳນຶງເຖິງຄວາມຍືນຍົງຂອງດິນພາຍຫຼັງການເກັບກູ້ຜົນລະປູກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການຜະລິດກາເຟທົ່ວປະເທດຕ້ອງສືບຕໍ່ໃນການພັດທະນາ ໃນຂະນະດຽວກັນກໍຕ້ອງມີການສົ່ງເສີມດ້ານຄຸນນະພາບ ໃຫ້ສອດຄ່ອງກັບຄວາມຕ້ອງການທີ່ເພີ່ມຂຶ້ນຂອງຕະຫຼາດທັງພາຍໃນ ແລະ ຕ່າງປະເທດ, ຕາມເຈົ້າໜ້າທີ່ການນຳ. ທ່ານ (ປອ) ຫຼຽນ ທິແກ້ວ ລັດຖະມົນຕີກະຊວງກະສິກຳ ແລະ ປ່າໄມ້ ໄດ້ໃຫ້ຄຳແນະນຳໃນກອງປະຊຸມຂອງສະມາຄົມກາເຟລາວ (Conseil National Du Cafe Lao)  ເຊິ່ງຈັດຂຶ້ນທີ່ວຽງຈັນໃນວັນສຸກຜ່ານມາ.ອ່ານຕໍ່ ...

ລັດຖະບານໄດ້ມີການສົ່ງເສີມການຜະລິດກາເຟໃນ 11 ແຂວງທົ່ວປະເທດ ເພື່ອສະໜອງຜະລິດຕະພັນທີ່ມີຄຸນນະພາບສູງເຂົ້າສູ່ຕະຫຼາດທັງພາຍໃນ ແລະ ຕ່າງປະເທດ. ປະເດັນດັ່ງກ່າວໄດ້ຍົກຂຶ້ນຫາລືໃນກອງປະຊຸມທີ່ວຽງຈັນໃນວັນສຸກທີ່ຜ່ານມາ ເພື່ອທົບທວນການຂະຫຍາຍແຜນການຜະລິດກາເຟສຳລັບປີ 2015-2018 ແລະ ແຜນການໃນຕໍ່ໜ້າ.ກອງປະຊຸມດັ່ງກ່າວແມ່ນພາຍໃຕ້ການເປັນປະທານຂອງທ່ານ (ປອ) ພວງ ປະຣິສັກ ປຣະວົງວຽງຄຳ ຮອງລັດຖະມົນຕີກະຊວງກະສິກຳ ແລະ ປ່າໄມ້ ແລະ ການເຂົ້າຮ່ວມຂອງພະນັກງານ ແລະ ຜູ້ປະກອບການທີ່ກ່ຽວຂ້ອງໃນຂະແໜງການຜະລິດກາເຟ.ອ່ານຕໍ່ ...