ວຽງຈັນທາມສ໌

ປະຊາຊົນຫຼາຍຮ້ອຍຄົນໂທລະສັບເຂົ້າມາແຈ້ງບັນຫາສາທາລະນະຕ່າງໆລວມ 468 ບັນຫາ ຕໍ່ສະພາແຫ່ງຊາດຜ່ານສາຍດ່ວນທີ່ເປີດຮັບໃນລະຫວ່າງກອງປະຊຸມສະໄໝສາມັນຂອງສະພາແຫ່ງຊາດຊຸດທີ 6 ເຊິ່ງໄດ້ອັດລົງໃນອາທິດຜ່ານມາ.ໃນນັ້ນ ບັນຫາຖະໜົນເປ່ເພ, ການຂັດແຍ່ງດ້ານທີ່ດິນ, ແລະ ບັນຫາຢາເສບຕິດ ແມ່ນຕິດອັນດັບສູງສຸດໃນການຮ້ອງຮຽນຜ່ານສາຍດ່ວນ ເຊິ່ງຜູ້ສະເໜີຕ້ອງການຄວາມກະຈ່າງແຈ້ງ ແລະ ການແກ້ໄຂບັນຫາໃນໄລຍະຍາວເຫຼົ່ານີ້ອ່ານຕໍ່ ...

ກະຊວງແຜນການ ແລະ ການລົງທຶນສັນຍາຈະເພີ່ມທະວີຄວາມພະຍາຍາມໃນການເລັ່ງມືການພິຈາລະນາ ແລະ ອະນຸມັດໂຄງການລົງທຶນຕ່າງໆ ຫຼັງຈາກທີ່ພົບວ່າຂັ້ນຕອນມີລັກສະນະຊັກຊ້າກວ່າກຳນົດການຕາມທີ່ໄດ້ລະບຸໃນລະບຽບກົດໝາຍ.ຕາມບົດລາຍງານຕໍ່ສະພາແຫ່ງຊາດໃນອາທິດທີ່ຜ່ານມາ, ກະຊວງໄດ້ຊີ້ແຈງຫຼາຍບັນຫາທີ່ເຮັດໃຫ້ຕ້ອງໃຊ້ເວລາໃນການພິຈາລະນນາ ແລະ ອະນຸມັດໂຄງການ.ອ່ານຕໍ່  ...

ລັດຖະບານລາວ ແລະ ຫວຽດນາມ ຈະສືບຕໍ່ການຮ່ວມມືກັນເພື່ອຕ້ານອາດຊະຍາກຳທາງສິ່ງແວດລ້ອມ, ເຊິ່ງມີລັກສະນະເພີ່ມຂຶ້ນໃນສອງປະເທດ.ນີ້ແມ່ນໜຶ່ງໃນຫົວຂໍ້ການຫາລືໃນການປະຊຸມປຶກສາຫາລື ແລະ ແລກປ່ຽນປະສົບການລະຫວ່າງເຈົ້າໜ້າທີ່ຕຳຫຼວດສິ່ງແວດລ້ອມຂອງລາວ ແລະ ຫວຽດນາມ ທີ່ຈະມີຂຶ້ນໃນລະຫວ່າງວັນທີ 24-25 ທັນວານີ້.ອ່ານຕໍ່ ...

ທາງສຳລັບຂຶ້ນລົງເຮືອບິນທີ່ສະໜາມບິນຫ້ວຍຊາຍ ແຂວງບໍ່ແກ້ວ ພວມໄດ້ຮັບການຂະຫຍາຍປັບປຸງ ເພື່ອຮອງຮັບຄວາມຕ້ອງການໃນການຂົນສົ່ງທີ່ເພີ່ມສູງຂຶ້ນ ແລະ ກຽມພ້ອມສຳລັບການຂະຫຍາຍການລົງທຶນ ແລະ ການທ່ອງທ່ຽວ.ປະຈຸບັນໂຄງການດັ່ງກ່າວຫາກໍ່ດຳເນີນໄດ້ 7%, ເຊິ່ງຄາດວ່າຈະສຳເລັດພາຍໃນປີ 2020 ຕົກເປັນມູນຄ່າລວມທັງໝົດ 149 ຕື້ກີບ ພາຍໃຕ້ການລົງທຶນຂອງລັດຖະບານ.ອ່ານຕໍ່   ...

ໂຮງໝໍແຂວງບໍ່ແກ້ວຂອງລາວ ແລະ ສູນບໍລິການດ້ານການແພດໃຫຍ່ໃນແຂວງ ຊິສວນບັນນາ ຂອງຈີນ ໄດ້ຕົກລົງເສີມຂະຫຍາຍການຮ່ວມມືໃນການປະຕິບັດການດ້ານການແພດແບບຍືນຍົງໃນພື້ນທີ່ຊາຍແດນລະຫວ່າງລາວ-ຈີນ. ຂໍ້ຕົກລົງດັ່ງກ່າວແມ່ນແນໃສ່ການພັດທະນາໜ່ວຍຄຸ້ມຄອງການບໍລິການ, ການປັນປຸງມາດຕະຖານບໍລິການການແພດ ແລະ ການປັບປ່ຽນວິທີການໃຫ້ບໍລິການດ້ານສາທາລະນະສຸກໃນພື້ນທີ່ເປົ້າໝາຍ.ອ່ານຕໍ່  ...

ກອງທຶນປົກປັກຮັກສາສິ່ງແວດລ້ອມໃຫ້ທຶນຊ່ວຍເຫຼືອກວ່າ  32 ຕື້ກີບ (ຫຼື 3.8 ລ້ານໂດລາ) ຜ່ານໂຄງການຄຸ້ມຄອງສິ່ງແວດລ້ອມ ແລະ ສັງຄົມລາວ 2 (LENS2) ເພື່ອສົ່ງເສີມການອະນຸລັກສິ່ງແວດລ້ອມທາງທຳມະຊາດໃນລາວ.ໂດຍທຶນດັ່ງກ່າວແມ່ນມີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ຮ່ວມກັບກະຊວງກະສິກຳ ແລະ ປ່າໄມ້ ເປັນຜູ້ຈັດຕັ້ງປະຕິບັດໂຄງການ.ໂຄງການດັ່ງກ່າວມີຈຸດປະສົງແນໃສ່ຫຼຸດຜ່ອນຜົນກະທົບທີ່ເປັນອັນຕະລາຍຕໍ່ສະພາບແວດລ້ອມ ແລະະ ການດຳເນີນນະໂຍບາຍຂອງລັດຖະບານໃນການອະນຸລັກ ແລະ ປົກປັກຮັກສາຊັບພະຍາກອນທຳມະຊາດ ແລະ ສິ່ງແວດລ້ອມ.ອ່ານຕໍ່   ...

ມະຫາວິທະຍາໄລ ຣິວກິວສ໌ ຂອງຍີ່ປຸ່ນ ແລະ ສູນປາກແຫວ່ງ-ເພດານໂຫວ່ ໂອກິນາວາ ຮ່ວມກັບໂຮງໝໍເສດຖາທິລາດວຽງຈັນ ໄດ້ໃຫ້ບໍລິການຜ່າຕັດປາກແຫວ່ງສຳລັບເດັກນ້ອຍລາວທີ່ດ້ອຍໂອກາດໃນວັນພະຫັດນີ້. ທີມແພດຜ່າຕັດປະກອບດ້ວຍແພດ ແລະ ພະຍາບານ 15 ຄົນ ຈາກລາວ ແລະ ຍີ່ປຸ່ນ ນຳທີມໂດຍຜູ້ຊ່ຽວຊານຈາກມະຫາວິທະຍາໄລ ຣິວກິວສ໌ ປະເທດຍີ່ປຸ່ນອ່ານຕໍ່ ...

ບໍລິສັດ ລາວ-ຈາໂກ ພັດທະນາຊຽງຂວາງ ຈຳກັດ ໄດ້ລົງນາມໃນຂໍ້ຕົກລົງຮ່ວມກັບລັດຖະບານ ໃນການຂະຫຍາຍການລົງທຶນໃນການປູກຫຍ້າລ້ຽງສັດ, ການລ້ຽງງົວຄວາຍ, ໂຮງຂ້າສັດ ແລະ ການຜະລິດນົມ.ພາຍໃຕ້ຂໍ້ຕົກລົງດັ່ງກ່າວຮ່ວມກັບກະຊວງແຜນການ ແລະ ການລົງທຶນ ໄດ້ມີການໃຫ້ສຳປະທານທີ່ດິນລວມ  3,552 ເຮັກຕາ ແກ່ບໍລິສັດໃນເມືອງແປກ, ເມືອງຜາໄຊ ແລະ ເມືອງພູກູດ ແຂວງຊຽງຂວາງ.ອ່ານຕໍ່  ...

ກະຊວງສຶກສາທິການ ແລະ ກິລາວາງແຜນດຳເນີນງານໃນປີໜ້າ ສຳລັບໂຄງການການສ້າງທັກສະດ້ານການທ່ອງທ່ຽວ, ພາຍໃຕ້ການສະໜັບສະໜູນທຶນຮ່ວມລະຫວ່າງລັດຖະບານລາວ, ລຸກຊຳບວກ ແລະ ສະວິດເຊີແລນ.ໂຄງການດັ່ງກ່າວຈະຈັດຕັ້ງປະຕິບັດໂດຍກະຊວງສຶກສາທິການ ແລະ ກິລາ ແລະ ອົງການຮ່ວມມືເພື່ອການພັດທະນາແຫ່ງປະເທດລຸກຊຳບວກ.ອ່ານຕໍ່ ...

ລາວ ແລະ ຫວຽດນາມຮ່ວມກັນເສີມຂະຫຍາຍການຄ້າສອງຝ່າຍ, ເຊິ່ງກ່ຽວຂ້ອງຢ່າງໃກ້ຊິດກັບຄວາມຄືບໜ້າຂອງໂຄງການທ່າເຮືອວຶງອາງ ແຂວງຮາຕິນທາງພາກກາງຂອງຫວຽດນາມ ແລະ ໂຄງການສະໜາມບິນໜອງຄັງ ແຂວງຫົວພັນທາງພາກເໜືອຂອງລາວ.ນອນຈາກນີ້ ສອງຊາດຍັງມີແຜນກໍ່ສ້າງທາງດ່ວນວຽງຈັນ-ຮ່າໂນ້ຍ ແລະ ທາງລົດໄຟວຽງຈັນ-ທ່າແຂກ-ວຶງອາງ ເຊິ່ງຈັດຢູ່ໃນອັນດັບທີສາມຂອງບັນດາໂຄງການລົງທຶນຕ່າງປະເທດ ແລະ ຈະປະກອບສ່ວນໃນການພັດທະນາເສດຖະກິດ-ສັງຄົມ ທັງເປັນການປັບປຸງການຈັດສົ່ງ ແລະ ພື້ນຖານໂຄງລ່າງ ທີ່ເປັນປະໂຫຍດສຳລັບລາວ.ອ່ານຕໍ່ ...