ການປະກອບສ່ວນຕໍ່ເສດຖະກິດຂອງຂະແໜງການບໍລິການໃນລາວ ຍັງບໍ່ທັນພຽງພໍ
ວຽງຈັນ (ວຽງຈັນທາມສ໌/ANN) – ໃນຂະນະທີ່ຂະແໜງການບໍລິການ ມີການຂະຫຍາຍຕົວຢ່າງຕໍ່ເນື່ອງ, ອຳນາດການປົກຄອງຍັງເຫັນວ່າ ການປະກອບສ່ວນຂອງຂະແໜງການດັ່ງກ່າວ ຍັງບໍ່ທັນພຽງພໍ ເນື່ອງຈາກສ່ວນປະກອນຕົ້ນຕໍ ຍັງຄົງແມ່ນການນຳເຂົ້າ.
ໃນປີນີ້ ລັດຖະບານປະເມີນວ່າ ຂະແໜງການບໍລິການຈະຂະຫຍາຍຕົວໃນລະດັບເຈັດສ່ວນຮ້ອຍ ຫຼື ເພີ່ມຂຶ້ນ 0.4 ສ່ວນຮ້ອຍໃນລວມຍອດຜະລິດຕະພັນພາຍໃນ (GDP).
ຂະແໜງການບໍລິການຂາຍຍົກ ແລະ ຂາຍຍ່ອຍ ແລະ ຂະແໜງສ້ອມແປງຍານພາຫະນະ ຂະຫຍາຍຕົວ 9.9 ສ່ວນຮ້ອຍ ແລະ ປະກອບສ່ວນ 1.4 ສ່ວນຮ້ອຍຕໍ່ການຂະຫຍາຍຕົວຂອງຂະແໜງດັ່ງກ່າວ; ຂະແໜງອະສັງຫາລິມະຊັບຂະຫຍາຍຕົວ 6.7 ສ່ວນຮ້ອຍ ແລະ ປະກອນສ່ວນ 0.4 ສ່ວນຮ້ອຍ, ຂະແໜງການເງິນ ແລະ ຫຼັກຊັບ ຂະຫຍາຍຕົວ 7.7 ສ່ວນຮ້ອຍ ແລະ ປະກອນສ່ວນ 0.2 ສ່ວນຮ້ອຍ ແລະ ບ້າຍພັກ, ໂຮງແຮມ ແລະ ຮ້ານອາຫານ ຂະຫຍາຍຕົວ 5.3 ສ່ວນຮ້ອຍ ແລະ ປະກອນສ່ວນ 0.1 ສ່ວນຮ້ອຍ.
ໂຕະຂ່າວ
