ຂົວມິດຕະພາບລາວ-ໄທ ແຫ່ງທີ 5 ສ້າງສຳເລັດແລ້ວ 30 ເປີເຊັນ
ການກໍ່ສ້າງຂົວມິດຕະພາບລາວ-ໄທ ແຫ່ງທີ 5 ທີ່ເຊື່ອມຕໍ່ ລະຫວ່າງ ແຂວງບໍລິຄໍາໄຊ ແລະ ແຂວງບຶງການ ຂອງໄທ ໂດຍຜ່ານແມ່ນໍ້າຂອງ ມາຮອດປັດຈຸບັນ ສໍາເລັດແລ້ວ 32 ສ່ວນຮ້ອຍ. ໂຄງການດັ່ງກ່າວປະກອບດ້ວຍ 2 ພາກສ່ວນຄື: ສ່ວນທີ 1 ແມ່ນກ່ຽວຂ້ອງກັບການກໍ່ສ້າງຂົວຂ້າມແມ່ນໍ້າຂອງ ແລະ ທີສອງແມ່ນກ່ຽວຂ້ອງກັບການກໍ່ສ້າງເສັ້ນທາງເຂົ້າເຖິງຂົວ ແລະ ການກໍ່ສ້າງສິ່ງອໍານວຍຄວາມສະດວກດ້ານຄົນເຂົ້າເມືອງ. ທ່ານ ໄລທອງ ພົມມະວົງ ຜູ້ອຳນວຍການໂຄງການກ່າວວ່າ ການກໍ່ສ້າງໄດ້ເລີ່ມຕົ້ນມາແຕ່ປີ 2021. ທ່ານຍັງກ່າວຕື່ມອີກວ່າ: ການກໍ່ສ້າງໄດ້ປະເຊີນກັບສິ່ງທ້າທາຍຫຼາຍຢ່າງເຊັ່ນ: ການແຜ່ລະບາດຂອງພະຍາດໂຄວິດ-19, ລະດູຝົນທີ່ມາໄວຂື້ນ ແລະ ປັດໄຈອື່ນໆ ທີ່ເຮັດໃຫ້ລະດັບນ້ຳຂອງແມ່ນ້ຳເໜັງຕີງ.
ຜູ້ລາຍງານຂ່າວທາມສ
