ອຸດສາຫະກຳ

ວຽງຈັນ (ວຽງຈັນທາມສ໌/ANN) – ທົ່ງໄຫຫີນ ແຂວງຊຽງຂວາງ ຄາດວ່າຈະດຶດດູດນັກທ່ອງທ່ຽວໄດ້ຫຼາຍຂຶ້ນ ຖ້າວ່າໄດ້ຮັບການຮັບຮອງໃຫ້ເປັນມໍລະດົກໂລກຂອງ UNESCO ຕາມແຜນທີ່ຄະນະກຳມະການ UN ຈະມີການປະຊຸມຫາລື ທີ່ປະເທດອາເຊີບາຍຈັນ ໃນວັນທີ 30 ມິຖຸນາ ເຖິງ 7 ກໍລະກົດນີ້.ລາວໄດ້ດຳເນີນການມາເປັນໄລຍະ 20 ປີ ເພື່ອໃຫ້ທົ່ງໄຫຫີນໄດ້ຮັບການຈັດເຂົ້າໃນບັນຊີມໍລະດົກໂລກ. ເມື່ອໄດ້ຮັບການຮັບຮອງຈາກອົງການ UNESCO ແລ້ວ, ທົ່ງໄຫຈະກາຍເປັນສະຖານທີ່ມໍລະດົກໂລກແຫ່ງທີ່ສາມຂອງລາວ.ອ່ານຕໍ່. ...

ນັກທ່ອງທ່ຽວທີ່ມັກຮັກການຊົມທຳມະຊາດ ບໍ່ຄວນພາດໄປຢ້ຽມຊົມນ້ຳຕົກຕາດບ້ານຫ້ວຍລົມ ເມືອງຕົ້າເຜີ້ງ ແຂວງບໍ່ແກ້ວ ເຊິ່ງໄດ້ມີານສ້າງສິ່ງອຳນວຍຄວາມສະດວກດ້ານການທ່ອງທ່ຽວໃໝ່ ເພື່ອດຶງດູດນັກທ່ອງທ່ຽວ.ທ່ານ ສີສະອາດ ກຸມພົນ ຫົວໜ້າຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວເມືອງຕົ້ນເຜີ້ງ ໄດ້ບອກຜ່ານໜັງສືພິມວຽງຈັນທາມສ໌ວານນີ້ວ່າ ປະຈຸບັນສະຖານທີ່ທ່ອງທ່ຽວນ້ຳຕົກຕາດດັ່ງກ່າວໄດ້ເປີດໃຫ້ບໍລິການແກ່ນັກທ່ອງທ່ຽວແລ້ວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດ Creed, ກຸ່ມບໍລິສັດອະສັງຫາລິມະຊັບຂອງຍີ່ປຸ່ນ ຮ່ວມກັບກຸ່ມບໍລິສັດທ້ອງຖິ່ນ ອານັນດີກຣຸບ ຈະລົງທຶນ US$11 ລ້ານໂດລາ ໃນການສ້າງທີ່ຢູ່ອາໄສ ARATA Garden Residences Xaysettha ໃນນະຄອນຫຼວງວຽງຈັນຂອງລາວ.ໂຄງການດັ່ງກ່າວຈະເປັນສ່ວນໜຶ່ງຂອງການພັດທະນາອະສັງຫາລິມະຊັບ ແລະ ສະໜັບສະໜູນເສດຖະກິດທີ່ຂະຫຍາຍຕົວຢ່າງກ້າວກະໂດດຂອງລາວ. ໂຄງການດັ່ງກ່າວຈະມີການສ້າງທີ່ຢູ່ອາໄສໃນເນື້ອທີ່ 1.6 ເຮັກຕາທີ່ບ້ານເມືອງນ້ອຍ, ເມືອງໄຊເສດຖາ ເຊິ່ງລາຄາທີ່ດິນກຳລັງເພີ່ມສູງຂຶ້ນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງໄຊສົມບູນ ແລະ ບໍລິສັດຄຳໄພຊະນະກຣຸບ ໄດ້ເລີ່ມເຮັດບົດວິເຄາະຄວາມເປັນໄປໄດ້ໃນການພັດທະນາແຫຼ່ງທ່ອງທ່ຽວພູເບ້ຍ, ແນໃສ່ສົ່ງເສີມການປົກປັກຮັກສາສິ່ງແວດລ້ອມ ພ້ອມທັງພັດທະນາພື້ນທີ່ແຫຼ່ງທ່ອງທ່ຽວໃນຂະນະດຽວກັນ.ພູເບ້ຍ ແມ່ນຈອມພູທີ່ສູງທີ່ສຸດໃນປະເທດລາວ ມີຄວາມສູງ 2,820 ແມັດ. ພູດັ່ງກ່າວຕັ້ງຢູ່ເມືອງອານຸວົງ ຫ່າງຈາກເທດສະບານແຂວງໄປທາງເໜືອ 30 ກມ. ມີອຸນນະພູມເທິງຈອມພູສະເລ່ຍຕໍ່ປີ ປະມານ -5˚C.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ກົມພັດທະນາການທ່ອງທ່ຽວ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ປະຊຸມກັບສະມາຊິກສະມາຄົມຫັດຖະກຳລາວ ທີ່ນະຄອນວຽງຈັນວານນີ້ ເພື່ອຫາລືການເຊື່ອມໂຍງລະຫວ່າງຜະລິດຕະພັນຫັດຖະກຳ ກັບການທ່ອງທ່ຽວ ແລະ ການບໍລິການແບບຍືນຍົງ ເພື່ອຈຸດປະສົງໃນການສົ່ງເສີມສອງຂະແໜງດັ່ງກ່າວ.ທ່ານ ທະວີເພັດ ອຸລາ ຮອງຫົວໜ້າກົມພັດທະນາການທ່ອງທ່ຽວ ກ່າວໃນກອງປະຊຸມວ່າ ນີ້ແມ່ນກອງປະຊຸມຄັ້ງທຳອິດລະຫວ່າງກົມ ແລະ ສະມາຄົມ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຈຳນວນນັກທ່ອງທ່ຽວເກົາຫຼີໃຕ້ທີ່ເຂົ້າມາລາວຫຼຸດລົງ 32% ໃນຊ່ວງສາມເດືອນທຳອິດຂອງປີນີ້ ທຽບກັບໄລຍະດຽວກັນຂອງປີ 2018 ທີ່ມີນັກທ່ອງທ່ຽວເພີ່ມຂຶ້ນໃນຊ່ວງປີຜ່ານມາ.ກົມພັດທະນາການທ່ອງທ່ຽວ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ລາຍງານຈຳນວນນັກທ່ອງທ່ຽວເກົາຫຼີໃຕ້ທີ່ເຂົ້າມາລາວ ມີປະມານ  46,000  ຄົນໃນຊ່ວງເດືອນມັງກອນເຖິງເດືອນມີນາປີນີ້.ອ່ານຕໍ່ ...

ນ້ຳຕົກຕາດຄອນ ເມືອງຊອນ ແຂວງຫົວພັນ ມີແຜນພັດທະນາໃຫ້ເປັນແຫຼ່ງທ່ອງທ່ຽວພິເສດ ເຊິ່ງເຈົ້າໜ້າທີ່ແຂວງຈະສ້າງສິ່ງອຳນວຍຄວາມສະດວກສຳລັບນັກທ່ອງທ່ຽວ.ທ່ານ ພູວັນ ເພັດມີໄຊ ເຈົ້າໜ້າທີ່ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ ໄດ້ລາຍງານຜ່ານໜັງສືພິມວຽງຈັນທາມສ໌ ວານນີ້ວ່າ ປະຈຸບັນທາງອຳນາດການປົກຄອງ ໄດ້ທຳການປັບປຸງຖະໜົນ ແລະ ສ້າງຮ້ານອາຫານ ແລະ ສະຖານທີ່ຈອດລົດແລ້ວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອຸດສະຫະກຳຕັດຫຍິບລາວຫວັງວ່າການນຳໃຊ້ເຕັກໂນໂລຊີການຕັດຫຍິບແບບໃໝ່ ຈະເຮັດໃຫ້ລາວສາມາດກ້າວຜ່ານບັນຫາການຂາດແຄນແຮງງານໃນປະຈຸບັນ.ຂໍ້ມູນດັ່ງກ່າວໄດ້ຮັບການເປີດເຜີຍໃນວັນອັງຄານຜ່ານມານີ້ ເມື່ອສະມາຄົມອຸດສາຫະກຳຕັດຫຍິບລາວ (ALGI) ຮ່ວມກັບບໍລິສັດແຈ໊ກຕັດຫຍິບຈຳກັດ ແລະ ບໍລິສັດລາວມີນາຂາອອກ-ຂາເຂົ້າຈຳກັດຜູ້ດຽວ ສະແດງການນຳໃຊ້ເຄື່ອງຈັກຕັດຫຍິບອຸດສາຫະກຳທີ່ທັນສະໄໝຈາກຈີນ ແລະ ດຳເນີນການຝຶກອົບຮົມດ້ານວິຊາການກ່ຽວກັບການບຳລຸງຮັກສາເຄື່ອງຈັກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຈຳນວນນັກທ່ອງທ່ຽວທັງພາຍໃນ ແລະ ຕ່າງປະເທດທີ່ເຂົ້າມາລາວໃນສາມເດືອນຕົ້ນປີນີ້ ຫຼຸດຈຳນວນລົງເລັກນ້ອຍທຽບກັບໄລຍະດຽວກັນຂອງປີກາຍ, ແຕ່ວ່າຈຳນວນນັກທ່ອງທ່ຽວຈາກຈີນກໍເພີ່ມຂຶ້ນຫຼາຍເຊັ່ນກັນ.ໃນຊ່ວງໄຕມາດທຳອິດຂອງປີນີ້ ມີນັກທ່ອງທ່ຽວເຂົ້າມາໃນລາວຫຼາຍກວ່າໜຶ່ງລ້ານຄົນ, ຫຼຸດລົງ 0.5% ທຽບກັບປີຜ່ານມາ ໃນຂະນະດຽວກັນຈຳນວນນັກທ່ອງທ່ຽວຈາກຈີນແມ່ນເພີ່ມຂຶ້ນ 16%, ຕາມກົມພັດທະນາການທ່ອງທ່ຽວ ກະຊວງຖະແຫຼງຂ່າວ,​ ວັດທະນະທຳ ແລະ ທ່ອງທ່ຽວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເມື່ອຍ່າງລົງໄປທາງໃຕ້ຂອງສາຍນ້ຳຊອງ ເມືອງວັງວຽງ ແຂວງວຽງຈັນ ທ່ານຈະຕົກໃຈກັບມວນຂີ້ເຫຍື້ອອັນມະຫາສານ ເຊິ່ງເກີດມາຈາກການທ່ອງທ່ຽວມ່ວນຊື່ນກັບກິດຈະກຳທີ່ຫຼາກຫຼາຍຕ່າງໆຕາມລ້ອງແມ່ນ້ຳ.ໂຊກບໍ່ດີທີ່ນັກທ່ອງທ່ຽວຈຳນວນຫຼາຍ ມົວເມົານຳແຕ່ການມ່ວນຊື່ນກັບກິດຈະກຳການຂີ່ກົງເບັງ, ພາຍເຮືອ ແລະ ຂີ່ເຮືອ ຈົນລືມຖິ້ມຂີ້ເຫຍື້ອຂອງຕົນລົງຖັງທີ່ຈັດສັນໄວ້, ເຮັດໃຫ້ສິ່ງເສດເຫຼືອຕ່າງໆເຫຼົ່ານັ້ນຕ້ອງລ່ອງລອຍຢູ່ຕາມແມ່ນ້ຳ.ອ່ານຕໍ່ ...