ການຜະລິດໄຟຟ້າ

ຄະນະກຳມະການສອງຄະນະໄດ້ຮັບການຈັດຕັ້ງຂຶ້ນ ເພື່ອດຳເນີນການສືບສວນສອບສວນຫາສາເຫດຂອງການແຕກຂອງສັນເຂື່ອນໄຟຟ້ານ້ຳຕົກ ທີ່ແຂວງອັດຕະປື ກໍຄືຄວາມຮັບຜິດຊອບຂອງເຈົ້າໜ້າທີ່ໆກ່ຽວຂ້ອງ. ການແຕກຂອງສັນເຂື່ອນ D ເຊິ່ງເປັນໜຶ່ງໃນຫ້າສັນເຂື່ອນຂອງໂຄງການພະລັງງານໄຟຟ້ານ້ຳຕົກເຊປຽນ-ເຊນ້ຳນ້ອຍ ທີ່ສົ່ງຜົນໃຫ້ເກີດໄພນ້ຳຖ້ວມໃນວັນທີ 23 ກໍລະກົດ ເຮັດໃຫ້ມີການສູນເສຍ 35 ຊິວີດ ແລະ 99 ຄົນຍັງຄົງສູນຫາຍ. ຫຼານພັນຄົນຕ້ອງສູນເສຍທີ່ຢູ່ອາໄສອ່ານຕໍ່ ...

ລັດຖະບານຖະແຫຼງວ່າຈະກວດສອບມາດຕະຖານຄວາມປອດໄພໃນການກໍ່ສ້າງເຂື່ອນໄຟຟ້ານ້ຳຕົກໃນທົ່ວປະເທດ ຫຼັງເຫດໄພພິບັດຄັ້ງໃຫຍ່ ເນື່ອງຈາກການແຕກຂອງສັນເຂື່ອນທີ່ແຂວງອັດຕະປື.ອ່ານຕໍ່ ...

ລັດຖະມົນຕີກະຊວງພະລັງງານແລະບໍ່ແຮ່ ພ້ອມທີ່ຈະຮ່ວມມືກັບຜູ້ມີສ່ວນຮ່ວມທຸກພາກສ່ວນ ໃນພາລະກິດຂອງລັດຖະບານໃນການສືບສວນສອບສວນ ສາເຫດແທ້ຈິງຂອງການແຕກພັງຂອງສັນເຂື່ອນ D ຂອງໂຄງການເຂື່ຶອນໄຟຟ້ານ້ຳຕົກເຊປຽນ-ເຊນ້ຳນ້ອຍ.ອ່ານຕໍ່ ...

ຂອບເຂດຂອງການສູນເສຍ ແລະ ຜົນເສຍຫາຍຈາກໄພນ້ຳຖ້ວມທີ່ເມືອງສະໜາມໄຊ ແຂວງອັດຕະປື ແມ່ນມີມູນຄ່າມະຫາສານ, ເຊິ່ງປະຈຸບັນຍັງບໍ່ມີການສະຫຼຸບການປະເມີນມູນຄ່າຄວາມເສຍຫາຍຢ່າງເປັນທາງການ.ອ່ານຕໍ່ ...

ເມືອງສະໜາມໄຊ ແຂວງອັດຕະປື: ເຈົ້າໜ້າທີ່ຮັບຜິດຊອບພາລະກິດກູ້ໄພໃນການຄົ້ນຫາຜູ້ປະສົບເຄາະທີ່ສູນຫາຍ ເຊິ່ງໄດ້ຮັບຜົນກະທົບຈາກເຂື່ອນໄຟຟ້າເຊປຽນ-ເຊນ້ຳນ້ອຍແຕກ ທີ່ເມືອງສະໜາມໄຊ ແຂວງອັດຕະປື ແຈ້ງວ່າໄດ້ພົບຊິ້ນສ່ວນຊາກສົບຂອງຜູ້ປະສົບເຄາະເພີ່ມເຕີມໃນວັນທີ 28 ກໍລະກົດ. ນັບແຕ່ເກີດເຫດໄພພິບັດດັ່ງກ່າວໃນວັນທີ 23 ກໍລະກົດມານີ້ ທີມກູ້ໄພໄດ້ຄົ້ນພົບຊິ້ນສ່ວນຂອງຜູ້ສູນຫາຍແລ້ວ 10 ຄົນ.ອ່ານຕໍ່ ...

ທ່ານ ທອງລຸນ ສີສຸລິດ ນາຍົກລັດຖະມົນຕີ ຖະແຫຼງໃນວານນີ້ວ່າ ລັດຖະບານລາວຈະເຮັດວຽກຮ່ວມກັບບັນດາບໍລິສັດຜູ້ຖືຫຸ້ນໂຄງການເຂື່ອນໄຟຟ້ານ້ຳຕົກເຊປຽນ-ເຊນ້ຳນ້ອຍ ເພື່ອສືບສວນສອບສວນຫາສາເຫດທີ່ແທ້ຈິງຂອງການແຕກພັງຂອງສັນເຂື່ອນຂອງໂຄງການ.ອ່ານຕໍ່ ...

ອັດຕະປື: ມາຮອດຕອນແລງວານນີ້ ພາລະກິດການຄົ້ນຫາ ແລະ ກູ້ໄພຫາກໍ່ປະຕິບັດໄດ້ 30 ເປີເຊັນຂອງພື້ນທີ່ທັງໝົດ ໃນ 13 ບ້ານທີ່ຖືກຜົນກະທົບຈາກໄພນ້ຳຖ້ວມທີ່ແຂວງອັດຕະປື ເນື່ອງຈາກຄວາມສະຫຼັບສັບຊ້ອນຂອງພູມມີປະເທດ ແລະ ສະພາບທີ່ບໍ່ເອື້ອອຳນວຍເຮັດໃຫ້ການຄົ້ນຫາຊັກຊ້າ ຕາມການລາຍງານຂອງການນຳ.ອ່ານຕໍ່ ...

ຕາມການລາຍງານຂອງຜູ້ຮັບເໝົາໂຄງການ, ໜຶ່ງໃນເຂື່ອນໄຟຟ້ານ້ຳຕົກທີ່ໃຫຍ່ທີ່ສຸດໃນລາວໄດ້ສັ່ງຢຸດການຜະລິດກະແສໄຟຟ້າເປັນການຊົ່ວຄາວ ເພື່ອຫຼຸດຄວາມສ່ຽງໃນການເກີດໄພນ້ຳຖ້ວມໃນພື້ນທີ່ລຸ່ມແມ່ນ້ຳເຊບັ້ງໄຟ. ບໍລິສັດໄຟຟ້ານ້ຳເທີນ 2 ໄດ້ແຈ້ງການໃນອາທິດນີ້ວ່າ ທາງບໍລິສັດໄດ້ທຳການປິດເຄື່ອງຈັນປັ່ນໄຟ ຈຳນວນຫ້າໃນຫົກເຄື່ອງໃນໂຮງງານໄຟຟ້າຂອງຕົນ ໃນໃຈກາງແຂວງຄຳມ່ວນ ມາຕັ້ງແຕ່ວັນທີ 24 ກໍລະກົດ ເພື່ອຊະງັກການປ່ອຍນ້ຳລົງສູ່ແມ່ນ້ຳເຊບັ້ງໄຟ.ອ່ານຕໍ່ ...

(ຂປລ) ທ່ານ ຄຳມະນີ ອິນທິລາດ ກ່າວຕໍ່ສື່ມວນຊົນທີ່ວຽງຈັນໃນວັນພະຫັດນີ້ວ່າ ການພັງຂອງສັນເຂື່ອນ D ຂອງໂຄງການເຂື່ອນໄຟຟ້ານ້ຳຕົກເຊນ້ຳນ້ອຍ-ເຊປຽນ ຄັ້ງວັນທີ່ 23 ກໍລະກົດ ແມ່ນມີສາເຫດມາຈາກການກໍ່ສ້າງຕ່ຳກວ່າລະດັບມາດຕະຖານ. ສັນເຂື່ອນດັ່ງກ່າວໄດ້ພັງລົງໃນເວລາ 20.00 ຂອງວັນຈັນ ວັນທີ 23 ກໍລະກົດ ສົ່ງຜົນໃຫ້ນ້ຳປະລິມານ 0.5 ຕື້ແມັດກ້ອນໄຫຼຖ້ວມເຮືອນຊານປະຊາຊົນຈຳນວນຫຼວງຫຼາຍ ໃນຕອນໃຕ້ຂອງເມືອງສະໜາມໄຊ. ມາຮອດວານນີ້ ຍອດຜູ້ເສຍຊີວິດເພີ່ມຂຶ້ນເປັນ 27 ຄົນ ແລະ ອີກ 131 ຄົນຍັງສູນຫາຍ.ອ່ານຕໍ່ ...

ຕາງໜ້າພະນັກງານຈາກບໍລິສັດພະລັງງານເຊປຽນ-ເຊນ້ຳນ້ອຍຕົກລົງວ່າບໍລິສັດຈະຮັບຜິດຊອບຢ່າງເຕັມສ່ວນຕາມລະບຽບກົດໝາຍ ຕາມສັນຍາສຳປະທານ ສຳລັບຜົນກະທົບທີ່ສັນເຂື່ອນ D ໄດ້ພັງທະລາຍ ເຮັດໃຫ້ເກີດໄພນ້ຳຖ້ວມຄັ້ງໃຫຍ່ ແລະ ມະຫັນຕະໄພທຳລາຍລ້າງຢູ່ເມືອງສະໜາມໄຊ, ແຂວງອັດຕະປື.ອ່ານຕໍ່ ...