ເຂື່ອນໄຟຟ້ານ້ຳຕົກ

ອັດຕະປື: ມາຮອດຕອນແລງວານນີ້ ພາລະກິດການຄົ້ນຫາ ແລະ ກູ້ໄພຫາກໍ່ປະຕິບັດໄດ້ 30 ເປີເຊັນຂອງພື້ນທີ່ທັງໝົດ ໃນ 13 ບ້ານທີ່ຖືກຜົນກະທົບຈາກໄພນ້ຳຖ້ວມທີ່ແຂວງອັດຕະປື ເນື່ອງຈາກຄວາມສະຫຼັບສັບຊ້ອນຂອງພູມມີປະເທດ ແລະ ສະພາບທີ່ບໍ່ເອື້ອອຳນວຍເຮັດໃຫ້ການຄົ້ນຫາຊັກຊ້າ ຕາມການລາຍງານຂອງການນຳ.ອ່ານຕໍ່ ...

ຕາມການລາຍງານຂອງຜູ້ຮັບເໝົາໂຄງການ, ໜຶ່ງໃນເຂື່ອນໄຟຟ້ານ້ຳຕົກທີ່ໃຫຍ່ທີ່ສຸດໃນລາວໄດ້ສັ່ງຢຸດການຜະລິດກະແສໄຟຟ້າເປັນການຊົ່ວຄາວ ເພື່ອຫຼຸດຄວາມສ່ຽງໃນການເກີດໄພນ້ຳຖ້ວມໃນພື້ນທີ່ລຸ່ມແມ່ນ້ຳເຊບັ້ງໄຟ. ບໍລິສັດໄຟຟ້ານ້ຳເທີນ 2 ໄດ້ແຈ້ງການໃນອາທິດນີ້ວ່າ ທາງບໍລິສັດໄດ້ທຳການປິດເຄື່ອງຈັນປັ່ນໄຟ ຈຳນວນຫ້າໃນຫົກເຄື່ອງໃນໂຮງງານໄຟຟ້າຂອງຕົນ ໃນໃຈກາງແຂວງຄຳມ່ວນ ມາຕັ້ງແຕ່ວັນທີ 24 ກໍລະກົດ ເພື່ອຊະງັກການປ່ອຍນ້ຳລົງສູ່ແມ່ນ້ຳເຊບັ້ງໄຟ.ອ່ານຕໍ່ ...

(ຂປລ) ທ່ານ ຄຳມະນີ ອິນທິລາດ ກ່າວຕໍ່ສື່ມວນຊົນທີ່ວຽງຈັນໃນວັນພະຫັດນີ້ວ່າ ການພັງຂອງສັນເຂື່ອນ D ຂອງໂຄງການເຂື່ອນໄຟຟ້ານ້ຳຕົກເຊນ້ຳນ້ອຍ-ເຊປຽນ ຄັ້ງວັນທີ່ 23 ກໍລະກົດ ແມ່ນມີສາເຫດມາຈາກການກໍ່ສ້າງຕ່ຳກວ່າລະດັບມາດຕະຖານ. ສັນເຂື່ອນດັ່ງກ່າວໄດ້ພັງລົງໃນເວລາ 20.00 ຂອງວັນຈັນ ວັນທີ 23 ກໍລະກົດ ສົ່ງຜົນໃຫ້ນ້ຳປະລິມານ 0.5 ຕື້ແມັດກ້ອນໄຫຼຖ້ວມເຮືອນຊານປະຊາຊົນຈຳນວນຫຼວງຫຼາຍ ໃນຕອນໃຕ້ຂອງເມືອງສະໜາມໄຊ. ມາຮອດວານນີ້ ຍອດຜູ້ເສຍຊີວິດເພີ່ມຂຶ້ນເປັນ 27 ຄົນ ແລະ ອີກ 131 ຄົນຍັງສູນຫາຍ.ອ່ານຕໍ່ ...

ຕາງໜ້າພະນັກງານຈາກບໍລິສັດພະລັງງານເຊປຽນ-ເຊນ້ຳນ້ອຍຕົກລົງວ່າບໍລິສັດຈະຮັບຜິດຊອບຢ່າງເຕັມສ່ວນຕາມລະບຽບກົດໝາຍ ຕາມສັນຍາສຳປະທານ ສຳລັບຜົນກະທົບທີ່ສັນເຂື່ອນ D ໄດ້ພັງທະລາຍ ເຮັດໃຫ້ເກີດໄພນ້ຳຖ້ວມຄັ້ງໃຫຍ່ ແລະ ມະຫັນຕະໄພທຳລາຍລ້າງຢູ່ເມືອງສະໜາມໄຊ, ແຂວງອັດຕະປື.ອ່ານຕໍ່ ...

ລັດຖະບານລາວດຳເນີນການຕິດຕາມຢ່າງໃກ້ຊິດກ່ຽວກັບມາດຕະການຄວາມປອດໄພຂອງເຂື່ອນໄຟຟ້ານ້ຳຕົກທົ່ວປະເທດ ຫຼັງຈາກເຫດການພັງຂອງສັນອ່າງໂຕ່ງເຂື່ອນໄຟຟ້ານ້ຳຕົກທີ່ເຊປຽນ-ເຊນ້ຳນ້ອຍ ໃນແຂວງອັດຕະປືທາງພາກໃຕ້ຂອງລາວ.ອ່ານຕໍ່ ...

ທ່ານ ທອງລຸນ ສີສຸລິດ ກ່າວວ່າ ນັກກູ້ໄພກຳລັງເດີນໜ້າເພື່ອຄົ້ນຫາປະຊາຊົນ 131 ຄົນທີ່ຍັງສູນຫາຍຕັ້ງແຕ່ຄືນວັນຈັນທີ່ຜ່ານມາ ຫຼັງຈາກເຂື່ອນໄຟຟ້ານ້ຳຕົກເຊປຽນ-ເຊນ້ຳນ້ອຍແຕກ ສົ່ງຜົນໃຫ້ເກີດໄພນ້ຳຖ້ວມໃນຫຼາຍບ້ານທີ່ແຂວງອັດຕະປື.ອ່ານຕໍ່ ...

ທີມແພດສຸກເສີນຈາກໂຮງໝໍສູນກາງ, ເຈົ້າໜ້າທີ່ສາທາລະນະສຸກ ແລະ ອາສາສະໝັກແຂວງຂຸ້ນຂ້ຽວຊ່ວຍເຫຼືອປະຊາຊົນທ້ອງຖິ່ນທີ່ໄດ້ຮັບຜົນກະທົບຈາກໄພນ້ຳຖ້ວມທີ່ອັດຕະປື ເພື່ອຮັບປະກັນໃຫ້ທຸກຄົນມີສຸຂະພາບແຂງແຮງ. ເຖິງແມ່ນວ່າຊຸມຊົນທີ່ໄດ້ຮັບຜົນກະທົບຈະໄດ້ຮັບການຊ່ວຍເຫຼືອບາງສ່ວນຈາກອຳນາດການປົກຄອງແຂວງ, ຜູ້ບໍລິຈາກ ແລະ ອົງການຈັດຕັ້ງສາກົນ, ຍັງມີຫຼາຍຄອບຄົວຕ້ອງການຄວາມຊ່ວຍເຫຼືອດ້ານການບໍລິການການແພດ, ສຸຂະອະນາໄມ ແລະ ສຸຂາພິບານ, ແລະ ສະບຽງອາຫານເພື່ອບໍລິໂພກ.ອ່ານຕໍ່ ...

ຫຼາຍພັນຄອບຄົວທີ່ເມືອງສະໜາມໄຊແຂວງອັດຕະປື ຍັງຕ້ອງການໆຊ່ວຍເຫຼືອ ເນື່ອງຈາກເຮືອນຊານຂອງເຂົາເຈົ້າຖືກນ້ຳຖ້ວມກະທັນຫັນ ຍ້ອນບາງສ່ວນຂອງສັນເຂື່ອນອ່າງໂຕ່ງເຂື່ອນໄຟຟ້ານ້ຳຕົກເຊປຽນ-ເຊນ້ຳນ້ອຍແຕກ ໃນຄືນວັນຈັນທີ່ຜ່ານມາ. ເຫດການດັ່ງກ່າວເກີດຂຶ້ນໃນເວລາ 8 ໂມງແລງ ແລະ ນ້ຳໄດ້ໄຫຼພັດທີ່ຢູ່ອາໄສ, ເຮືອນຊານ ແລະ ສັດລ້ຽງ, ເຮັດໃຫ້ຫຼາຍຊີວິດມີການສູນເສຍ.ອ່ານຕໍ່ ...

ປະຊາຊົນກວ່າ 3,000 ຄົນຍັງລໍຄອຍການຊ່ວຍເຫຼືອຈາກເຫດອຸທຸກກະໄພທີ່ແຂວງອັດຕະປື ຕາມການລາຍງານຂອງເຈົ້າເມືອງສະໜາມໄຊ ເວລາ 10:30 ຕອນເຊົ້າມື້ນີ້. ທ່ານຍັງໄດ້ກ່າວຕື່ມວ່າ ຕັ້ງແຕ່ມື້ວານນີ້ຈົນເຖິງມື້ເຊົ້ານີ້ຜູ້ປະສົບເຄາະຈຳນວນ 2,851 ຄົນໄດ້ຮັບການຊ່ວຍເຫຼືອແລ້ວຈາກຈຸດຕ່າງໆທີ່ເມືອງສະໜາມໄຊ ແຂວງອັດຕະປື.ອ່ານຕໍ່ ...

(ຂປລ) ທ່ານ ທອງລຸນ ສີສຸລິດ ນາຍົກລັດຖະມົນຕີ ສັ່ງງົດກອງປະຊຸມປະຈຳເດືອນຕາມແຜນຂອງລັດຖະບານສຳລັບເດືອນສິງຫາ ແລະ ນຳພາສະມາຊິກຄະນະລັດຖະບານ ແລະ ພະນັກງານການນຳ ເດີນທາງໄປເມືອງສະໜາມໄຊ ເພື່ອຕິດຕາມພາລະກິດກູ້ໄພ ແລະ ບັນເທົາທຸກສຳລັບຜູ້ປະສົບເຄາະຈາກໄພນ້ຳຖ້ວມ. ການພັງທະລາຍຂອງສັນເຂື່ອນໄຟຟ້າເຊປຽນ-ເຊນ້ຳນ້ອຍໃນວັນຈັນນີ້ ໄດ້ເຮັດໃຫ້ເກີດນ້ຳຖ້ວມກະທັນຫັນໃນຫົກບ້ານຂອງເມືອງສະໜາມໄຊ ຄື ບ້ານໃຫຍ່ແທ້, ບ້ານຫີນລາດ, ບ້ານໃໝ່, ບ້ານທ່າແສງຈັນ ແລະ ບ້ານສະໝອງ. ເຊິ່ງບ້ານຫີນລາດ ແລະ ບ້ານໃໝ່ໄດ້ຮັບຜົນກະທົບໜັກກວ່າໝູ່.ອ່ານຕໍ່ ...