ໄພພິບັດ

ແຂວງອັດຕະປື: ທ່ານ ທອງລຸນ ສີສຸລິດ ນາຍົກລັດຖະມົນຕີກ່າວຕໍ່ອຳນາດການປົກຄອງທ້ອງຖິ່ນໃຫ້ເອົາໃຈໃສ່ ກ່ຽວກັບການຈັດຫາທີ່ຢູ່ອາໄສຊົ່ວຄາວ, ອາຫານ, ການບໍລິການດ້ານສຸຂະພາບ ແລະ ວິດຖ່າຍ ເປັນໜ້າວຽກບູລິມະສິດ ສຳລັບປະຊາຊົນທີ່ສູນເສຍທີ່ຢູ່ອາໄສ ຫຼັງຈາກໄພນ້ຳຖ້ວມທີ່ເມືອງສະໜາມໄຊ.ອ່ານຕໍ່ ...

ຊ່ຽວຊານພາກສະໜາມໄດ້ເຕືອນກ່ຽວກັບອັນຕະລາຍຂອງລະເບີດທີ່ຍັງບໍ່ທັນແຕກເພີ່ມເຕີມ ທີ່ເມືອງສະໜາມໄຊ ແຂວງອັດຕະປື ນອກຈາກໄພນ້ຳຖ້ວມຄັ້ງຮ້າຍແຮງໃນອາທິດທີ່ຜ່ານມາ. ຊ່ຽວຊານກັງວົນວ່າລູກລະເບີດທີ່ຖືກຝັງຢູ່ພື້ນດິນ ຫຼື ຕົມ ອາດໄດ້ຮັບການກະທົບຈາກໄພນ້ຳຖ້ວມ ເຊິ່ງອາດລະເບີດຂຶ້ນໄດ້ ຫຼັງການແຕກຂອງສັນເຂື່ອນໄຟຟ້ານ້ຳຕົກເຊປຽນ-ເຊນ້ຳນ້ອຍໃນອາທິດແລ້ວນີ້.ອ່ານຕໍ່ ...

ອຳນາດການປົກຄອງທີ່ກ່ຽວຂ້ອງກ່າວວ່າ ຈະມີການສ້າງທີ່ຢູ່ອາໄສຊົ່ວຄາວ ເຊິ່ງຈະສຳເລັດພາຍໃນກຳນົດເວລາສອງເດືອນ ສຳລັບປະຊາຊົນທີ່ບ້ານເຮືອນຖືກທຳລາຍ ຫຼັງຈາກເຫດນ້ຳຖ້ວມໃຫຍ່ທີ່ເມືອງສະໜາມໄຊ ແຂວງອັດຕະປື.ອ່ານຕໍ່ ...

ປະຊາຊົນທີ່ໄດ້ຮັບຜົນກະທົບຈາກໄພພິບັດນ້ຳຖ້ວມຄັ້ງໃຫຍ່ທີ່ເມືອງສະໜາມໄຊ ແຂວງອັດຕະປືຈະໄດ້ຮັບຄ່າທົດແທນຢ່າງເຕັມສ່ວນ ເນື່ອງຈາກລັດຖະບານກຳນົດວ່າເຫດນ້ຳຖ້ວມດັ່ງກ່າວບໍ່ແມ່ນໄພພິບັດທາງທຳມະຊາດ.ອ່ານຕໍ່ ...

ທີມງານ ແລະ ນັກຂ່າວສື່ມວນຊົນຈາກຕ່າງປະເທດສາມາດເຂົ້າມາລາຍງານຂ່າວກ່ຽວກັບເຫດໄພພິບັດນ້ຳຖ້ວມຄັ້ງໃຫຍ່ຍ້ອນເຂື່ອນແຕກ ຈາກພາກສະໜາມທີ່ເມືອງສະໜາມໄຊ ແຂວງອັດຕະປື. ຈຸດທີ່ເປັນທີ່ສົນໃຈກໍຄືການປະຕິບັດພາລະກິດກູ້ໄພທີ່ຍຶດເຍື້ອຍາວນານໃນການຄົ້ນຫາຮ່ອງຮອງຂອງຜູ້ທີ່ຍັງສູນຫາຍ.ອ່ານຕໍ່ ...

ເຈົ້າໜ້າທີ່ສາທາໄດ້ເລີ່ມພາລະກິດສັກຢາປ້ອງກັນພະຍາດໄຂ້ທໍລະພິດ,​ ອະຫິວາ,  ບາດທະຍັກ ແລະອື່ນໆ ໃຫ້ແກ່ຜູ້ປະສົບໄະ ເພື່ອຕ້ານການລະບາດຂອງພະຍາດຕິດຕໍ່ໃນພື້ນປະສົບໄພນ້ຳຖ້ວມ ທີ່ເມືອງສະໜາມໄຊ ແຂວງອັດຕະປື. ຜ່ານມາໄດ້ພົບບັນຫາການເຈັບປ່ວຍຈຳນວນ 2,979 ກໍລະນີຈາກພະຍາດ ທ້ອງບິດ, ປອດອັກເສບ, ນ້ຳຄັນກັດຕີນ ແລະ ການຕິດເຊື້ອໃນລະບົບຫາຍໃຈ. ປະຈຸບັນທິມແພດກວ່າ 100 ຄົນຈາກລາວ, ຫວຽດນາມ, ຈີນ, ໄທ ແລະ ເກົາຫຼີໃຕ້ກຳລັງທຳການລົນນະລົງເພື່ອສົ່ງເສີມສຸຂະພາບ ແລະ ສັກຢາປ້ອງກັນພະຍາດ ໃນ 13 ຈຸດພັກພິງຜູ້ປະສົບໄພ.ອ່ານຕໍ່ ...

ເຈົ້າໜ້າທີ່ຮັບຜິດຊອບຮັບເອົາຂໍ້ສະເໜີການຊ່ວນເຫຼືອຂອງສິງກະໂປ ເພື່ອສົ່ງທີມງານກູ້ໄພພ້ອມດ້ວຍເຕັກໂນໂລຊີເຄື່ອງບິນບັງຄັບເພື່ອກວດຈັບຄວາມຮ້ອນ ໃນພາລະກິດຄົ້ນຫາຜູ້ລອດຊີວົດ ໃນຈຳນວນ 120 ຄົນທີ່ສູນຫາຍ ຫຼັງຈາກເຫດນ້ຳຖ້ວມທີ່ເມືອງສະໜາມໄຊ ແຂວງອັດຕະປື ອັນເປັນຜົນມາຈາກເຂື່ອນແຕກ.ອ່ານຕໍ່ ...

ເມືອງສະໜາມໄຊ ແຂວງອັດຕະປື: ຈຳນວນຜູ້ປະສົບເຄາະຍັງຄົງຢືນຢັນຕົວເລກຢູ່ທີ່ 11 ສົບ ຕາມການສະຫຼຸບຂອງມື້ວານນີ້ ໃນພາລະການການຄົ້ນຫາ ແລະ ກູ້ໄພພາກພື້ນດິນໃນມື້ທີ 8 ຫຼັງການເກີດໄພິບັດນ້ຳຖ້ວມຈາກສັນເຂື່ອນ D ແຕກໃນເຂື່ອນໄຟຟ້ານ້ຳຕົກເຊປຽນ-ເຊນ້ຳນ້ອຍທີ່ກຳລັງດຳເນີນການກໍ່ສ້າງ.ອ່ານຕໍ່ ...

ຈຳນວນບ້ານທີ່ໄດ້ຮັບຜົນກະທົບຈາກໄພພິບັດນ້ຳຖ້ວມໃນທົ່ວແຂວງຄຳມ່ວນ ຮອດວັນທີ 31 ກໍລະກົດ ມີທັງໝົດ 315 ບ້ານໃນທົ່ວແຂວງເພີ່ມຂຶ້ນຈາກວັນທີ 30 ທີ່ຜ່ານມາ ຈຳນວນ 6 ບ້ານ, ຈຳນວນທີ່ຖືກຜົນກະທົບ ເພີ່ມຂຶ້ນຈາກ 13.589 ຄອບຄົວ ເປັນ 17.595 ຄອບຄົວ, ເນື້ອທີ່ນາຖືກຖ້ວມເພີ່ມຂຶ້ນຈາກ 25.049 ເຮັກຕາ ເປັນ 28.613 ເຮັກຕາ.ອ່ານຕໍ່ ...

ບຸນແຟງ ໄພມະນີວົງ ນັກຂ່າວຈາກວຽງຈັນທາມສ໌ ລາຍງານໃນເຊົ້າມື້ນີ້ວ່າ ທີມກູ້ໄພໄດ້ຄົ້ນພົບອີກໜຶ່ງຜູ້ເສຍຊີວິດຢູ່ໃນເຂດແດນກຳປູເຈຍ ປະຈຸບັນຍັງຢູ່ໃນໄລຍະການຢືນຢັນວ່າແມ່ນໜຶ່ງໃນຜູ້ປະສົບໄພພິບັດນ້ຳຖ້ວມຫຼືບໍ່.ອ່ານຕໍ່ ...