ການຊ່ວຍເຫຼືອຈາກສາທາລະນະລັດເກົາຫຼີ

ລັດຖະບານສາທາລະນະລັດເກົາຫຼີຄາດຄະເນງົບປະມານ ປະມານ US$4 ລ້ານໂດລາເພື່ອຊ່ວຍເຫຼືອເພີ່ມເຕີມສຳລັບລາວແຕ່ປີ 2019-2023 ໃນການປັບປຸງລະບົບເຕັກໂນໂລຊີຂໍ້ມູນຂ່າວສານ ເພື່ອສະກັດກັ້ນການລະບາດຂອງພະຍາດຕິດຕໍ່.ພິທີເຊັນບົດບັນທຶກຄວາມເຂົ້າໃຈສຳລັບການຊ່ວຍເຫຼືອແມ່ນໄດ້ຈັດຂື້ນໃນວັນສຸກແລ້ວນີ້ທີ່ວຽງຈັນ ລະຫວ່າງທ່ານ (ດຣ) ສີສະຫວັດ ສຸດທະນິຣະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ, ທ່ານນາງ ແຮຈິງຢຸນ ຮອງປະທານບໍລິສັດເກົາຫຼີເທເລຄອມ (KT), ແລະ ທ່ານ ຈູວັງ ບຽກ ຕົວແທນຫ້ອງການມູນລະນິທິເພື່ອສຸຂະພາບສາກົນເກົາຫຼີ (KOFIH) ປະຈຳລາວ.ອ່ານຕໍ່ ...

ລັດຖະບານເກົາຫຼີໃຕ້ຈະສືບຕໍ່ສະໜັບສະໜູນການພັດທະນາຊົນນະບົດໃນລາວ ເພື່ອແນໃສ່ສົ່ງເສີມພາລະກິດການຫຼຸດພົ້ນອອກຈາກສະຖານະປະເທດດ້ອຍພັດທະນາທີ່ສຸດຂອງລາວ.ໂຄງການພັດທະນາຊົນນະບົດຂອງລັດຖະບານເກົາຫຼີໃຕ້ ແມ່ນແນໃສ່ບ້ານໃນນະຄອນຫຼວງວຽງຈັນ, ແຂວງວຽງຈັນ ແລະ ສະຫວັນນະເຂດ ໂດຍນຳໃຊ້ຕົວແບບການພັດທະນາແຊມູນ ອຸນດອງຂອງເກົາຫຼີ ເຊິ່ງສົ່ງເສີມການມີສ່ວນຮ່ວມຂອງຊຸມຊົນທ້ອງຖິ່ນ.ອ່ານຕໍ່  ...

(ຂປລ) ໃນວັນພຸດນີ້ ທ່ານ ຊິນ ຊຸງ ຊຸນ ເອກອັກຄະລັດຖະທູດສາທາລະນະລັດເກົາຫຼີ ໄດ້ມອບລົດໂຮງໝໍຈຳນວນ 3 ຄັນ ມູນຄ່າ US$ 156,000 ໂດລາ ໃຫ້ທ່ານ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ເພື່ອສົ່ງມອບໃຫ້ແກ່ພະແນກສາທາລະນະສຸກແຂວງອັດຕະປື ແລະໂຮງໝໍແຂວງອັດຕະປື.ອ່ານຕໍ່ ...

ມູນນິທິໂລກແຊມູນ ຂອງສາທາລະນະລັດເກົາຫຼີ ຕົກລົງຊ່ວຍເຫຼືອການພັດທະນາເສດຖະກິດສັງຄົມໃນພື້ນທີ່ຊົນນະບົດຂອງນະຄອນວຽງຈັນເປັນມູນຄ່າກວ່າ 11 ຕື້ກີບ (US$1.3 ລ້ານໂດລາ).ທຶນຊ່ວຍເຫຼືອດັ່ງກ່າວແມ່ນສຳລັບໂຄງການສາທິດການພັດທະນາບ້ານແບບແຊມູນ ເຊິ່ງມີຈຸດປະສົງສົ່ງເສີມການຜະລິດໃນຊົນນະບົດໃນຊຸມຊົນທ້ອງຖິ່ນໃນບ້ານເປົ້າໝາຍ ເພື່ອໃຫ້ເຂົາເຈົ້າມີລາຍຮັບເພີ່ມຂຶ້ນ ກໍຄືເປັນການສົ່ງເສີມການພັດທະນາເສດຖະກິດ-ສັງຄົມຂອງຊາດໂດຍລວມ.ໂຄງການດັ່ງກ່າວຈະໄດ້ຈັດຕັ້ງປະຕິບັດຢູ່ສາມບ້ານເປົ້າໝາຍຄື ບ້ານດົງວັງໂພ, ທ່າເດື່ອ ສິງຫອມ ແລະ ໝາກຄ້ຽວ ເມືອງປາກງື່ມ ນະຄອນຫຼວງວຽງຈັນ.ອ່ານຕໍ່ ...

ສູນຝຶກອົບຮົມການພັດທະນາຊົນະບົດ ລາວ-ເກົາຫຼີ (LKRDTC) ໄດ້ຈັດກິດຈະກຳຝຶກອົບຮົມກ່ຽວກັບການພັດທະນາຊົນນະບົດໃຫ້ແກ່ປະຊາຊົນຫຼາຍກວ່າ 1,000 ຄົນແລ້ວນັບແຕ່ເລີ່ມໂຄງການມາແຕ່ປີ 2016. ໂດຍນຳໃຊ້ການລິເລີ່ມ ແຊມູນ ອຸນດອງ ຫຼື ຂະບວນການພັດນາຊຸມຊົນແບບໃໝ່,  LKRDTC ໄດ້ສະແດງໃຫ້ເຫັນທ່າແຮງຂອງການຝຶກອົບຮົມ ເພື່ອສ້າງກ້ອນກຳລັງຂັບເຂື່ອນການພັດທະນາຊົນນະບົດ.ອ່ານຕໍ່ ...

ເຈົ້າໜ້າທີ່ລະດັບສູງຂອງລັດຖະບານ ແລະ ບັນດາຄູ່ຮ່ວມພັດທະນາ ເຂົ້າຮ່ວມກອງປະຊຸມທີ່ວຽງຈັນໃນວັນພະຫັດແລ້ວນີ້ ເພື່ອທົບທວນກ່ຽວກັບການຮ່ວມມືທາງດ້ານການຊ່ວຍເຫຼືອເພື່ອການພັດທະນາຢ່າງເປັນທາງການ (ODA) ລະຫວ່າງລາວ ແລະ ສາທາລະນະລັດເກົາຫຼີ.ເຂົ້າຮ່ວມໃນກອງປະຊຸມດັ່ງກ່າວມີທ່ານ ປອ ກິແກ້ວ ຈັນທະບູລີ ຮອງລັດຖະມົນຕີກະຊວງແຜນການ ແລະ ການລົງທຶນ ແລະ ທ່ານ ປອ ຊັງ ຮຸນ ຜູ້ຕາງໜ້າໜ່ວຍງານ ODA ປະເທດເກົາຫຼີ.ອ່ານຕໍ່ ...

ທ່ານ ມຸນ ແຈອິນ ປະທານນາທິບໍດີ ແຫ່ງສາທາລະນະລັດເກົາຫຼີກ່າວຕໍ່ທ່ານ ທອງລຸນ ສີສຸລິດ ນາຍົກລັດຖະມົນຕີລາວ ທີ່ປະເທດສິງກະໂປໃນອາທິດນີ້ວ່າຈະເພີ່ມທະວີການສະໜັບສະໜູນ ແລະ ຊ່ວຍເຫຼືອໃຫ້ແກ່ລາວ, ຕາມຂໍ້ມູນຈາກກະຊວງການຕ່າງປະເທດລາວ.ອ່ານຕໍ່ ...

(ຂປລ) ລັດຖະບານສາທາລະນະລັດເກົາຫຼີ ມອບເງິນບໍລິຈາກຈຳນວນ  282 ລ້ານວອນເກົາຫຼີ (ຫຼືປະມານ 249,329 ໂດລາສະຫະລັດ) ເພື່ອຊ່ວຍເຫຼືອໃນການປິ່ນປົວຂັ້ນພື້ນຖານສຳລັບເດັກນ້ອຍທີ່ມີບັນຫາດ້ານໂລກຫົວໃຈ ໃນພື້ນທີ່ປະສົບໄພນ້ຳຖ້ວມແຂວງອັດຕະປື ທາງພາກໃຕ້ຂອງລາວ.ອ່ານຕໍ່ ...

ສະມາຄົມເກົາຫຼີເພື່ອການແບ່ງປັນດ້ານສິລະປະວັດທະນະທຳ ໄດ້ມອບເຄື່ອງນຸ່ງຫົ່ມ, ເກີບ, ໂຕະ ແລະ ຕັ່ງ ເພື່ອຊ່ວຍເຫຼືອຜູ້ທຸກຍາກໃຫ້ແກ່ລັດຖະບານລາວ ເຊິ່ງມີມູນຄ່າກວ່າ 32 ຕື້ກີບ (3,894,720 ໂດລາສະຫະລັດ). ນອກນີ້ຍັງແນໃສ່ຊ່ວຍເຫຼືອບັນເທົາທຸກໄພພິບັດສຳລັບຜູ້ປະສົບເຄາະ ແລະ ຜູ້ດ້ອຍໂອກາດໃນຊົນນະບົດອ່ານຕໍ່ ...