ວຽງຈັນທາມສ໌

ວຽງຈັນ (ວຽງຈັນທາມສ໌) – ເສດຖະກິດຂອງແຂວງຈຳປາສັກຂອງລາວຂະຫຍາຍຕົວ 8.15% ໃນປີ 2018, 0.02% ຫຼາຍກວ່າຕົວເລກເປົ້າໝາຍທີ່ສະພາແຫ່ງຊາດຕັ້ງໄວ້ຢູ່ທີ່ 8.13 %.ລວມຍອດຜະລິດຕະພັນພາຍໃນ (GDP) ບັນລຸ 19,142 ຕື້ກີບ ຫຼື 115.63% ທຽບກັບປີເປົ້າໝາຍປີ 2018 ທີ່ 16,554 ຕື້ກີບ, ຂະນະທີ່ລາຍຮັບຕໍ່ຫົວຄົນສະເລ່ຍຕໍ່ຈຳປີແມ່ນຢູ່ທີ່ US$3,153 ໂດລາ – ເພີ່ມຂຶ້ນ US$294 ໂດລາ, ທ່ານ ປອ ບຸນທອງ ດີວິໄຊ ເຈົ້າແຂວງຈຳປາສັກລາຍງານໃນກອງປະຊຸມສະພາປະຊາຊົນແຂວງ.More  ...

ວຽງຈັນ (ວຽງຈັນທາມສ໌/ANN) – ລາວສັນຍາວ່າຈະສືບຕໍ່ຮ່ວມມືກັບບັນດາຄູ່ຮ່ວມງານສາກົນເພື່ອຜະເຊີນກັບສິ່ງທ້າທາຍໃນການບັງຄັບໃຊ້ກົດໝາຍວ່າດ້ວຍສັດປ່າ ຍ້ອນວ່າປະເທດລາວຍັງມີຄວາມສ່ຽງກ່ຽວກັບການຄ້າຂາຍສັດປ່າຜິດກົດໝາຍ.ອ່ານຕໍ່  ...

ທຸລະກິດທີ່ກ່ຽວຂ້ອງກັບການທ່ອງທ່ຽວຄວນໄດ້ຮັບການປັບປຸງເພື່ອຮອງຮັບນັກທ່ອງທ່ຽວຈາກຈີນທີ່ຈະເພີ່ມຂຶ້ນ ຕາມການຄາດຄະເນຂອງລັດຖະບານໃນປີນີ້, ຕາມຂໍ້ມູນຈາກຫົວໜ່ວຍທຸລະກິດຊັ້ນນຳ.ທ່ານ ດາວວອນ ພະຈັນທະວົງ ຮອງປະທານສະພາການຄ້າ ແລະ ອຸດສາຫະກຳແຫ່ງຊາດລາວ ກ່າວຜ່ານສຳນັກຂ່າວວຽງຈັນທາມສ໌ໃນອາທິດແລ້ວນີ້ວ່າ ທຸລະກິດໂຮງແຮມ, ຮ້ານອາຫານ, ບ້ານພັກ ແລະ ຕົວແທນທ່ອງທ່ຽວຄວນທຳການປັບປຸງການໃຫ້ບໍລິການໃຫ້ແທດເໝາະກັບລາຄາຕາມລະດັບຄາດໝາຍຂອງນັກທ່ອງທ່ຽວຈີນ.ອ່ານຕໍ່ ...

ລັດຖະບານໄດ້ມີການຫາລືທາງດ້ານນະໂຍບາຍ ແລະ ອະນຸມັດແຜນບູລິມະສິດສຳລັບປີນີ້ ເພື່ອສູ້ຊົນຂັນເຂື່ອນປະເທດຕາມເສັ້ນທາງການຂະຫຍາຍຕົວຂອງເສດຖະກິດທີ່ເໝາະສົມ.ຕາມການເປີດເຜີຍຂອງສຳນັກງານນາຍົກລັດຖະມົນຕີຕໍ່ສື່ມວນຊົນ, ກອງປະຊຸມປະຈຳເດືອນຂອງລັດຖະບານ ເຊິ່ງໄດ້ຈັດຂຶ້ນໃນວັນທີ 24 ແລະ 25 ມັງກອນນີ້ ພາຍໃຕ້ການນຳພາຂອງທ່ານ ທອງລຸນ ສີສຸລິດ ນາຍົກລັດຖະມົນຕີ, ໄດ້ມີການຫາລີຂໍ້ສະເໜີຈຳນວນໜຶ່ງ ແລະ ມີການອະນຸມັດແຜນວາລະກິດຈະກຳທີ່ຈະດຳເນີນໂດຍລັດຖະບານສຳລັບປີນີ້.ອ່ານຕໍ່ ...

ລັດຖະບານລາວ ແລະ ຈີນໄດ້ທຳການເປີດຕົວປີທ່ອງທ່ຽວລາວ-ຈີນ 2019 ໃນວັນສຸກທີ່ຜ່ານມາ ທີ່ນະຄອນຫຼວງວຽງຈັນ. ທ່ານປະທານປະເທດລາວ ບຸນຍັງ ວໍລະຈິດ ແລະ ທ່ານ ຊີ ຈິນປິງ ປະທານປະເທດຈີນ ໄດ້ສົ່ງສານສະແດງຄວາມຍິນດີເຊິ່ງກັນແລະກັນ ເພື່ອເປັນການສົ່ງເສີມການຮ່ວມມືດ້ານການທ່ອງທ່ຽວ.ອ່ານຕໍ່ ...

ລັດຖະຍານຄາດວ່າຈຳນວນທຶນຊ່ວຍເຫຼືອຈາກຕ່າງປະເທດທີ່ຄາດວ່າຈະໄດ້ຮັບໃນປີນີ້ຈະຫຼຸດລົງຫຼາຍ, ດັ່ງນັ້ນລາວຈະຕ້ອງຫັນປ່ຽນນະໂຍບາຍເພື່ອສ້າງຄວາມຍືນຍົງໃນການສ້າງລາຍຮັບ.ອີງຕາມແຜນພັດທະນາເສດຖະກິດສັງຄົມ 2019, ລັດຖະບານຄາດວ່າຈະໄດ້ຮັບທຶນຊ່ວຍເຫຼືອຈາກຄູ່ຮ່ວມພັດທະນາເປັນມູນຄ່າປະມານ 2,065 ຕື້ກີບ (ຫຼືປະມານ US$240 ລ້ານໂດລາ) ໃນປີນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທ່ານ ທອງລຸນ ສີສຸລິດ ນາຍົກລັດຖະມົນຕີ ກ່າວຕໍ່ຂະແໜງທຸລະກິດວ່າ ລັດຖະບານຈະພິຈາລະນາທຸກໆຄຳແນະນຳ ແລະ ຄຳຄິດເຫັນໂດຍຊອບທຳຈາກຂະແໜງການ ແລະ ສາທາລະນະຊົນ ກ່ອນຈະອອກນະໂຍບາຍສົ່ງເສີມທຸລະກິດ.ທ່ານນາຍົກໄດ້ໃຫ້ຄຳເຫັນດັ່ງກ່າວໃນກອງປະຊຸມປະຈຳປີຂອງສະພາການຄ້າ ແລະ ອຸດສາຫະກຳແຫ່ງຊາດລາວ (LNCCI), ເນື່ອງໃນໂອກາດການສ້າງຕັ້ງສະພາຄົບຮອບ 30 ປີ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ນັກລົງທຶນ ແລະ ນັກທຸລະກິດໃນລາວຈະບໍ່ປະສົບຄວາມຫຍຸ້ງຍາກໃນການຈົດທະບຽນທຸລະກິດອີກຕໍ່ໄປ ຍ້ອນວ່າກະຊວງອຸດສາຫະກຳ ແລະ ການຄ້າມີແຜນໃໝ່ໃນການຫຼຸດຜ່ອນໄລຍະເວລາການຈົດທະບຽນທຸລະກິດໃຫ້ເປັນພາຍໃນ 10 ວັນ.ທ່ານ ນາງ ເຂັມມະນີ ພົນເສນາ ລັດຖະມົນຕີ ກະຊວງອຸດສາຫະກຳ ແບະ ການຄ້າ ໄດ້ອອກຂໍ້ຕົກລົງກ່ຽວກັບການຈົດທະບຽນທຸລະກິດໃນວັນທີ 9 ມັງກອນນີ້ ແລະ ມາດຕະການດັ່ງກ່າວຈະມີຜົນບັງຄັບໃຊ້ຕັ້ງແຕ່ວັນທີ 1 ກຸມພານິ້ເປັນຕົ້ນໄປ.ອ່ານຕໍ່ ...

ການຮັບປະກັນວ່າສິ່ງແວດລ້ອມທາງທຳມະຊາດຂອງລາວຈະບໍ່ຖືກລົບກວນ ແມ່ນສິ່ງສຳຄັນໃນການດຶງດູດນັກທ່ອງທ່ຽວ, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີກ່າວໃນການຢ້ຽມຢາມຖ້ຳນ້ຳລອດເຊບັ້ງໄຟ ແລະ ຖ້ຳກອງຫຼໍ່ ທີ່ແຂວງຄຳມ່ວນໃນຕົ້ນອາທິດນີ້.ອ່ານຕໍ່  ...

ເຈົ້າໜ້າທີ່ສາທາກ່າວວ່າ ຄລີນິກເອກະຊົນ ຂະໜາດນ້ອຍຈຳນວນໜຶ່ງທີ່ເປັນເຈົ້າຂອງ ຫຼື ດຳເນີນໂດຍຊາວຕ່າງປະເທດຈະຖືກສັ່ງປິດພາຍໃນທ້າຍປີນີ້ ຫຼັງຈາກທີ່ພົບວ່າເຂົາເຈົ້າລະເມີດຕໍ່ລະບຽບການ.ຄຳສັ່ງປິດດັ່ງກ່າວຈະເປັນການຫຼຸດຜ່ອນຄຳຮ້ອງຮຽນຂອງປະຊາຊົນຜ່ານກົມກອງ. ນອກຈາກນີ້ ຍັງເປັນການຕັກເຕືອນກ່ຽວກັບການໂຄສະນາເກີນຈິງຂອງບັນດາຄລີນິກເອກະຊົນຂອງຕ່າງປະເທດທີ່ມີມາຢ່າງຕໍ່ເນື່ອງ.ອ່ານຕໍ່ ...