ການທ່ອງທ່ຽວ

ແຂວງຈຳປາສັກ, ຫຼວງພະບາງ, ຊຽງຂວາງ ແລະ ແຂວງວຽງຈັນ ແມ່ນສະຖານທີ່ທ່ອງທ່ຽວຍອດນິຍົມອັນດັນຕົ້ນໆໃນຍາມໜາວ ຕາມຂໍ້ມູນຈາກຜູ້ປະກອບການທ່ອງທ່ຽວ.ພະນັກງານທ່ອງທ່ຽວ ກຣິນດິສໂຄເວຣີ ລາຍງານຕໍ່ໜັງສືພິວຽງຈັນທາມສ໌ວ່າ ນັກທ່ອງທ່ຽວຕ່າງປະເທດມັກເດີນທາມາທ່ອງທ່ຽວແຂວງເຫຼົ່ານີ້ໃນຍາມລະດູໜາວ. ສ່ວນຢູ່ແຂວງຈຳປາສັກ ນັກທ່ອງທ່ຽວມັກໄປຢ້ຽມຊົມຄອນພະເພັງ, ຕາດຟານ ແລະ ຕາດເຍືອງ ຍ້ອນວ່າມີກິດຈະກຳພະຈົນໄພຫຼາຍຢ່າງທີ່ໜ້າສົນໃຈ.ອ່ານຕໍ່ ...

ທ່ານນາຍົກ ທອງລຸນ ສີສຸລິດ ກ່າວວ່າລັດຖະບານຈະເພີ່ມຄວາມພະຍາຍາມໃນການສົ່ງເສີມການທ່ອງທ່ຽວ ພາຍໃຕ້ທ່າແຮງດ້ານອຸດສາຫະກຳ ເພື່ອສ້າງຄວາມເຂັ້ມແຂງທາງດ້ານເສດຖະກິດ.ທ່ານຍັງໄດ້ເພີ່ມເຕີມວ່າ ພາລະກິດເລັ່ງດ່ວນທີ່ຕ້ອງປະຕິບັດກໍຄືການລຶບລ້າງສິ່ງທີ່ເປັນອຸປະສັກຕໍ່ການທ່ອງທ່ຽວ ເພື່ອອຳນວຍຄວາມສະດວກໃນການເດີນທາງທ່ອງທ່ຽວຂອງນັກທ່ອງທ່ຽວ.ອ່ານຕໍ່ ...

ອຳນາດການປົກຄອງທົ່ວປະເທດ ກຳລັງກະກຽມກິດຈະກຳເພື່ອນັບຖອຍຫຼັງຕ້ອນຮັບປີໃໝ່ທີ່ຈະມາເຖິງ ເພື່ອເປັນການສົ່ງເສີມການທ່ອງທ່ຽວ ແລະ ຕ້ອນຮັບປີທ່ອງທ່ຽວລາວ-ຈີນ 2019.ກິດຈຳກຳຕ່າງໆຈະໄດ້ຈັດຂຶ້ນຢູ່ທີ່ອາຊຽນມໍ, ສວນເຈົ້າອານຸວົງ ແລະ ປະຕູໄຊ ໃນວັນທີ 30-31 ທັນວານີ້ ເພື່ອສະເຫຼີມສະຫຼອງປີທ່ອງທ່ຽວ ແລະ ເພື່ອສ້າງບັນຍາກາດຄຳນັບຮັບຕ້ອນປີທ່ອງທ່ຽວລາວ-ຈີນ 2019 ຕາມການເປີດເຜີຍຕໍ່ສື່ມວນຊົນຂອງທ່ານ ຄຳປະດິດ ເຂັມມະນິດ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວນະຄອນຫຼວງວຽງຈັນ.ອ່ານຕໍ່  ...

(ຂປລ) ທະນາຄານພັດທະນາອາຊີ – ADB – ມອບທຶນຊ່ວຍເຫຼືອລ້າຈຳນວນ 9 ລ້ານໂດລາສະຫະລັດເພື່ອຍົກລະດັບຖະໜົນເຂົ້າເຖິງຖ້ຳຈອມອົງ, ໜຶ່ງໃນສະຖານທີ່ທ່ອງທ່ຽວທີ່ມີຊື່ສຽງຂອງເມືອງໄຊ ແຂວງອຸດົມໄຊ.ຜ່ານໄລຍະເວລາ 1 ປີ, ການຍົກລະດັບຖະໜົນໄລຍະ 56 ກມ ເຮັດໄດ້ສຳເລັດ 10%. ແລະຄາດວ່າໂຄງການກໍ່ສ້າງຈະສຳເລັດສົມບູນພາຍໃນເດືອນທັນວາ 2019.ອ່ານຕໍ່ ...

ກະຊວງສຶກສາທິການ ແລະ ກິລາວາງແຜນດຳເນີນງານໃນປີໜ້າ ສຳລັບໂຄງການການສ້າງທັກສະດ້ານການທ່ອງທ່ຽວ, ພາຍໃຕ້ການສະໜັບສະໜູນທຶນຮ່ວມລະຫວ່າງລັດຖະບານລາວ, ລຸກຊຳບວກ ແລະ ສະວິດເຊີແລນ.ໂຄງການດັ່ງກ່າວຈະຈັດຕັ້ງປະຕິບັດໂດຍກະຊວງສຶກສາທິການ ແລະ ກິລາ ແລະ ອົງການຮ່ວມມືເພື່ອການພັດທະນາແຫ່ງປະເທດລຸກຊຳບວກ.ອ່ານຕໍ່ ...

ເຈົ້າໜ້າທີ່ລັດຖະບານ ແລະ ຄູ່ຮ່ວມພັດທະນາຈະສືບຕໍ່ຮ່ວມມືໃນການຍົກລະດັບຄຸນນະພາບຂອງຜະລິດຕະພັນການທ່ອງທ່ຽວຕາມລຳແມ່ນ້ຳຂອງໃນລາວ. ກອງປະຊຸມສຳມະນາເພື່ອທົບທວນກິດຈະກຳການທ່ອງທ່ຽວຕາມລຳແມ່ນ້ຳຂອງ ໄດ້ຈັດຂຶ້ນທີ່ເມືອງປາກແບງ ແຂວງອຸດົມໄຊ ໃນວັນທີ 17-18 ທັນວານີ້ ພາຍໃຕ້ການສະໜັບສະໜູນຂອງໂຄງການ RELATED ແລະ GIZ.ອ່ານຕໍ່ ...

ນັກທ່ອງທ່ຽວທັງພາຍໃນ ແລະ ຕ່າງປະເທດຈະຮັບຄວາມບັນເທິງຄົບລົດຈາກກິດຈະກຳຫຼາກຫຼາຍສີສັນໃນງານບຸນພະທາດອີງຮັງ ທີ່ເມືອງໄກສອນພົມວິຫານ ແຂວງສະຫວັນນະເຂດທີ່ຈະມີຂື້ນໃນອາທິດໜ້ານີ້.ບຸນພະທາດອີງຮັງຈະຈັດຂື້ນແຕ່ວັນທີ 17-22 ທັນວາປີນີ້ ເຊິ່ງອຳນາດການປົກຄອງທ້ອງຖິ່ນໄດ້ກຽມການເປັນພິເສດໃນປີນີ້ ເພື່ອສົ່ງເສີມປີທ່ອງທ່ຽວລາວ 2018.ອ່ານຕໍ່ ...

ຈຳນວນນັກທ່ອງທ່ຽວລວມຂອງລາວໃນປີນີ້ ຄາດວ່າຈະມີພຽງປະມານ 4 ລ້ານຄົນ, ເຊິ່ງຫຼຸດລະດັບຄາດໝາຍທີ່ຕັ້ງໄວ້ຂອງລັດຖະບານຢູ່ທີ່ປະມານ 5 ລ້ານຄົນສຳລັບປີທ່ອງທ່ຽວລາວ 2018, ຕາມການເປີດເຜີຍຂອງທ່ານລັດຖະມົນຕີໃນທີ່ປະຊຸມສະພາແຫ່ງຊາດ. ສາເຫດຂອງການຫຼຸດລົງຂອງນັກທ່ອງທ່ຽວລວມມີ ໄພທຳມະຊາດທີ່ເກີດໃນຫຼາຍແຂວງທົ່ວປະເທດ ໄດ້ສົ່ງຜົນໂດຍກົງຕໍ່ການທ່ອງທ່ຽວ, ການພັດທະນາສິ່ງອຳນວຍຄວາມສະດວກໃນການທ່ອງທ່ຽວຍັງບໍ່ທັນພຽງພໍ, ແລະ ຄວາມຊັກຊ້າໃນການພັດທະນາພື້ນຖານໂຄງລ່າງ ເຊັ່ນ ຖະໜົນເຂົ້າເຖິງສະຖານທີ່ທ່ອງທ່ຽວ ຍ້ອນງົບປະມານບໍ່ພຽງພໍ,ອ່ານຕໍ່ ...

ອຳນາດການປົກຄອງແຂວງຫຼວງພະບາງຈະຈັດກິດຈະກຳຂີ່ລົດຖີບ ແລະ ວັດທະນະທຳເພື່ອດຶງດູດນັກທ່ອງທ່ຽວໃນກາງເດືອນທັນວາ. ກິດຈະກຳດັ່ງກ່າວຈະເປັນກິດຈະກຳສົ່ງທ້າຍປີທ່ອງທ່ຽວລາວ 2018 ຂອງນະຄອນຫຼວງພະບາງ.ອ່ານຕໍ່ ...

ຈຳນວນນັກທ່ອງທ່ຽວຕ່າງປະເທດທີ່ເຂົ້າມາທ່ຽວລາວຄາດວ່າຈະມີປະມານ 4 ລ້ານຄົນໃນປີນີ້, ເຊິ່ງບໍ່ໄດ້ຕາມເປົ້າໝາຍຂອງລັດຖະບານຄື 5 ລ້ານຄົນ, ອີງຕາມການລາຍງານຂອງເຈົ້າໜ້າທີ່ຮັບຜິດຊອບຕິດຕາມຕົວເລກການທ່ອງທ່ຽວ.ເຈົ້າໜ້າທີ່ພະແນກວິໄຈ ແລະ ຄຸ້ມຄອງການທ່ອງທ່ຽວ ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວເປີດເຜີຍວ່າຕົວເລກນັກທ່ອງທ່ຽວເພີ່ມຂຶ້ນເຖິງ 2.9 ລ້ານຄົນ ຫຼື 3.2% ເມື່ອທຽບປີຕໍ່ປີ ໃນຊ່ວງເກົ້າເດືອນຕົ້ນປີ 2018.ອ່ານຕໍ່ ...